Heilbrigðisstofnun Suðurlands

22/04/2026

„Ég er afar þakk­látur sam­starfs­fólki mínu í rannsókn og á bráðamóttöku hjá Heil­brigðis­stofnun Suður­lands ... Þau hafa haft gríðar­lega mikil áhrif á tungumálanámið mitt og sjálf­s­traust, og ég væri ekki þar sem ég er í dag án þeirra."

Vincent John Andrade starfsmaður á rannsókn á Selfossi segir í viðtali á Vísi frá ferðalagi sínu að ná tökum á íslenskunni eftir að hann flutti til landsins frá Filippseyjum.

Við vitum að íslenska er ekki auðvelt tungumál að ná tökum á og erum ótrúlega stolt af starfsfólki okkar öllu sem hjálpast að á hverjum degi að styðja við starfsfólk okkar af erlendum uppruna að ná tökum á tungumálinu.

„Það besta sem ég hef gert síðan ég flutti til Ís­lands var að læra ís­lensku. Það að geta talað og skilið tungumálið hefur opnað mér fjölmörg tækifæri sem ég hefði annars aldrei getað ímyndað mér að stæðu mér til boða,“ segir Vincent John Andra­de sem fyrir ...

17/04/2026

Við vinnum nú að innleiðingu nýrrar gervigreindarlausnar til stuðnings við vakthafandi lækna. Verkefnið er tilraunaverkefni og felur í sér notkun gervigreindar til aðstoðar við úrlestur röntgenmynda

Úrlestur myndgreiningar getur verið áskorun á vöktum, sérstaklega á landsbyggðinni, þar sem aðgengi að röntgensérfræðingum er takmarkað. Með tilkomu gervigreindarúrlestri er hægt að stytta biðtíma og tryggja hraðari svör, sem skiptir sköpum í bráðaþjónustu.

Lesa má nánar um verkefnið í frétt í fyrstu athugasemd.

15/04/2026

Í dag 15. apríl er alþjóðlegur dagur lífeindafræðinga. Lífeindafræðingar vinna á rannsóknarstofunni við blóðtökur og rannsóknir á lífsýnum. Þetta er fjölbreytt og skemmtileg vinna. Í tilefni dagsins bauð Félag lífeindafræðinga lífeindafræðingum á HSU upp á bakkelsi. Hér fylgja nokkrar myndir af starfseminni á deildinni.

Heilbrigðisstofnun Suðurlands óskar þeim innilega til hamingju með daginn og þakkar fyrir þeirra mikilvægu störf.

10/04/2026

Heilbrigðisstofnun Suðurlands auglýsir laust til umsóknar starf framkvæmdastjóra lækninga.

01/04/2026

"Til starfsfólks HSU og aðstandanda þeirra sem standa vaktina yfir páskana sendi ég innilegar kveðjur og þakklæti."

Páskakveðja Díönu Óskarsdóttur, forstjóra HSU, má lesa hér fyrir neðan. Hún fer yfir starfsemina fyrstu mánuði ársins og kynnir nýja stefnu HSU til ársins 2030.

Kveðjuna má lesa á heimasíðu HSU. Linkurinn er í athugasemdum.

27/03/2026

„Svona sam­töl snúast ekki um að skamma fólk fyrir fjar­vistir, heldur eigi þau að styðja við og hlúa að starfsfólkinu.“ segir Ingibjörg Rafnsdóttir, mannauðsstjóri HSU.

Hlekkur á frétt í fyrstu athugasemd.

19/03/2026

Miðvikudaginn 18. mars héldum við Hinsegin dag HSU og bárum við öll barmmerki hinsegin samfélaginu öllu til stuðnings.

Markmið okkar er að veita sem besta þjónustu og við getum þvert á alla stofnunina á sama tíma og við veitum hinsegin samfélaginu öruggt pláss hjá okkur.

Meðfylgjandi myndir voru teknar á rölti um húsið á Selfossi í tilefni dagsins en allar okkar starfsstöðvar, þvert á Suðurland báru barmmerki í tilefni dagsins.

27/02/2026

„Ástæðan fyrir að ég valdi HSU fyrir verknám er einföld, það er nálægt heimili mínu og ég vonaðist til að fá vinnu hér í sumar,” segir Glódís Ólöf Viktorsdóttir sem er á öðru ári í hjúkrunarfræði við Háskólann á Akureyri og er nú í fyrsta sinn í verknámi hjá Heilbrigðisstofnun Suðurlands.

