د.شيماء عويضة Dr. Shaima Oweidah

19/11/2025

شو احلى جملة انحكتلك بحياتك ومستحيل تنساها ؟!😍😁🫣

انا مثلا💁‍♀️😅
- اقسم بالله ما بتدفع 💸
- تعال كُل، وارجع نام 👩‍🍳
- بدك اياها دبل؟🌯
- نورت يا صبية 🫣

17/11/2025

اللي ما جرب الفايروس المنتشر هالاكم يوم يحمد الله 🤧😷🤒🤕

13/11/2025

10/11/2025

وجودك مع ناس من مستواك؛ أكبر نعمة انت مش مقدرها!!

مستواك مش في المظاهر، وكم حسابك بالبنك ، وشو السيارة اللي راكبها!

مستواك في طريقتك، في فهمك للحياة ، في تقديرك لنفسك وللي حواليك..

لما تكون مع ناس بتشبهك في الذوق، والفكر، والنُضج،
رح تحس إنك بخير .. مفهوم من غير ما تشرح ..

وهاي صدقني نعمة من ألطاف الله محروم منها ناس كتيير.

يلااا
#منشن للناس النعمة بحياتك ❤️

08/11/2025

زمان (مش زمان كتير😅) كنت أستمتع بفكرة يوم ما تعمل اشي ، doing nothing !
اليوم لاحظت انه هاي الفكرة بطلت ممتعة ، وقعدت أفكر بيني وبين حالي شو اللي اختلف ؟!

بالنسبة الي اللي فرق هو social media ..
اكتشفت انها بتدخلني بشعور انه لسه في شيء عم بينعمل ! ومش تسلاية أبدا ..
بتعطيني شعور اني بشتغل وأنا معطلة ..
متصلة بالناس وأنا هدفي أفصل وأريح ..!
بتعطيني قصص وأحداث وأخبار للناس وأنا هدفي أهدى وأكون مع نفسي بهاليوم !

ممممم هذا الاكتشاف خلاني أبحث شو الأمور اللي ممكن تساعدني أفصل بيوم doing nothing؟
طبعا القائمة تطول.. بس اللي بهمني منها ،
أصلي بهدوء وبآيات ما بقرأها عادة .
أزود بالسنن .
أقرأ قرآن بهدوء .
أتصفح كتاب جديد ..
أنوع بالأكل والشرب .. وأنام!
أفتح شغلة مسلية أحضرها ..
أرتب مكان من زمان تاركته..
ألعب رياضة خفيفة وما اطلع عالجيم.
أكتب وأحكي مع نفسي ..
وأهم نقطة : ما أخطط ولا أتحمس لشو بدي اعمل تاني يوم .. أعيش هاليوم لحاله بدون خطط ...

عندكم مقترحات تانية؟

06/11/2025

مدحك لأم بجروب أمهات المدرسة.. محتاج سوية نفسية😊
مساعدتك لزميل أصغر منك وتعليمه.. محتاج سوية نفسية

انك تنسب الفضل لأهله والنجاح لأهله .. انك تساعد بدون مقابل.. وتشجع الاقل منك .. وتشارك علمك وثقافتك مع اللي بحتاجها ..تبتسم لشخص عابر .. تشكر شخص بيعمل شغله ..

كل هاد محتاج سوية نفسية ..

قل لي كيف علاقتك مع الناس .. بقول لك كيف صحتك النفسية 😉

31/10/2025

علامات المفلس الأردني 🫣😁:
١. دايماً لابس اللي عالحبل.
٢. عايش بالمطاعم.
٣. معاه ايفون آخر موديل.
٤. أول واحد بقطع حاله يدفع الحساب.

😁🤗

29/10/2025

التغاضي ينفعك أنت.. ​قبل أن ينفع الناس..
​قد يظن المرء أنه يبدي للآخرين خدمة حين يتغاضى عنهم
أو يسامحهم
​والحقيقة أنه أكرم نفسه ​وأراح ذهنه
​وحافظ على صفاء قلبه
​وسلامة أعصابه.

24/10/2025

وقعت بالجيم ، كنت عارفة انه جسمي بهاليوم مش تمام ، بس كابرت وحكيت مع الحركة والناس بتنشط..
وهيني بإجازة جبرية من ورا "مكابرتي"

وأنا مش قصدي عن الجيم !

كم مرة بنكابر وبنعاند واحنا عارفين انه هالطريق غلط؟
او بلاش غلط .. بس احنا تعبانين ومش لازم نكمل؟

فعليا احنا بنكون خايفين نخسر ... نخسر علاقات تعودنا عليها ، نخسر أماكن ، روتين ، أشياء ، راحة ...الخ

لنكتشف بالنهاية اننا خسرنا أكثر بكتيييير من اللي كنا خايفين نخسره !

لا تكن مثل شيماء ..لا تكابر .