Rótin

Rótin Rótin
The Root Rótin er félag áhugakvenna og því eru allar konur með áhuga á málefninu velkomnar í félagið. Sendu okkur póst á rotin@rotin.is. Kristín I.

Pálsdóttir sér að mestu um síðu félagsins á Facebook og svarar fyrirspurnum. Við fögnum athugasemdum og umræðum á síðunni en við ætlumst til þess að hún sé málefnaleg. Við áskiljum okkur rétt til að eyða ómálefnalegum og dónalegum athugasemdum.

„Ég hefði í rauninni ekki getað sótt þessa meðferð ef ég hefði þurft að borga fyrir hana eða vitað að ég þyrfti að borga...
01/03/2026

„Ég hefði í rauninni ekki getað sótt þessa meðferð ef ég hefði þurft að borga fyrir hana eða vitað að ég þyrfti að borga fyrir hana,“ segir Hekla.
Gjaldið er fimm þúsund krónur og Rótin, sem er félag um málefni fólks með fíknivanda, hefur skorað á heilbrigðisráðherra að falla frá því, og að þessi þjónusta verði veitt á öðrum stað en Vogi – hún þurfi að vera meira miðsvæðis."

Ég hefði aldrei orðið edrú ef ég hefði ekki fengið þessa meðferð, segir ung kona sem fær viðhaldsmeðferð við ópíóíðafíkn. Hún óttast að nýtt gjald fyrir meðferðina verði til þess að færri nýti sér hana.

Rótin gaf út bæklinginn „Ef fjölmiðlar hafa samband. Leiðbeiningar fyrir brotaþola og aðstandendur“ árið 2015. Hann er æ...
26/02/2026

Rótin gaf út bæklinginn „Ef fjölmiðlar hafa samband. Leiðbeiningar fyrir brotaþola og aðstandendur“ árið 2015. Hann er ætlaður þolendum og inniheldur leiðbeiningar um samskipti við fjölmiðla eftir áföll vegna ofbeldis.
Þolendur og aðstandur þeirra ræða reglulega við fjölmiðla og stundum er fólk að opna á slíka reynslu í fyrsta skipti. Leiðbeiningarnar styðja brotaþola og aðstandendur í að gera upp hug sinn um það hvernig þeir vilja haga samskiptum við fjölmiðla í þeirra hag en ekki fjölmiðlanna.

Rótin gaf út bæklinginn „Ef fjölmiðlar hafa samband. Leiðbeiningar fyrir brotaþola og aðstandendur“ sem ætlaður er þolendum ofbeldisglæpa og inniheldur leiðbeiningar um samskipti við fjölmiðla eftir áföll vegna ofbeldis. Bæklingurinn er þýddur úr ensku með góðfúslegu le...

Takk fyrir stuðninginn Frú Ragnheiður - Skaðaminnkun ❤
24/02/2026

Takk fyrir stuðninginn Frú Ragnheiður - Skaðaminnkun ❤

English translation below. Rótin sendi eftirfarandi erindi til Ölmu Möller, heilbrigðisráðherra, föstudaginn 20. febrúar 2026. Erindið má einnig nálgast hér í PDF-skjali: 260220_Askorun_um_nidurfellingu_komugjald_og_bætt_likamlegt_adgengi_ad_vidhaldsmedferd_vid_opidodafiknDownload Ág....

Við fengum góða heimsókn í Konukot í gær þar sem Erling, gullsmiður í Smiðsbúð færði okkur afrakstur Glóðarverkefnisins....
24/02/2026

Við fengum góða heimsókn í Konukot í gær þar sem Erling, gullsmiður í Smiðsbúð færði okkur afrakstur Glóðarverkefnisins. Með honum var leikkonuteymið sem stutt hefur við verkefnið með ráðum og dáð. Við þökkum þeim öllum fyrir ómetanlegan stuðning!
Á myndinni eru Harpa Arnardóttir, Helga Lind Mar, teymisstjóri í Konukoti. Ólafía Hrönn Jónsdóttir, Unnur Ágústsdóttir, formaður Rótarinnar, Ilmur Kristjánsdóttir, Kristín I. Pálsdóttir, framkvæmdastýra Rótarinnar, Katla Margrét Þorgeirsdóttir, Eygló Hilmarsdóttir og Erling Jóhannesson.
Fleiri leikkonur hafa komið að verkefninu og sendum við þeim bestu kveðjur!

Glóðin skilaði af sér til Konukots í dag 1,6 milljónum og hefur Glóðin þá safnað og skilað tæplega 9 milljónum til starfseminnar. Það var sérstaklega ánægjulegt að koma í nýtt húsnæði Konukots og mikil og tímabær endurnýjun á húsnæðinu hefur bætt aðstöðu starfseminnar til muna.

