Hugarafl

11/04/2026

Vorið er að koma☀️ Góður gestur tók hraustlega til hendinni í gær og á næstunni er planið að gera huggulegt í kringum Hugaraflshúsið í Síðumúlanum❤️

09/04/2026

Hittum geðheilsu félagsfræðinema í HÍ dag. Frábær hópur og áhugasamur og stundin með þeim gefandi. Gretar Bjornsson kennari HÍ fór yfir eðli streitu og áfalla, hvernig geðheilsufélagsfræðin lítur á samspil persónulegra- og samfélagslegra þátta þegar áföll verða og tekist er á við áföll. Fjóla Kristín Ólafardóttir fræddi nemendur um reynslu sína og afleiðingar áfalla á hennar lífsleið, Auður Axelsdóttir rak svo lestina með umræðu um tilhneigingu til sjúkdómsvæðingar á tilfinningum og afleiðingum áfalla. Nálgun Hugarafls var rædd og til umræðu kom einnig nálgun í Andlegu hjartahnoði og Open Dialogue.

04/04/2026

Elsku vinir.
Leggið við hlustir, það er mannbætandi. Björn Skúlason verndari Hugarafl ræðir hér við mugison. Þeir eiga einlægt og opið samtal um lífið og tilveruna í öllu sínu litrófi. Umræða um geðheilsuna, reynsluna af djúpum dölum og hvað það er sem skiptir mestu máli í lífinu. Fjölskyldan, söngurinn, sjálfsræktin.
Gleðilega páska❤

Örn Elías Guðmundsson, betur þekktur sem Mugison, segir að hann hafi leitað til sálfræðings um aldamótin eftir að hafa glímt við taugaveiklun og oföndun undir álagi. Hann hafi í fyrstu haldið að hann væri að verða geðveikur. Þetta kemur fram í fyrsta þætti af nýju hlaðvar...

04/04/2026

Björn Skúlason tekur djúp og falleg viðtöl í nýju hlaðvarpi; Allt í lagi❤️

Björn Skúlason forsetaherra er að byrja með hlaðvarp.

03/04/2026

Magnað starf Karlahópsins í Hugarafli hér til umfjöllunar. Einlægt og tæpitungulaust viðtal við frumkvöðul og stofnanda hópsins Gretar Bjornsson og nokkra þátttakenda. Í húsi Hugarafls er árangur þessa hópastarfs áþreifanlegur. Að hafa vettvang og rödd til að setja orð á lífssöguna, áföllin og batann í öruggu umhverfi er ómetanlegt og breytir lífinu. Endilega lesið viðtalið og deilið gjarnan.

Að viðhalda góðri geðheilsu er ein stærsta áskorunin í nútíma samfélagi. Gildi Hugarafls, bati, valdefling og jafningjagrundvöllur ættu að vera leiðarljósið í vegferð að betri geðheilsu. Stefnumótun í geðheilbrigðismálum ætti að taka mið af árangri sem þessum í allri mótun þjónustu sem miðar að því að styðja einstaklinga til bata og valdeflingar í lífi sínu.

Á hverjum föstudegi myndast sérstakt andrúmsloft í húsnæði Hugarafls. Þar safnast saman karlar á ólíkum aldri, með ólíkan bakgrunn og ólíkar lífssögur en með eitt sameiginlegt markmið: að fá öruggt rými til að tala um líðan sína, geðheilsu og það sem býr undir yfirbo...

02/04/2026

Björn Skúlason verndari Hugarafls á hér einlægt og fallegt samtal við Mugison. Opið samtal um lífið og tilveruna, andlega líðan, djúpu dalina og gleðina. Leggið við hlustir elsku vinir á laugardag þegar viðtalið birtist í heild sinni. Það er mannbætandi að hlusta❤️

Björn Skúlason, eiginmaður Höllu Tómasdóttur forseta, er að byrja með nýtt hlaðvarp, sem nefnist Allt í lagi. Í þáttunum ræðir hann við íslenskt tónlistarfólk um lífið og tilveruna.

01/04/2026

Mögnuð stemning í Hugaraflinu í dag🐣❤️dásamlegur hádegismatur, páskabingó og gleði!!
Gleðilega páska elsku vinir❤️🐣

31/03/2026

Það er allt í lagi að biðja um hjálp. Við erum til staðar þegar lífið fer úr takt.

„Ef ég dett viltu lyfta mér upp? Viltu leiða mig í gegnum þetta allt? Ég vil hlaupa hratt og ég vil ekki gera það ein. Ég vil ekki vera ein" -

Takk Orkusalan og SÝN fyrir að finna taktinn með okkur ❤️

28/03/2026

Auður Axelsdóttir, framkvæmdastjóri Hugarafls, kíkti í Mannlega þáttinn og spjallaði við Guðrúnu Gunnars um mannlega þáttinn í Hugarafli. Um virkni félagsins, fólkið, um bata, um niðurstöður Gallup könnunar, um jafningjastuðning og hópastarf, um endurhæfinu og margt fleira. Við mælum með að hlusta á þetta upplýsandi og mannlega samtal.

Hlusta: https://www.ruv.is/utvarp/spila/mannlegi-thatturinn/23616/biq4rc/heimsokn-i-hugarafl-audur-axelsdottir

25/03/2026

Góður dagur í Hugaraflinu í dag. Í morgunsárið mætti árrisult Hugaraflsfólk og byrjaði daginn í hópastarfi um Meðvirkni. Að því loknu tók á móti þeim gómsæt súpa í hádeginu. Við tók Hugaraflsfundur kl.13:00 og þar eru málin rædd til hlítar, innanhúsmál sem utanhússmál, ákvarðanir dagsins eru teknar og rödd þátttakenda heyrist. Það er ekkert eins mikilvægt og að nota rödd sína í bataferlinu og byggja þar með upp ákveðni og öryggi svo fátt eitt sé nefnt. Ekki lauk gleðinni þar heldur tók við kaffiboð af því tilefni að nemarnir okkar áttu sinn síðasta dag hjá Hugarfli. Iðjuþjálfanemarnir Karlotta og Petra luku í dag verknámi og útskrifast sem iðjuþjálfar í vor. Það var sönn ánægja að vinna með þeim og við gerðum okkar besta til að nesta þær með fróðleik um reynslu notenda af geðheilbrigðiskerfinu, bataferlið, sigra og ósigra, vonina og seigluna og framtíðina. Hugaraflsfólk er gjöfult á reynslu sína og leggja sérstaka alúð í að styðja við nema sem fara von bráðar "út í lífið" og sinna einstaklingum sem til þeirra leita.

Lífið er alveg ágætt.

31/10/2025

Hluti af Unghugum Hugarafls tóku þátt í frábæru Erasmus+ verkefni í Portúgal fyrr í mánuðinum.
Meira um það í fyrstu athugasemd. 🩷

28/10/2025

Sæl öll.
Við lokum í Hugaraflinu núna, vegna færðarinnar
Kær kveðja.
Nefndin