Wafaa Yousef

Home
Jordan
Amman
Wafaa Yousef

Let's embark on this journey of self-discovery together. As a life coach, I genuinely believe simply being can make a big difference in people's lives.

I'm Wafaa Yousef, a certified online life coach passionate about helping individuals like you discover their inner strength and achieve their goals. , I'm here to provide guidance and support. Every person has potential that, in my opinion, can be realized with the correct guidance and attention. I can provide you useful approaches and concepts that will inspire you to make significant changes in your life as a professional life coach.

08/01/2026

اليوم لما نحكي عن المرأة الخارقة،
إحنا ما نحكي عن صورة مثالية أو إنجازات بلا توقف.

المرأة الخارقة هي حالة فاصلة
بين امرأة كانت معتمدة كليًا على غيرها،
وبين امرأة انقلبت للنقيض،
فصارت قاسية، ذكورية، ومجبرة نفسها تكون كل شيء وحدها.

في النص،
طلع نموذج مشوّه:
امرأة تلبس قناع الأنوثة،
وقناع الإنجاز،
لكن من الداخل… عم تطفئ مشاعرها وحدة وحدة.

#علاقات

05/01/2026

العلامة الخامسة اللي بتكشف العلاقة السامة هي المقارنة
مش مقارنة عابرة… مقارنة دائمة

دايمًا تحت خط المقارنة
بشكلي، بتفكيري، بإنجازي، حتى بطريقة إحساسي

المقارنة داخل العلاقة معناها تقليل
تقليل من قيمتك
من احترامك
من وجودك

ما بتفرق قارنّك بأقل أو بأكثر
النتيجة وحدة
إحساس ثابت إنك غير كافي

وهذا الشعور لحاله كافي يهز أي علاقة
ويكسر الأمان من جوّا

العلاقة الصحية ما بتقارن
العلاقة الصحية بتشوفك
وتقبلك
وتعطيك إحساس إنك كافي مثل ما إنت

#علاقات

31/12/2025

مع بداية عام جديد،
حابة أقول شكرًا من القلب لكل شخص كان هنا…
لكل كلمة، لكل رسالة، لكل لحظة شاركتوني فيها رحلتكم.

وجودكم ما كان رقم،
كان طاقة، دعم، ومساحة حقيقية نكبر فيها سوا.

أتمنى لكم سنة أخفّ على القلب،
أهدأ في الفكر،
وأقرب لحياة فيها سلام داخلي، توازن، ورضا.

سنة تختاروا فيها أنفسكم بدون قسوة،
وتعيشوا بوعي أكثر، وخوف أقل.

كل عام وأنتم بخير…
وشكرًا لأنكم جزء من هذه الرحلة 🤍

#2026

30/12/2025

كم سنة صرلك محبوس جوّا هالدائرة؟
نفس الغلطات، نفس الأنماط، نفس الأشخاص…
وبنرجع نسأل: ليش أنا هون للمرة الثانية؟

خليني أسألك سؤال صريح
هل المشكلة دايمًا بالآخرين؟
ولا بالعادات اللي ما تغيّرت؟

الغلطات مش صدفة
هي دروس
ولما ما نتعلّم منها، منرجع نفوت بنفس الدوامة
مرة، مرتين… وعشرة

كسر الدائرة بيبدأ من وقفة صادقة
ليش صار الغلط؟
شو قراراتي اللي خلّته يتكرر؟

أول خطوة: واجه الحقيقة بدون لوم
ثاني خطوة: اعترف بغلطك
ركّز على تصرّفاتك، مش على الناس ولا الظروف

هاي فرصتك الحقيقية
إنك تحط حد للدائرة المفرغة بـ 2026

اكتب بالتعليقات
شو المشكلة اللي عم تتكرر بحياتك؟

29/12/2025

أحيانًا بصير خلل بالعلاقة، أو انفصال،
والشخص المنفصل ينسحب… يرتّب أوراقه،
لكن بنفس الوقت يفصل نفسه عن كل المسؤوليات.

وقتها يصير أبطأ من الطبيعي،
لأنه تعوّد يكون لحاله،
ونسي إن العلاقة كانت إلها تبعات، التزامات، ومسؤوليات مشتركة.

ممكن يكون في حب وتوافق،
وممكن يرجعوا لبعض،
بس السرعات تصير مختلفة،
وهذا الاختلاف يعيد نفس المشاكل من جديد.

في ناس بتفكر إن ترك المسؤولية
هو استرداد للحق
أو عقاب للطرف الآخر.

الحقيقة؟
أنت ما تعاقب غير نفسك.
الكل يكمل طريقه،
وأنت تبقى مع هبوطاتك وعدم قدرتك على الترتيب.

الشفاء الحقيقي
مو بالانسحاب
الشفاء إنك تتحمل مسؤوليتك…
حتى بعد الانفصال.

#علاقات #التغيير

26/12/2025

لما تكوني بحالة فلو، الاستمتاع ما يكون هروب من الحياة،
يكون حضور كامل فيها.
تتعاملـي مع الأشياء بطاقة أنقى،
مو لأنك توقّفتي عن السعي،
بل لأنك ارتقيتي بتناغمك.

أول طاقة نزلت على الأرض كانت الرحمة،
وقبل أي وعي، قبل أي معرفة.
الرحمة مو ضعف،
هي اتصال عميق بالروح.

الإنسان المتصل بنفسه وبربه
ما يفقد شغفه،
هو يشوف أعمق، يحس أكثر،
ويستمتع لأنه فاهم.

