Osama Ababneh - Clinical Psychologist

23/09/2025

اللعب التفاعلي مش تضييع وقت… هو أقوى تدريب ممكن تعطيه لطفلك!

اليوم كلنا شايفين قديش الألعاب الإلكترونية صارت تاخذ وقت أطفالنا، بس المشكلة إنها ما بتعطيهم المهارات اللي عنجد محتاجينها. 👶👧

اللعب التفاعلي يعني ألعاب بسيطة بتسويها إنت مع ابنك أو بنتك:
👀 تطلعوا بعيون بعض
🤲 تتبادلوا الأدوار
🗣 تحكوا كلمات بسيطة
😄 وتضحكوا سوا

ليش مهم؟

للطفل اللي عنده توحد: اللعب التفاعلي بفتح باب للتواصل والنظرة المباشرة.

للطفل اللي عنده فرط حركة: بخليه يوقف، يسمع، ويستنى دوره.

للطفل اللي عنده تأخر لغوي: كل لعبة فرصة يحكي كلمة جديدة أو يطلب شي.

للطفل اللي عنده صعوبات تعلم: بخليه يتدرّب على الصبر وحل المشكلات.

👩‍👩‍👧‍👦 والأحلى من هيك… اللعب التفاعلي مش بس للطفل، هو كمان بقرّبك منه، وبقوي علاقتك فيه.

💡 تذكّر: 10 دقايق لعب مع ابنك باليوم بتساوي ساعات تدريب نظري.

#توحد #تشخيص #تدريب

18/09/2025

🔴 شو أعمل لو ابني/تي مش مستفيد شي من التدريب والتأهيل؟

كتير أهل بيجوني محبطين…
“سجلنا ابنّا بأحسن المراكز، دفعنا آلاف، وبالآخر ما شفنا نتيجة!”

خليني أحكي معك بصراحة 👇

التوحد مش إشي بينحل بـ ٣ أو ٦ شهور.
هو رحلة طويلة… والنتيجة بتبين شوي شوي، على شكل خطوات صغيرة بتتراكم مع الوقت.

👨‍👩‍👧 طيب وين المشكلة لما ما نشوف فرق؟

مرات الأهل بتوقعوا نتائج أسرع من الطبيعي.

مرات التطبيق بالبيت بوقف، والأخصائي لحاله ما بقدر يغيّر الطفل.

ممكن البرنامج نفسه ما يكون مناسب تماماً لاحتياجات الطفل.

💡 الحل مش نوقف ونستسلم… الحل نراجع الخطة ونشوف وين الخلل:

هل فعلاً في متابعة يومية بالبيت؟

هل في صبر على التقدّم البطيء؟

هل في تعاون بين الأهل والأخصائي والمدرسة؟

التأهيل مش سحر… بس هو الطريق الوحيد المثبت علمياً لحتى ابنك يتطور.
اللي بيفرق بين فشل التجربة ونجاحها مش المركز ولا عدد الجلسات…
اللي بيفرق هو الشراكة بين الأهل والأخصائي.

#توحد #تشخيص #تدريب

12/09/2025

كتير بنسمع جملة: “التوحد سببه التربية الغلط للأهل”… وهاي أكبر خرافة ممكن تدمّر معنويات الأهل.
الحقيقة؟ 👇
🔹 أول إشي: التوحد مش إشي بيصنعه الأب أو الأم بطريقة تربيتهم. الدراسات والعلم حسموا الموضوع: التوحد سببه عوامل وراثية وبيولوجية بتأثر على نمو الدماغ. مش تربية، مش دلع، ومش قسوة.
🔹 بس هون النقطة المهمة: التربية إلها دور كبير مش بالسبب… بل بالنتيجة!
يعني طريقة تعاملك مع ابنك ممكن تساعده يتطور، أو بالعكس تزيد صعوبة وضعه.
🔹 كيف؟
إذا الأهل أعطوا الطفل أمان وحب وتقبل → الطفل بيصير أهدأ وقابل يتعلّم.
إذا التزموا بخطط التدريب في البيت → المهارات بتتعمم أسرع.
وإذا التربية اعتمدت على الصراخ والعقاب واليأس → السلوكيات السلبية بتزيد.
🔹 الخلاصة:
إنتو مش السبب بوجود التوحد… بس إنتو أكبر قوة ممكن تغيّر مسار حياة طفلكم.
التربية الواعية = دعم + تدريب + صبر.

