04/02/2026
قبل ما نحكي الحل 🙆🏻♂️
بدنا نفهم ليش الرجلين بيوجعوا من الوقفة الطويلة
لما نوقف كثير = الدم بتجمع بالساقين بسبب الجاذبية
وبتقل فعالية ضخ الدم للرجعة للقلب
ف بتصير السوائل تتراكم وبنحس بثقل وانتفاخ وألم
وعضلات الرجلين بتضل مشدودة
خصوصا عضلات الساق والقدم
وبتصير تتراكم فيها نواتج الـmetabolism (زي حمض اللاكتيك) ف بنحس بحرقان وتعب
ممكن يصير ضعف أوتار أو مشاكل تشريحية
زي القدم المسطحة أو مشاكل باللفافة الأخمصية أو وتر العرقوب (وهيك أسماءهم معلش 😁)
هاي بتخلي التحميل على الرجلين غير متوازن فالألم بيصير مزمن أو متكرر
الحذاء اللي مش مناسب أو الأرضية الصلبة بتضاعف الضغط على المفاصل والأنسجة
نقص فيتامين د أو زيادة الوزن
هدول عاملين مهمين
الوزن الزائد بزيد الضغط على الرجلين
ونقص الفيتامينات بخلي العضلات أضعف وأسرع بالإجهاد
======
هيك عرفنا الأسباب
في مغالطات مشهورة لازم ننتبه منها برضه
"المسكنات هي الحل" = أكبر غلط
المسكنات بتخفي الألم مؤقتا
بس ما بتحل المشكلة الجذرية
والإفراط فيها بخرب الكبد أو المعدة
التدليك أو النقع بالمي الدافية بيريّح
بس إذا السبب تشريحي (زي القدم المسطحة) أو مرضي (سكري، التهاب مفاصل)
العلاج لازم يكون متخصص
إذا الألم مستمر أو مع تورم أو مع أمراض مزمنة (سكري، روماتويد)
لازم مراجعة طبيب فورا
=====
