https://www.facebook.com/1399898840300634/

Сэтгэл засалч эмч М.Далайцэрэн, Messina (2025)

08/12/2025

Өмнөд Африкт нэгэн бизнесмен өндөгний шар шиг том алмааз худалдан авчээ.

Гэвч удалгүй сэтгэл догдлол нь урам хугарал болж хувирсан нь чулууны дундуур ан цав явсан байв.

Тэр шийдэл олохын тулд үнэт эдлэлийн дарханд авчирч зөвлөгөө хүсчээ.

Дархан алмаазыг нягтлан хараад:
“Үүнийг хоёр төгс алмааз болгон хувааж болно.

Хоёр нь нийлээд эхнийхээсээ илүү үнэ хүрнэ.

Гэхдээ нэг л буруу цохилт хийвэл хямдхан үйрмэг болж хувирна. Би ийм эрсдэл үүрэхгүй” гэжээ.

Өөр орнуудын дархнууд ч яг ижил хариу өгсөн байна.

Тэгтэл нэг хүн түүнд Амстердамд “алтлаг гар”-тай хөгшин мастер дархан байдаг талаар хэлж өгчээ. Бизнесмен тэр даруй онгоцонд сууж Амстердам руу нисэв.

Хөгшин мастер чулууг анхааралтай харж, эрсдэлийг тайлбарлаж эхэлтэл бизнесмен түүнийг таслан:
“Би энэ яриаг олон удаа сонссон, ойлгож байгаа” гэжээ.

Дархан ажлыг хийхээр зөвшөөрч үнээ хэлэв. Бизнесмен зөвшөөрөхөд дархан ард нь чимээгүй ажиллаж суусан залуу шавийг дуудлаа.

Шавь алмаазыг аван алган дээрээ тавьж, алхыг өргөөд нэг л удаа цэвэрхэн, төгс цохив.

Алмааз яг хүссэнээрээ хоёр тал төгс хуваагдав. Залуу эргээ ч харалгүй хоёр алмаазыг мастерт өгчээ.

Бизнесмен гайхаж асуув:
“Тэр танайд хэр удаан ажилласан хүн бэ?”

Хөгшин дархан инээмсэглэн:
“Гурав хонож байна. Тэр энэ чулуу ямар үнэтэйг мэдэхгүй. Тиймээс түүний гар чичрээгүй.” гэжээ

Сургамж:

Айдсаа хэт өсгөж, бүхий л эрсдэлийг хэт бодож эхэлбэл боломжтой байсан зүйл хүртэл боломжгүй мэт санагддаг.
Заримдаа хамгийн том саад хаана байдаг гээч? Таны өөрийн толгойд.

07/12/2025

Мэдрэмж ба түүний цаана байх далд утгууд:

Сэтгэлийн хөдөлгөөн, мэдрэмж нь хүнийг хамгаалах өөрийн гэсэн үүрэгтэй байдаг. Сөрөг мэдрэмж нь хүртэл маш хэрэгтэй байх ба хэрэггүй сэтгэлийн хөдөлгөөн гэж байхгүй.

1. Хорсол: Таныг эдгэрэх цаг болсон гэдгийг анхааруулж байна. Та өөрийгөө эсвэл бусдыг хэт их шүүмжилж байгаа нь өөрийгөө ч бусдыг ч өвтгөж байна.

2. Таагүй байдал: Таныг одоо болж буй үйл явдалд анхаарлаа хандуулах хэрэгтэйг анхааруулж байна. Танд энэ байдлыг өөрчлөх боломж байгаа тул, өмнө нь хийдгээсээ арай өөр байдлаар оролдоод үзээрэй.

3. Гэмшил: Таныг бусдын хүлээлтэнд тааруулж, бусдын амьдралаар амьдарч байгааг анхааруулж байна. Тийм учраас зүрх сэтгэлээ сонсож өөрийн хүссэн амьдралаараа амьдрах хэрэгтэй.

4. Сэтгэл түгшил: Таныг яг одоо сэрэх хэрэгтэйг анхааруулж байна, учир нь та өнгөрсөн таагүй үйл явдалд гацаж, ирээдүйд тохиолдох зүйлсээс айж байна. Одоо цагтаа төвлөр!

