Grund, hjúkrunarheimili

05/05/2026

Mánaðarlega kemur Grundarbandið í heimsókn hingað á Grund og heldur uppi fjöri í hátíðasalnum. Þá er stiginn dans og mikið fjör. Þeir sem ekki eiga auðvelt með að dansa sitja bara í sætum sínum og dilla sér með.

05/05/2026

Vikulega koma góðir gestir hingað á Grund og skemmta fólkinu okkar með ýmsum hætti í morgunstund. Gestirnir koma víða að og eru til dæmis hljóðfæraleikarar, söngvarar, rithöfundar, jógakennarar, ljóðskáld, listamenn, fræðimenn og svo framvegis.

Allir gestirnir sem koma í morgunstundina eiga það sameiginlegt að koma i sjálfboðavinnu og gefa af sér með þessum hætti. 🥰

Á síðustu vikum hafa þau glatt heimilismenn með ýmsum hætti Kristinn Arnar sigurðsson listamaður, Sigurður Guðmundsson tónlistarmaður, Áslheiður Erla Guðmundsdóttir sóprasöngkona Agla Aradóttir Ringsted fornleifafræðingur og Tumi Árnason tónlistarmaður. Þá hafa einnig komið til okkar þau Silja Rós Ragnarsdóttir tónlistarkona, Birna Logadóttir fræðakona, Lay Low tónlstarkona, Sunna Dís Másdóttir ljóðskáld og rithöfundur, María Huld Markan Sigfrúsdóttir tónská´ld og tónlistarkona og Ólöf Arnalds tónlistarkona.

Við þökkum öllu þessu frábæra fólki fyrir að gefa sér tíma til að koma og stytta heimilisfólki stundir.❤️

03/05/2026

Ömmur á ferðalagi er yfirskrift á heimasíðu og TikTok svæði tveggja bandarískra kvenna á níræðisaldri sem eru að ferðast um heiminn. Þetta eru þær Eleanor Hamby og Sandra Hazelip.

Þegar framkvæmdastjórar hjúkrunar á Grundarheimilunum sátu Eden ráðstefnu vestanhafs á dögunum hittu þær þessar mögnuðu konur.

Þær láta ekkert stoppa sig og ferðast um heiminn eins og enginn sé morgundagurinn. Önnur þeirra er ljósmyndari og hin læknir. Það kom í ljós á ráðstefnuynni að þær stöllur voru á leið til Íslands og auðvitað heimsóttu þær okkur á Grundarheimilunum.

Ef þið viljið fylgjast með dömunum þá er slóðin þeirra

https://aroundtheworldat80.com/home
Og á tik tok
https://www.tiktok.com/

01/05/2026

Ekki má reykja innandyra á Grund en auðvitað eru alltaf einhverjir heimilismenn sem reykja.

Einhverjir hafa eflaust tekið eftir því að það er nú komið reykskýli fyrir neðan tengiganginn frá Litlu Grund og yfir á Grund.
Hönnuðirnir eru ASK arkitektar.

Byggingin á að endurspegla göngubrúnna með gluggum og póstum. Eins var settur glerveggur hinum megin við turninn til að búa til skjól.

Framkvæmdir við skýlið eru á lokametrum.

01/05/2026

Síðasta miðvikudag í hverjum mánuði liðast þessi líka dásamlegi vöffluilmur um fyrstu hæð Grundar því þá eru til sölu nýbakaðar vöfflur með kaffinu á Kaffi Grund.☕️

Aðra daga er selt allskonar kruðerí með kaffinu og einnig smurt brauð og croissant.🍰

Við hvetjum aðstandendur til að koma með fólkinu sínu á kaffi húsið og núna þegar fer að hlýna þá er um að gera að sitja í garðinum og leyfa ungviðinu að leika sér úti.

Að lokum minnum við á að það er opið á Kaffi Mörk frá 12:00 til 17:00 alla virka daga og frá 13:00 til 17:00 um helgar.

27/04/2026

Vikan framundan

Í dag kom Baddi í hús með gítarinn og stýrði söngstundum sínum sem alltaf eru vel sóttar.

Á miðvikudag verður morgunstund á sínum stað í hátíðasal. Gestur stundarinnar þessa vikuna er tónlistarmaðurinn Sigurður Guðmundsson og ætlar hann að segja frá sér og flytja nokkur lög.

Seinasti miðvikudagur mánaðarins og það þýðir að húsið mun ilma af nýbökuðum vöfflum, sem seldar verða á kaffihúsinu Kaffi Grund frá kl. 14:00.

Á fimmtudag verður harmonikkuball í salnum okkar klukkan 13:30. Við hvetjum aðstandendur sem tök hafa á eindregið til að koma og gera sér glaðan dag með heimilisfólki.

Endum svo vikuna heldur betur glæsilega. Karlakórinn Fóstbræður hugsar hlýtt til heimilisfólks á Grund og hefur komið við hjá okkur á hverju ári að stórtónleikum sínum loknum.
Stormandi í hús koma um 80 herramenn klæddir kjólfötum og flytja nokkur lög eins og þeim einum er lagið, Vup ninnum á að heimilisfólk hefur forgang á þennan glæsilega viðburð. Þetta er hefð sem spannar nokkra áratugi og erum við þeim svo hjartanlega þakklát fyrir hlýhuginn.

