FEB Félag eldri borgara í Reykjavík og nágrenni

17/04/2026

Borgarstjórnarkosningar vorið 2026 og FEB

FEB boðar til opins félagsfundar í Ásgarði sal FEB í Stangarhyl 4, föstudaginn 17. apríl kl. 14:00 í aðdraganda sveitarstjórnarkosninga.

Á fundinn eru boðaðir allir oddvitar þeirra framboða sem bjóða fram í borgarstjórnarkosningunum þann 16. maí n.k. FEB leggur áherslu á að flokkarnir komi fram með heildstæða stefnu og skýra tímasetta áætlun um aðgerðir í málefnum eldra fólks til skemmri og lengri tíma.

Um pallborðsumræður verður að ræða og verður Bogi Ágústsson fyrrverandi fréttastjóri RÚV fundarstjóri.

Allir félagsmenn eru velkomnir meðan húsrúm leyfir en einnig er bent á að fundinum verður streymt og hann tekinn upp og aðgengilegur á heimasíðu félagsins í nánustu framtíð.

Hægt verður að horfa á streymið á facebook síðu okkar eða á youtube svæði kirkjustreymi.is sem er hægt að nálgast hérna: https://www.youtube.com/

14/04/2026

Borgarstjórnarkosningar vorið 2026 og FEB
FEB boðar til opins félagsfundar í Ásgarði sal FEB í Stangarhyl 4, föstudaginn 17. apríl kl. 14:00 í aðdraganda sveitarstjórnarkosninga.

Á fundinn eru boðaðir allir oddvitar þeirra framboða sem bjóða fram í borgarstjórnarkosningunum þann 16. maí n.k. FEB leggur áherslu á að flokkarnir komi fram með heildstæða stefnu og skýra tímasetta áætlun um aðgerðir í málefnum eldra fólks til skemmri og lengri tíma.

Um pallborðsumræður verður að ræða og verður Bogi Ágústsson fyrrverandi fréttastjóri RÚV fundarstjóri. Allir félagsmenn eru velkomnir meðan húsrúm leyfir en einnig er bent á að fundinum verður streymt og hann tekinn upp og aðgengilegur á heimasíðu félagsins í nánustu framtíð.

Nánari upplýsingar um streymið er að finna hér ofar á Facebooksíðu FEB eða með því að smella hér https://fb.me/e/3E3S5Tcaa

10/04/2026

Næsti dansleikur er sunnudaginn 19. apríl
Næsta sunnudag (12. apríl) fellur dansleikurinn niður hjá FEB - en við mætum full að fjöri með dansleik sunnudaginn 19. apríl.
Starfsfólk FEB, Siggi og Sigrid

09/04/2026

Námskeið um gervigreindina ChatGPT aftur komið á dagskrá hjá FEB
Eftir fjölda vel heppnaðra gervigreindarnámskeiða haustið 2025 og snemma árs 2026 hefur FEB enn á ný fengið til sín Stefán Atla Rúnarsson til að vera með hagnýtt og aðgengilegt byrjendanámskeið um helstu möguleika gervigreindarinnar ChatGPT. Námskeiðið verður haldið í sal FEB í Stangarhyl 4, mánudaginn 4. maí 2026 kl. 14:00.

Um tveggja tíma námskeið er að ræða þar sem farið verður yfir grunnin í ChatGPT og ýmis atriði sem gætu hjálpað til við að spara tíma í daglegu lífi. Einnig verður farið yfir það hvernig hægt er að nýta ChatGPT sér til gamans eða í eigin verkefnum.

Helstu viðfangsefni námskeiðsins eru:

Hvað er ChatGPT?
Hvernig virkar það?
Hvernig á að nota það?
Hvað ber að varast?
Stefán Atli er viðskiptafræðingur að mennt, sérfræðingur í markaðsmálum og mikill áhugamaður um gervigreind og hefur haldið fjölda námskeiða í gervigreind.

Verð: 2.500 kr. (Ef þátttakandi er utanfélagsmaður er verðið 3.500 kr.)

Vertu óhrædd/ur og taktu þátt, því um mjög áhugavert viðfangsefni er að ræða.

Skráning fer fram á skrifstofu FEB, í gegnum síma 588 2111 (sími er opinn frá kl. 10:00-14:00 alla virka daga) eða með því að senda tölvupóst á netfangið feb@feb.is

27/03/2026

Hópurinn á myndinni sem hér fylgir með svaraði kalli FEB framúrskarandi þegar þrengdi mjög að í bílastæðamálum í nágrenni FEB og komu því alltaf 5 saman í bíl á fornsagnanámskeiðið. Þau kalla bílinn "Skólabílinn". Algjörlega til fyrirmyndar.
Í morgun voru síðan "skólaslit hjá Skólabílnum" á Kaffi Loka hjá flottu myndinni þar.

