Sjúkraþjálfun Reykjavíkur

31/01/2025

Knattspyrnufélag Reykjavíkur og Sjúkraþjálfun Reykjavíkur hafa gert með sér samstarfssamning sem felur í sér að iðkendur í yngri flokkum félagsins fái forgang í sjúkraþjálfun hjá Sjúkraþjálfun Reykjavíkur.

Markmið samstarfsins er að auka aðgengi iðkenda að sjúkraþjálfun því það hefur sýnt sig að ef gripið er fljótt inn í þegar meiðsli hafa orðið er hægt að lágmarka tímann sem iðkendur eru frá íþróttinni sinni og koma í veg fyrir brottfall iðkenda vegna meiðsla. Sjúkraþjálfarar munu veita þjálfurum félagsins ráðleggingar þegar kemur að meiðslaforvörnum og viðbrögðum við meiðslum.

Hvernig á að panta tíma?
Tímabókanir fara fram á ithrottir@srg.is
Taka þarf fram kennitölu iðkanda og kennitölu og símanúmer forráðamanns.

Hvað kostar tíminn fyrir 18 ára og yngri?
Með beiðni frá lækni er ekkert gjald tekið
Án beiðni er greitt 30% af heildarverði tímans

Við vonum að iðkendur KR nýti sér þetta samstarf og leiti til sjúkraþjálfara ef á þarf að halda.

31/01/2025

🚨 Grótta og Sjúkraþjálfun Reykjavíkur hefja samstarf 🚨

Við hjá Gróttu erum afar ánægð að tilkynna nýtt samstarf við Sjúkraþjálfun Reykjavíkur sem er staðsett á Fiskislóð 1. Með þessu samstarfi er verið að tryggja forgang í sjúkraþjálfun fyrir iðkendur yngri flokka Gróttu.

Íþróttum geta fylgt meiðsli og við upphaf unglingsáranna geta þrálátir verkir, til dæmis í hnjám og hælum, látið á sér kræla. Oft getur hjálpað mikið að leita ráða hjá sjúkraþjálfara sem stundum ráðleggja meðferð, hvíld eða útbúa æfingaprógrömm sem hjálpa til.

Við höfum einfaldað ferlið með þessu nýja samstarfi! Í Sjúkraþjálfun Reykjavíkur starfar hæfileikaríkt og metnaðarfullt fagfólk.

📌 Hvernig bóka ég tíma?

Sendið tölvupóst á: ithrottir@srg.is

Í póstinum þarf að koma fram:
• Kennitala iðkanda og forráðamanns
• Símanúmer

Kostnaður:
✅ Frítt ef læknabeiðni liggur fyrir (SÍ greiðir að fullu).
✅ Ef ekki liggur fyrir beiðni er greitt 30% af verði tímans.

06/09/2024

01/01/2024

Ný námskeið í golfleikfiminni eru að hefjast. Ef þú vilt taka skrefið og ná meiri árangri í líkamlegri færni þá er þetta námskeið fyrir þig.