5. Уур хилэн: Шударга бус байдал хаа нэгтээ байгааг илэрхийлж байна. Тийм учраас уурлах нь асуудлыг даван туулах эрч хүч, түрэмгий байдлыг бий болгох нь нэг талаасаа сайн талтай ч, зөв хэмжээгээр зөв цагтаа уурлах нь хэцүү байх талтай.

Хүнд таагүй сөрөг зүйлс олон тохиолдохтой зэрэгцээд сэтгэл хөдлөл, мэдрэмж нь маш олон талтай, хоорондоо холилдож хүний ухамсар буюу сэтгэл санааг үймрэх тохиолдол маш их байдаг. Ийм үед сэтгэл засалч нар мэдрэмж, сэтгэлийн хөдөлгөөнтэй нь ажиллаж өөрийгөө ойлгож ухамсарлахад тусалдаг.

05/12/2025

Энэхүү ишлэл нь аз, тохиолдлоор амжилт ирдэггүй, харин тууштай хичээл зүтгэл, хэзээ ч бууж өгөхгүй байдал бол амжилтын гол түлхүүр гэдгийг харуулж байна. Танд амжилт хүсье 😉

03/12/2025

Ажлаас халшрах хам шинж |Burn out syndrome|
Ажлаас халшралтыг товчхондоо ажлын стрессээс үүдэлтэй сэтгэл гутрал гэж ойлгож болно.

Удаан хугацаанд өөрийн хүсээгүй ажлын байранд байх, өсөж хөгжих боломжгүй байх, ажлын ачаалал ажиллах цаг урт байх, амралтгүй удаан хугацаагаар ажиллах, удирдах албан тушаалтантай ойлголцож чадахгүй байх, хамт ажиллагсдын таагүй харилцаа, цалин урамшуулал хангалтгүй байх гэх мэт маш олон шалтгаанаас болж ажлаас халширч шатан дургүй болж болно.

Танд дараах асуудал тулгарч байгаа бол шаталтанд орж дуусаад үнс болж байж мэдэх юм. 🔥🔥🧟‍♀️🧟‍♂️💀

1. Өглөө ажилдаа явах сонирхолгүй, өглөөдөө унтаж ажлаасаа байнга хоцордог.Дургүйд хүчгүй гэдэг шиг. (Lack of motivation)

2. Дандаа л ядралт танд мэдрэгддэг, ажлаасаа таашаал эрч хүч авдаггүй. (Mental exhaustion)

3. Өдөр тутмын энгийн хийдэг байсан зүйлсээ ч хийхэд хэцүү давагдашгүй санагдана. (Feel overwhelming)

4. Таны бодол санаанд дандаа л сөрөг бодол эргэлддэг болсон. Яагаад ч юмны сөрөг талыг олж хараад хэлээд байдаг болсон. (Negative outlook)

5. Өөртөө эргэлзэж, өөртөө итгэх итгэл буурсан,занганд урхинд орсон юм шиг мэдрэмж төрдөг болсон. (Feels trapped and self-doubt)

Хүмүүс амьдралынхаа аль нэг үе шатанд ажлаас халшралттай заавал нүүр тулдаг ба ажлын стресс менежментийг хийж сурснаар даван туулах боломжтой байдаг.
Мэдээлэл таалагдсан бол хийж хэрэгтэй хүмүүст нь харуулаарай. 😉😉

03/12/2025

Бид нарын санаа зовдог зүйлсийн 91% нь хэзээ ч тохиолдохгүй зүйлс байдаг.

01/12/2025

Маш сонирхолтой тохиолдол гарчээ. 🧐🧐
59 настай эрэгтэйд хийж байсан бүдүүн гэдэсний дурандалтын үеэр эмч нар огт санаанд оромгүй бяцхан цох (ladybug)-ыг олж илрүүлжээ.