25/03/2026

Vont veður og slæm færð – lokun hjá FEB
Frétt uppfærð kl. 11:10 fimmtudaginn 26. mars. Öll starfsemi og námskeið FEB falla niður í dag 26. mars vegna veðurs og ófærðar. Þátttakendur námskeiða sem vera áttu í dag hafa fengið póst um hvenær nýir tímar eru í boði í stað þeirra sem falla niður í dag.

Öll starfsemi á vegum FEB fellur niður að morgni fimmtudagsins 26. mars þar sem vonskuveðri er spáð fram til hádegis. Við munum taka stöðuna á morgun (26. mars) hvort hægt verður að opna eftir hádegi.

24/03/2026

Vilt þú vera fulltrúi FEB á landsfundi LEB
Miðvikudaginn 29. apríl n.k. boðar Landssamband eldri borgara (LEB) til landsfundar. Fundurinn verður haldinn í salnum Háteigi á Grand Hótel Reykjavík. Innskráning á fundinn hefst kl. 9:30 en fundurinn sjálfur hefst kl. 10.15. og gert er ráð fyrir að fundarstörfum ljúki kl. 16:30.

Félag eldri borgara í Reykjavík og nágrenni (FEB) hefur rétt á að senda 42 fulltrúa á landsfundinn og að auki þurfa að vera til taks varamenn. Áhugasamir félagsmenn FEB eru hvattir til þátttöku. Vinsamlegast vertu í sambandi við skrifstofu FEB fyrir 7. apríl, með því að hringja í síma 588 2111, senda tölvupóst á feb@feb.is eða mæta á skrifstofuna, ef þú hefur áhuga. Nauðsynlegt er að gefa upp nafn, kennitölu, netfang og símanúmer. Eingöngu fulltrúar félaganna með gilt kjörbréf útgefnum af stjórnum sinna félaga, hafa rétt á setu á landsfundi LEB.

Við hlökkum til að heyra frá þér.

23/03/2026

Við minnum á ráðstefnu Öldrunarráðs sem verður haldin að Stórhöfða 31, núna á miðvikudaginn 25. mars (gengið inn neðan við húsið, gegnt Grafavoginum).

Ráðstefnan ber heitið Eldri borgarar - Hvar stöndum við - hvert stefnum við?
Hún stendur yfir kl. 13:00 – 16:00.

Fundarstjóri er Magnús J. Magnússon varaformaður Öldrunarráðs Íslands og stjórnarmaður LEB.

Það eru allir velkomnir

Hér er skráningarlinkurinn

https://docs.google.com/forms/d/e/1FAIpQLSfjmtKwS7OUoLeegssBd_W9cur0_zcOEVXSQFZAolPl6dAjWA/viewform

19/03/2026

Alþingi samþykkti upp úr hádegi frumvarp ríkisstjórnarinnar um að láta árlegar breytingar á greiðslum almannatrygginga taka mið af þróun launavísitölu í stað launaþróunar. Frumvarpið var samþykkt með 33 atkvæðum stjórnarflokkanna gegn 21 atkvæði stjórnarandstæðinga. Fjórir þingmenn greiddu ekki atkvæði og fimm voru fjarstaddir.

Almannatryggingar taka hér eftir breytingum í takt við launavísitölu en ekki launaþróun. Alþingi samþykkti frumvarp ríkisstjórnarinnar með 33 atkvæðum gegn 21.

19/03/2026

Námskeið hannað fyrir fólk sem hefur misst maka sinn. Að horfa á eftir ástinni sinni við dauða reynist mörgum mikið högg.

Námskeiðið veitir fræðslu, samkennd og stuðning sem hjálpar til við úrvinnslu sorgar og að ná sálrænni endurheimt.

Eftir að hafa misst maka er margt sem er mjög "prívat" og ekki hægt að ræða við vini eða fjölskyldu.

Að hafa námskeiðið rafrænt gefur þátttakanda kost á því að fara aftur og aftur í gegnum efni námskeiðsins, á sínum forsendum og á sínum tíma.

Námskeiðið inniheldur fræðsluefni, sérstakar hugleiðslur, öndunaræfingu og jóga nidra djúpslökun.

Margvísleg verkefni eru í lok námskeiðs sem eru bæði gagnleg og gagnreynd hjálp við úrvinnslu erfiðra tilfinninga.

Rafrænt námskeið fyrir þá sem hafa misst maka sinn. Fagleg fræðsla, stuðningur og verkfæri til að takast á við sorgina.