Heilsuhreysti - Sjúkraþjálfun

14/03/2025

Stjórn Félags sjúkraþjálfara lýsir yfir afstöðu sinni í meðfylgjandi yfirlýsingu um notkun hnykkmeðferða og liðlosunar fyrir ungabörn (0-2 ára), börn (2-12 ára) og unglinga (13-18 ára). Yfirlýsinguna í heild má nálgast í athugasemd hér að neðan.

10/02/2025

Sjúkraþjálfara bráðvantar í Fjarðabyggð. Ég hef pláss fyrir metnaðarfullan sjúkraþjálfara í 100% starf. Heilsuhreysti er staðsett á Reyðarfirði og hefur verið starfandi frá 2011. Stofan samanstendur m.a. af tveimur meðferðarherbergjum, björtum og góðum æfingasal, auk rúmgóðrar biðstofu. Útsýni er einstakt, bæði úr meðferðarherbergjum og úr æfingasal, yfir fallegasta fjallahring landsins. Sanngjörn aðstöðugjöld.

Frekari upplýsingar gefur Sigurjón á heilsuhreysti@simnet.is

23/01/2024

Beiðnakerfið gerir lítið annað en að flækja ferlið og auka kostnað fyrir alla aðila. Sérstaklega þar sem beiðnin er bara formsatriði og fyrirmæli læknis um meðferð, skiljanlega, er í lang flestum tilfellum "að mati sjúkraþjálfara".

Kári Árnason, sjúkraþjálfari telur ljóst að það þurfi að breyta kerfinu þegar kemur að beiðnum frá heilsugæslu til sjúkraþjálfara. Hann sagði í Bítinu í morgun tregðu einhvers staðar í kerfinu við að breyta þessu og um væri að ræða óþarfa flækju.