02/10/2025
Дотоод хүүхэдтэй холбоо тогтоох тухай:
(Reconnecting with inner child)
Хүн нас ахих тусмаа сэтгэл хөдлөл багасаж аливаад хэт нухацтай хандснаар аливаад хөөрч баярлаж, хүүхэд шиг аз жаргалтай байх чадвараа аажимаар алдсаар байдаг. Дотоод хүүхэд гэдэг сэтгэл зүйн хэсэг нь хэзээ ч том болохгүйгээр, хүүхэд чигээрээ үлддэг ба үүнтэй холбоо тогтоож, сонсож, аргадаж, зөв харьцаж сурснаар хүүхэд насандаа хангагдаагүй сэтгэл зүйн хэрэгцээг хангаж, хүүхэд насны сэтгэл зүйн гэмтлийг анагааж, мөн одоо цагтаа аз жаргалтай, илүү хөнгөн, илүү сониуч, илүү эрч хүчтэй амьдрах боломжтой юм.
Дотоод хүүхэдтэй холбоо тогтоосноор гарах өөрчлөлтүүд:
1. Хосын харилцаа тогтвортой болно
Та өөрийн дотоод хүүхдийн шархыг анагааж, сэтгэл зүйн дутагдсан хэрэгцээгээ хангаснаар, хамтрагчаасаа байнгын баталгаа хүсэх, салан хагацах вий гэсэн айдсаа ялж, хосын харилцаанаас зугтахаа болно. Та өөрийн дотоод хүүхдийг хайрлаж, ойлгож, хүлээн зөвшөөрч чадаж байгаа бол хамтрагчынхаа дотоод хүүхдийг ч гэсэн хайрлаж, нөгөө хүнийхээ дотоод хүүхдийг эрхлүүлж, инээлгэж аз жаргалтай хосын харилцаа тогтох болно.
2. Уужим сэтгэлтэй болно.
Бид хүүхэд байхдаа хэн нэгнийг уучилж, алдаа дутагдлыг нь өршөөхдөө хурдан байдаг шүү дээ. Иймдээ ч өнөөдөр муудалцсан найзтайгаа, маргааш инээгээд ярилцах нь тийм ч хэцүү зүйл биш. Нас ахих тусам хүмүүс ЭГО-ндоо баригдаж, хүмүүсээс хариугаа заавал авмаар санагдаж, өөрийгөө ч зовоож бусадтай найзлаж нөхөрлөхөд хэцүү болдог. Хэдийгээр хүний амьдрал шулуун дардан биш, сайн муу зүйл тохиолдож хүний сэтгэл шарлах ч үүнийг удаан хугацаагаар сэтгэлдээ тээх нь маш хүнд ачаа юм. Магадгүй хэцүү санагдах хэдий ч, дотоод хүүхдээ аргадаад өөрийнхөө төлөө бусад хүмүүсийг уучилж зүрх сэтгэлээ ариусгах нь хамгийн зөв арга байх болно.
3. Бүтээлч байдал сэргэх
Бидний өдөр тутмын амьдрал өглөөнөөс орой хүртэл системчлэгдсэн үүрэг даалгавар биелүүлэхийг төлөө зүтгэсээр байгаад л өнгөрдөг. Хүний бүтээлч байдал, хэн нэгний тушаал даалгавараас илүү ДОТООД ХҮСЭЛ ТЭМҮҮЛЭЛ, сэтгэлийн гүнээс гарж байх ёстой байдаг. Ийм учраас дотоод хүнээ сонсож, юуг хиймээр, яаж хиймээр байгаагаа зүгээр л асуух хэрэгтэй. Яг үнэндээ тэр дотоод дуу хоолой л таныг юунд авьяастай, юунд амжилт гаргахыг аль хэдийн мэдчихсэн байдаг шүү дээ. Та жинхэнэ БИ-ээ гаднаас биш дотогшоогоо хийх аялалаас олж авах болно.
4. Сониуч, шинийг мэдэх хүсэлтэй болно
Нээлттэй сэтгэлгээтэй, шинэ юмыг хурдан хүлээж авч өөрийгөө өөрчилж чаддаг хүн ямар ч нийгмийн орчинд амархан дасан зохицож өөрийгөө аваад явчих чадвартай байдаг. Дотоод хүүхдийн үйл ажиллагаа сайн байгаа үед хүн үргэлж шинийг сонирхож, сурч өөрийгөө хөгжүүлэх сонирхолтой байдаг. Харин хүмүүс амьдралын явцад зогсонги байдалд орж, шинэ зүйлсээс татгалзаж, мэддэг чаддаг хүнээс асуулт асуухаа зогсоож, магадгүй шинэ зүйл оролдож үзэх нь өөрийгөө дутуу дулимаг миа юм байна гэсэн гэсэн мэдрэмж авахаас айж зугтаах болдог. Яг үнэндээ дутуу дулимаг, төгс биш байдлаа төгс хүлээн зөвшөөрч сурахад та ОНЦГОЙ байдлаа мэдрэх болно.
Дотоод хүүхдийн эмчилгээ нь сэтгэл зүйн гэмтсэн хэсгүүдтэй холбоо тогтоож, сэтгэлийн гүнд байгаа айдас, сэтгэл түгшил, дарагдсан мэдрэмж, аюулын мэдрэмж зэргийг чөлөөлж сэтгэлийг ариусгадаг.
Хэрвээ танд дараах шинж тэмдэгүүд илэрч байвал “Дотоод хүүхдийн засал” эмчилгээний багцыг санал болгож байна. Хүүхэд насны сэтгэл зүйн шархаа эдгээж, хангагдаагүй сэтгэл зүйн хэрэгцээг нь дүүргэж, одоогийн сэтгэл зүйн байдлаа засахад энэхүү үйлчилгээ туслах болно. Манай хуудас руу чат бичээд дэлгэрэнгүй мэдээлэл авч болно шүү.
