Þjónustu- og þekkingarmiðstöð

17/09/2025

Sjónstöðin auglýsir námskeið í ACT fyrir notendur sína á aldrinum 25-67 ára.

Sjónstöðin auglýsir námskeið í ACT fyrir notendur sína á aldrinum 25-67 ára.

01/09/2025

Sjónstöðin verður lokuð til klukkan 12:30 á morgun, þriðjudaginn 2. september.

Sjónstöðin verður lokuð þriðjudaginn 2. september til klukkan 12:30 vegna starfsdags.

25/08/2025

Við minnum á skráningu á námskeið um notkun, umhirðu, og þjálfun leiðsöguhunda, fyrir þau sem hyggjast sækja um leiðsöguhund. Síðasti dagur skráningar er miðvikudagurinn 27. ágúst. Hægt er að skrá sig á námskeiðið hjá Sjónstöðinni í síma 545-5800 eða með tölvupósti sjonstodin@sjonstodin.is .

Námskeið fyrir blint og sjónskert fólk um notkun, umhirðu og þjálfun leiðsöguhunda, sem er skilyrði þess að eiga inni virka umsókn um leiðsöguhund. Haldið á myndfundi í september.

21/08/2025

Sjónstöðin býður háskólanemum og þeim sem hafa hug á háskólanámi til kynningarfundar um þjónustu Sjónstöðvar við háskólanemendur.

Sjónstöðin býður háskólanemum og þeim sem hafa hug á háskólanámi til kynningarfundar um þjónustu Sjónstöðvar við háskólanemendur.

18/08/2025

Sólheimar bjóða blindu og sjónskertu fólki ásamt maka/aðstandanda upp á orlofsdaga á Sólheimum (Bergheimum) 8.-12 september.

Sólheimar bjóða blindu og sjónskertu fólki ásamt maka/aðstandanda upp á orlofsdaga á Sólheimum (Bergheimum) 8.-12 september.

17/07/2025

Sjónstöðin verður lokuð vegna sumarleyfa frá mánudeginum 21. júlí fram yfir verslunarmannahelgi. Við opnum aftur 5. ágúst.

Sjónstöðin verður lokuð frá 21. júlí til og með 4. ágúst 2025 vegna sumarfría.

07/07/2025

Fyrirhugað er námskeið fyrir blint og sjónskert fólk um notkun, umhirðu og þjálfun leiðsöguhunda, sem er skilyrði þess að eiga inni virka umsókn um leiðsöguhund.

Fyrri hluti námskeiðsins verður haldið 3. september sem saman stendur m.a af fræðslu og samtali um grunnatriði hundaþjálfunar, umhirðu og umönnun hunda, þjálfunarferli o.fl.

Seinni hluti námskeiðsins verður haldið 16.-18 september, þá verður áframhaldandi fræðsla svo og verkleg kennsla þar sem þátttakendum gefst færi á að prófa leiðsöguhund undir leiðsögn hundaþjálfara.

Námskeiðið fer fram á ensku en starfsmaður frá Sjónstöðinni mun aðstoða með þýðingar fyrir þá sem vilja. Vinsamlegast setjið það í athugasemd við skráningu ef óskað er eftir aðstoð vegna þessa.

Staðsetning og tími:

Fyrri hluti 3. september kl. 13:00-16:00 í gegnum fjarfundarbúnað heima eða hjá Sjónstöðinni. Seinni hluti 16.-18 september í húsnæði Sjónstöðvarinnar að Hamrahlíð 17.

Leiðbeinendur eru leiðsöghundaþjálfarar frá Kustmarkens leiðsöghundaræktun í Svíþjóð

Hægt er að skrá sig á námskeiðið hjá Sjónstöðinni í síma 545-5800 eða með tölvupósti sjonstodin@sjonstodin.is . Síðasti dagur til skráningar er miðvikudagurinn 27.ágúst.

16/06/2025

Sjónstöðin fékk þann heiður að kynna starfsemina og módelið sem við störfum eftir. Eistneska félagsmálaráðuneytið hélt viðburð til að kynna hvernig við störfum á Íslandi til að skapa umræður um þjónustu við blinda og sjónskerta einstaklinga. Hér má sjá Linkedin færslu og myndir:
https://www.linkedin.com/posts/ministry-of-social-affairs-of-estonia_10-juunil-toimus-tallinnas-seminar-teenused-activity-7340268251605544961-R53F?utm_source=share&utm_medium=member_desktop&rcm=ACoAAAX7rZkBD5CTwm-V3_VuSYLtED6I4CX8c0k

03/06/2025

Í gær bárust þau gleðitíðindi að stofnunin með langa nafnið mun bera stutta nafnið, Sjónstöðin. En frá upphafi hefur þessi stofnun sem þjónustar blinda, sjónskerta og einstaklinga með samþætta sjón- og heyrnarskerðingu borið lengsta nafn stofnana á Íslandi. Alþingi samþykkti nafnabreytinguna með öllum greiddum atkvæðum þeirra þingmanna sem voru viðstaddir.

Við óskum notendum þjónustunnar og starfsfólki til hamingju með nafnið Sjónstöðin.

10/04/2025

Við minnum á að Sjónstöðin verður lokuð á skírdag, föstudaginn langa og annan í páskum. Gleðilega páska!

07/04/2025

Blindrafélagið hefur í samstarfi við Öryrkjabandalags Íslands (ÖBÍ) útbúið og birt ítarlegar leiðbeiningar um lagningu á leiðarlínum og athyglissvæðum innanhúss til að skapa gott aðgengi fyrir blint og sjónskert fólk.

Leiðarlínur eins og þær sem fjallað er um í leiðbeiningunum eru mikilvægur liður í því að bæta aðgengi fatlaðs fólks að samfélaginu. En aðgengi fyrir alla felur í sér að fatlað fólk geti lifað eins sjálfstæðu lífi og hægt er án hindrana.

Aðgengi er einmitt ein af stoðum samnings Sameinuðu þjóðanna um réttindi fatlaðs fólks, en lögfesting samningsins er nú til umræðu á Alþingi. Í 9. grein hans segir til að mynda að aðildarríki skuli „gera viðeigandi ráðstafanir til að tryggja fötluðu fólki aðgengi, til jafns við aðra, að efnislegu umhverfi sínu, samgöngum, upplýsingum og samskiptum“.

Leiðbeiningarnar sem Blindrafélagið og ÖBÍ hafa útbúið taka mið af ISO 23599:2019 um leiðarlínur og athyglissvæði og ÍSTN CEN/TR 17621:2021 um aðgengi og nothæfi manngerðs umhverfis þar sem það er tekið fram.

Leiðbeiningarnar má finna í slóðinni hér að neðan:
https://assets.ctfassets.net/8k0h54kbe6bj/66NSNmryVvWUfL37DTwr7E/fcd8892bb3f27dcb79ad542a0244d125/Lei%C3%B0beiningar_um_lei%C3%B0arl%C3%ADnur_og_athyglissv%C3%A6%C3%B0i-Blindraf%C3%A9lagi%C3%B0_og_%C3%96B%C3%8D-.pdf?fbclid=IwY2xjawJgnjtleHRuA2FlbQIxMAABHrThPkdmq5A8e_iwPno_35Tdldba3lE_AT2Ae9L5zNc1Lv1TkKo1u6j9fKV7_aem_GLyvQThzGmXWB7yPXO5Ssw

07/04/2025

Hér má sjá stutt myndband sem sýnir mikilvægi þess að merkja tröppur í skærum og áberandi litum.