Dietitian jumana abu aliأخصائية التغذية جمانة أبوعلي.

14/04/2025

التوتر مش بس إحساس نفسي… هو تفاعل هرموني كامل داخل الجسم. ..
لما نتعرض للتوتر، الغدة الكظرية تفرز هرمون الكورتيزول، المعروف بهرمون التوتر. ارتفاع الكورتيزول لفترات طويلة بيؤثر على توازن باقي الهرمونات مثل الإنسولين (مما يزيد مقاومة الجسم للأنسولين)، وهرمونات الغدة الدرقية (مما يبطئ الحرق)، وحتى الهرمونات الذكرية والأنثوية مثل الإستروجين والتستوستيرون. ا

لنتيجة ؟ بطء في عملية الأيض، زيادة في تخزين الدهون خاصةً بمنطقة البطن، اضطرابات بالنوم، وتقلبات بالمزاج. عشان هيك إدارة التوتر مش رفاهية… هي أساس لصحة هرمونية وجسمية متوازنة.

12/02/2025

🤭🤭🤭

إذا قررتوا تلبسوهم أنا جاهزة أساعدكم 😌

DM 😇

31/01/2025

كتير ناس بفكروا انه نتيجة فحص الانبودي هي نفسها نتيجة فحص الكولسترول او الدهون الثلاثية..

فحوصات الدم بتنعمل بالمختبر مش بمراكز وعيادات التغذية.. ولكن اي خلل داخلي بالجسم اكيد نتيجته من عادات غذائية سيئة احنا بنقوم فيها 😥

15/10/2024

بمناسبة الشهر التوعوي لسرطان الثدي 🎀 قام قسم التغذية لمستشفى الأردن بعمل فاعلية أوضح فيها أهمية مضادات الأكسدة ودورها في الوقاية من السرطان 🎀🎀

حيث أن كل لون موجود في الطبيعة يدل على مضاد أكسدة معين يساعد في تقوية الجسم وحمايته من الجذور الحرة التي تتراكم في الخلية والتي تتعبها وتأثر على عملها 🎀🎀

10/12/2023

🇵🇸

12/11/2023

من نخبة الأطباء اللي تعاملت معهم
كنت قمة بالادب والاخلاق وطبيب مجتهد جداً
انا لله وانا اليه راجعون

ارتحت من هالدنيا الظالمة دكتورنا العزيز اللي لا اسف عليها… نيالك نلت الشهادة

رب ارحم شهداءنا جميعًا الذين قدموا إليك وحلّوا ضيوفًا بجوارك تاركين الأهل والمال والولد مدافعين عن الحق وإعلاء راية الإسلام ودحر العدو الظالم

رحمة الله عليك .. إلى جنات الخلد

26/10/2023

14/10/2023

الواحد بس يحضر مسلسل مبني على قصة حقيقية وفيه جريمة قت.ل بتأثر أيام وبصير يحكي كيف هيك ناس فيها كمية كبيرة من الشر انها تنهي حياة بشرية بد.م بارد وبآخر المسلسل المبني على قصة حقيقية بطلعوا القا.تل عنده مرض نفسي او كان تحت تأثير مادة مخد.رة هي كانت السبب بهاد التصرف!

اللي بتعيشوا غز.ة شو؟؟
الام لما تفقد ولادها كلهم وتصير تصرخ “كلهم!! كلهم!!” هاد شو؟؟
الطفل اللي راسه متف.جر واللي جثت.ه بلا را.س هاد شو؟؟؟
العائلات اللي قاعدة بتنمحي من الوجود بس لأنها موجود بقطا.ع غ.زة وحقها تعيش حياة زي ما احنا عايشين واحلامهم ما بتختلف عن احلام اي عيلة عايشة بأي رقعة بالعالم قاعدة تبا.د بدون اي سبب !!

العد.و كان تحت تأثير شو؟؟
القوانين والاحكام اللي طلعت بعد النكب.ة الاولى بهدف انها ما تتكرر شو عملوا فيها الصها.ينة وين حطوها!!! احكيلكم وين حطوها وما تزعلوا!!!

بننام وبنصحى على صور وفيديوهات مؤلمة وموجعة ومحزنة وبشعة اكثر من الثانية!! شو بنقدر نعمل احكولنا بنعمل!!
اصحاب القرار اللي بدهم يحافظوا على السلام!!! وين هو السلام !!!
السلا.م انه انا بخير وغيري اللي بدافع عن ديني وعن ارضي وعن شرف الام العربية خليه هو يدافع واحنا بنتفرج وبس بنحكي وبندد وبنستنكر!!

يا عيب على كل صاحب قرار مسلم بشكل خاص ما تحرك وما عمل عمل حقيقي على ارض الواقع يثبت انه اللي في غز.ة بدافعوا عن ديننا عن اولى القبلتين وثالث الحرمين الشريفين وقاعدة بستنكر وبندد !!

ان شاء الله صور شهد.اء الاطفال والنساء والشباب والشيوخ اللي بتشوفوها تضل معلقة بعقولكم وما تنسوها وتضل تجلدكم ليوم الدين!!

وما تنسوا بس تخلص هالابادة انكم تعملوا مسلسل التغر.يبة الغزا.وية وتوزعوا جوائز لأفضل صو.رة وافضل مونتاج

حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل

03/06/2023

🌸بين كل ١٠ إناث هناك اثنى واحدة تعاني من هذه المتلازمة .. واذا ١٠ منكم عمل لايك فأنا هي الانثى اللي بينكم اللي بتعاني منها ..

🌸يتم تشخيص الانثى بهذه المتلازمة عند البلوغ وتغير الهرمونات لديها.. وفي حالتي شخصت بعمر ١٢ سنة..

🌸 للاسف هذه المتلازمة مرتبطة بشكل مباشر بالأمراض المزمنة في حال ما انتبهنا وما حاولنا نتعايش معها ونقلل من اغراضها..

🌸 إناث تكيس المبايض اكثر عرضة للإصابة بالسكري النوع الثاني، سكري الحمل ، ارتفاع ضغط الدم ، امراض القلب والجلطات..

🌸 أسبابه قد تكون وراثية وغير معروفة بشكل واضح، ولكن اذا كانت والدتك او اختك تعاني من التكيس او السكري النوع الثاني فأنت عرضة للاصابة بتكيس المبايض..

🌸 زيادة الوزن قد تسبب تكيس، ووجود التكيس قد يسبب زيادة في الوزن، وبعض الاناث وزنهم طبيعي وحتى يعانوا من النحافة ومصابين بالتكيس ..

🌸بعض العلاجات لهذه المتلازمة تكون بالادوية الهرمونية، حمية صحية والدراسات وجدت ان الحمية قليلة المؤشر الجلايسيمي ، والصيام المتقطع ٢:٥ ، والحمية القليلة بالنشويات قد تساعد الاناث بالتقليل من اعراض هذه المتلازمة..

🌸 في بعض الاحيان حتى الحمية والرياضة قد تكون غير كافية ونضطر لإستخدام ادوية السكري او موانع الحمل