Líf og sál sálfræði- og ráðgjafaþjónusta

02/02/2026

Nýja skrifstofan hennar Kötlu Marínar er öll að smella saman. Starfsfólk Lífs og sálar hefur í sameiningu skrúfað saman húsgögn og borað í veggi á milli viðtala. Alvöru samvinna hér á ferð ❤️💜

29/01/2026

Hvernig sköpum við góða liðsheild? 🤝✨Allt um það í mola dagsins.

Við hjá Líf og sál bjóðum meðal annars upp á fræðslu um góða liðsheild, áhugasömum er velkomið að senda tölvupóst á lifogsal@lifogsal.is eða hringja í okkur ☎️

27/01/2026

Katla Marín er nýr sálfræðingur hjá Líf og sál.

Í starfi sínu sinnir hún meðferð og ráðgjöf fyrir bæði einstaklinga og fyrirtæki. Katla beitir gagnreyndum aðferðum í sálfræðimeðferð og styðst fyrst og fremst við hugræna atferlismeðferð (HAM). Hún vinnur með fjölþættan vanda svo sem þunglyndi, kvíða, lágt sjálfsmat, streitu, kulnun og tilfinningavanda. Einnig sinnir hún málefnum tengdum sálfélagslegu öryggi á vinnustöðum og öðru sem lýtur að líðan fólks í starfsumhverfi þess. 

Katla Marín lauk MSc í klínískri sálfræði frá Háskólanum í Reykjavík árið 2024 og BSc í sálfræði frá sama háskóla árið 2019. Katla Marín hefur einnig lokið 60 einingum í meistaranámi í Öldrunarfræði við Háskóla Íslands. Áður hefur Katla starfað sem sálfræðingur á Landspítalanum í Þunglyndis- og kvíðateyminu (ÞOK), stuðningsúrræðinu Byggjum brú og Öldrunargeðteymi. Vegna reynslu á Landspítalanum hefur hún mikla reynslu á að vinna með fólki í sjálfsvígshættu. 

Við bjóðum Kötlu hjartanlega velkomna til liðs við Líf og sál ❤️💜

21/01/2026

Hvað er staðfestingarhneigð? 🤔

16/01/2026

Í tilefni þess að EM í handbolta hefst í dag er kjörið að rifja upp skoðun Andra frá 2021. Íþróttir eru ekki bara um styrk líkamans, hugurinn skiptir öllu máli. Tölum um kvíða, pressu og það að leita hjálpar 🤝

Við lifum á tímum þar sem umræða um andlega heilsu er orðin sjálfsögð sem betur fer. En ég tel að við þurfum að opna meira á umræðuna um andlega líðan íþróttafólks og velta fyrir okkur úrræðum fyrir þennan hóp.

14/01/2026

Finnst þér heimurinn oft vera vondur staður og allt á hraðri niðurleið?

08/01/2026

Ertu orkuminni í myrkrinu? 🌚

07/01/2026

Nokkrar góðar 📸 frá 2025!

05/01/2026

Það er ávallt við hæfi þegar áramót nálgast að líta um öxl, gleðjast yfir góðum stundum og draga lærdóm af því sem betur má fara.

Árið 2025 var afar viðburðarríkt hjá Líf og sál og markaðist fyrst og fremst af stórum áfanga, 25 ára starfsafmæli.

Í apríl héldum við upp á afmælið í veislusalnum Tunglinu þar sem starfsfólk, fjölskyldur og velunnarar komu saman og fögnuðu með okkur. Þar var einnig boðið upp á fróðleg og skemmtileg erindi um mannauðsmál í fortíð, nútíð og framtíð. Það var dýrmætt að staldra við, horfa til baka og finna um leið innblástur til framtíðar.

Þrátt fyrir langa sögu og mikla reynslu leggjum við ríka áherslu á að halda áfram að þróast og læra. Á árinu lögðum við sérstaka áherslu á endurmenntun starfsfólks, meðal annars með þátttöku í vinnusálfræðiráðstefnu í Prag í maí, sem var bæði lærdómsrík og styrkjandi fyrir hópinn.

Í september áttum við frábæran starfsdag í Hveragerði þar sem faglegt samtal, samvera og gleði fóru saman. Haustið var svo viðburðaríkt, við tókum þátt í Mannauðsdeginum líkt og fyrri ár og buðum upp á vel sótt námskeið í EKKO-málum með góðum samstarfsaðila okkar, Ståle Einarssen.

Endurmenntun hélt áfram út árið, meðal annars með námskeiði í nýjustu EKKO-málum erlendis í nóvember.

Samhliða þessu höfum við unnið að því að bæta sýnileika okkar út á við á samfélagsmiðlum og þar hafa nýir og leyndir hæfileikar litið dagsins ljós 😉

Einnig bættist nýtt starfsfólk í hópinn sem hefur smollið einstaklega vel inn og styrkt teymið enn frekar.

Við erum stolt af ferðinni, þakklát fyrir fólkið okkar og hlökkum til næstu skrefa.

Takk fyrir árið 2025! 2026, við erum tilbúin ✨

01/01/2026

Gleðilegt nýtt ár ✨
2025 var ár þar sem við litum um öxl með þakklæti og fram á veginn með forvitni.
Á árinu fagnaði Líf og sál 25 ára afmæli, hélt áfram að læra, þróast og styrkja hópinn🩵
Við hlökkum til alls þess sem 2026 færir.

28/12/2025

Hvernig líður þér um hátíðarnar? 🫶

23/12/2025

Gleðileg jól frá Líf og sál 🎄
Hátíðirnar mega vera eins og þú þarft á þeim að halda. Rólegar, gleðilegar, ófullkomnar og mannlegar 💕