Sóltún Heima

11/09/2025

Í gær, á Gulum degi, byrjuðum við gula viku hjá Sóltúni. Sú stóra gula lét auðvitað sjá sig í tilefni dagsins🌞 og starfsfólk klæddist gulu. Umhverfið var skreytt með gulum skreytingum og svo var auðvitað gul terta með kaffinu💛

Næsta vika er síðan helguð fræðslu og samstöðu með geðheilbrigði og sjálfsvígsforvörnum;

Er allt í gulu?
Ef þér finnst lífið stundum ekki þess virði að lifa því, leitaðu þá hjálpar.
Ef þú hefur áhyggjur af ástvini/ vini/ vinnufélaga ræddu það við viðkomandi.
Það hjálpar að deila líðan sinni með öðrum.

Hjálparsími Rauða krossins: 1717
Upplýsingamiðstöð Heilsuveru: 1700
Píeta síminn: 552 2218
Neyðarsíminn: 112

08/09/2025

Í dag er Alþjóðadagur sjúkraþjálfara🥳 Hjá Sóltúni búum við svo vel að hafa öfluga sjúkraþjálfara á okkar snærum sem vinna að því alla daga að styrkja og efla líkamlegt atgervi okkar skjólstæðinga, og ekki er aðstoðarfólk þeirra í sjúkraþjálfuninni minna öflugt💪Við óskum öllum sjúkraþjálfurum til hamingju með daginn!

09/08/2025

Þessi vika hefur heldur betur verið litrík og skemmtileg á öllum starfsstöðvum Sóltúns, stuð á stuð ofan🏳️‍🌈 Gleðistund með Svenný og Steinunni, Kabarett bingó og dragsýning, bíósýningar, pizzupartý, gay pride kökur og litríkar vöfflur.
Góða skemmtun í gleðigöngunni í dag og til hamingju með ástina öll, hvernig sem hún birtist ykkur!❤️🩷🧡💛💚💙🩵💜🤎🖤🩶🤍

05/08/2025

Thelma Hafþórsdóttir Byrd, sérfræðingur í vinnuvernd og iðjuþjálfi, og Svenný Kristinsdóttir, aðstoðarkvár iðjuþjálfa, báðar starfsmenn á Sóltúni Heilsusetri, skrifuðu frábæra grein um hinseginfræðslu fyrir eldra fólk í endurhæfingu á Sóltúni Heilsusetri. Í fræðslunni er m.a. farið yfir hugtök á borð við kvár, kynvitund, trans, intersex og kyntjáningu og hefur þessari fræðslu verið einstaklega vel tekið enda mjög fróðleg, sérstaklega fyrir eldri kynslóðir.

Endilega kíkið á þessa skemmtilegu grein❤️🩷🧡💛💚💙🩵💜🤎🖤🩶🤍

https://www.soltun.is/frettir/hvad-er-svona-merkilegt-vid-thad-ad-vera-hinsegin

28/05/2025

Árlega er gerð þjónustukönnun meðal íbúa og aðstandenda hjúkrunarheimila Sóltúns og erum við ákaflega stolt af niðurstöðunum 2025, en heildaránægja mælist há meðal íbúa og aðstandenda💛

Niðurstöðurnar er að finna í heild sinni á vefsíðu Sóltúns.

Heildaránægja mælist há á Sóltúnsheimilunum og íbúar og aðstandendur upplifa umhyggju og öryggi samkvæmt þjónustukönnun sem félagið lét framkvæma í mars 2025.

12/05/2025

Við óskum öllum hjúkrunarfræðingum til hamingju með daginn, Alþjóðadag hjúkrunarfræðinga!💛🥳🙌🥳💛


We wish all nurses a happy International Nurses Day!🥳🙌🥳

24/04/2025

Gleðilegt sumar!☀️💛☀️

16/04/2025

Síðustu tvær vikur höfum við verið að hita upp fyrir páskana. Páskabingó, páskabíó, páskaföndur og guðsþjónusta hafa stytt okkur stundir á meðan við bíðum eftir páskunum og súkkulaðinu góða🐥
Það hefur reyndar verið hitað hraustlega upp í nammiáti á öllum starfsstöðvum og á Sólvangi var meira að segja haldinn vondunammidagur þar sem fólk mætti með sitt allra versta nammi. Það voru auðvitað skiptar skoðanir á því hvað telst vera vont nammi😎

Starfsfólk Sóltúns á öllum starfsstöðvum fékk hins vegar óneitanlega gómsætt páskaegg nr.4 frá Nóa Siríus í páskagjöf frá Sóltúni. Einhverjir hafa tekið gæðatékk á sínu eggi og þetta er víst ansi góður árgangur í ár!🐥😋

Við óskum ykkur öllum gleðilegra páska og vonum að við fáum öll að njóta sem allra lengst þessara fallegu og langþráðu sólargeisla sem umlykja okkur þessa dagana☀️💛🐥

28/03/2025

Laus störf Sóltúni

24/03/2025

Fjóla Bjarnadóttir hefur verið ráðin forstöðumaður Sóltúns Sólvangi, miðstöð öldrunarþjónustu. Fjóla starfaði áður sem forstöðumaður á hjúkrunarheimilinu Eir og Hömrum. Hún hefur einnig verið í stjórnunarstöðum á Skjóli og Heilbrigðisstofnun Vestfjarða ásamt öðru. Fjóla er með M.Sc. í öldrunarfræðum frá HA, viðbótardiplóma í heilbrigðisvísindum með áherslu á krabbamein og líknarmeðferðir, viðbótardiplómu í stjórnun innan heilbrigðisþjónustu, B.Sc í hjúkrun og sjúkraliðamenntuð.

Sóltún rekur fjölbreytt þjónustuúrræði fyrir aldraða. Á Sóltúni Sólvangi í Hafnarfirði eru 71 hjúkrunarrými, 26 dagdvalarrými, Sóltún Heilsusetur endurhæfingarúrræði og Sóltún Heima heimaþjónusta. Á Sóltúni Reykjavík eru 92 hjúkrunarrými.

Fjóla hefur tekið til starfa💛

21/03/2025

Sóltún bauð starfsfólki á öllum starfsstöðvum upp á Búlluborgara í hádeginu við glimrandi ánægju starfsfólks. Og það bókstaflega á Sóltúni Reykjavík því starfsfólk kom beint í hamborgararöðina að loknu glimmer dansiballi í samkomusalnum. Glimmer, dans og hamborgarar, gerist ekki betra. Góða helgi!🍔💛💃