30/11/2025

УХААЛАГ ХҮНИЙ 5 ШИНЖ:

1. Та бусдыг ойлгож, өөрийгөө оронд нь тавьж чаддаг.
Хүний оюуны чадвар зөвхөн IQ-аар хэмжигдэхгүй бөгөөд энэ нь тухайн хүнийг амьдрал дээр амжилттай явахад 20% л нөлөөтэй бөгөөд үлдсэн 80%-д хүн сэтгэл хөдлөлөө хэр зэрэг үр дүртэй удирдаж ашиглаж чадаж байгаагаас хамаардаг. Эргэн тойрны хүмүүстэйгээ мэдрэмжтэй харилцаж, ойлголцож чадна гэдэг бусад хүмүүстэй холбогдох чадвар сайтай ухаалаг байгааг илэрхийлнэ.

2. Та юу юуг мэдэхгүй гэдгээ сайн мэддэг.
Хүн мэдэхгүй зүйлсээ хүлээн зөвшөөрнө гэдэг цаашдаа тухайн хүн сурч боловсорч, шинэ санаа шинэ зүйлсийг сурч эзэмших боломжтойг илэрхийлдэг. Хүн оюун санаагаа шинэ зүйлсэд нээлттэй байлгаж тасралтгүй суралцсанаар хөгжиж дэвшисээр байдаг.

3. Та өөрийгөө хэт доогуур эсвэл хэт дээгүүр үнэлдэггүй.
Хүн өөрийн чаддаг зүйлс, мэддэг зүйлс, өөрийн нийгэмд эзлэх байр сууриа мэдэрч нийгмийн баримжаа сайн байх нь мөн л танин мэдэхүйн үйл ажиллагаа сайн байгааг илэрхийлнэ.

4. Та хошин шогийн мэдрэмж өндөртэй.
Хошин мэдрэмж сайн байх нь асуудлыг илүү хөнгөн амархан байдлаар даван туулж стресс дарамт бага мэдэрч сэтгэл зүйг гэмтэхээс хамгаалж байдаг. Алиа хошин мэдрэмж ухаантай сийрэг хүний толгойноос гардаг гэдгийг санах хэрэгтэй.

5. Шөнийн цагаар илүү бүтээмжтэй болдог.
Энэ нь бага зэрэг хачирхалтай сонсогдож болох ч, олон алдартай зохиолчид яруу найрагчид шөнийн цагаар илүү сайн төвлөрч бүтээл туурвил хийдэг байсныг сонсож байсан байх, гэсэн хэдий ч шар шувуу хэлбэрийн нойрны хэв маягтай байсан ч шөнө нь унтаад өглөөд чухал ажлаа амжуулах нь зүйтэй.

28/11/2025

🧠 Хүний Тархины Хөгжлийн 5 Үе Шат (Кембрижийн Судалгаа)

Энэхүү судалгааг хийхдээ эрдэмтэд нийт 100 гаруй эрүүл хүний тархийг, төрснөөс 100 нас хүртэлх хугацаанд, тогтмол хугацаанд MRI-аар шинжилж, тархины бүтцийн томоохон өөрчлөлтүүд явагддаг "эргэлтийн цэгүүд" дээр үндэслэн үе шатуудыг ангилжээ.

1. 👶 Хүүхэд Үе (Төрснөөс 9 нас хүртэл)
Энэ бол тархины сүлжээний суурь тавигдах хамгийн хурдацтай үе юм.
• Онцлог:
• Өсөлт: Тархины хэмжээ маш хурдацтай томордог.
• Бэхжилт: Мэдрэлийн эсүүдийн хоорондын холбоосууд (синапс) үүсэж, бэхжиж эхэлдэг.
• Саарал ба Цагаан Бодис: Саарал бодис (мэдээлэл боловсруулах хэсэг) болон цагаан бодис (мэдээлэл дамжуулах холбоос) хоёулаа эрчимтэй хөгждөг.
• Суурь Чадвар: Хэл яриа, хөдөлгөөн, танин мэдэхүйн үндсэн чадварууд бий болдог.

