Með mýkt og mildi - Slökunarjóga með Níllu

23/01/2026

Nú þegar dagarnir eru farnir smám saman að detta í sína rútínu og sitt jafnvægi, þá langar mig að að minna á að þriðjudaginn komandi kl. 19.30 hefjast slökunarjógatímarnir á ný og skráning er hafin hér: https://docs.google.com/forms/d/e/1FAIpQLScFpBtmjVxIqGTAtbvlsST6C7ZBlDp1CkI7xsDc6VCvL8WQ8w/viewform

Tíminn hefst á mjúku, liggjandi slökunarjóga og öndunaræfingu. Þá tekur við leidd djúpslökun þar sem við sköpum rými fyrir taugakerfið að sleppa og slaka. Tímanum lýkur svo á gong tónbaði.

18/11/2025

Næsta 5 vikna námskeið Með mýkt og mildi fer af stað fimmtudaginn 20.nóvember og er kl. 20.00-21.00 í Yoga & Heilsa

Á námskeiðinu vinnum við með streitu, verki og þreytu í gegnum slökunarjóga (yin og restorative) og djúpslökun eða yoga nidra, sem er í raun liggjandi leidd hugleiðsla.

Að iðka slökunarjóga getur:
🌸Losað um streitu í taugakerfinu
🌸Losað spennu í bandvef líkamans
🌸Eflt varnir okkar gagnvart álagi

Allar stöðurnar eru gerðar með stuðningsáhöldum eins og kubbum, teppum og púðum. Þannig náum við að liggja lengur í stöðunum og slaka vel á líkamanum.

Markmið námskeiðsins er að skapa aukið rými í lífinu fyrir þakklæti, mýkt og mildi í eigin garð og hlúa að huga og líkama. Ásamt því að tengjast líkamanum og efla líkamsvitund okkar, hægja á, njóta líðandi stundar og auðvelda okkur að takast á við álag og áreiti sem við verðum fyrir dagsdaglega.

Hægt er að skoða umsagnir um námskeiðið frá fyrrum þátttakendum hér fyrir neðan 🌸

04/11/2025

Öll þriðjudagskvöld fram að jólum kenni er ég með slökunarjógatíma og tónheilun á Hagamel 67 í Plómunni. Hægt er að skrá sig í tíma hér: https://docs.google.com/forms/d/e/1FAIpQLScFpBtmjVxIqGTAtbvlsST6C7ZBlDp1CkI7xsDc6VCvL8WQ8w/viewform

Svo er ég með námskeiðið Með mýkt og mildi á fimmtudagskvöldum í Yoga og Heilsu í Faxafeni. Næsta námskeið fer af stað 20.nóvember og hægt er að skrá sig á námskeið hér: https://greidslusida.straumur.is/greidslutengill/75qq67j7j0pro4f7hl02

Hvenær: Þriðjudagskvöld Tímasetning: 19.30-20.45 - Slökunarjóga og tónbað (gong og/eða skálar) Verð Stakur tími: 3500kr 5 skipta kort: 16.500kr 10 skipta kort: 30.000kr Heimilisfang: Hagamelur 67, 107 Reykjavík Hægt er að hafa samband í síma 691-4207 eða senda tölvupóst á medmy...

31/10/2025

✨Andrými í amstri dagsins✨

Það er ekki að undra að við finnum stundum fyrir þreytu eða spennu – umhverfið okkar er orðið svo fullt af áreiti. Við bregðumst við hraðari umferð, stöðugum tilkynningum frá allskyns öppum í símanum, sífellt nýjum og oft neikvæðum fréttum og hávaða úr öllum áttum. Allt þetta smýgur inn í líkama og huga, jafnvel þótt við séum ekki alltaf meðvituð um það.

Þess vegna hefur jóga sjaldan verið mikilvægara. Á dýnunni fáum við tækifæri til að leita inn á við, loka augunum og hlusta – ekki á umheiminn, heldur á okkur sjálf. Jóga er ekki aðeins hreyfing - heldur æfing í nærveru og tengingu. Þegar við hreyfumst með önduninni og leyfum líkamanum að mýkjast, þá róast hugurinn og hjartað fær að opnast.

