Sjúkratryggingar

25/02/2026

Verulega umbætur hafa verið gerðar á starfsemi Sjúkratrygginga sem skilað hafi aukinni skilvirkni og eflingu lykilþátta í starfsemi stofnunarinnar.

Nýtt skipurit hefur verið samþykkt hjá Sjúkratryggingum sem felur í sér fækkun skipulagseininga þar sem dregið er úr yfirbyggingu og stjórnendum fækkað. Samhliða breytingunum hefur verið ákveðið að leggja niður tólf störf hjá Sjúkratryggingum.

„Þörf er á því að ganga lengra í að efla stofnunina með aukinni sérhæfingu, stafrænni þróun og skilvirkari ferlum.” segir Sigurður H. Helgason forstjóri Sjúkratrygginga

Nýtt skipurit og breytingar á starfsemi.

19/02/2026

Hástökkvarar ársins!

Þjónustukönnun ríkisins er gerð á hverju ári og niðurstöður fyrir árið 2025 liggja fyrir.

Sjúkratryggingar eru í hópi hástökkvara ársins.
Ánægja með þjónustu Sjúkratrygginga eykst í öllum þeim flokkum sem mældir eru hjá stofnuninni.

Við erum stolt af okkar fólki og góðum árangri 🤜🏼

Þjónustukönnun ríkisins

17/02/2026

Árið var árangursríkt!

Nýliðið ár var metár í leystum málum í einstökum málaflokkum. Stafræn þróun, nýting gervigreindar auk innleiðingar á nýjum ferlum hafði jákvæð áhrif á starfsemi og þjónustu Sjúkratrygginga. Farið var í endurskipulagningu á ýmsum starfseiningum í þeim tilgangi að ná fram samlegðaráhrifum.

Þetta helst árið 2025!

15/01/2026

Ný áhættustýringastefna Sjúkratrygginga Íslands.

Sjúkratryggingar Íslands hafa gefið út nýja áhættustýringastefnu sem er hluti af áframhaldandi vegferð stofnunarinnar til að efla faglega, gagnsæja og ábyrga stjórnsýslu. Stefnan styður við þróun starfshátta sem miða að því að styrkja þjónustu við almenning og tryggja ábyrga meðferð opinbers fjárs.

Stefnan skilgreinir meðal annars hvernig Sjúkratryggingar greina, meta, fylgjast með og stýra áhættu sem getur haft áhrif á skilvirkni og nýtingu opinbers fjár, þjónustu, rekstur og traust almennings. Hún skilgreinir kerfisbundna nálgun á áhættustýringu, styður við gæðastarf og undirstrikar mikilvægi gagnadrifinna og ábyrgra vinnubragða í daglegu starfi.

Fyrir frekari upplýsingar sjá vefsíðu Sjúkratrygginga.

15/01/2026

Sjúklingatrygging - innheimta iðgjalda fyrir árið 2026 að hefjast.
Upplýsingar fyrir sjálfstætt starfandi heilbrigðisfólk og stofnanir.

Frekari upplýsingar á vefsíðu sjúkratrygginga.

Upplýsingar fyrir sjálfstætt starfandi heilbrigðisstarfsfólks og -stofnana.

15/01/2026

Túlkaþjónusta
Upplýsingar fyrir heilbrigðisstarfsfólk

Sjúkratryggingar annast greiðslur fyrir túlkaþjónustu í samræmi við rammasamning Ríkiskaupa (nú Fjársýsla ríkisins) um þýðingu- og túlkaþjónustu.

Sjá nánar á vefsíðu Sjúkratrygginga.

Upplýsingar fyrir heilbrigðisstarfsmenn

09/01/2026

Sjúkratryggingar leita að öflugum kerfisstjóra til að annast rekstur, þróun og öryggi upplýsingakerfa stofnunarinnar. Starfið er fjölbreytt og krefjandi og felur í sér ábyrgð á stöðugum og öruggum rekstri tæknilegra innviða, hönnun og viðhaldi skýjaumhverfis, sem og þátttöku í uppbyggingu og innleiðingu ferla á sviði upplýsingaöryggis.
Kerfisstjóri gegnir lykilhlutverki í að tryggja áreiðanleika, öryggi og framboð kerfa sem styðja við mikilvæga þjónustu við sjúkratryggða um allt land.

Sjúkratryggingar leita að öflugum kerfisstjóra til að annast rekstur, þróun og öryggi upplýsingakerfa stofnunarinnar. Starfið er fjölbreytt og krefjandi og felur í sér ábyrgð á stöðugum og öruggum rekstri tæknilegra innviða, hönnun og viðhaldi skýjaumhverfis, sem og þátttö...

24/12/2025

19/12/2025

Góður dagur!

17/12/2025

15/12/2025

187 ný hjúkrunarrými á tveimur nýjum hjúkrunarheimilum.

Niðurstaða útboð vegna reksturs nýrra hjúkrunarheimila liggur nú fyrir. Sjúkratryggingar hafa ákveðið að taka tilboði Eirar annars vegar og Heilsuverndar hins vegar.Eir mun annast rekstur hjúkrunarheimilis að Nauthólsvegi 50 í Reykjavík en Heilsuvernd rekstur hjúkrunarheimilis að Urðarhvarfi 16 í Kópavogi.

Með tilkomu þessara tveggja nýju hjúkrunarheimila bætast við alls 187 ný hjúkrunarrými á höfuðborgarsvæðinu. Um 3.000 hjúkrunarrými eru víðs vegar um landið og því um töluverða viðbót að ræða.

Víðtæk og farsæl reynsla rekstraraðila.
Báðir rekstraraðilar hafa víðtæka og farsæla reynslu af rekstri hjúkrunarheimila. Eir hefur fengið Nauthólsveg 50 og Heilsuvernd Urðarhvarf 16. Samkvæmt lögum um opinber innkaup nr. 120/2016 (OIL) er heimilt að ganga til samninga án biðtíma og er því kominn á samningur.

Hjúkrunarheimilin munu komast í gagnið 2026 og 2027. Nokkuð langt er liðið síðan ný hjúkrunarheimili hafa verið reist á höfuðborgarsvæðinu, en síðast var Hrafnista á Sléttuvegi opnuð árið 2020.

12/12/2025

Sjúkratryggingar vilja tilkynna breytingar á fyrirkomulagi á greiðsluþátttöku í lyfjum sem mun taka gildi 1. janúar.

Greiðsluþátttaka ákveðinna lyfja mun miðast við ráðlagðan hámarksskammt samkvæmt markaðsleyfi lyfs hér á landi.

Mun það fyrirkomulag taka gildi 1. janúar 2026.

Mat á lyfjanotkun byggist á þeim reikningum sem sendir eru til Sjúkratrygginga. Ef notkun er samkvæmt ráðlögðum hámarksskammti þá fæst greiðsluþátttaka skv. greiðsluþátttökukerfinu en ef notkun er yfir hámmarksskammti þá fæst ekki greiðsluþátttaka í þeim skammti sem er umfram.

Nánari upplýsingar á heimasíðu Sjúkratrygginga:
https://island.is/s/sjukratryggingar/frett/2025-12-03-greiðsluthatttaka-midast-vid-radlagdan-hámarksskammt