2. 🧑‍🎓 Залуу Үе (9-өөс 32 нас хүртэл)
Энэ үе шат нь суралцах, дасан зохицох чадварыг сайжруулдаг. Судалгаагаар энэ үеийн төгсгөл буюу 32 нас нь тархины бүтцийн хувьд хамгийн том өөрчлөлтийн цэг байсан.
• Онцлог:
• Холбоосны Нарийсалт: Тархины холбоосууд илүү нарийн, хурдан, үр дүнтэй болдог. Энэ нь шаардлагагүй холбоосуудыг хасаж, чухал холбоосуудыг бэхжүүлдэг үе.
• Өсвөр Нас: 9 нас орчимд тархины бүтэц том өөрчлөлтөд орж, өсвөр насны шилжилтийг эхлүүлдэг.
• Төгс Хөгжил: Энэ үеийн төгсгөлөөр (32 нас орчим) тархины сүлжээний зохион байгуулалт дээд цэгтээ хүрч, танин мэдэхүйн чадварууд бүрэн төлөвшдөг.

3. 🧑 Насанд Хүрэх Үе (32-оос 66 нас хүртэл)
Энэ бол тархины бүтцийн хувьд хамгийн урт бөгөөд тогтвортой үе шат юм.
• Онцлог:
• Тогтворжилт: Тархины бүтэц болон үндсэн сүлжээнүүд харьцангуй тогтвортой байдалд ордог.
• "Ухаан Суух": Энэхүү тогтвортой байдал нь хуримтлагдсан мэдлэг, туршлага, ухаан бодол тогтвортой байхад нөлөөлдөг. Энэ үед шинэ зүйл сурах чадвар хэвээр үлддэг ч, өөрчлөлтүүд нь өмнөх үе шиг огцом биш болдог.
• Сэтгэл Зүй: Мэргэжил, гэр бүл, нийгэмд байр сууриа эзлэхтэй холбоотойгоор сэтгэл зүйн хувьд ч харьцангуй тогтвортой байдаг.

4. 👵 Эрт Хөгшрөлт (66-оос 83 нас хүртэл)
66 нас нь тархины сүлжээ дахин зохион байгуулагдаж, бүтэц нь доройтож эхлэх дараагийн эргэлтийн цэг юм.
• Онцлог:
• Бүтцийн Өөрчлөлт: Тархины тодорхой хэсгүүдэд (ялангуяа саарал бодисын хэмжээ) бага зэргийн бууралт ажиглагдаж эхэлдэг.
• Сүлжээний Уян Хатан Байдал: Тархины сүлжээний холбоосууд аажмаар суларч эхэлдэг.
• Эрсдэл: Ой тогтоолт, танин мэдэхүйн чадварт бага зэргийн өөрчлөлтүүд гарч эхэлдэг.

5. 👴 Хожуу Хөгшрөлт (83-аас дээш)
Энэ үед тархины бүтцийн өөрчлөлт илүү тодорхой болж, амьдралын туршид хуримтлуулсан мэдлэгээ ашиглахад илүү найдах болдог.
• Онцлог:
• Цагаан Бодис: Цагаан бодис (холбоос) их хэмжээгээр багасдаг нь мэдээлэл дамжуулах хурд, үр дүнг бууруулдаг.
• Бүсчилсэн Үйл Ажиллагаа: Тархи нь нэгэн зэрэг олон бүсээ ашиглахын оронд, тодорхой, илүү дагнасан бүсүүддээ найдаж эхэлдэг.
• Танин Мэдэхүй: Ой тогтоолт болон боловсруулах хурд илүү мэдэгдэхүйц удааширдаг. Гэсэн хэдий ч, энэ үеийн хүмүүс өндөр мэргэн ухаан (wisdom) болон хуримтлагдсан мэдлэгээрээ давуу талтай байдаг.

Энэ судалгаа нь хүний насыг "хүүхэд", "насанд хүрсэн" гэх мэт ерөнхий ойлголтоос илүү нарийн, тархины бүтцийн бодит өөрчлөлтөөр ангилсан нь анагаах ухаан, боловсрол, нийгмийн бодлогод чухал ач холбогдолтой юм.

28/11/2025

ХАВДАРТ ДИЙЛДДЭГГҮЙ ГУРВАН ТӨРЛИЙН ХҮН

1. ЭНЭ АМЬДРАЛД ТОДОРХОЙ ҮҮРЭГ ДААЛГАВАРТАЙ ИРСЭН ХҮМҮҮС

“Хамгийн хүнд өвчтөнүүд бол хэдэн арван жил бусдын амьдралаар амьдарсан хүмүүс байдаг” гэж П. А. Герцены нэрэмжит москвагийн Хавдар судлалын хүрээлэнгийн тасгийн эрхлэгч хэлсэн байдаг. Хоббигоор биш, ажлын шаардлагаар биш, өөрөө хүсээд өглөө 5 цагт ямар ч сэрүүлэггүй босдог тэр хүмүүс.