#توحد #تشخيص #تدريب

10/09/2025

التربية ما بتصير بيوم وليلة… هي رحلة طويلة بدها صبر ونَفَس طويل.
أربع كلمات بسيطة ممكن تغيّر طريقة تعاملك مع طفلك:

🔹 اصبر
الطفل مش رح يفهم من أول مرة، ولا رح يغيّر سلوكه بسرعة. بدّه وقت، بدّه يجرّب ويغلط، وإنت بدّك تعطيه فرصة يتعلم على مهله. الصبر بيعطيه إحساس إنك واقف جنبه مش ضده.

🔹 كرِّر
التربية ما بتعتمد على جملة وحدة أو نصيحة سريعة. لازم تعيد وتزيد بالسلوك اللي بدك تثبّته، مرّة ومرتين وعشرة. التكرار هو اللي ببرمج عقل الطفل وبيخليه يحوّل السلوك لعادة.

🔹 ابتسم
حتى لو تعبت وضايقك الموقف.. ابتسامتك بتوصل رسالة إنه الموضوع مش حرب، وإنك بتحبه رغم خطأه. الابتسامة بتخفف التوتر وبتخلي الطفل يسمعك بقلب مفتوح.

🔹 استمر
أكبر غلطة ممكن نعملها مع الطفل إننا نبلش ندرّبه على سلوك ونوقف بنص الطريق. الاستمرارية هي سر النجاح، ومع الوقت رح تكتشف إن سلوكه بيتغير فعلاً.

✨ الخلاصة:
التربية مش وصفة سريعة.. هي عملية تراكمية. كل مرّة بتصبر، وبتكرر، وبتبتسم، وبتستمر، إنت فعليًا عم تبني شخصية أقوى وأهدى لطفلك.

#توحد #تشخيص #تدريب

08/09/2025

🎓 دبلوم العلاج السلوكي المتكامل للأطفال والمراهقين

لكل من يسأل عن دورات متخصصة أو يرغب في فهم المجال بشكل صحيح:
هذا الدبلوم صُمم ليجمع الأخصائي بالمعرفة الكاملة من مختلف الجوانب:

الإكلينيكي: التعامل المباشر مع الأطفال والمراهقين.

السلوكي: فهم السلوك وتعديله بطرق علمية.

الطبي والعصبي: التعرف على الأسس الطبية والجوانب العصبية المرتبطة بالاضطرابات.

النطقي والتواصلي: فهم صعوبات النطق واللغة.

النفسي والنمائي: التعمق في الاضطرابات النفسية والنمائية بإشراف مختصين.

✨ برنامج شامل لا يقتصر على اضطراب واحد، بل يفتح لك أبواب فهم مختلف الاضطرابات النمائية والنفسية لدى الأطفال والمراهقين.

*Diploma in Applied Behavioral Therapy for Children and Adolescents*
*دبلوم اختصاصي العلاج السلوكي للأطفال والمراهقين التطبيقي*
◀️الدبلوم الأول من نوعه على مستوى الوطن العربي الذي يجمع بين المجال الطبي والخدمات الطبية المساندة وعلم تحليل السلوك التطبيقي والذي يقدم من خلال نخبة من أصحاب الاختصاص.

