Ljósið Endurhæfing Fyrir Krabbameinsgreinda

20/04/2026

Hér má sjá eitthvað af listaverkunum sem urðu til í mánaðarhandverkinu í apríl🩷 Þennan mánuð var þurrþæfing en það er einstaklega skemmtilegt handverk. Endurtekningin sem felst í þæfingunni hefur róandi áhrif og sköpunargleðin fær að ráða för✨

09/04/2026

Mánaðarlega sækja tæplega 600 manns þjónustu í Ljósið, ýmist í viðtöl við fagaðila, námskeið, fræðslu, líkamlega endurhæfingu, handverk og fleira. Við höfum vaxið hratt og farið í gegnum ótal breytingar síðastliðin 20 ár en með gleði og grósku að leiðarljósi stefnum við enn lengra.

Stuðningur þjóðarinnar er starfinu ómetanlegur💛

Þessa dagana birtast eingreiðslur í heimabanka árlegra Ljósavina að upphæð 4500 krónur.

Takk enn og aftur fyrir að vera Ljósavinur og taka þannig þátt í að veita krabbameinsgreindum Íslendingum faglega endurhæfingu og stuðning.

Þessa dagana birtast eingreiðslur í heimabanka árlegra Ljósavina að upphæð 4500 krónur. Takk fyrir að taka þátt í að veita krabbameinsgreindum Íslendingum faglega endurhæfingu og stuðning

27/03/2026

Á heimasíðu Ljóssins er komin ný fræðslusíða um næringu, skrifuð af Lilju Guðmundsdóttur, næringarfræðingi í Ljósinu💛

Á síðunni má finna gagnlegar upplýsingar um algeng næringarvandamál sem geta komið upp meðan á meðferð stendur og skref sem hægt er að taka til að vinna gegn þeim.

Það að nærast í samræmi við þarfir getur hjálpað krabbameinsgreindum að:
- Líða betur
- Viðhalda styrk og orku
- Viðhalda þyngd, vöðvamassa og góðu næringarástandi
- Þola aukaverkanir meðferðar betur
- Minnka líkur á sýkingum
- Flýta fyrir bata og endurhæfingu

Hægt er að skoða síðuna undir "Fræðsla" og svo "Matur og heilsa" á heimasíðu Ljóssins✨

26/03/2026

Lokað í Ljósinu í dag vegna veðurs 💨

Við hvetjum ykkur til að eiga notalega stund heima, til dæmis pússla eða hlusta á skemmtilega hljóðbók.

Kærleikskveðja,
Starfsfólk Ljóssins

25/03/2026

Lokað verður í Ljósinu á morgun til kl 12:30 vegna veðurs 💨

Á morgun fimmtudaginn 26. mars er gert ráð fyrir appelsínugulri viðvörun á höfuðborgarsvæðinu. Suðaustan 18-25 m/s og vindhviður staðbundið yfir 35 m/s. Einnig má búast við talsverðri snjókomu með slæmu skyggni og versnandi færð.

Lokað verður í Ljósinu til kl 12:30 og við hvetjum alla Ljósbera til að huga vel að veðurspám áður en haldið er út í daginn.
Við biðjum ykkur öll um að fara varlega og ef þið eigið bókaðan tíma hjá okkur í Ljósinu og eruð ekki að treysta ykkur úr húsi þá má alltaf senda okkur póst á mottaka@ljosid.is eða hafa samband í síma 561-3770.

Ef það verða einhverjar breytingar á verðurspám, þá setjum við inn frekari upplýsingar.

18/02/2026

ÖSKUDAGUR 2026 - Þjónustuþegar og starfsfólk mættu skemmtilega skrautleg í Ljósið í dag, til að fagna Öskudeginum🥳 Dásamlegt að gera sér dagamun og eiga gleðistundir með ykkur💛

11/02/2026

Erna Magnúsdóttir, framkvæmdarstýra Ljóssins ræddi við Sigurlaugu M Jónasdóttur um sögu Ljóssins frá upphafi og hvað margt hefur áunnist á þeim 20 árum sem endurhæfingarmiðstöðin hefur verið starfrækt.

Saga sem kjarnar ástríðu, stóra drauma og vörðurnar sem hafa markað leiðina hingað til 🛣️

Smelltu á hlekkinn hér að neðan til að hlusta á viðtalið 👇

Erna Magnúsdóttir er framkvæmdastýra Ljóssins.

04/02/2026

✨Prjónahópur Ljóssins afhenti í dag Jónínu Sigríði frá Neistanum, styrktarfélagi hjartveikra barna, neistahúfur✨

Undanfarnar vikur hefur prjónahópurinn unnið að því að prjóna rauðar húfur sem afhentar verða öllum nýfæddum börnum vikuna 7.–14. febrúar. Þessi vika er alþjóðleg vitundarvika um meðfædda hjartagalla og eru rauðar húfur gefnar nýfæddum börnum þessa daga til að heiðra baráttu hjartveikra barna.

Margir sjálfboðaliðar hafa lagt sitt af mörkum og prjónað húfur, og við í Ljósinu erum afar stolt að vera hluti af þeim hópi. Það var afar gaman að fá að taka þátt í þessu fallega verkefni og styðja við mikilvæga vitundarvakningu ❤

30/01/2026

Þrjár framúrskarandi konur hlutu viðurkenningar á hátíð Félags kvenna í atvinnulífinu sem fram fór í vikunni á Hótel Reykjavík Grand.