أغلب الألم يبدأ
لما الإنسان يكون غير متصل بنفسه،
ولما ما يقدر يقبلها…
كيف بده يقبل غيره؟

#الرحمة #علاقات #التغيير

24/12/2025

مو كل علاقة بتسميها حب، بتكون حب فعلاً.
في علاقات بتلبس قناع الحب،
ومن الداخل تكون استنزاف بطيء.

العلاقة الصحية بتحسّسك بالأمان،
بتخليك تطمّن، تكون على طبيعتك،
وتكبر بدون خوف.

أما العلاقة السامة؟
دايمًا تشكي بنفسك.
تشكي بتفكيرك، بمشاعرك، بقيمتك.
فيها تأنيب، دفاع مستمر، انتقاد، ومقارنات.

العلاقة الصحية فيها نقاش واحترام،
حتى الخلاف فيها مساحة للفهم.
العلاقة السامة فيها عقاب، تهديد، تلاعب،
وشعور دائم بالهجر أو القلة.

العلاقة الصحية بتفتح لك جناحاتك،
العلاقة السامة بتقصّها عشان تسيطر عليك.

اسأل حالك بصدق:
هل هاي العلاقة بتقوّيني؟
ولا بتخليني أضيع عن نفسي؟

#علاقات

19/12/2025

كثير ناس بتفكر إن الحب يعني تضحية بلا حدود.
بس الحقيقة؟
الحب بدون حدود بيتحوّل لاستنزاف.

الحدود مو قسوة،
ولا جدار بينك وبين الناس.
الحدود احترام لنفسك أولًا.

لما تحط حدود، إنت ما بتبعد الناس،
إنت بتعلّمهم كيف يعاملوك.
واللي بيحبك فعلًا،
ما رح يزعل من حدودك…
رح يحترمك أكثر.

أما اللي يضايقه وضوحك،
غالبًا كان مستفيد من صمتك.

#علاقات

14/12/2025

صفر أهداف من سنين… صح؟
كم مرة كتبنا أهداف ببداية السنة، وبعد أسبوع راح الشغف وكأنو ما صار شي؟

يمكن المشكلة مش فيك.
يمكن المشكلة بتعريفك للهدف.

اسأل حالك بصدق:
الشي اللي بدي أحققه…
هل بيقربني من نفسي؟
ولا بس بدي أحس إني ناجح قدّام الناس؟

الهدف مش لازم يكون كبير ولا مبهر.
بس لازم يكون حقيقي.
ولازم يكون إلك… مو مفروض عليك.

يمكن أجمل هدف لسنة 2026
إنك تكون صادق مع نفسك،
تعرف شو بناسبك…
وشو ما عاد يشبهك.

اكتب هدف واقعي،
هدف تحسّه بقلبك مو بدفترك.

#سنة2026 #علاقات #التغيير

12/12/2025

كل عام ووفاء يوسف بخير.. كل عام وانا بازداد افتخار انكم بجنبي واني معكم فرحلتكم.. وكل وعام وانا ممتنة للأرواح اللي عم تشاركني طاقاتها وحبها ❤️

#عيدميلاد #التغيير

11/12/2025

في لحظة معينة… بتوقفي وتسألي حالك:
"أنا ليش موجودة؟ شو الرسالة اللي خلقت عشانها؟"

كل الحياة قبل هيك كانت أمواج…
بتاخدك يمين ويسار…
وانتِ بس عم تحاولي تثبتي نقطة وسط البحر.

بس الحقيقة؟
القلم بيبدأ لما توقفي المقاومة…
لما تحددي اتجاهك، مو بس تروحي مع الموج.

ميس بتحكي عن لحظة تحولية:
من وهي طفلة كان عندها “رد جاهز”…
مش لأنها فكرت…
لأنها كانت مخلوقة تحمل كلمة بتشفي قلب اللي قدامها.

فلما عرفت رسالتها، صار كل شي أوضح:
تأثيرها مش بس شغف…
هو قدرة إنها تشوف أجمل ما في الإنسان،
حتى لو هو ما شافه بنفسه.

والمفارقة؟
الرسالة بتوصل بدون جهد…
لما تكون من مكان صادق،
من طهارة نيتك،
ومن احترامك لنفسك وللآخر

#كلمة #تشافي #تعافي

10/12/2025

الشفاء من الصدمات مش رفاهية… ولا رفاهية عاطفية.
هو واجب اتجاه نفسك.

وأول خطوة؟
تعترف إنك انجرحت… وإنك محتاج تتعالج.
بدون الاعتراف، بيضل كل شي سطحي.

ارجع لجذور الألم:
متى أول مرة حسّيت بهذا الوجع؟
يمكن صوت قديم… موقف صغير… لحظة انكسرت فيها وما حدا فهمك.

اسمح لنفسك تبكي… تغضب… تحس.
الكبت ما بعالج، الكبت بدفن.
وبيخلق جروح بتضل تنزف من جوا

اختار ناس يسمعوك بدون حكم.
أحيانًا شخص واحد بفهمك… بيكون بداية الشفاء.

وتذكر:
الشفاء مش خط مستقيم.
في أيام بترجع توجعك، وهذا طبيعي.
بتوقع… وبترجع توقف… وبترجع تكمل.

#صدمات #تشافي #شفاء #علاقات

Address

Amman

Website

https://tr.ee/gqzOxuKVC-

Alerts

Be the first to know and let us send you an email when Wafaa Yousef posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Wafaa Yousef:

Shortcuts

Featured

ACORN Stairlifts - Jordan مصاعد الدرج آكورن -

Want your practice to be the top-listed Clinic in Amman?