✅الفئة المستهدفة:
*طب الاطفال وحديثي الولادة، طب الأعصاب، الطب النفسي، علم النفس الاكلينيكي، الإرشاد النفسي، التربية الخاصة، علم النفس التربوي, العلاج الوظيفي
(القياس والتقويم)، ، تمريض الصحة النفسية.
*تخصصات العلوم الانسانيه والاجتماعيه كحد أدنى درجة البكالوريوس.
*تخصصات العلوم الصحية والطبية كحد أدنى درجة البكالوريوس.

✅بشهادة صادرة من⁚
✔وزارة التعليم العالي الاردني صادرة من جامعة ابن سينا للعلوم الطبية
✔وزارة الخارجية الأردنية
✔نقابة المهن الطبية والصحية.
✔كلية مبدعو المملكة لعلوم الصحة النفسية والتأهيلية البريطانية
Kingdom Creators College for Psychological Health Sciences and Rehabilitation
✔وزارة الخارجية البريطانية
✔الشهادة تحمل رقم تتبعي Data Flow

✅مدة الدبلوم: سنة ونصف أي بمعدل (18 شهر).

✅خصم خاص للأفراد بنسبة 15% .

✅خصم خاص للمجموعات 3 اشخاص فما فوق بنسبة 20%.

✅خصم خاص للدفع الكامل للدبلوم بنسبة 25%.

✅تكون دفعة حجز وتثبيت المقعد من تكلفة الدبلوم 150JD/212$ لغاية تاريخ 10/10/2025.

✅آلية حجز المقعد التدريبي:

1. الدخول للرابط وتعبئة الطلب الالكتروني لحجز وتثبيت المقعد التدريبي:
https://forms.gle/GyeLbzsgXVoXKVwj7

2. ارسال صور عن الوثائق الرسمية( صورة شخصية. صورة عن جواز السفر لغير الأردنيين /الهوية المدنية للأردنيين . صورة عن المؤهل العلمي).

3. دفع المبلغ المالي الخاص بحجز المقعد التدريبي

4. ارسال الايصال المالي للمؤسسة.

5. الحصول على كتاب رسمي
بالقبول النهائي بالدبلوم التدريبي .

✅اخر موعد لحجز وتثبيت المقعد التدريبي بتاريخ 10/10/2025

✅ خيارات الدفع:
١. رقم حساب مؤسسة مبدعو المملكة
(البنك العربي).
٢.كليك مؤسسة مبدعو.
المملكة (البنك العربي).
٣.الدفع الكاش في
مؤسسة مبدعو المملكة.
٤. ويسترن يونيون

✅للإستفسار والتواصل📞

✅من داخل الاردن 0797830770،

✅من خارج الاردن على كافة تطبيقات التواصل الاجتماعي 00962797359606

✅المقاعد محدودة للدبلوم
30مقعد تدريبي فقط.

#التقييم #التشخيص #السعودية #قطر #البحرين #الامارات #ليبيا #العراق #فلسطين #لبنان #عمان #تأهيل #العلاج- #السلوكي # #تدريب #تأهيل #الوظيفي #النطق #واللغة.

03/09/2025

⁨ ⁨ 5 أشياء تمنيت لو عرفتها قبل أن أصبح أخصائي أطفال توحد واضطراب فرط الحركة وتشتت الانتباه:

💡 رحلة العمل مع أطفال التوحد وفرط الحركة هي تجربة فريدة من نوعها مليئة بالتحديات والدروس. هنا أشارككم 5 أشياء تمنيت لو أدركتها منذ البداية:

1️⃣ كل طفل حالة فريدة تحتاج إلى نهج مخصص
🔹 "كل طفل هو عالم مستقل بحد ذاته، بتحدياته وأحلامه الخاصة."
تمنيت لو أدركت أن العمل مع أطفال التوحد وفرط الحركة يتطلب تصميم خطة علاج فردية لكل طفل. ما يناسب طفلًا قد لا يناسب آخر، وهذا ما يجعل كل تجربة مليئة بالتعلم والاكتشاف المستمر.

