Innri styrkur - Dáleiðsla

02/03/2025

Virkilega góð umfjöllun um dáleiðslumeðferð 👌

https://www.mbl.is/frettir/innlent/2025/03/02/hugvikkandi_medferd_an_lyfja/?fbclid=IwY2xjawIxCOFleHRuA2FlbQIxMQABHXUOsNE805FOtfSGgrzcmHlf3Uc0a_0DFKDkevbR1So3pW2NGVxPtVmzSg_aem_wkoWryY44F7_fAP4olJIGg

Dáleiðsla hefur margar hliðar og getur verið gagnleg leið fyrir fólk til að vinna úr djúpstæðum vanda.

13/09/2024

Í kvöld bauð Dáleiðsluskóli Íslands þremur nemendafélögum í Háskóla Íslands í vísindaferð þar sem fram fór kynning á skólanum, dáleiðslu og Hugrænni endurforritun.

Nemendafélögin Mímir (íslenska), Torfhildur (bókmenntafræði) og Alfred (enska) komu með um 40 manns en ég (Egill) og Jenný Maggý tókum slaginn.

Upplifunin var einfaldlega frábær en hópurinn fékk að upplifa dáleiðslu með skemmtilegu ívafi, kynningu á því helsta sem við gerum ásamt því að spyrja ótrúlega margra spurninga og ég held ég geti fullyrt fyrsta vísindaferð ársins fyrir þessa háskólanema hafi verið eftirminnileg!

Það var líka sérstaklega skemmtilegt að fá þennan hóp þar sem þau stunda öll nám í tungumáli og notkun þess en tungumálið er einmitt í aðalhlutverki í dáleiðslu enda erum við að tala við dáleiðsluþegann. Það sem skiptir þó meira máli er að listin felst í notkun tungumálsins, áherslum, blæbrigðum og orðavali. Það er ekki á hverjum degi sem maður ræðir við ungt fólk með viðlíka innsýn inn í þennan þátt dáleiðslunnar.

Margar spurningarnar sem við fengum voru hreinlega frábærar og ótrúlega skemmtilegt að takast á við þetta verkefni!

05/09/2024

Stórt er spurt: er eitthvað í þínum hugarheimi sem mætti vera betur stillt, mætti jafnvel bara fara og aldrei koma aftur? Þetta geta verið viðbrögð við aðstæðum eða fólki sem koma upp ósjálfrátt. Þetta gæti líka verið hegðun sem þér þykir óæskileg og þú vilt breyta eða hætta alveg.

Með Hugrænni endurforritun í dáleiðslu er raunverulega hægt að hafa þessi áhrif! Þessari meðferð hefur verið beitt í nokkurn fjölda ára og hópur fólks sem hefur notið góðs af henni fer sífellt stækkandi. Þetta er svo gaman og gefandi!

Hér er hægt að lesa um ferli meðferðarinnar, hvað er gert og hvaða ábati hlýst af:

Hvað er Hugræn endurforritun? Lýsing á meðferðinni og hverju er hægt að breyta með notkun hennar

02/07/2024

Hvað segir þetta okkur? (tengill á fréttina er í athugasemd)

Ég hef gert tvær kannanir á umfangi klámvanda. Niðurstöðurnar sýndu að tæp 12% áttu erfitt með að hafa stjórn á klámnotkun og upplifðu 7% klámnotkun sína of mikla, hefði neikvæð áhrif og viðkomandi þyrfti aðstoð. Klámvandi er svo sannarlega til staðar og fjöldi fyrirspurna sem ég fæ sýnir það líka með augljósum hætti.

Tekið er fram að þessa könnun eigi að framkvæma reglulega til að fylgjast með þróun notkunar. En...... hvað svo?

Ég veit að fræðsla er alltaf svarið sem er í raun eina verkfærið sem stjórnvöld geta beitt til að hafa áhrif en hvað með einstaklingana sem festast í klámvanda og líður virkilega illa? Hvert geta þeir leitað?

Fátt hefur verið um svör en það er einmitt ástæðan fyrir því sem ég er að gera. Það er ofsalega þreytandi að sjá þetta aftur og aftur og hvergi minnst á að hluti þessara einstaklinga gæti verið í verulegum vanda. Sennilega ekki minnst á það vegna þess að um það er ekkert spurt og ekkert hugað að því.

01/07/2024

Stundum fær maður tækifæri til að tala um dáleiðslu og þá er sko gaman! 😆
Tengillinn er í athugasemdum..!

19/06/2024

Dáleiðsla er svo mögnuð!!

Evidence based hypnosis meme of the week.

A double blind trial aimed to investigate the effectiveness of hypnotherapy on the pain intensity of endometriosis patients treated with dienogest.

