04/09/2025
NU GHE SEMMU: U L’E’ U DNA😂😂
Anco’ faggu na semplice riflessiun in sce sta ste’ appegna passo’ au me bellu paize.
Passe i anni, ma semmu delungu tabarchin in tu Dna e in ta ca du rattu .
IN SPIAGGIA
Nu ghe versu de parcheggio’ a pagamentu.
“E cusse se creddan ?? sinque euro ma en matti ???”
Ti no macchine parcheggie’ in stradda a Guidi . Macchine parcheggie’ a luccaise pa Bobba .
A Caletta cun e macchine en arrive’ a parcheggio’ in sciu briccu da sepoltura ciuttostu che sgancio’ 5 euro .
E cummense a prucessiun careghi cumme oxi sutta u su e 2 km a pe. Ma 5 euro nu g’hai daggu!!!!. E poi u rientru careghi , stanchi e sue’ che a sepoltura a l’è bella che prunta .
Quelli di lettin te dixan : “i tabarchin nu ne piggian guai ombrelloni e lettin”
E come maiiiii? E ma te pare ?
E cusse han da piggio ? se appresentan cun careghe e careghette de legnu, tuogie cumme macrame’, ombrelloni da nonna che ean du ciasso’ da baracca . poi cianin cianin se arrundian vixin ai lettin.😂 “Scusa era libero mi ci sono asquattiata!”
IN MO’
Pe fo u bagnu cumme ti fe a distingue i tabarchin dai turisti ?
pe primmu ninte crema sulore , guoi se nu te piggian pe in milanaise e te accugiugnan.
Poi quande intran in mo ti veddi che se afferman cun l’egua au bacin . Ti di : e gnampu che brovi se abituan e se acclimatan au fraidu .
Ninte : piscian e fan finta de ninte !!!
Se mettan a parlo ‘ pe cunfunde e idee . Poi se ti ghe fe coxu rientran in terra sciuti ma cu surrisu . Tranquilli nu se ne agattau nisciun.
Aua in mo se pö cammino ‘ , galleggio ‘ , nuö. Ninte .
Ciaccere a cruste a bagnu in te dexe cm de egua e poi se lamentan che ghe ruddiggian e garrette i pescetti. Ti no rangugni :
ANE’ in GALEA!!
NA SAIETTA!!…..
E MA OH , E MAH BEN !!! E MA PEROIE!!!!
OH BELLE GENTE MA SULU A MI ME RUDIGGIAN STI VURCHEN, ANE’ DAI TURISTI!!!😂😂
CUSTÜMMI
I custummi ghe n’è pe tutti: dae custummi de famiggia tramande’, ai cassunetti da vigna cun stisse de giancu cumpraise e segni de abbrunsatua da canottiera. E gore de facebook ne a megnan.
Figna u bagnu in muande se se ascordan : me ne battu u belin !!!
E guoi a quelle ambissiuse che se mettan u custumme giancu , che quande u se bagne se intravedde de sutta u rattu penügu.
“Oh ben, me se vede tuttu!!”
E te mettaivi u custumme naigru o armenu rosa l’aiuollla!!😂 Ti u saivi!!!
E se cummensan a tio’ spinsiguin in tu boscu pe foiau asciugo’ prima e nu fo vedde ciu’ ninte. Ma i zoni tabarchin sean za appuste’ e han fetu a so primma esperiensa : cumme sun feti i zin de drentu!!
BUCOLICA
Quande l’è ua de mangio ‘ , i tabarchin che en arrive ‘ au mo’ a n’ua, versu e due e mesa va in ca a prefundose . E poi se a sciacca de bruttu …ohhhhhhh.
i turisti che mangian a spiaggia o van au chioscu e pogan , o tian de foa insalate cun farro ( i tabarchin nu san mancu che vurcan u l’e!! ), tofu, philaoedlphia light, fregguggie de pateca sensa semi.
Mentre i tabarchin che areste a spiaggia en arme’ fin ai denti e ti veddi subetu : aggreggassiun de famiggia figna a tersa generassiun ciu’ i amanti e manezzi vori ca l’occupe tuttu u demaniu e spostan i macramé di otri: de chi u l’e’ u l’e’. Ane’ in galea , fise za de nuvembre!