Í hvert skipti sem þú mætir á mottuna ertu í raun að skapa skjól frá áreitinu. Þú ert að velja nærveru við þig – velja kyrrð fram yfir hraða og hlýju fram yfir álag. Þetta er sú stund sem þú þarft ekki að bregðast við neinu, heldur einfaldlega vera.

Þriðjudagstímarnir í Plómunni verða einmitt þessi vettvangur - ekkert að gera og fara, heldur einfaldlega vera og finna. Skráning í gangi hér fyrir neðan.

Megi jógastundin þín verða þitt andrými – augnablik þar sem þú tengist aftur þinni eigin orku, stillir hugann af og nærist innan frá.

Hvenær: Þriðjudagskvöld Tímasetning: 19.30-20.45 - Slökunarjóga og tónbað (gong og/eða skálar) Verð Stakur tími: 3500kr 5 skipta kort: 16.500kr 10 skipta kort: 30.000kr Heimilisfang: Hagamelur 67, 107 Reykjavík Hægt er að hafa samband í síma 691-4207 eða senda tölvupóst á medmy...

20/10/2025

Í heimi þar sem hraðinn ræður för og áreitið er mikið, gleymum við stundum mikilvægi þess að staldra við. Við gefum okkur sjaldan tíma til að taka djúpan andardrátt, finna fyrir líkama okkar og hlusta á innsæið okkar án stöðugra truflana. En þegar við leyfum okkur að hægja á, opnast rými þar sem við getum mætt okkur sjálfum af mýkt og mildi🌸

Slökun er gjöf 🎁 sem við gefum líkama okkar, huganum og taugakerfinu. Í kyrrðinni fær líkaminn að hvíla og hugurinn að róast - þar sem hjartað fær að minna okkur á, hvað það er sem skiptir okkur raunverulega máli. Með því að hlúa að innra jafnvægi, lærum við að takast á við lífið af meiri mýkt, minnka áreiti og efla tengingu við okkur sjálf og þau sem í kringum okkur eru 💖

Þegar við hægjum á verður rými fyrir lífið sjálft að flæða. Þannig endurheimtum við kraftinn – ekki með því að gera meira, heldur einfaldlega með því að vera.

Gefðu þér stund til að hægja á og næra innra ljósið í þér✨

13/10/2025

🌸Hugleiðingar jógakennara🌸
Þá er haustmisserið farið að detta í rútínu og takt. Ennfremur þá færir októbermánuður okkur haustlægðirnar, rigningu og oft þungbúinn himinn. Loftið verður svalara, litirnir mildari og við finnum hvernig náttúran fer smám saman að halla sér inn á við. Haustið minnir okkur á að við þurfum ekki alltaf að vera á hraðferð, heldur er það hluti af lífinu að staldra við, slaka á og safna orku.

Oft höldum við að við þurfum að bíða eftir sérstökum tímamótum, eins og áramótum, til að byrja upp á nýtt eða breyta einhverju í okkar daglega lífi. En sannleikurinn er sá að hver dagur, hver andardráttur, er nýtt tækifæri fyrir nýtt upphaf. Í hvert skipti sem við leyfum okkur að staldra við og hlusta inn á við, getum við skapað rými fyrir aukna mýkt og mildi í eigin lífi.

Jóga hjálpar okkur að hlúa að þessari vitund. Á dýnunni lærum við að mæta okkur þar sem við erum – án þess að þurfa að sanna neitt eða ná einhverju markmiði. Við lærum að sleppa kröfunum, mýkja líkama, huga og næra okkar innra ljós sem fylgir okkur í gegnum styttri og dimmari daga sem framundan eru.

