26/02/2025
حبيت نوضح للي يسألو على النسخ متاع رجيم في رمضان إنشاء الله تصيموه بالصحة و العافية و إنشاءالله ربي يتقبل منا و منكم صيامنا و قيامنا و صالح أعمالنا 🤲🤲❤️
بالنسبة لصيام فيه ثلاثة نسخ كلهم باهين اما النتيجة تختلف اما كلهم فيهم نتيجة باهية وكل واحد يعمل اللي تساعد بدنو ونفسيتو المهم كيف بش تختار وحدة تبعها كيما هي بالظبط بالظبط لا تزيد ولا تنقص باش تلقى نتيجة هايلة معانا
:بلاش سحور وقت السحور يعني من ليل تتعشى عشاء العادي متاع جدولنا فقط لغدوتها مغرب نمشيو لشقان الفطر فيها بش يكون تمرة و شربة شعير او شربة عدس موش شربة لسان عصفور رد بالكم +بريكة او طاجين+ سلاطة اختياري ماهيش اجباري+صحنك الرئيسي اللي هو بش يكون(مقرونة او كسكسي او نواصر او روز او مرقة مع شطر باقات «كمية الخبز تقعد نفسها في الاسبوع»)📢وترتح ربع ساعة ماكس وتاخو ديسارك اللي هي قهوتك او تايك بالسكر او بلاش انت حر مع حاجة حلوة طرف قاطو او 3كعبات حلو +غلة المهم يكون الكل فرد ساعة بشقان الفطر بالديسار وتوقف الصيام لغدوتها مغرب باش تعاود تاكل ) تجم في السهرية تشرب قهوة او تاي بلاش حليب بلاش سكر ببلاش عسل بلاش حتى اضافات اخرى او ماء موش بكثرة الكمية اللي تجمها بالطبيعة حتى لسحور تبقى هكك فقط يعني وقت سحور فقط ماء(
النسخة 2:حتى هي بلاش سحور وقت السحور لاكن تتبدل في شقان الفطر في حاجات كيف كيف تولي قبل ما تصوم بليلة تتعشاء عشاء الجدول العادي فقط لغدوتها مغرب تشق فطرك تاخو: كعيبة غلة (دقلة)+شربة شعير او عدس +سلاطة اختيارية موش اجبارية +بريكتك او طاجين وتوقف الماكلة ساعة من الزمن وبعد تاخو صحنك الرئيسي اللي هو مقرونة او كسكسي او نواصر او روز او مرقة+(شطر باقات) المهم ما تخلطش بين زوز انواع عجين في نفس الصحن يعني حاجة وحدة عجين نوع واحد وبعد طول تاخو ديسارك اللي هو قهوتك بالسكر او بلاش حرة +حاجة حلوة 3 كعبات او طرف قاطو+غلة وتوقف الماكلة لغدوة مغرب في السهرية فقط ماء او تيزان او قهوة بلاش سكر بلا حليب بلاش حتى اضافات اخرى كيما العادة ووقت سحور فقط ماء سحورك كيما الأخرى __
اللي هي بالسحور وقت السحور لاكن لازمك تتسحر وتقعد فايقة ساعتين بعد السحور وبلاش ديسار في شقان الفطر عكس النسخ اللي قبلها ركزو مليح
و فيها هي تتسحر وقت السحور كيما فطور الصباح اليومي العادي في الريجيم متاعنا
وتاخو في شقان الفطر :كعبة غلة (تمرة) شربةشعير او عدس+سلاطة اختياري+بريكةاو طاجين ترتح ساعة وتاخو صحنك الرئيسي اختياري كيما قلنا مقرونة او كسكسي او نواصر او روز او مرقة +شطر باقات )وتوقف الماكلة واذا ب شتاخو قهوة او تاي او تيزان يكون بلاش سكر وبلاش حليب وبلاش اضافات اخرى .... وهذي النسخة المنصوح بيها للمرضعات اكثر شيء او اللي ينجم ما يرقدش بعد سحور
: يكونالعشية قريب للمغرب بعد الطوالات بلاش ملابس
الميزان في الصيام في الصباح موش صحيح
عادي مقلية حتى كل يوم المهم مافيهاش الممنوعات اللي هومة التن الكبار والجبن المالح والبريكة كيما قلنا تنجم تعوضها بطرونش بركات دياري العجينة او طاجين لكي الاختيار ... .... المهم حاجة وحدة منهم (الصالي او ميني بيتزا ولمعجنات ما يعوضوش البيتزا يعوضو طبقك الرئيسي كل حاجة على روحها )
اذا بنسختين لولانين خاصة الافضل ايام متتالية يكونوا واذا بش تصبح من غدوتها فاطر يولي الديسار يتنحى في الصيام قبل بليلة (نحكيو على اسباب صحية ... ملاحظة وقت_ليراقل :باش تفطر مع العايللة وما تتحرمش من لمة في المغرب لازم تقعد بلاش ماكلة في نهار كامل و تاخو فقط ماء وكاينك صايمة جوست ماء فقط)
كيما هي كامل ايام الصيام 📢حتى وقت ليراقل يشرب فقط ماء ما تنساوش النقطة هذي
#المرضعات يعتمدو_نسخة_الثالثة
#الممنوعات تقعد نفسها ممنوعات ما يتغير شي
:باش تفطر مع العايللة وما تتحرمش من لمة في المغرب لازم تقعد بلاش ماكلة في نهار كامل و تاخو فقط ماء وكاينك صايمة جوست ماء فقط
للامانة اكثر نسخة طيح حسب تجربتنا الاولى للي ينجمها اكيد وبالريجيم هذا مع الصبام اقل شي طيحو ثلاثة اكثر شي خمسة او ستة كيلو طيلة الشهر كامل و كل حد وبدنو حبيباتي وان شاء الله رمضانكم مبروك و سنين دايم😍
