Sofðu rótt

09/04/2022

Við erum farnar að bjóða upp á einstaklingsráðgjöf!
Ef þið hafið frekari spurningar út í ferlið ekki hika við að senda okkur tölvupóst á sofdu.rott21@gmail.com eða skilaboð á facebook eða instagram :)

09/04/2022

Ekki missa af páskatilboðinu!

23/03/2022

Dagsetningar komnar fyrir næstu námskeið! 🎉

Skráning fer fram í gegnum link sem má finna í bio eða með því að senda póst á sofdu.rott21@gmail.com.

Hlökkum til að sjá ykkur!

03/03/2022

01/03/2022

Mörg halda að svefnþjálfun feli í sér að barnið gráti sig í svefn nokkrar nætur í röð... og hún getur vissulega verið þannig.
Við kennum foreldrum hinsvegar aðferðir til að kenna barninu að sofa sem best og sofna sjálft án þess nokkur þurfi að vera með tárin í augunum

13/02/2022

Kynning á konunum á bakvið Sofðu rótt:

Dísa

-Ég er þroskaþjálfi og atferlisfræðingur að mennt.
-Ég starfa núna á Ráðgjafar- og greiningarstöð þar sem ég sinni ráðgjöf vegna barna með þroskafrávik á aldrinum 2-6 ára.
-Ég hef unnið með fólki með þroskafrávik á öllum aldri síðan ég var 18 ára, meðal annars í leikskóla, á skammtímavistun, í íbúðakjarna og á frístundaheimili.
-Ég glímdi sjálf við svefnvanda sem barn og unglingur, sem fór ekki að lagast fyrr en eftir töluverða vinnu á fullorðinsárum. Upp frá því má segja að áhugi minn á því að aðstoða foreldra með svefnvanda barna sinna hafi kviknað.
-Ég er frekar nýlega útskrifuð úr meistaranámi svo það hefur ekki gefist mikill tími fyrir áhugamál síðustu tvö ár eða svo, en mér finnst gaman að spila, eyða tíma með vinkonum, lesa góðar bækur og leika við kettina mína.

13/02/2022

Voruð þið búin að hlusta á Dísu segja frá vinnustofunni okkar í viðtali á K100 á miðvikudaginn?

Ef það eru einhverjar spurningar varðandi vinnustofuna þá er velkomið að senda skilaboð á messenger eða tölvupóst í sofdu.rott21@gmail.com

Ennþá laus pláss á næstu vinnustofur, 22.feb og 9.mars 👏 Eru á kynningarverði, 9900kr fyrir einstakling og 14900kr fyrir foreldrapar! Verður á zoom!
Skráning hér:
https://docs.google.com/forms/d/e/1FAIpQLSceLUHnNiykI_Xjvhp0P1lE9If7_GjP335PPptVQcRym-KBGg/viewform?usp=sf_link

09/02/2022

Dísa fór í spjall í Ísland vaknar á í morgun að tala um svefnvinnustofuna okkar 👏

https://k100.mbl.is/brot/spila/13306/

K100 er útvarpsstöð sem spilar allt það besta í popptónlist. Hlustið á FM 100,5 - eða hlustið og horfið á netinu og í Sjónvarpi Símans.

07/02/2022

Við bjóðum upp á eftirfylgd í kjölfar vinnustofunnar!

Foreldrar skrá í svefndagbók viku fyrir vinnustofuna og er boðið upp á eftirfylgd í gegnum svefndagbókina í viku eftir vinnustofuna til að fá endurgjöf á hvernig gengur í kjölfar breytinganna!
Það getur verið gríðarlega mikilvægt upp á að grípa fljótt inn í!

07/02/2022

Skráning hafin á næstu tvö námskeið! Takmarkaður fjöldi!

Á vinnustofunni verður fjallað um svefnvanda barna á aldrinum 2-7 ára.

Á námskeiðinu fá þátttakendur fræðslu um svefnvanda barna, kennslu í að greina hver svefnvandi barnsins er og mögulegar lausnir við honum. Þátttakendur ganga út af vinnustofunni með áætlun um hvernig hægt er að bregðast við svefnvandanum sem um ræðir en fara jafnframt með verkfæri í höndunum til að takast á við svefnvanda síðar meir eða hjá fleiri börnum á þessu aldursbili.

Krafa er um að þátttakendur fylli út í svefndagbók fyrir barn vikuna fyrir námskeið og svo áfram í viku í kjölfar námskeiðsins og breytinganna sem þau gera til að breyta svefnvenjum barnsins. Kennarar á námskeiðinu veita eftirfylgd og endurgjöf á það sem er sett í svefndagbókina í viku eftir námskeiðið. Námskeiðið nýtist þátttakendum því best ef þau fylla út svefndagbókina jafnóðum og gera breytingar strax í kjölfar námskeiðsins.

Öll velkomin!
Kynningarverð á næstu tveimur námskeiðum!
Skráning hér: https://forms.gle/5v12KsbT2oSPjNiY7

07/02/2022

Kynning á konunum á bak við Sofðu rótt:

Rakel

Ég er þroskaþjálfi og atferlisfræðingur að mennt.

Ég starfa núna hjá Ráðgjafar og greiningarstöð sem ráðgjafi barna með þroskafrávik og fjölskyldna þeirra á aldrinum 2-18 ára.

Ég hef mikla reynslu af vinnu með fólki með þroskafrávik og hef meðal annars starfað á leikskóla, heimili fólks, skammtímavistun og frístundaheimili.

Þá var ég líka stuðningsfjölskylda fyrir eina dásamlega dömu í nokkur ár.

Síðast en ekki síst er ég eiginkona og móðir. Ég á tveggja ára, kraftmikinn strák sem lætur foreldra sína sko alveg hafa fyrir sér. Hann er barn sem hefur bæði átt mjög góð svefn tímabil en önnur þar sem hann var með svefnvanda.

Ég hef því bæði reynslu af vinnu með svefnvanda sem ráðgjafi og af eigin skinni sem foreldri. Ég veit því vel að þetta getur verið mjög flókið og krefjandi.

Þess utan æfi ég crossfit, hef gaman af útivist, ferðalögum, góðum vegan mat og hef mjög gaman af því að spila.