Á þriðjudagskvöldum kenni ég slökunarjóga sem endar á tónbaði. Þau kvöld verða tileinkuð því að skapa kyrrð og næra innra jafnvægi, þar sem tónarnir leiða okkur dýpra inn í slökunina. Ef þér finnst rétti tíminn til að stíga inn í meiri mýkt, hlýju og sjálfsumhyggju, þá ertu hjartanlega velkomin með.

Skráning fer fram í gegnum þennan hlekk: https://forms.gle/G4WpBGWCWuTVJWmC8

Megi dagurinn í dag minna okkur á að nýtt upphaf er ávallt innan seilingar – ekki aðeins á áramótum eða mánudögum eða jafnvel í næstu viku, heldur hér og nú.

Hvenær: Þriðjudagskvöld Tímasetning: 19.30-20.45 - Slökunarjóga og tónbað (gong og/eða skálar) Verð Stakur tími: 3500kr 5 skipta kort: 16.500kr 10 skipta kort: 30.000kr Heimilisfang: Hagamelur 67, 107 Reykjavík Hægt er að hafa samband í síma 691-4207 eða senda tölvupóst á medmy...

18/09/2025

Þriðjudagsjóga í Vesturbænum á Hagamel 67.
🌸Mjúkt flæði kl. 18.10-19.10
🌸Slökunarjóga og tónbað kl. 19.30-20.45.

Öll þurfum við að staldra öðru hvoru við og hlúa að okkur sjálfum í ölduróti lífsins því er mikilvægt að huga að huga og líkama. Nílla L Einarsdóttir leiðir þig áfram af mýkt og mildi í gegnum öndunaræfingar og stöður til þess að efla mótstöðu gegn daglegri streitu og áreiti. Tímarnir krefjast engrar fyrri reynslu og henta öllum getustigum. Nílla leggur áherslu á hæglæti í sinni kennslu og notar aðferðir sem virkja slökunarviðbragð taugakerfisins - til þess að auka vellíðan.

Hægt að skrá sig til leiks hér: https://forms.gle/f4W5o5VSZRakhQjw9

Hvenær: Þriðjudagskvöld - Tveir mismunandi tímar í boði Tímasetning: 18.10-19.10 - Mjúkt flæði - Að liðka og styrkja 19.30-20.45 - Slökunarjóga og tónbað (gong og/eða skálar) Heimilisfang: Hagamelur 67, 107 Reykjavík Hægt er að hafa samband í síma 691-4207 eða senda tölvup....

14/09/2025

Hvernig hljómar að eiga stund fyrir þig og ná taugakerfinu í ró í notalega umhverfi? Að mæta í kósígallanum, leggjast út af á mjúka dýnu og undir hlýtt teppi, anda djúpt og fá handleiðslu í gegnum liggjandi djúpslökun. Þá gæti þetta verið námskeið fyrir þig 🌸

18/08/2025

Næsta námskeið Með mýkt og mildi hefst fimmtudagskvöldið 18.september frá kl. 20.00 - 21.00. Yoga & Heilsa Faxafeni 10.
Frekari upplýsingar og skráning hér: https://yogaogheilsa.is/med-mykt-mildi/

Á námskeiðinu vinnum við með streitu, verki og þreytu í gegnum slökunarjóga (yin og restorative) og djúpslökun eða yoga nidra, sem er í raun liggjandi leidd hugleiðsla.

Að iðka slökunarjóga getur:
✅losað um streitu í taugakerfinu
✅losað spennu í bandvef líkamans
✅eflt varnir okkar gagnvart álagi

💗Það eina sem þú þarft að gera er að mæta í kósígallanum og slaka á 💗

Á námskeiðinu vinnum við með streitu, verki og þreytu í gegnum slökunarjóga (yin og restorative) og djúpslökun eða yoga nidra, sem er í raun liggjandi leidd hugleiðsla.

22/05/2025

Síðasti tíminn fyrir sumarið í yin, nidra og tónbað í kvöld (fimmtudag) kl. 18.30 í Yoga & Heilsa Skráning nauðsynleg í Mindbody appinu góða 💖