Erna Magnúsdóttir, framkvæmdarstýra Ljóssins hlaut Hvatningarviðurkenningu FKA 2026 fyrir athyglisvert frumkvæði og nýsköpun í þjónustu og samfélagslegum rekstri. Sem stofnandi og framkvæmdastýra Ljóssins hefur hún byggt upp einstaka endurhæfingar- og stuðningsmiðstöð fyrir fólk sem greinst hefur með krabbamein og aðstandendur þeirra.

Starfsemi Ljóssins hefur haft djúpstæð áhrif á líf þúsunda einstaklinga og er í dag órjúfanlegur hluti af íslensku velferðarkerfi. Forysta Ernu einkennist af hlýju, seiglu og skýrri framtíðarsýn, og hún hefur sýnt í verki hvernig frumkvæði einstaklings getur skapað varanleg samfélagsleg áhrif og um leið mikilvægan stuðning inn í atvinnulífið.

Til hamingju elsku Erna með viðurkenninguna, við höldum áfram að láta Ljósið skína enn skærar 🌟

29/01/2026

Við erum stolt og þakklát að geta sagt frá því að Ljósið fær afhent nýtt húsnæði 1. febrúar!❤️

Húsið er staðsett við Gylfaflöt 5 í Grafarvogi. Rýmið er 1.300 fm, með góðu aðgengi, nóg af bílastæðum og fallegt útivistarsvæði er í næsta nágrenni. Þetta er stórt skref, í rétta átt, fyrir starfsemi Ljóssins og skapar mun betri aðstöðu fyrir alla þá sem til okkar leita.

Fram undan eru þó töluverðar breytingar á húsnæðinu svo það henti starfsemi Ljóssins sem best og má gera ráð fyrir því að sú vinna taki nokkra mánuði. Stefnt er að því að flytja starfsemina í nýja húsnæðið á þessu ári.

Eins og flestir vita, þá er núverandi húsnæði Ljóssins löngu orðið of lítið og þröngt fyrir þá fjölbreyttu og mikilvægu starfsemi sem þar fer fram. Því erum við afar spennt fyrir þessum fréttum og erum búin að vera spennt að deila þeim með ykkur!

Við í Ljósinu viljum leggja ríka áherslu á eitt: töfrar Ljóssins búa ekki í veggjum, heldur í fólkinu og andrúmsloftinu. Markmiðið í nýja húsnæðinu er að skapa hlýtt, öruggt og aðgengilegt rými sem heldur utan um fólk, líkt og Ljósið hefur alltaf gert. Við munum öll leggja okkar af mörkum til að gera nýja húsið að heimili Ljóssins, þar sem hlýja, stuðningur og von fá áfram að blómstra🥰

Því erum við stolt og þakklát að geta sagt frá því að Ljósið fær afhent nýtt húsnæði 1. febrúar! Húsið er staðsett við Gylfaflöt 5 í Grafarvogi.

20/01/2026

Það er mikil og varasöm hálka á götum og stígum þennan daginn og óhætt að vara fólk við hálkunni fram eftir morgni og sérstaklega á minna förnum götum og á bílaplönum.

Vegna þessa þá fellur gönguþjálfun niður í dag og minnum á að þau sem ætla að leggja leið sína til okkar í dag að það er flughált á Langholtsveginum. Bílastæðið hefur verið saltað en er þó hált og því um að gera að fara extra varlega í dag.

Margt er hægt að gera heima fyrir til að auka styrk, virkni og vellíðan og á vef Ljóssins má finna margvíslegt fræðsluefni til að nýta sér 💪

Hreyfing er sérstaklega mikilvæg fyrir fólk sem hefur greinst með krabbamein. Hér eru nokkrar æfingar og ættu flestir að finna eitthvað við hæfi hér. Mikilvægt er að festa tíma yfir vikuna fyrir hreyfingu. Við mælum með að gera þessar æfingar tvisvar til þrisvar í viku, sumar ...

19/01/2026

Koma svo, áfram Ísland! 🇮🇸

Íslenska handboltalandsliðið er búið að bjóða okkur upp á veislu í síðustu leikjum þar sem strákarnir okkar unnu bæði Ítalíu og Pólland.

Á morgun þriðjudag mætum við Ungverjalandi þar sem við getum nælt okkur í 2 stig með sigri sem fylgir liðinu þá í milliriðilinn.

Verður þú í áritaðri landsliðstreyju í Malmö að hvetja okkar bestu menn áfram? Eða kannski heima í stofu með fjölskyldunni að garga á sjónvarpið með nýju árituðu landsliðstreyjuna upp á vegg sem þú keyptir á uppboði Ljóssins?

Það eru 2 dagar eftir af uppboðinu, allur ágóði rennur beint til Ljóssins❤

✨Áfram Ljósið og áfram Ísland!✨

Hægt er að skoða uppboðið hér: https://nytt.uppbod.com/lot/2599

(Myndin vinstra megin er tekin frá handbolti.is)

Iceland's premier online auction platform