Hrafnista

03/01/2026

Bjarney Gunnarsdóttir hlaut styrk frá Rannsóknarsjóði Hrafnistu á dögunum til að vinna áfram með verkefnið Sameinum kynslóðir - valáfanga á unglingastigi. Hún er nú að þróa kennsluleiðbeiningar, sem er lokaverkefnið hennar í meistaranámi í íþróttafræði, sem hún vonar að aðrir skólar taki upp og nýti.

Starfsmaður á Hrafnistu hlaut nýverið styrk til að þróa áfram verkefni þar sem grunnskólakrakkar heimsækja íbúa hjúkrunarheimila vikulega. Hún segir verkefnið hafa gefið góða raun og vonar að fleiri skólar og hjúkrunarheimili taki þátt.

29/12/2025

Rannsóknarsjóður Hrafnistu veitir tvo styrki

Rannsóknarsjóður Hrafnistu veitti nýverið tvo styrki til verkefna en hlutverk sjóðsins er að styrkja rannsóknir og verkefni sem efla málaflokk aldraðra hér á landi með það að markmiði að stuðla að nýjungum og þróun í málefnum sem tengjast öldruðum.

Luis Gísli Rabelo hlaut styrk að upphæð 600.000 króna vegna doktorsrannsóknar sinnar Mat á hrumleika hjá íslenskum skurðsjúklingum og útkomur þeirra eftir aðgerð. Markmið rannsóknarinnar er að meta algengi aukinnar hættu á hrumleika meðal sjúklinga 70 ára og eldri sem fara í valkvæðar skurðaðgerðir og nota til þess ákveðin skimunarpróf. Með því er hægt að varpa ljósi á tengsl áhættu á fylgikvillum eftir skurðaðgerðir hjá sjúklingum sem skimast hrumir. Þannig væri hægt að bera kennsl á ákjósanlegan hóp einstaklinga sem gæti haft gagn af frekara mati öldrunarlæknis og/eða forhæfingu fyrir aðgerð og leggja mat á umfang þeirrar þjónustu sem hrumir einstaklingar hafi gagn af í aðdraganda aðgerðarinnar.

Bjarney Gunnarsdóttir hlaut styrk að upphæð 400.000 króna vegna verkefnis síns Sameinum kynslóðir - valáfangi á unglingastigi. Verkefnið snýst um að útbúa námsefni og kennsluleiðbeiningar fyrir valáfanga á unglingastigi grunnskóla. Hann er hugsaður sem samstarfsverkefni á milli grunnskóla og hjúkrunarheimila þar sem nemendur í 9. og 10.bekk mæti í reglulegar heimsóknir til íbúa á hjúkrunarheimilum. Markmiðið með verkefninu er að kynna ungmennum fyrir lífi og starfi hjúkrunarheimila, að stuðla að andlegri vellíðan, samskiptum þvert á kynslóðir og að auka hreyfingu og virkni hjá eldra fólki sem býr á hjúkrunarheimilum. Með reglulegum heimsóknum ungmenna til eldra fólks á hjúkrunarheimilum er hægt að búa til samfélagslegt verkefni sem gefur ungum sem öldnum aukinn tilgang og þá tilfinningu að tilheyra samfélaginu sínu.

Rannsóknarsjóður Hrafnistu óskar styrkþegum innilega til hamingju.

Um Rannsóknarsjóð Hrafnistu
Rannsóknarsjóður Hrafnistu er í eigu Sjómannadagsráðs.
Rannsóknarsjóðurinn veitir styrki til verkefna tengdum öldrunarmálum og til þeirra sem stunda rannsóknir, formlegt nám eða hvað annað sem mun efla þennan málaflokk hér á landi. Bæði einstaklingar og fyrirtæki geta sótt um í sjóðinn.

22/12/2025

Nýtt Hrafnistubréf komið út

Í þessu nýja tölublaði er stiklað á stóru yfir það helsta sem drifið hefur á daga okkar sem lifum og störfum á Hrafnistu frá því að síðasta Hrafnistubréf var gefið út, í desember 2024. Blaðið hefur verið gefið út tvisvar sinnum á ári, að vori og að hausti, en nú hefur verið gerð breyting á og mun það verða gefið út í desember ár hvert.

Í blaðinu má finna skemmtileg viðtöl, greinar og fleira, ásamt skemmtilegum myndum úr starfinu.

Forsíðumyndin að þessu sinni er frá vígslu nýs hjúkrunarheimilis Hrafnistu í Boðaþingi Kópavogi sem fram fór 2. september sl. Nýja hjúkrunarheimilið er með 64 hjúkrunarrými en fyrir voru 44 rými og eru hjúkrunarrýmin því alls orðin 108 talsins.

Hér fyrir neðan má finna link á vefútgáfu blaðsins

https://hrafnista.is/wp-content/uploads/2025/12/HB_web-jol25.pdf

22/12/2025

❤️🎄

19/12/2025

Jólakórinn söng fyrir íbúa og gesti á Hrafnistu Sléttuvegi í vikunni 🎄✨

19/12/2025

Barnakór Laugarneskirkju söng fyrir íbúa á Hrafnistu Laugarási í vikunni ❤️

19/12/2025

Aríel Pétursson formaður Sjómannadagsráðs og fjölskylda héldu tónleika í gær fyrir íbúa á Hrafnistu Laugarási við mikinn fögnuð viðstaddra ❤️✨

19/12/2025

Viðburðarík vika á Hrafnistu Hraunvangi 🎄❤️

10/12/2025

Hrafnista óskar þér og þínum gleðilegrar hátíðar og farsældar á komandi ári 🎄

02/12/2025

„Hvers kyns samvera í leik og starfi hjálpar til við að styrkja sjálfsmynd fólks, dregur úr kvíða og skapar tilgang í lífinu. Samvera er því ekki bara skemmtun heldur raunveruleg heilbrigðisforvörn sem styrkir einstaklinginn - og þar með samfélagið í heild,“ skrifar Þröstur V. Söring, framkvæmdastjóri eignasviðs Sjómannadagsráðs, í greininni Samvera er heilsuefling sem birtist á visir.is í gær.
„Lífsgæðakjarnar Sjómannadagsráðs, Hrafnistu og DAS íbúða eru hannaðir með það að markmiði að byggja upp samfélag þar sem félagsleg tengsl geta myndast og blómstrað.“

Einmanaleiki er flókið fyrirbæri sem á sér mismunandi orsakir. Stundum læðist hann að okkur smám saman, eins og skuggi sem fylgir fallandi sól, en getur líka komið skyndilega og sprottið af aðstæðum sem einstaklingur hefur litla stjórn á.

28/11/2025

Lionsklúbburinn Eik heimsótti íbúa á Hrafnistu Ísafold í dag 💜