Auk alls þessa verða aðrir fastir liðir eins og tómstundavagn, boccia, stólaleikfimi ofl. á sínum stað samkvæmt stundaskrám og við minnum á að Grund er heimili fólksins sem hér býr og eru aðstandendur alltaf velkomnir og við hvetjum þá til að taka þátt í því sem hér er í boði😊

23/04/2026

Heimiliskonan Ólafía Margrét Ólafsdóttir, tónmenntakennari, lagahöfundur og ljóða- og söngtextaskáld á afmæli í dag. Af því tilefni opnuðu börnin hennar vef á slóðinni omo-vefurinn.is þar sem hægt er að nálgast hennar verk, bæði tónlist og kveðskap auk þess sem hægt er að fræðast örlítið um hennar lífshlaup. 🥰

Við óskum Ólafíu til hamingju og fengum góðfúslegt leyfi til að birta ljóð eftir hana og óskum lesendum okkar gleðilegs sumars.🌼

Á sumardaginn fyrsta

Þegar brosir sumarið við sænum,
sólin þýðir hrannirnar í bænum,
vaknar allt til lífs í landi hörðu,
líka von um friðartíð á jörðu.

Meðan bölið ógnar öðrum þjóðum,
ennþá friður helst á norðurslóðum.
Þó að stríð og örbirgð ýmsum grandi,
enginn býr við skort í þessu landi.

Því er bágt að vera að kveina og kvarta,
kalt þó reynist næturmyrkrið svarta.
Nú er burtu víkur harður vetur,
vorið gleðiblæ á lífið setur.

Þegar hér á landi lengist dagur,
lifnar jörð og vænkast allra hagur,
til mín brosir fagur fjallahringur
finnst mér gott að vera Íslendingur.

16/04/2026

Jörðin undir fótum okkar er tilnefnd til Eddunnar en það er kvikmynd sem tekin var hér á Grund og mikið hefur verið í umræðunni undanfarið.
Yrsa Roca Fannberg er tilnefnd sem leikstjóri ársins en hún starfar einnig á heimilinu sem sjúkraliði.
Tilnefningu fyrir Hljóð ársins fær Björn Viktorsson.
Heimilisfólk og starfsfólk fylgist grannt með vegferð myndarinnar og á meðfylgjandi myndum var verið að hampa verðlaunagripnum sem Yrsa hlaut fyrir myndina í Hong Kong á dögunum.

15/04/2026

Myndin Jörðin undir fótum okkar hefur verið til umræðu að undanförnu en hún er tekin hér á Grund.
Myndin segir frá sólarlagi lífsins á Grund þar sem tíminn lýtur sínum eigin lögmálum.
Þetta er þriðja kvikmynd Yrsu Roca Fannberg en hún starfar einnig sem sjúkraliði á Minni og Litlu Grund.
Þessi grein Berglindar Indriðadóttur um myndina hefur vakið athygli ❤️.

Þegar ég heyrði af því fyrir nokkrum misserum síðan að íslensk heimildarmynd um daglegt líf á hjúkrunarheimili væri í bígerð, fylltist ég eftirvæntingu að sjá útkomuna.

14/04/2026

Í morgunstund á miðvikudaginn kemur verður Agla Aradóttir Ringsted fornleifafræðingur gestur í morgunstund og ætlar hún að segja frá nýjustu rannsóknum á forleifafræði á Íslandi. Morgunstund er alla miðvikudaga frá 9:30 -11:00 í hátíðasal, en þar er sungið, farið yfir fréttir líðandi stunda, gerðar léttar æfingar, boðið uppá kaffisopa og tekið á móti góðum gestum.

Á föstudag verður Jón Ólafur á ferð um húsið með harmonikkuna. Byrjar að spila og syngja á Litlu og Minni Grund fyrir hádegið og stýrir svo söngstund í hátíðasal kl. 13:30.

Guðsþjónusta í umsjón Félags fyrrum þjónandi presta verður á sunnudag klukkan 14:00 í hátíðasal.

Auk þessa verða aðrir fastir liðir eins og tómstundavagn, boccia, stólaleikfimi ofl. á sínum stað samkvæmt stundaskrám og við minnum á að Grund er heimili fólksins sem hér býr og eru aðstandendur alltaf velkomnir.

27/03/2026

Árlega gleðja nemendur Kvennaskólans okkur með heimsókn á peysufatadaginn og það ríkir ávallt mikil tilhlökkun að fá hópinn í heimsókn.🥰

Heimilisfólk raðar sér í gluggana þegar nemendur mæta syngjandi og dansandi í portið og sumir klæða sig vel og koma út og fylgjast með. Oftar en ekki eiga einhverjir nemendur ömmu, afa eða langömmu og langafa hér á heimilinu sem bíða spennt eftir að sjá afkomendur sína uppáklædda með þessum hætti.

Við hér á Grund erum þakklát fyrir að Kvennaskólinn hafi heimsókn á heimilið á dagskrá á peysufatadaginn. Takk innilega fyrir okkur. ❤️

25/03/2026

Það mátti heyra saumnál detta í páskabingói Grundar sem haldið var nýlega í hátíðasalnum svo mikill var spenningurinn.

Páskaeggjavinningarnir runnu út eins og heitar lummur og sumir fengu lítil egg á meðan aðrir hrepptu stærri. Páskabingóið er alltaf vinsælt hér á Grund.🐣