Mömmuform eru 6 vikna líkamsræktarnámskeið fyrir nýbakaðar mæður sem vilja stunda áhrifaríka og örugga þjálfun eftir barnsburð. Fjölbreytt námskeið þar sem lögð verður áhersla verður á að byggja líkamann vel upp eftir meðgöngu. Stöðugleikaæfingum, styrktaræfingum og þolæfingum verður blandað saman á markvissan hátt. Æfingar verða gerðar með eigin líkamsþyngd, lóðum, teygjum og fleiri áhöldum auk þ
ess sem börnin taka einnig þátt í þjálfuninni. Við bjóðum uppá grunnnámskeið og framhaldsnámskeið. Kennt er í Styrk sjúkraþjálfun, Höfðabakka 9. Allar mæður með börn á aldrinum 6 vikna til eins árs eru velkomnar og að sjálfsögðu eru börnin velkomin með í tímana hvort sem þau sofa eða vaka á meðan tímanum stendur. Leikteppi og leikföng eru til staðar í salnum. Heimaæfingaprógrömm og fræðslupóstar eru innifalin í námskeiðinu.
Þjálfarar námskeiðanna eru Matja Steen, Herdís Guðrún Kjartansdóttir og Helga Guðrún Egilsdóttir sjúkraþjálfarar. Þær hafa allar mikla reynslu í hóptímakennslu og að vinna með konum á meðgöngu og eftir meðgöngu.