"Þar er aukinheldur bent á að núverandi staðsetning viðhaldsmeðferðar SÁÁ, sem veitt er á Vogi, „í útjaðri Reykjavíkur“,...
23/02/2026

"Þar er aukinheldur bent á að núverandi staðsetning viðhaldsmeðferðar SÁÁ, sem veitt er á Vogi, „í útjaðri Reykjavíkur“, skapi verulegar aðgangshindranir.
---
Sömuleiðis er bent á að núverandi fyrirkomulag leiði til þess að starfsfólk vettvangs- og ráðgjafateymis Reykjavíkurborgar sé mjög bundið til að aka einstaklingum í meðferð. Það dragi úr getu teymisins til annars nauðsynlegrar vettvangsvinnu og undirstriki að þjónustan sé ekki skipulögð í samræmi við meginreglur lágþröskulda skaðaminnkandi þjónustu, þar sem kerfið eigi að laga sig að aðstæðum fólks en ekki öfugt."

Rótin, félag áhugakvenna og kvára, hefur skorað á heilbrigðisráðuneytið að endurskoða fyrirkomulag viðhaldsmeðferðar við ópíóíðafíkn, bæði hvað varðar komugjöld og líkamlegt aðgengi að þjónustunni.

Matthildarsamtökin benda á fleiri þröskulda í aðgengi að skaðaminnkandi meðferð: „Það sem er kannski helsta áskorun okka...
22/02/2026

Matthildarsamtökin benda á fleiri þröskulda í aðgengi að skaðaminnkandi meðferð: „Það sem er kannski helsta áskorun okkar skjólstæðinga í Matthildarsamtökunum er þessi krafa um innlögn á Vog til þess að geta hafið meðferð ef staðfest ópíóíðafíknigreining er ekki til staðar. Það er ekki slík krafa í mörgum löndum í Evrópu,“ segir Svala.

Efnaminna fólk og minnihlutahópar hafa ekki greitt aðgengi að ópíóíðameðferð að mati formanns Matthildar, samtaka um skaðaminnkun. Strangar kröfur og kostnaður geta komið í veg fyrir að fólk með fíknivanda klári meðferð.

„Við erum að sjá og heyra að fólk er að detta út úr þessari meðferð út af því að það þarf að greiða komugjöld fyrir meðf...
21/02/2026

„Við erum að sjá og heyra að fólk er að detta út úr þessari meðferð út af því að það þarf að greiða komugjöld fyrir meðferðina,“ segir Kristín I. Pálsdóttir, framkvæmdastýra Rótarinnar.
„Við teljum að það sé afskaplega óheppilegt og ekki í samræmi við svona lágþröskulda þjónustu og skaðaminnkandi þjónustu,“ bætir Kristín við."
„Markmiðið hlýtur alltaf að vera að halda fólki í meðferðinni og gera allt til þess. Þetta er ekkert rosalega stór hópur þannig þetta er ekki gríðarlegur kostnaður fyrir kerfið en rosalega mikilvægt fyrir þennan litla hóp,“ segir Kristín."

Dæmi eru um að fólk með ópíóðafíkn hætti í meðferð vegna 17 þúsund króna komugjalda á Vogi. Rótin, félag um málefni fólks með fíknivanda, vill að heilbrigðisráðherra beiti sér í málinu.

Rótin sendi í dag erindi á heilbrigðisráðherra vegna þröskulda í viðhaldsþjónustu við ópíóðafíkn. "Ljóst er að aðgengi a...
20/02/2026

Rótin sendi í dag erindi á heilbrigðisráðherra vegna þröskulda í viðhaldsþjónustu við ópíóðafíkn.
"Ljóst er að aðgengi að skaðaminnkandi viðhaldsmeðferð sem veitt er af SÁÁ uppfyllir ekki þau skilyrði að vera sú lágþröskulda og skaðaminnkandi þjónusta sem hún ætti sannarlega að vera og of oft hrökklast fólk úr meðferð vegna þess að það á ekki fyrir komugjöldum eða vegna líkamlegs aðgengis. Afleiðingarnar eru alvarlegar og fyrirsjáanlegar, þar á meðal aukin hættu á ofskömmtun og dauðsföllum."
"Með vísan til framangreindra laga- og mannréttindasjónarmiða mælumst við til þess að:
1. Komugjöld í viðhaldsmeðferð við ópíóíðafíkn verði felld niður hið fyrsta.
2. Endurskoðun fari fram á staðsetningu og skipulagi þjónustunnar með það að markmiði að tryggja raunverulegt líkamlegt aðgengi og samræmi við alþjóðleg viðmið um lágþröskulda skaðaminnkandi þjónustu og rétt til bestu mögulegu heilsu.
3. Viðhaldsmeðferð er nú þegar í boði á göngudeild geð- og fíknisjúkdóma á LSH fyrir þröngt skilgreindan hóp. Einföld leið til að leysa vandann væri að útvíkka þá þjónustu fyrir stærri hóp og fella niður komugjöld eins og gert hefur verið í Laufeyjarteymi LSH.
Núverandi fyrirkomulag stenst ekki kröfur um efnislegt jafnræði, fjárhagslegt og líkamlegt aðgengi, meðferðin er í útjaðri Reykjavíkur og óþarfa hamlandi þröskuldur fyrir notendur, né jákvæðar skyldur ríkisins samkvæmt stjórnarskrá og alþjóðlegum mannréttindaskuldbindingum Íslands. Þá er hún ekki í samræmi við meginmarkmið heilbrigðisstefnu um að veita rétta þjónustu á réttum stað.

