Tónskáldafélag Íslands

30/03/2026

Myrkir auglýsa eftir umsoknum:

Viltu taka þátt í Myrkum?

Listráð Myrkra Músíkdaga tekur á móti hugmyndum að verkefnum fyrir dagskrá hátíðarinnar 2027. Myrkir Músíkdagar fara fram dagana 28.-31. janúar 2027.

Tónlistarhátíðin Myrkir músíkdagar var stofnuð árið 1980 af Tónskáldafélagi Íslands með því markmiði að skapa vettvang fyrir samtímatónlist og hefur hátíðin að leiðarljósi frumsköpun tónskálda og flytjenda sem starfa hér á landi. Á meðal samstarfsaðila hátíðarinnar má nefna Sinfóníuhljómsveit Íslands, CAPUT og Kammersveit Reykjavíkur auk annarra.

Á Myrkum músíkdögum er sérstök áhersla lögð á frumsköpun og leitum við að viðburðum sem höfða til fjölbreyttra áhorfendahópa. Litið er á það sem kost að efnisskrár samanstandi af breidd hvað varðar höfundaval og listrænt inntak og hafi að leiðarljósi frumsköpun listafólks sem starfar hér á landi.

Öllu listafólki er frjálst að senda inn hugmyndir fyrir hátíðina og tekið er á móti hugmyndum á hvaða vinnslustigi sem er. Athugið þó að stærri og fjárfrekari verkefni þurfa að vera komin áleiðis með eigin fjármögnun til þess að koma til álita. Hátíðin greiðir hvorki ferðakostnað listafólks erlendis frá né uppihald. Hátíðin greiðir öllu listafólki sem kemur fram á hátíðinni laun eftir samkomulagi.

Tillögur að verkefnum skulu sendar inn með því að fylla út þetta rafræna eyðublað: https://forms.gle/eFzoDhbw1wQGV4YC6

Samstarfsaðilar: CAPUT og Kammersveit Reykjavíkur.
Hátíðin tekur við tillögum að stökum verkum samstarfsaðila hátíðarinnar, CAPUT og Kammersveit Reykjavíkur, í gegnum þetta eyðublað: https://forms.gle/6tuvF4GxMWH27C4t6

Samstarfsaðilar: Sinfóníuhljómsveit Íslands.
Hátíðin tekur ekki við tillögum að verkum fyrir Sinfóníuhljómsveit Íslands en bendir á að það má senda þeim tillögur að verkum hér. https://www.sinfonia.is/senda-inn-tonverk/

Skilafrestur er til miðnættis 20. apríl 2026.

----

Would you like to take part in Dark Music Days?
The curatorial team welcomes project proposals for Dark Music Days 2027. The festival will take place on the 28th-31th of January 2027.

Dark Music Days was founded in 1980 by the Icelandic Composers society as a platform for the performance of contemporary music. The focus of the festival is to perform and promote contemporary music with an emphasis on new works by composers and performers working and living in Iceland. The festival's partners include Iceland Symphony Orchestra, CAPUT and Reykjavík Chamber Orchestra, as well as others.

The festival emphasizes original creations and projects that appeal to a diverse audience. Projects displaying a diversity in terms of programming and artistic content are preferred as well as projects connected to Iceland or involving composers and performers living in Iceland.
All artists are welcome to submit ideas for the festival, and proposals are accepted at any stage of development. However, please note that larger and more costly projects must already have secured their own funding in order to be considered. The festival does not cover travel or accommodation expenses for international artists. All artists who perform at the festival are paid according to agreement.
Project proposals should be submitted by filling out this online form: https://forms.gle/eFzoDhbw1wQGV4YC6

Collaborators: CAPUT Ensemble and Reykjavík Chamber Orchestra
The festival accepts proposals for individual works for its collaborators, CAPUT Ensemble and the Reykjavík Chamber Orchestra, via this form: https://forms.gle/6tuvF4GxMWH27C4t6

Collaborator: Iceland Symphony Orchestra
The festival does not accept proposals for works for the Iceland Symphony Orchestra, but you may submit proposals to them directly here. https://www.sinfonia.is/senda-inn-tonverk/

The deadline for submission is midnight April 20th 2026.