Poi cumense a sciurti : raio’. pasta au furnu. fugasse . pizzette. siaule pigne. guresi . tunnu. öe buggie, fettigne impane’ ; figna canestrelli e moscato . Stivan i figgio’ piccin cumme u tunnu in te squartiette. “ e mangia stu chi asci bellu !!!
Poi se addorman au su e se bruxian. Corpi de gnore e bolle, curezze.
E doppu 4 ue te po caccio’ in mo !
TRAMUNTU
Poi se appresentan au tramuntu : portan de tutto, prusciutu, tunnu, ovive, figna u tavernello da n’euro e s sasissa redena . guoi a spende dine dau zizo : ma ti schersi na birra 4 euro ????😂 Briatore u n’è a megne a niotri .
CIASSA E BARUFFI
Feta a doccia se arrive in scia ciassa belli arremüe a fo vasche , tra n’’aperitivu , safatte de faino’ e in cadian de gelato ….Dau Napitia gh’ea a fila figna da cruxe . E ghe dovan a lecco veluce che cu codu se squogie tüttu!!!
Poi chieddan i gusti vegetarien e ai assuffacan cun motti de ciucc**ota e panna montata !! “ti se sun a dieta “
E poi se u celentano , u mariano e u pier cantan e mettan musica dai barüffi nu ti po ano’ a ballo ‘ in hully gully ?
tutti a ballo’ , a fo trenini , a divertise figna a n’ua perché u celentano u g’ha alevau a multa :
su le mani su le mani su su su!!
siamo i vatussi, siamo i vatussi!!!
vai acchiappate il c**o di quello che avete a fianco ( ?????). Ma cumme???
Gente che nu movan da 10 anni , ghe va u servellu de traversu , cummensan a tio’ branche de sa e de la cun tutte ste turiste a cü e tettin de föa.
Poi ghe quelle cun e tavagne’ che se caccian in mesu in ta nassa e speran che ciöve…. e chi ghe incoccie ghe incoccie . Gianna Gianna Gianna sosteneva …… e corne de chi t’ha fetu!
nu se ne anemmu . nu se ne anemmu !!
e ane’ in galea !!!
Quelli che han ballau in pia*za pegli e dai barüffi cun tutti i prublemmi che g’hai de salute , appresenteve aua in tu me studdiu a cianze pau du de zenuggie o schegna . Vau daggu mi Sciugabuduin. !!
Ve piggiu a bacche in sci a schegna . Boxordi 😂😂😂😘😘
Aua ammiu e telecamere di barüffi e vedemmu chi ballova ?
E TELECAMERE DE SEGÜESSA
Perché ghen è telecamere ??
E pruve’ in po’ a passo’ de li e amie suvia i barüffi ? Te fan radiugrafie, risunanse cu cuntrastu .
Po’ de esse ai turnei de tennis a WIMBODON , cun e teste che viran da na porte a l’otra figna che mettan u puntu :
“ma chi u le ‘ u dotu?”
“ma a l’e ‘ so figgia ??”
No l’emmu attruvo’ a seccagnu au zuncu : quarchedun u l’ha persa !!
“ e de sti chi feti” e porte a nutissia
A GIURNO’ A L’E’ FETA
E cusci se rientre in te baracche tutti süe che se ghe sa de roxu. Tra sinsoie e curezze. Gente che sbaglie porte o macchina . Tuttu in tu rangugnu de in ca che següamente ai ascurdau de di o fo quarcosa :
“Ma o checchin u scoda bagnu ti l’e’ lasciau assaizu ti? evvuia zu!!!”
“A m***a che te impe a faccia nu se pö fo na doccia in poxe!!”
“ nu sta a frazo’ egua !!”
“Turna?? TE PITTESSAN I CROI!!”
U L’E’ PROPRIU U PAIZE DU BEN GODI .
Nu ghe ninte da fo : semmu tabarchin
E pe questu v’ögiu ben .
U l’e u nostru DNA e nu scangiu cun ninte .
😂❤️
Sciu Megu ❤️
Rie’ cu fa ben. Arragiose nu ne vo a pegna. E poi i surrisi en gratis
PS : chiedo scusa agli altri follower . E’ dialetto tabarchino in cui faccio autoironia sui nostri difetti , vizi e abitudini 😍
ps2: mia, me dixan che a cadesedda succedde e stesse cose quande fan i gietti a ciaza grande cu vapuretu davanti. Coxi rei vistu che ghemmu u stessu dna e rangugnu. Porcu licciu!!!😂❤️
