Jóhannes Árnason lauk almennu læknanámi frá Háskóla Íslands árið 1995. Hann hóf sérnám í lýtalækningum árið 1997 í Bretlandi og hélt ári síðar til Danmerkur þar sem hann lauk námi sínu með sérfræðingsleyfi í lýtalækningum árið 2004.
Jóhannes fékk snemma á ferli sínum áhuga á fegrunarlýtalækningum og einblíndi sér alfarið að þeim. Hann aflaði sér allrar mögulegrar þekkinga hjá þeim sem fremstir voru í faginu í Skandínavíu og víðar og er í fárra manna hópi sem hefur verið í svokölluðu fellowship í fegrunarlýtalækningum í Bandaríkjunum og Svíþjóð.
Frá árinu 2005 starfaði Jóhannes sem lýtalæknir við Plastikkirurgi Centrum, eina af stærstu klíníkum í fegrunarlýtalækningum i Skandínavíu og starfrækti stofur bæði í Malmö og Kaupmannahöfn. Árið 2007 var klíníkin keypt af Akademikliniken, sem var önnur af þeim stóru á sviði fegrunarlýtalækninga. Jóhannes hélt þá áfram störfum við Akademikliniken í Malmö og Kaupmannahöfn sem leiðandi lýtalæknir við þessa stærstu einkareknu lýtalæknaklínísku samsteypu í Skandínavíu.
Árið 2010 var Jóhannes beðinn um að taka þátt í að byggja upp tvö einkarekin sjúkrahús fyrir lýtalækningar i Kaupmannahöfn og Malmö fyrir nýja keðju lýtalæknaklíníka. Þar hóf hann störf í mars 2010 sem einn af eigendum þessara sjúkrahúsa, sem nú eru hluti af Teres Medical Group. Teres Medical Group er stærsta einkarekna lýtalæknakeðja i Skandínavíu með 17 klíníkur og um 30 starfandi lýtalækna.
Jóhannes leggur mikla áherslu á að viðhalda þekkingu sinni í lýtalækningum og fylgist með því sem nýtt er að gerast út um allan heim. Hann er mjög virkur í að sækja alþjóðlegar ráðstefnur í lýtalækningum og er þar oft sjálfur með kennsluefni og fyrirlestra.
Í dag starfar Jóhannes á Klíníkinni Ármúla og Citadell Kliniken í Svíþjóð.
Kliníkin Ármúla: https://www.klinikin.is/johannes-arnason
Citadell Kliniken: https://citadellkliniken.com/om-oss/var-personal/johannes-arnason/
Aðgerðir
Jóhannes er einn fárra lækna á Íslandi sem hefur sérhæft sig í fegrunaraðgerðum á nefi en hann hefur annars víðtæka reynslu af hvers kyns fegrunaraðgerðum. Hann hefur mikla sérþekkingu á brjóstastækkunum og notast við aðferð nefnda Biodimentional thinking við val á brjóstapúðum. Þá er stuðst við mælingar á brjóstum hvers einstaklings við val á púða. Þessi aðferð hefur rutt sér rúms síðustu ár með tilkomu anatomiska púða. Jóhannes er einn fárra í Skandínavíu sem hefur mikla reynslu í að koma brjóstapúðum fyrir í gegnum holhöndina. Þar með verða engin ör við brjóstið að aðgerð lokinni.
Einnig hafa svuntuaðgerðir og fitusog verið meðal uppáhaldsaðgerða, þar sem endurskapaður er flatur magi ad modum Hunstad, sem Jóhannes lærði af kollega sínum og vini, Joseph P. Hunstad, í Norður-Karólínu í Bandaríkjunum.
Jóhannes var meðal þeirra fyrstu sem notuðu fylliefni og Botox í Danmörku þegar það kom á markað. Frá 2012 hefur hann sinnt kennslu fyrir aðra lækna á Norðurlöndunum við meðhöndlun með fylliefnum (Restylan) og Botox fyrir Galderma.
Jóhannes framkvæmir jafnframt allar aðrar tegundir lýtalækninga, svo sem við augnlok, brjóstaminnkun, brjóstalyftingu, fitusog og fitufyllingar í brjóst eða afturenda. Þá meðhöndlar Jóhannes ör og önnur húðlýti.
Fyrir frekari upplýsingar má hafa samband við Kliníkina í Ármúla