Verknámið stóð yfir í fjórar vikur. „Mér líst mjög vel á þetta – starfið er fjölbreytt og lærdómsríkt,“ en á þessari önn var hún staðsett á lyflækningadeild. Framundan eru fjölbreytt verkefni á næstu árum: samfélagshjúkrun á heilsugæslu vorið 2027 og heimahjúkrun vorið 2028.

Það sem gerir verknámið sérstakt er að mamma hennar, Margrét Björk Ólafsdóttir, er hjúkrunarstjóri á heilsugæslunni á Selfossi. Þær mæðgur deila því ekki aðeins áhuga á hjúkrun heldur einnig vinnustað.

„Um leið og ég mætti var spurt hvað ég væri tilbúin að gera og ég var tekin með í allt. Ég hef fengið að fara á göngudeild, í speglun og rannsóknir og kynnst mörgum sérfræðingum og ólíkum sviðum hjúkrunar,“ segir Glódís um nemamóttökuna. Hún stefnir á að koma aftur í klínískt nám á heilsugæsluna á Selfossi á næsta ári.

Að sögn Margrétar Bjarkar eru um tuttugu nemar í klínísku námi hjá heilsugæslunni á ári hverju, þó eingöngu nemar á þriðja og fjórða ári. Á þriðja ári er áhersla lögð á samfélagshjúkrun þar sem nemar kynnast meðal annars ungbarnavernd, skólahjúkrun, aðgerðarstofu, móttökum á heilsugæslu, þjónustu við Litla-Hraun og verkefnum heimaspítala.

Á fjórða ári fara nemar svo í heimahjúkrun. Nemar koma víðs vegar af landinu – frá Reykjavík, Akranesi og Vestmannaeyjum – en samkvæmt Margréti er ekki í boði að taka heimahjúkrun innan heilsugæslna í Reykjavík með sama hætti og annars staðar. HSU er jafnframt eina heilbrigðisstofnun landsins sem rekur heimaspítala.

25/02/2026

Guðný Stella Guðnadóttir öldrunarlæknir okkar og einn af stofnendum Heimaspítalans var á Morgunvaktinni í morgun að segja frá Heimaspítalanum og tilgangi hans. Guðný Stella útskýrir hvað „spítali í bakpoka" gerir og samþætt áhrif hans á alla okkar þjónustu.

Við erum stolt af því að vera brautryðjendur heimaspítala á Íslandi og stolt af teyminu í Heimaspítalanum ásamt öllu okkar fólki sem vinna saman að því að veita sem besta þjónustu sem í boði er.

Viðtalið í heild má hlusta í spilaranum hér fyrir neðan.

Landspítalinn vill fá fjármagn til að starfrækja heimaspítala - og fordæmi fyrir því er til staðar á Selfossi. Þar hefur heilbrigðisstarfsfólk haldið úti heimaspítala undanfarin ár. Guðný Stella Guðnadóttir yfirlæknir öldrunarlækninga og frumkvöðull þessa verkefnis sagði...

20/02/2026

Fyrsti fundur nýskipað fagráðs fór fram með framkvæmdastjórn HSU í vikunni

Fyrsti fundur nýskipað fagráðs fór fram með framkvæmdastjórn HSU miðvikudaginn 18. febrúar 2026.

18/02/2026

Lesendur Tíguls hafa valið starfsmann HSU Sonju Andrésdóttur Eyjamann ársins í árlegri kosningu miðilsins. Sonja er virknisstjóri á hjúkrunarheimilinu Hraunbúðum í Vestmannaeyjum.

Hún leggur sérstaka áherslu á mannlega nálgun í umönnun. Slík nálgun skapar öryggi, bæti andlega og félagslega líðan og hafi jákvæð áhrif á heilsu og almenna vellíðan. „Þegar fólk finnur að það er hlustað á það og því mætt af virðingu, þá eykst lífsgleðin og sjálfstraustið,“ segir Sonja.

Eins og fram kom í viðtalinu starfar Sonja af heilum hug og mætir fólki af einlægri virðingu. Hún skilur eftir sig spor í lífi annarra – oft án þess að gera mikið úr því sjálf. Að hennar mati er það mikilvægasta í starfi virknisstjóra að efla lífsgæði og félagslega virkni eldri borgara.

Viðtalið við Sonju í heild má lesa í fyrstu athugasemd.