Participants were divided into a control group and an intervention group and both groups were given 2 mg of dienogest tablets daily as prescribed by the gynaecologist. The hypnotherapy group also received 8 weekly sessions online for 30 - 45 minutes.

Dysmenorrhea and dyspareunia severity scores reduced significantly and pelvic pain was reduced on average among the hypnotherapy group controlled to the control group.

Authors conclude that hypnotherapy, along with drug treatment, was more effective in relieving endometriosis pain than drug treatment alone (Shahriyaripoor et al., 2023).

Link to full research paper given in my college Facebook group.

15/06/2024

Einu sinni spilaði ég MJÖG mikið golf!

Ég byrjaði að spila 10 ára og var í keppnisgolfi öll mín unglingsár. Ég varð ágætur kylfingur en andlegi hlutinn var alls ekki góður og það hafði ótrúleg áhrif á leikinn minn og fólkið sem spilaði með mér. Nokkur slæm högg og það sem eftir var hringsins var undirlagt af reiði, pirring, blótsyrðum og að sjálfsögðu vonlausu golfi og vítahringnum var haldið við.

Það sem ég vildi að dáleiðsla hefði verið hluti af þjálfuninni og undirbúningi fyrir mót!

Spilar þú golf og langar að losa þig við fyrirstöður hugans? Það er hægt að hafa ótrúleg áhrif á keppniskvíða, bæta einbeitingu, auka sjálfstraust og einfaldlega njóta betur.

Undanfarið hef ég farið af og til upp í Bása til að slá nokkra bolta með drengjunum mínum og reynt að kenna þeim handtökin. Sá elsti er orðinn býsna lunkinn og miðjan á leiðinni. Sá yngsti er enn á biðlista.Auðvitað slæ ég nokkra bolta með þeim og verð alltaf jafn ánæg....

06/06/2024

Síðastliðinn laugardag lauk ég námi við Dáleiðsluskóla Íslands og er útskrifaður þaðan sem klínískur dáleiðandi og sérfræðingur í Hugrænni endurforritun sem er einstök dáleiðslumeðferð og á sér enga hliðstæðu í heiminum. Auðvitað mæli ég með að hver sem er lesi bókina eftir Ingiberg Þorkelsson, lærimeistara minn og vin, en hér má sjá stutta yfirferð um meðferðina: daleidsla.is/hef

Þrátt fyrir þennan áfanga hef ég verið iðinn við dáleiðslumeðferð undanfarna mánuði og árangurinn hefur ekki staðið á sér. Fjöldi ánægðra skjólstæðinga og það er ákaflega ánægjulegt að sífellt fjölgar í hópnum sem ég hef alltaf stefnt að því að sinna - karlmenn sem eiga við kynferðistengdan vanda að stríða, til að mynda klámvanda. Það hefur tæplega farið framhjá neinum sem þekkir mig að þetta hefur verið aðalatriðið í öllum mínum störfum og námi undanfarin ár, með tilheyrandi ritgerðarskrifum, viðtölum og fjölmiðlaumfjöllun.

Núna er staðan er hins vegar sú að ég get sagt að ég sé byrjaður að vinna með það sem ég ætlaði mér. Styðja við tiltekinn hóp sem hefur enga athygli fengið. Það segir kannski eitthvað að hver einasti karlmaður sem hefur komið til mín vegna þessa hefur tekið sérstaklega fram hversu ánægjulegt er að einhver sé að gera þetta. Ég verð að viðurkenna að það kemur ekkert á óvart, ég vissi alveg hvað ég var að fara út í. Núna hins vegar skiptir máli að það fjölgi í þeim hópi sem kemur til mín og fá þessa aðstoð. Meðfylgjandi umsögn er sérstaklega lýsandi fyrir árangurinn.

Þrátt fyrir þennan markhóp sem ég vil sérstaklega fá til mín eru dyrnar opnar fyrir hvers kyns vandamál, stór sem smá! Hugræna endurforritun og dáleiðslumeðferð almennt er hægt að nýta á svo óheyrilega fjölbreyttan máta, þar á meðal fyrir íþróttafólk. Aftur, þeir sem þekkja mig vita að ég hef nánast alla ævi verið í einhvers konar íþróttum. Þess vegna er kannski engin furða að ég hef sérstakan áhuga á að vinna með íþróttafólki, sérstaklega íþróttafólki í hæstu þrepunum þar sem smæstu smáatriði geta fleytt þeim úr efri lögum hópsins upp á toppinn.

Eins og mér einum er lagið er þetta orðið allt of langt.

Ef einhver vill fræðast um dáleiðslu, dáleiðslumeðferð og Hugræna endurforritun þá skal ekki hika við að hafa samband!👌