Sálfræðistofa Reykjavíkur: Fjölskyldu- og sálfræðiþjónusta

17/11/2024

Við bjóðum Völu Thorsteinsson velkomna til starfa hjá okkur á Sálfræðistofu Reykjavíkur.
Vala sinnir meðferð barna og ungs fólks. Hún sérhæfir sig í vinnu með áfallastreituröskun og sorg auk þess að sinna meðferð kvíðaraskana, þunglyndis og lágs sjálfsmats.
Frekari upplýsingar um Völu eru á heimasíðu okkar:

Vala Thorsteinsson sinnir meðferð barna og ungs fólks. Hún sérhæfir sig í vinnu með áfallastreituröskun og sorg auk þess að sinna meðferð kvíðaraskana, þunglyndis og lágs sjálfsmats.

25/09/2024

Við tökum heilshugar undir þessi orð. Það eiga ekki að vera forréttindi að getað leitað sér hjálpar

Það skortir ekki sálfræðinga - það þarf að semja um niðurgreiðslu á þjónustu sjálfstætt starfandi sálfræðinga.

23/02/2024

Sálfræðistofa Reykjavíkur er stolt að kynna þetta nýja samstarf við Íþróttabandalag Akraness í snemmtækri íhlutun og forvörn. ÍA tekur andlega þátt sinna iðkenda og þjálfara alvarlega og sýna það í verki. Flott starf og til fyrirmyndar.

Íþróttabandalag Akraness (ÍA) og Sálfræðistofa Reykjavíkur (SR) skriðfuðu þann 12. febrúar undir samning þess efnis að SR muni veita íþróttafólki og þjálfurum aðildafélaga ÍA sálfræðiþjónustu sem verður að fullu greidd af ÍA.

26/09/2023

Mikilvægt innlegg hjá Sóleyju kollega okkar í ADHD umræðuna.

ADHD er taugaþroskaröskun sem má að langstærstum hluta rekja til erfða. Greinileg frávik má finna á heilastarfi sem veldur umtalsverðum einkennum á sviði einbeitingar, virkni og hvatastjórnunar. Í meirihluta tilfella halda einkennin velli fram á fullorðinsár og koma niður á flestu...

31/12/2022

Sálfræðistofa Reykjavíkur þakkar fyrir samstarfið á árinu sem er að líða og óskar ykkur velfarnaðar á komandi ári!

06/10/2020

Við vekjum athygli á því að skylda er að bera andlitsgrímu þegar komið er til okkar skv. sóttvarnarreglum heilbrigðisráðherra.

21/07/2020

Við bjóðum Karl Jónas Smárason velkominn til starfa hjá okkur á Sálfræðistofu Reykjavíkur.
Karl sinnir meðferð við kvíða, þunglyndi, streitu, þráhyggju, líkamsímynd og sjálfsmyndarvanda. Karl styðst við hugræna atferlismeðferð og sníðir meðferðina að þörfum hvers og eins.
Hægt er að lesa nánar um reynslu og menntun Karls á heimasíðu okkar: https://salrvk.is/starfsfolk/karl-jonas-smarason -portfolio

02/06/2020

26/03/2020

Við vekjum athygli á því að hluti meðferðaraðila hjá Sálfræðistofu Reykjavíkur býður upp á fjarviðtöl fyrir þá sem þess óska. Viðtölin fara í gegnum fjarfundabúnað Kara Connect. Fólk fær þá sendan hlekk í tölvupósti sem vísar á fjarfundabúnaðinn, sem virkar í öllum venjulegum netvöfrum. Hægt er að óska eftir slíku viðtali hjá ritara í síma 546 0444 eða hafa samband við sinn meðferðaraðila í tölvupósti.

Þess má einnig geta að Margrét sálfræðingur hjá okkur ræddi um breytt starfsumhverfi sálfræðinga á þessum undarlegu tímum í Mannlega þættinum á Rás 1 í dag.

Ólafur Þór Ævarsson geðlæknir, sem er með Streituskólann, kom í þáttinn í síðustu viku og gaf góð ráð hvað varða streitu á þessum tímum og bara almennt. Við báðum hlustendur um að senda okkur spurningar eða hugleiðingar sem þau vildu fá Ólaf til þess að svara eða t...

15/03/2020

Starfsemin hjá Sálfræðistofu Reykjavíkur mun halda áfram að svo stöddu. Við beinum þó þeim tilmælum til fólks að finni það fyrir kvefi eða inflúensueinkennum eða hafi verið á skilgreindum áhættusvæðum COVID-19 veirunnar breyti það tíma sínum. Hægt er að hafa samband við ritara okkar í síma 546 0444.
Í samræmi við opinber tilmæli biðjum við fólk að gæta þess að hafa 2 m á milli manna á biðstofu og höfum handspritt til reiðu. Einnig er rétt að benda fólki á að taka með eigin drykkjarföng þar sem við bjóðum ekki upp á slíkt að svo stöddu vegna smitvarna.

10/09/2018

Fólk sem glímir við lágt sjálfsmat á erfiðara með að þola álag, gerir oft óraunhæfar kröfur til sjálfs sín og er óvægið í gagnrýni á eigin frammistöðu. Álag og streita eru fylgifiskar nútímalífs og flestir hafa upplifað erfið tímabil þegar álagið verður of mikið. Þeir sem hafa lágt sjálfsmat eru einnig líklegri til að þróa með sér einkenni kulnunar, kvíða og/eða depurðar.
Margrét er sálfræðingur sem sérhæfir sig í meðferð fullorðinna og hefur náð góðum árangri í meðferð á lágu sjálfsmati, kvíða, streitu, þunglyndi og áföllum. Margrét beitir meðal annars hugrænni atferlismeðferð, núvitund og EMDR meðferð.
Hér má sjá nánari upplýsingar um Margréti:
https://salrvk.is/starfsfolk/margret-ingvarsdottir -portfolio

Margrét sinnir meðferð fullorðinna og beitir samtalsmeðferð, meðal annars hugrænni atferlismeðferð, núvitund og EMDR eftir þörfum skjólstæðinga sinna.

31/08/2018

Kulnun hefur verið áberandi í umræðu fjölmiðla undanfarið. Erfitt getur verið að átta sig á einkennum kulnunar hjá einstaklingum en mikilvægt er grípa inn í áður en ástandið verður alvarlegt. Elsa Inga er félagsráðgjafi, fjölskyldufræðingur og handleiðari sem hefur mikla þekkingu á kulnun. Hún hefur unnið með einstaklingum sem upplifa vanlíðan eða kulnun í starfi, auk þess að sinna handleiðslu þeirra sem vilja þroskast í starfi eða bæta starfsímynd sína. Elsa Inga getur einnig boðið atvinnurekendum og mannauðsstjórum fyrirlestra eða námskeið um handleiðslu og notkun hennar til að fyrirbyggja eða meðhöndla kulnun. Mikilvægt er að þekkja einkenni hennar hjá starfsfólki og bregðast við ef þeirra verður vart. Ávinningur atvinnurekenda af markvissri handleiðslu til þess að styrkja starfsumhverfi og starfsánægju er ótvíræður og getur komið í veg fyrir fjölmörg vandamál, stór og smá.
Linkur á Elsu Ingu á vefsíðu:
https://salrvk.is/starfsfolk/elsa-inga-konradsdottir -portfolio

Elsa Inga er félagsráðgjafi frá Háskóla Íslands, fjölskyldufræðingur með sérfræðimenntun í Fjölskyldumeðferð frá Endurmenntun Háskóla Íslands og handleiðari með sérmenntun í Handleiðslufræðum frá Háskóla Íslands.