26/03/2026

Við kveðjum Hjálmar okkar í dag. Eftirfarandi minningarorð birtust í morgunblaðinu.

--

Fyrstu kynni okkar Hjálmars voru látlaus. Engin formleg kynning átti sér stað. Ég var nemandi í Listaháskólanum og var stundum á nemendafundum með rektor, eins og gengur, og þegar leið nær útskrift var hann farinn að spjalla við mig hversdagslega þegar við hittumst á tónleikum. Eins og jafningja. Þar fann ég strax fyrir einlægum áhuga Hjálmars á hvað aðrir voru að gera í tónlistinni og hvernig hann var alltaf með augun á heildarsamhenginu.

Þegar við Þórunn Gréta Sigurðardóttir og Þuríður Jónsdóttir tókum við stjórn Tónskáldafélags Íslands vorið 2015 vorum við öll svo til nýgræðingar í félagsmálunum. Þá var ómetanlegt að geta treyst á Hjálmar, sem var fyrstur manna til að bjóða okkur hjálp sína. Fundirnir, póstarnir og símtölin urðu mörg og hann stytti okkur leið inn að kjarna málanna. Þetta var var okkur mikils virði. Sama gilti þegar við sátum saman í stjórn STEFs árin 2018-2020. Þar kynntist ég vel hugsjónamanninum Hjálmari sem stóð alltaf varðstöðu um listirnar, fylgdi eigin sannfæringu og tókst á við málefni af yfirvegun, rökfestu og víðsýni. Mælska hans var óviðjafnanleg og alltaf stutt í góðlátlegt brosið.

Risi í íslensku menningarlífi. Þannig má vel lýsa Hjálmari. Eitt okkar mesta tónskáld. Án hans væri Listaháskólinn kannski ekki til. Stofnun sem hefur mótað skilning þjóðarinnar á listum. Þetta er verk eldhuga. En í grunninn skynjaði ég Hjálmar alltaf líka sem drenginn sem ólst upp í Tónlistarskólanum á Ísafirði upp úr miðri síðustu öld. Hann bar með sér gamlan tíma og gildi sem við öll getum lært af. Ég minnist Hjálmars af mikilli hlýju og er þakklátur fyrir öll okkar kynni.

Páll Ragnar Pálsson
Formaður Tónskáldafélags Íslands og STEFs

14/03/2026

Stjórn Tónskáldafélags Íslands sendir vinum og fjölskyldu Hjálmars innilegar samúðarkveðjur. Við syrgjum okkar besta mann.

09/02/2026

Að loknum Myrkum músíkdögum 2026:

Myrkir músíkdagar 2026 stóðu sem hæst 29. janúar til og með 1. febrúar og lauk endanlega í gær en það var lokadagur innsetninga í Borgarbókasafninu og við Hallgrímskirkju. Hátíðin í ár fór að mestu fram í tónlistarhúsinu Hörpu en einnig voru viðburðir í Borgarbókasafninu í Grófinni og í Hallgrímskirkju. Ríflega 200 fagmenn í tónlist (og margir upprennandi) komu að hátíðinni í ár - tónskáld, flytjendur og framkvæmdaaðilar - og mörg hundruð manns nutu sem áhorfendur. Um 40 verk voru frumflutt á fjórum dögum en á hátíðardagskránni voru um 80 tónverk eftir 60 höfunda, flutt ýmist sem innsetningar, barnadagskrá, kórverk, sinfóníur, raftónlist, hljóðganga, strengjakvartett, tilraunatónlist, fótboltaópera, kammersveitarverk, tölvuleikjatónlist og í heimildarmynd. Svo eitthvað sé nefnt.

Við þökkum tónskáldum, flytjendum, áheyrendum, samstarfs- og styrktaraðilum hjartanlega fyrir samvinnuna og samveruna sem skapaði frábæra hátíð! Takk!

Undirbúningur fyrir Myrka músíkdaga 2027 er þegar hafinn. Fljótlega verður auglýst svonefnt „opið kall“ þar sem hægt er að senda inn tillögur og hugmyndir að viðburðum. Áhugasömum er bent á að fylgjast með heimasíðu og samfélagsmiðlum Myrkra músíkdaga.

Hér fylgja með nokkrar myndir sem Sunna Ben ljósmyndari tók á nýliðinni hátíð. Við birtum svo fleiri myndir á næstunni.