Rótin sendi eftirfarandi erindi til Ölmu Möller, heilbrigðisráðherra, föstudaginn 20. febrúar 2026. Erindið má einnig nálgast hér í PDF-skjali: 260220_Askorun_um_nidurfellingu_komugjald_og_bætt_likamlegt_adgengi_ad_vidhaldsmedferd_vid_opidodafiknDownload Ágæti heilbrigðisráðherra,...

Unnar Þór Sæmundsson skrifar um Bakkakot og barnaverndarkerfið: "Í nýlegu viðtali við RÚV segir Bragi Guðbrandsson, fyrr...
20/02/2026

Unnar Þór Sæmundsson skrifar um Bakkakot og barnaverndarkerfið:
"Í nýlegu viðtali við RÚV segir Bragi Guðbrandsson, fyrrverandi forstjóri Barnaverndarstofu, að hann hafi hvorki vitað af né fengið upplýsingar um alvarleg brot sem áttu sér stað innan barnaverndarkerfisins á meðan hann stýrði stofnuninni. Í sama viðtali segir hann jafnframt að hann hafi sjálfur hannað kerfið. Þetta er ekki smávægilegt atriði. Þetta er kjarni málsins.
Hvernig getur arkitekt kerfis verið óupplýstur um verstu afleiðingar þess?
Ef barnaverndarkerfi er hannað með þeim hætti að ofbeldi geti átt sér stað árum saman án þess að upplýsingar berist til æðstu stjórnenda, þá er ekki nægjanlegt að vísa til þess að upplýsingaflæðið hafi brugðist. Þá verður að spyrja hvort kerfið hafi í raun verið byggt þannig að upplýsingarnar gátu einfaldlega ekki borist. Þá er það ekki tilviljun. Þá er það ekki „óheppilegt“. Þá er það niðurstaða. Þá hefur verið búið til kerfi þar sem ábyrgð er hönnuð til að stöðvast áður en hún nær toppnum.
Hvernig kerfi hannar maður þannig að sá sem ber mesta valdið ber jafnframt minnstu ábyrgðina?"

Í nýlegu viðtali við RÚV segir Bragi Guðbrandsson, fyrrverandi forstjóri Barnaverndarstofu, að hann hafi hvorki vitað af né fengið upplýsingar um alvarleg brot sem áttu sér stað innan barnaverndarkerfisins á meðan hann stýrði stofnuninni.

Í ljósi þeirrar umræðu sem átt hefur sér stað um Bakkakot og Barrnaverndarstofu er rétt að ítreka mikilvægi þess að gerð...
19/02/2026

