Æfingasálfræði: Hver sem er, hvort sem þeir eru að æfa reglulega eða VILJA æfa reglulega, geta nýtt sér mína aðstoð. Fyrir þá sem hafa byrjað og hætt í reglulegri hreyfingu oftar en þeir kjósa að muna, þá get ég sýnt fram á vísindalega sannaðar aðferðir til að halda sér á réttu brautinni. Fyrir þá sem eru að nú þegar að æfa, ég get hjálpað ykkur að fá meira út úr æfingaráætlununum, hanna nýjar áætlanir og almennt að fá heildarmynd yfir hvað er að virka og hvað má betur fara.
Íþróttasálfræði: Allir íþróttamenn þurfa að kljást við álag, hvort sem það er álag sem fylgir æfingum, keppnum eða samskipti við þjálfara. Ég get hjálpað til við hámarks undirbúning fyrir keppnir og hvernig hægt er að fá sem mest út úr hverri æfingu svo íþróttafólk sé sem best undirbúið þegar kemur að mikilvægum keppnum. Ég geri bæði þjálfurum og keppnisfólki kleift að fá heildarsýn yfir æfingarálag sitt, hvernig bæta megi andlegu hliðina, og hvernig forðast megi álagsmeiðsl.
Ég er menntaður Íþróttafræðingur frá KHÍ og er einnig með Masterspróf í Æfinga- og Íþróttasálfræði frá Háskólanum í Kaupmannahöfn. Mín lokaritgerð var um hvernig hjálpa beri einstaklingum að halda sig í ræktinni, aðferðum og lausnum. Einnig er ég með einkaþjálfarapróf frá FIA einkaþjálfunarskólanum ásamt almennum þjálfunargráðum (ÍSÍ, BSÍ).