Tónlistarmiðstöð Inspired by Iceland Tónlistarborgin Reykjavík
Harpa tónlistar- og ráðstefnuhús / Harpa Concert Hall and Conference Centre Hallgrímskirkja

09/02/2026

18/01/2026

Verkið Næturljóð fyrir flautu frá árinu 2025 eftir Kolbein Bjarnason hefur verið valið til flutnings á ISCM - International Society for Contemporary Music hátíðinni sem haldin verður í Rúmeníu í mai 2026. Kolbeinn verður fulltrúi Tónskáldafélags Íslands á hátíðinni og óskar félagið honum hjartanlega til hamingju.

11/12/2025

Félag tónskálda og textahöfunda og Tónskáldafélag Íslands sendu í gær eftirfarandi bréf á stjórnendur RUV:

Stjórnir Félags tónskálda og textahöfunda og Tónskáldafélags Íslands vilja koma eftirfarandi á framfæri við stjórnendur RÚV.
Við lýsum yfir vonbrigðum með að leitað hafi verið út fyrir hóp íslenskra tónhöfunda þegar nýtt einkennisstef frétta var samið fyrir RÚV.

Þar með er brotin áratuga hefð, þar sem íslensku tónskáldi er falið að semja stef fyrir ríkisútvarp og sjónvarp. Stef sem lifir með þjóðinni og gefur einum fréttatímanum vægi og aukna vigt.
Það að erlent fyrirtæki sérhæfi sig í hljóðmynd útvarps- og sjónvarpsstöðva eru ekki rök fyrir því að sniðganga íslenska höfunda. Fjölmargir framúrskarandi tónlistarmenn á Íslandi sérhæfa sig einmitt í þessu og hafa starfað við góðan orðstír út um allan heim.

Ríkisútvarp hefur skyldum að gegna gagnvart íslenskum listamönnum, á í nánu samstarfi við þá á ótal sviðum — og á að sjá sóma sinn í að leita til þeirra þegar samin eru verk fyrir stofnunina.

Við skorum á RÚV að endurskoða þessa misráðnu ákvörðun sem allra fyrst.

F.h. stjórna FTT og TÍ:
Bragi Valdimar Skúlason, form. FTT
Páll Ragnar Pálsson, form. TÍ

24/11/2025

Stjórn Tónskáldafélags Íslands sendir fjölskyldu og vinum Jóns Ásgeirssonar samúðarkveðjur, en hann var útnefndur heiðursfélagi TÍ árið 2019.

Jón Ásgeirsson tónskáld er látinn. Hann á langan og farsælan feril að baki og samdi þjóðþekkt lög líkt og Maístjörnuna og Augun mín og augun þín.

04/09/2025

MYRKIR MÚSÍKDAGAR
BORGARHÁTÍÐ REYKJAVÍKUR 2026-2028

Myrkir músíkdagar hafa verið útnefndir Borgarhátíð Reykjavíkur 2026-2028 ásamt Iceland Airwaves, Hönnunarmars, Reykjavík Dance Festival, Iceland Noir–Reykjavík og Hinsegin dögum.

„Myrkir músíkdagar [eru] framsækin tónlistarhátíð sem styrkir stöðu íslenskra tónskálda og eykur fjölbreytni í menningardagatali borgarinnar.“

Þetta er sannkölluð lyftistöng fyrir hátíðina og þökkum við kærlega fyrir styrkinn, heiðurinn og nafnbótina. Við hlökkum til að efla hátíðina enn frekar – og menningarlíf Reykjavíkurborgar þar með.

Nánar má lesa um borgarhátíðir í Reykjavík 2026-2028 á heimasíðu Reykjavíkurborgar: https://reykjavik.is/frettir/2025/borgarhatidir-i-reykjavik-2026-2028

26/01/2025

RÚV heimsótti Hljóðbaðið í Hörpu í dag, ræddi við baðgesti og gerði því skil í kvöldfréttatímanum. Umfjöllunin hefst á mín. 20:18 (tengill í athugasemd hér fyrir neðan).

Harpa tónlistar- og ráðstefnuhús / Harpa Concert Hall and Conference Centre

Sigrún Hardardóttir