Batamiðuð þjónusta á geðsviði Landspítalans

Batamiðuð þjónusta felur í sér að styðja notandann til að draga úr geðrænum einkennum og auka lífsgæði notandans með áherslu á að notandinn sjálfur er sérfræðingur í eigin lífi. Til stendur að gera markvisst átak í að hraða ferli sem átt hefur sér stað á undanförnum áratugum þar sem viðhorfsbreyting hefur orðið í samfélaginu og ekki síst hjá starfsfólki í geðheilbrigðisþjónustu í garð fólks sem gl

ímir við geðrænan vanda. Átakið felur í sér tilteknar aðgerðir á endurhæfingarsviði geðsviðs Landspítalans en þessar aðgerðir eiga sér fyrirmyndir meðal annars í Ástralíu, Bandaríkjunum, Englandi, Kanada, Nýja Sjálandi og í Skandinavíu þar sem batamiðuð þjónusta hefur verið innleidd með árangursríkum hætti. Batamiðuð þjónusta felur í sér að styðja notandann til að draga úr geðrænum einkennum og auka lífsgæði hans með áherslu á að notandinn sjálfur er sérfræðingur í eigin reynslu. Starfsfólkið er til staðar og veitir notandanum aðgang að fagþekkingu sinni til að leiðbeina og styðja hann til að ná þeim markmiðum sem hann sjálfur hefur sett sér. Aðal útgangspuntkurinn er notandinn sjálfur en ekki sjúkdómafræði, veikindi, einkenni eða almenn heilsa hans. Þegar unnið er í átt að batanum er leitast við að ýta undir vonina hjá notandanum og að hann sjái að hann hafi sjálfur stjórn á eigin lífi og finni þær leiðir sem hentar honum í leið sinni að bata og merkingarbæru lífi.