10/02/2022
كتار سألوني.. طيب ليش بصير في نقص عنا بمعدن المغنيزيوم؟
هاي النواقص ما كانوا يعانوا منها قبل عشرات السنوات. ليش اليوم صارت هالقد منتشرة؟
صحيح.. من قبل عشرات السنوات ما كان النقص بالمغنيزيوم منتشرة مقارنة بأيامنا الحالية..
رح أعرضلكم 4 أسباب للنقص بالمغنيزيوم.. ما كنت من قبل، ولكن موجودة بكثرة بأيامنا:
أولاً:
تغذيتنا الحديثة مقارنة بتغذية زمان.. فيها أقل خضراوات، أقل ورقيات، أقل بقوليات.. ومن أهم مصادر المغنيزيوم بالتغذية هي الورقيات، البقوليات، والخضراوات.. فلما استهلاكنا الها بقل.. رح يقل عنا المغنيزيوم.
ثانيا:
الخضراوات نفسها، اليوم فيها أقل مغنيزيوم من قبل.. والسبب هو انه بسبب المبيدات المواد اللي برشوها على الخضراوات بتسبب بخفض مستويات المغنيزيوم، وغير انه مياه الري اليوم فيها أقل مغنيزيوم من قبل، بسبب عمليات تصفية والمياه اللي قللت كتير من تركيزه بالمياه.. فبطبيعة الحال المزروعات عم تستقبل كميات أقل من المغنيزيوم.
ثالثا:
استعمالنا لأدوية عديدة، من شأنه يقلل من نسبة المغنيزيوم بجسمنا..
فمثلاُ أدوية مضادات الحموضة بتقلل من نسبة امتصاص المغنيزيوم من الأمعاء للدم.. بينما أدوية مدة للبول.. بتسبب خروج كميات أكبر من المغنيزيوم من جسمنا عن طريق البول.. والنتيجة انه مستوياته بجسمنا بتقل,
رابعاً:
التوتر الدائم، الضغوطات الحياتية، والسترس.. بخلوا الجسم يستهلك كميات مضاعفة من المغنيزيوم.. لانه المغنيزيوم اله وظائف عديدة بالجهاز العصبي، ومن شأنه انه يخفف من حدة التوتر.. فاذا نمط حياتنا سريع، ومليء بالتوترات والضغوطات احنا بحاجة لكميات أكبر من المغنيزيوم.. بالتالي معرضين اكتر للنقص فيه..
شو رايكم؟
كلكم بتوافقوني.. أنه عال4 عوامل اللي ذكرتهن.. ما كانوا موجودين من قبل عشرات السنين.. بينما موجودين بانتشار كبير بأيامنا هاي..
طبعاً في بعد كتير عوامل بتسبب النقص بالمغنيزيوم.. ولكن حبيت اتطرق للعوامل اللي تغيرت على مر السنين.. وسببت هذا التغيير اللي عم نعيشة اليوم..
لهيك نصيحتي الكم..
انتبهوا لهذا المعدن منيح..
للتواصل أو للاستفسار على الرقم: 0777884832
📍الموقع: https://goo.gl/maps/i39aiCxrTiRZoqWn9…
#ماغنيسيم
