MÓAR studio

11/02/2026

Hjartað mitt er fullt af þakklæti ❤️

Móar kveðja í þeirri mynd sem það tók sér í fjögur og hálft ár. Móa-andinn er frjáls undan steypu og þungum rekstri, og ég finn hann glaðan og frjálsan. Hann vinnur nú án landamæra, hvert þangað sem hann er kallaður. Hann er hér til þess að minna okkur á virði okkar og kalla okkur heim þegar við týnum okkur um stund.

Ég finn sorg og söknuð — sem er ljúft að finna í brjóstinu. Þá veit ég að það sem við byggðum var einhvers virði. Stundum þarf ég að styðja mig við borð þegar öldur sorgar ferðast um mig. Ég leyfi því.

Ég finn létti yfir því að bera bara sjálfa mig í smá stund. Ég ber ekki lengur yfirbyggingu rekstrarins. Ég hef oft framleitt meira en ég hef átt orku til, og þess vegna er þetta allt í lagi — að við séum komin hingað. Ég fékk hjálp frá heilbrigðiseftirlitinu og leigusala, þar sem ég mætti mótlæti sem ég átti ekki roð í, til þess að velja sjálfa mig.

En sýnin mín lifir áfram, sterk innra með mér… og ég veit að henni finn ég nú nýjan farveg. Draumurinn minn hefur alltaf verið að skapa rými sem er áfallamiðað og ber djúpa virðingu fyrir vegferð hvers og eins. Rými sem styður fólk til ábyrgðar á eigin lífi, þar sem allar tilfinningar eru velkomnar og við æfum okkur að ferðast frá drama og inn í upplifun á andartakinu nákvæmlega eins og það er. Það er svo mikill styrkur í því.

Ég hef átt svooooo margar fallegar stundir með ykkur inn í Móum. Þær lifa djúpt í frumunum mínum. Ég hlakka til að finna þróttinn koma aftur til þess að skapa meðvitað næstu skref í góðu samstarfi við okkar góða fólk og ykkur.

Öll ástin,
Lára Rúnarsdottir

04/02/2026

Allt að 40% afsláttur - bara í netverslun.
www.moarverslun.is

🌸🌸🌸

Við trúum á einfaldan, tímalausan & umhverfisvænan lífsstíl og viljum að vörurnar okkar endurspegli það.

26/01/2026

Elsku vinir!

Því miður er komin upp sú staða að heilbrigðiseftirlitið hefur tímabundið stöðvað starfsemi í Móum vegna tegundar leigurýmis. Það þýðir að engin starfsemi má eiga sér stað í Móum Bolholti á meðan við vinnum úr ábendingum þeirra og sækjum um nýtt starfsleyfi. Áætlað er að það geti tekið 4 - 8 vikur.
Ég er nú að kanna möguleikann á að halda úti lágmarks starfsemi í öðru rými eða færa kennslu yfir á netið. Ef það gengur ekki þá lengjum við gildistíma korta og pásum áskriftir á meðan á þessu stendur. Við munum endurgreiða viðburði og styttri námskeið. Ég verð í sambandi á næstu dögum með nánari upplýsingar um framhaldið.

Hlý kveðja,
Lára & Móar

20/01/2026

Leiddar hugleiðslur og skrif með Unni Elísabetu hefst 3. febrúar.

Tenging við innra barnið, sköpunarkraft og sanna löngun

Nærandi námskeið þar sem leiddar hugleiðslur og dagbókarskrif eru notuð til að skapa rými fyrir sjálfsskoðun og persónulegan vöxt. Námskeiðið styður við að tengjast þeirri útgáfu af okkur sem er tilbúin að lifa í meira samræmi við hjartað, sköpunarkraftinn og sanna löngun.

Á námskeiðinu skoðum við hvernig fyrri reynsla hefur mótað okkur, hvað heldur aftur af okkur í dag og hvernig hægt er að byggja upp nýja, styrkjandi trú um okkur sjálf sem styður við næsta kafla lífsins.

Allar upplýsingar á moarstudio.is

15/01/2026

Fornfræði er forn lífssýn og lækninganálgun sem má finna í rótum ólíkra menningarheima víðs vegar um jörðina.

Hún byggir á virðingu fyrir öllu lífi, tengslum manns og náttúru, hringrásum og meðvitund um anda alls sem er.

Í þessu námi nálgumst við fornfræðina sem lifandi og persónulegt ferli, ekki sem endurgerð eða eftirhermu ákveðinnar hefðar.

Athafnir, helgihald og iðkun í náminu eru ekki formlegar vígslur í nafni neinnar menningar eða andlegrar línu, heldur rými fyrir innri vinnu, persónulega merkingu og samþættingu.

Kennslan byggir á auðmýkt, samkennd, gagnsæi og virðingu gagnvart uppruna þekkingar.

Námið er ekki ætlað til að veita formlegt umboð til kennslu eða lækninga, heldur til að dýpka skilning, ábyrgð og tengsl þátttakenda við sjálfa sig, náttúruna og samfélagið.

Við byrjum 23. janúar - 2 laus pláss 🪾

13/01/2026

3 laus pláss í djúpnámið okkar.

Innleiðing á aðferðum fornfræðinnar

Aðferðirnar sem kenndar eru mynda brú á milli hins forna og samtímans.

Við vinnum með aðferðir sem styðja við að muna visku landsins og menningarlegra róta, án þess að slíta hana úr samhengi eða gera tilkall til hefða sem eru ekki okkar að bera áfram.

Fornfræði er forn lífssýn og lækninganálgun sem má finna í rótum ólíkra menningarheima víðs vegar um jörðina.