15 жилийн турш гудамжинд хаягдсан амьтадыг аварч байгаа эмэгтэй хавдар онош тавигдсан ч химийн эмчилгээгүй идэвхтэй амьдарсаар байсан. Хөдөө хол сургууль барьж байгаа залуу хавдар туссан ч 2 жил хэвийн, өвчин нь сэдрэхгүй явсаар байсан.

Утга учиртай ажил дээр төвлөрсөн хүний сэтгэл зүй хохирогч болж хувирдаггүй юм.

2. ӨӨРИЙН УУР ХИЛЭН, ДУРГҮЙЦЛИЙГ НЭЭЛТТЭЙ ИЛЭРХИЙЛДЭГ ХҮМҮҮС

Гэр бүлсэг, тэвчээртэй, байнга найрсаг байдаг хүмүүс хамгийн түрүүнд үхдэг. Хатуу ч гэсэн баримт. Жилийн дотор ходоодоо бүрэн алдсан 44 настай эмэгтэй 18 жил “хүүхдүүдээ бодож” гэр бүлийн хүчирхийлэл дунд амьдарсан. Тэр дээрэлхэдэг нөхрийнхөө өөдөөс нэг ч удаа хэрэлдээгүй! Гэтэл дотор нь өрөвсөл явагдсаар байсан. Архаг. Тэр дуугүй л байсан. Гэхдээ уур хилэн нь алга болоогүй. Тэр нь зүгээр л дотогшоо шилжсэн. Түүний бие махбод өөрийгөө довтолсон.

3. БОДИТОЙ, ГҮНЗГИЙ ХАРИЛЦААНД ОРШДОГ ХҮМҮҮС

Зүгээр нэг хэн нэгэнтэй хүмүүс биш. Тухайн хүнтэйгээ гүнзгийн сэтгэлийн холбоотой хүмүүс. Изралийн хавдарын эмч нар үүнийг “сүнсний дархлаа” гэдэг. ЯМАР Ч АЙДАСГҮЙГЭЭР БҮРЭН ӨӨРИЙНХӨӨРӨӨ ХАМТ БАЙЖ БОЛДОГ ХҮНТЭЙ ХҮМҮҮС. Ийм харилцаатай хүмүүс 2 - 4 дахин хурдан нөхөн сэргэдэг. “Хэнийг ч зовоомооргүй байгаа хүн”, үг дуугүй хүн, ичиж санаа зовдог хүн соёлтойгоор хорвоог орхидог.

ХҮН ӨӨРӨӨРӨӨ БАЙХАА БОЛИХ ҮЕД ХАВДАР ЭХЭЛДЭГ.

Энэ бол гоё үг биш. Энэ бол биологи.

-Бодож байгаагаа ярихгүй байгаа бол
-Хүсч байгаагаа хийхгүй байгаа бол
-Итгэл үнэмшлээрээ амьдрахгүй байгаа бол

ЭНЭ БҮХ ХУДАЛ ХУУРМАГААС БИЕ МАХБОД ЗАЛХАЖ ЧАДАХ ГАНЦ ЮМАА Л ХИЙДЭГ. УНТАРДАГ.