Í ljósi þeirrar umræðu sem átt hefur sér stað um Bakkakot og Barrnaverndarstofu er rétt að ítreka mikilvægi þess að gerð verði sannleiks- og ábyrgðarúttekt á starfstíma Barnaverndarstofu frá 1995-2021.
Í ljósi þessa gerir Rótin eftirfarandi kröfur til forsætisráðuneytisins:
1. Forsætisráðuneytið skal setja á laggirnar óháða og heildstæða rannsókn á störfum Barnaverndarstofu og eftirlitshlutverki ríkisins, með sérstakri áherslu á tímabilið 1995–2021.
2. Rannsóknin skal vera utan núverandi barnaverndar- og eftirlitskerfis og njóta sjálfstæðs og skýrs umboðs sem uppfyllir rannsóknarskyldu ríkisins samkvæmt mannréttindarétti.
3. Rannsóknarnefnd skal skipuð án hagsmunaárekstra og hafa fullt og óskorað aðgengi að öllum gögnum ríkis og sveitarfélaga, þar með talið lokuðum skjölum. Rótin bendir á að heilbrigðisráðuneytið brá á það ráð að fá erlendan sérfræðing til að gera stöðumat á áfengis- vímumeðferðarkerfinu og komst þannig fram hjá þeim hagsmunahindrunum lítils samfélags.
4. Rannsóknin skal unnin á áfallamiðaðan og inngildandi hátt, þar sem frásagnir þolenda eru metnar sem lykilgögn og þátttaka þeirra er á þeirra forsendum.
5. Rannsóknin skal taka til ábyrgðarkeðja, kerfisbresta og viðbragðaleysis, með sérstakri umfjöllun um Bakkakot, Varpholt/Laugaland, auk sambærilegra úrræða.
6. Niðurstöður skulu birtar opinberlega í heild sinni og forsætisráðuneytið skal í kjölfarið leggja fram tímasetta aðgerðaáætlun sem felur í sér:
- opinbera viðurkenningu á ranglæti
- réttlætis- og bótaleiðir fyrir þolendur
- nauðsynlegar lagalegar og kerfislægar umbætur
Án slíkrar rannsóknar, birtingar og eftirfylgni bregst íslenska ríkið skyldum sínum gagnvart þeim sem urðu fyrir ofbeldi í umsjá þess og viðheldur kerfisofbeldi í stað þess að rjúfa það.

Rótin sendi í dag, 6. febrúar 2026, eftirfarandi erindi á forsætisráðuneytið: Krafa um óháða rannsókn vegna ofbeldis í barnaverndarkerfinu Í Kveik á RÚV hinn 2. febrúar sl. komu fram alvarlegar frásagnir af líkamlegu, andlegu og kynferðislegu ofbeldi gegn börnum í vistun á veg...

Áfallameðferð í hópi fyrir konur í samstarfi Rótarinnar og Grænuhlíðar hentar konum með áfallasögu og þar með talið konu...
12/02/2026

Áfallameðferð í hópi fyrir konur í samstarfi Rótarinnar og Grænuhlíðar hentar konum með áfallasögu og þar með talið konum með sögu um vímuefnavanda. Markmiðið er að styðja konur í að skilja betur áhrif áfalla og erfiðrar reynslu á daglegt líf og byggja upp tilfinningalegan stöðugleika og jafnvægi.
Námskeiđ hefst 24. febrúar og lýkur 5. maí og verđur haldiđ á þriđjudögum kl. 15.30-16.45.
Tvö laus pláss eru á námskeiðinu ennþá.

Áfallameðferð í hópi fyrir konur. Meðferðin hentar konum með áfallasögu og þar með talið konum með sögu um vímuefnavanda. Markmiðið er að styðja konur í að skilja betur áhrif áfalla og erfiðrar reynslu á daglegt líf og byggja upp innri stöðugleika og jafnvægi.

"Engin gæðaviðmið hafa verið gefin út fyrir þjónustu sem veitt er á grundvelli barnaverndarlaga, en samkvæmt lögum á Gæð...
09/02/2026

"Engin gæðaviðmið hafa verið gefin út fyrir þjónustu sem veitt er á grundvelli barnaverndarlaga, en samkvæmt lögum á Gæða- og eftirlitsstofnun velferðarmála (GEV) að þróa slík viðmið og hafa eftirlit með þjónustunni. Þar á meðal úrræðum sem eru á ábyrgð sveitarfélaga.

Þá hafa sveitarfélög hingað til ekki framkvæmt almennt gæða- og árangursmat í tengslum við vistanir barna, eitthvað sem börn eiga rétt á að gert sé með reglubundnum hætti.

Þetta segir Salvör Nordal, umboðsmaður barna, í samtali við mbl.is. Með viðmiðum er átt við leiðbeiningar til þeirra sem lúta eftirliti stofnunarinnar um að sinna þjónustu með ákveðnum hætti. Gæðaviðmiðin eiga að hafa það að markmiði að stuðla að auknum gæðum þjónustu en eftirlitsaðilar hafa ekki getað notast við slík viðmið þar sem þau eru ekki til." https://www.mbl.is/frettir/innlent/2026/02/08/engin_gaedavidmid_og_skortur_a_eftirliti/

Engin gæðaviðmið hafa verið gefin út fyrir þjónustu sem veitt er á grundvelli barnaverndarlaga, en samkvæmt lögum á Gæða- og eftirlitsstofnun velferðarmála (GEV) að þróa slík viðmið og hafa eftirlit með þjónustunni. Þar á meðal úrræðum sem eru á ábyrgð sveitarfélag...

Address

Túngata 14
Reykjavík
101

Website

https://www.styrkja.is/rotin

Alerts

Be the first to know and let us send you an email when Rótin posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category