2️⃣ الصبر ليس مجرد مهارة، إنه أسلوب حياة
🔹 "النتائج قد لا تكون فورية، لكنها دائمًا تستحق الانتظار."
تعلمت أن العمل في هذا المجال يحتاج إلى صبر استثنائي. أحيانًا نعمل لشهور لرؤية تقدم بسيط، لكنه يصبح إنجازًا عظيمًا عندما يحدث.

3️⃣ العائلة جزء أساسي من العلاج
🔹 "عندما ندرب الطفل، ندرب العائلة أيضًا."
فهمت أن نجاح الطفل يعتمد على دعم العائلة. تدريب الأهل وإشراكهم في الخطة العلاجية يخلق بيئة متكاملة تدعم الطفل في جميع جوانب حياته.

4️⃣ ستواجه تحديات عاطفية كثيرة
🔹 "ستكون هناك أيام تشعر فيها بالإنهاك، وأيام تبكي فيها من الفرح."
العمل في هذا المجال يضعك أمام مشاعر مختلطة. أحيانًا تشعر بالعجز أو الإحباط، لكن عندما ترى طفلًا يتقدم، ولو بخطوة صغيرة، يصبح الأمر يستحق كل الجهد.

5️⃣ الأطفال هم أفضل معلمينا
🔹 "الأطفال الذين نعمل معهم هم أعظم من يُلهمنا ويعلمنا."
تمنيت لو عرفت أن هذه المهنة ستغيرني كشخص. الأطفال علموني معنى الإصرار، الصبر، وقيمة الاحتفال بكل لحظة صغيرة من التقدم.

✨ إذا كنت تعمل في هذا المجال أو تفكر في دخوله، تذكر دائمًا أن تأثيرك أعمق مما تتخيل. هذا العمل ليس مجرد وظيفة، إنه رسالة مليئة بالأمل والإلهام. 💚

#توحد #تشخيص #تدريب

⁩⁩

31/08/2025

رحلة تدريب وتأهيل طفل التوحد مش سهلة، وبمرات بتتعب وبتحس إنك بدك توقف.
عشان هيك مهم تضل محافظ على دافعيتك كل يوم، لأنه صبرك وجهدك هو اللي بصنع فرق. 🌿

جرّب هاي القواعد البسيطة:

تذكّر دايمًا الهدف… كل خطوة صغيرة بتقرب طفلك من الاستقلال.

افرح بالإنجازات الصغيرة، حتى لو كانت كلمة وحدة جديدة أو نظرة تواصل.

ما تنسى حالك… خد استراحة وجدد طاقتك.

ابعد عن المقارنات، كل طفل إله مساره الخاص.

اطلب دعم من ناس بتفهمك، سواء مختصين أو أهالي بيمروا بنفس التجربة.

✨ صدّقني… دافعيتك هي اللي رح تضل وقود ابنك لحتى يوصل أبعد ما يتخيّل.

#توحد #تشخيص #تدريب

27/08/2025

كثير من أطفال التوحد وأسرهم يواجهون يوميًا نظرات الفضول والتحديق، دون أن ندرك حجم الأثر النفسي لهذه المواقف. في هذه الرحلة سنفهم معًا كيف تؤثر تلك السلوكيات على الطفل ووالديه، وكيف يمكننا أن نكون جزءًا من التغيير من خلال نشر الاحترام والتقبل بدل الحكم والشفقة.

تابعني وشارك المحتوى
إذا استفدت!
#التوحد #التقبل #الاحترام #توحد #تشخيص #تدريب

25/08/2025

من محاضراتي لمعلمي ومعلمات مدرسة البحث العلمي في دبي.
حيث قدمت خلال هذه المحاضرات شرحًا وتوجيهًا للمعلم/ة حول الاضطرابات السلوكية والنفسية عند الأطفال والبالغين والتعامل معها.

#توحد #تشخيص #تدريب

20/08/2025