Hún byggir á virðingu fyrir öllu lífi, tengslum manns og náttúru, hringrásum og meðvitund um anda alls sem er.

Allar upplýsingar á moarstudio.is 🍃

13/01/2026

Þú munt læra meðal annars:

Árstíðabundnar ayurvedískar venjur
Hvernig aðlaga má mataræði, daglegar rútínur og lífsstíl að sérstökum þörfum vetrarins.

Ónæmisstyrkjandi úrræði
Náttúrulegar jurtir, te og olíur sem styrkja ónæmiskerfið og hjálpa líkamanum að verjast vetrarkvillum.

Sjálfsumönnunarathafnir
Einfaldar og róandi æfingar sem næra líkamann og róa hugann.

Vetrarhreinsun og orkuflæði
Hvernig losa má um uppsöfnuð eiturefni og endurnýja orkuna fyrir líflegt og nærandi vetrartímabil.

Hvenær: Fimmtudagur 15. janúar kl. 18:00–20:00
Hvar: Móar Studio, Bolholt 4, 2. hæð
Verð: 6.900 kr.
Nauðsynlegt er að skrá sig fyrirfram

08/01/2026

Innleiðing á aðferðum fornfræðinnar

Móar Studio, Lára Rúnarsdóttir og Kristín Þórsdóttir bjóða upp á s*x mánaða djúpnám í aðferðum fornfræðinnar frá janúar til júní 2026.

Námið er helgað fræðslu og miðlun sem styður við valdeflingu, dýpri persónulega iðkun og innri samþættingu.

Námið er jarðbundið sem þýðir að heilun og innri vinna verði djúp, örugg og sjálfbær þegar hún er rótgróin í líkama, náttúru, samhengi og mennsku hvers og eins.

Áhersla er á að skapa dýpri tengsl við uppruna, jörðina, eigin innri rætur og þá visku sem lifir í landslagi, líkama og minni.

Markmið námsins er að þátttakendur dýpki næmi sitt, snerti á persónulegu frelsi og styrki traust sitt til lífsins, verndar og eigin innsæis.

Iðkun og aðferðir námsins styðja við hæg, líkamstengd ferli þar sem öryggi, samþætting og ábyrgð eru sett framar upplifun eða árangri.

Námið hefst 23. janúar 🍃

Allar upplýsingar á moarstudio.is

04/01/2026

AÐ BYGGJA GRUNNINN AÐ FRELSI RADDARINNAR er 4 vikna námskeið með Arnmundi Ernst Backman sem hefur heldur betur slegið í gegn í Móum. Námskeið til þess að kynnast og skilja röddina á hennar forsendum, byggja upp styrk og stuðning svo finna megi aukið frelsi í raddtúlkun og söng.

Námskeiðið er byggt upp á samspili þriggja þátta;

1. Nálgun að röddinni til að ná fram sannleika í tjáningu.
2. Tæknileg aðferðafræði til að styrkja söngrödd.
3. Líkamleg nálgun að röddinni til að skilja hljóðfærið betur og samspil þess við slökun/spennu, öndun og kvíða.

Hvað þú munt læra á námskeiðinu:

Leitt er í gegnum núvitundaræfingar og öndun, líkamlegar æfingar, raddtækni og söng með það að markmiði að auka skilning á eftirfarandi viðfangsefnum:

1. Áhrif líkamsvitundar á rödd.
2. Samspil stuðnings og slökunar í söng.
3. Hver er mín rödd - hvaða áhrif hefur mismunandi raddbeiting?
4. Afhverju læsist röddin?
5. Hvernig styrki ég röddina?
6. Hvar liggur frelsið í söng?

Tryggðu þér pláss á moarstudio.is

03/01/2026

Hæg hreyfing með ljósinu
4 vikna skapandi ferðalag í mýkt og hlustun

🗓 Miðvikudagar 7.–28. janúar
🕖 19.00–21.00
📍 MÓAR studio – Bolholti 4, 2. hæð

Innifalið í námskeiðinu:
– Aðgangur að öllum opnum tímum í MÓA
– Allur efniviður
– Öruggt rými til að skapa án kröfu

💰 Verð:
Fullt verð: 34.900 kr

✨ Afslættir:
– 25% fyrir áskrifta- og árskorthafa
– 10% fyrir fólk í námi, fólk með örorku og eldri borgara

Engin fyrri reynsla nauðsynleg.
Forvitni er meira en nóg.

Upplýsingar og skráning: moarstudio.is 🌿

31/12/2025

Við opnum fyrir skráningu í 6 mánaða djúpnám í fornfræði, janúar–júní 2026. Námið er
helgað hægum, jarðbundnum ferlum þar sem öryggi, samþætting og ábyrgð eru sett framar
upplifun. Allar upplýsingar á moarstudio.is

30/12/2025

Ég trúi því heitt að við séum öll skapandi verur og að sköpun okkar sé mikilvæg gjöf til lífsins & heimsins.

Við sköpum í hverju skrefi, hverri hugsun, hverju orði.

Það er á okkar ábyrgð að hreinsa farveginn af efasemdum, sjálfsgagnrýni & þessari endalausu áherslu á fullkomnun.

Á námskeiðinu mínu erum við að vinna með að skoða mynstrin sem stoppa flæðið í lífi & leik, hreinsa boðleiðina, vinna með traustið, tileinka okkur forvitni og ánægju sköpunar og leika okkur með með ólíka miðla. Skrif - tónlist - leir & klippiverk.

Hæg hreyfing með ljósinu með mér (Láru) hefst 7. janúar.
Skráning á moarstudio.is