Орчуулагч: Н. Ачиймаа

27/11/2025

“Aphorisms on the Wisdom of Life” бүтээлд Шопенхауэр хүний аз жаргалын үнэлэмжийг гурван ангиллаар тайлбарладаг: бидний “хэн” болох (бие, эрүүл мэнд, зан чанар), “юу” эзэмших (эд хөрөнгө), “ямар” нөхцөлд байх (нэр хүнд, харилцаа). Үүнээс хамгийн чухал нь эрүүл мэнд буюу хүний биеийн байдал гэж тэр тодорхойлдог. Яагаад гэвэл эд хөрөнгө, алдар нэр, амжилт нь хүнийг богино хугацаанд баясгаж болох ч эрүүл мэнд муудсан үед тэдгээр нь ямар ч үнэ цэнгүй болдог. Тиймээс эрүүл мэндээ “аз жаргал” гэж итгэсэн түр зуурын таашаал, амжилт, эд хөрөнгийн төлөө золино гэдэг бол ухамсаргүй сонголт бөгөөд эцэстээ илүү их зовлон авчирдаг. Шопенхауэрийн логикоор эрүүл мэнд бол бүх баяр баясгалангийн үндэс, амьдралын бусад сайн сайхныг эдлэх цорын ганц суурь нөхцөл. Орчин үеийн сэтгэл судлал ч үүнийг баталж, субъектив аз жаргалын 40 хувийг биеийн эрүүл мэнд тодорхойлдог гэж үздэг. Иймээс энэхүү эшлэл нь эрүүл мэндээ үл тоох нь амьдралын сууриа нурааж буйтай адил гэсэн анхааруулга билээ.

Англи хувилбар:
“It is the greatest folly to sacrifice your health for any other kind of happiness.”

Philosophy App татах: https://onelink.to/242tvq

27/11/2025

📵 Утас дуугараагүй байхад чичирч мэдрэгдэж байсан уу?

Нийт хүмүүсийн 90% нь амьдралдаа дор хаяж нэг удаа мэдэрдэг энэ сонирхолтой үзэгдлийг "Phantom Vibration Syndrome" гэж нэрлэдэг.

Та утсаа халаасандаа эсвэл ширээн дээр байхад чичирч байгаа юм шиг санагдаж, шалгаад үзэхэд юу ч ирээгүй байх тохиолдол хэр олон гардаг вэ?

🤔 Тэгвэл эдгээрээс шалтгаалж үүсдэг байх нь:

Энэ нь таны утасны хамааралтай холбоотой сэтгэл зүйн үзэгдэл бөгөөд тархины хэт ачаалал, хүлээлтээс үүсдэг:

1. Хүлээлт ба Сэтгэл Түгшилт: Утас байнга мэдээлэл авч, харилцаа үүсгэдэг учраас тархи маань дараагийн мэссэж, дуудлагыг байнга хүлээж байдаг.

2. Тархины "Ачаалал": Тархи бусад мэдрэхүйн дохиог (хувцас үрэгдэх, булчин татвалзах, гаднаас ирэх чимээ) "буруу орчуулж", үүнийг утсаар ирсэн чичиргээ хэмээн ойлгодог.

3. Мэдрэмжийн Хүлээн авах Хэсэг: Гар утас ихэвчлэн байрладаг гуя эсвэл халаасны орчмын арьсны мэдрэлийн эсүүд энэ төрлийн дохионд хэт мэдрэг болж, бусад жижиг дохиог ч "чичиргээ" гэж андуурах болдог байх нь ээ.

27/11/2025

Энэ зурган дээр харагдаж буй 2 могой хоёул үхжээ. Нэг могой нь боомилуулж амьсгалын дутагдалд орсон бол нөгөө нь хазуулж үхжээ.

Хүмүүс бид ч ЭГО-ндоо баригдаж найз нөхдөөсөө илүү гарах гэж, хосууд маргаанд ялах гэж, хамаатан саднууд хөрөнгө бэлээрээ өрсөлдөх үедээ хэн хэнийгээ хорлож орхидог.

Хайр, энэрэл, үнэнч шударга, сайхан сэтгэлийг сонгодог байгаарай. Гомдлыг удаан тээвэл үзэн ядалт, хорзыг нэрвэл ХОР болно. Хүнийг уучиллаа гээд өөрөө доош орчиж байгаа юм биш өөрийнхөө сэтгэлийн ачааг хөнгөлж байгаа хэрэг юм шүү.

Сэтгэл засалч эмч М.Далайцэрэн

08/12/2025

07/12/2025

05/12/2025

03/12/2025

03/12/2025

01/12/2025

30/11/2025

28/11/2025

28/11/2025

27/11/2025

27/11/2025

27/11/2025

Indirizzo

Sito Web

Notifiche

Contatta Lo Studio

Scelte rapide

Condividi

Digitare