27/10/2025
أوقات…
منحط حالنا بإطار،
او غيرنا بحطنا فيه
مش فرق لان هوهو ما اختلف بالجوهر الاساسي.. لانه قبلناه وتبنيناه
ومنقنع نفسنا إنو هاد هو الأمان.
منعيش سنين جوّاته،
ومنفكر إنو الخروج منه خطر…
إنو المجهول برا بخوّف.
منكبر،
ومنصير نحس إنو ما بنقدر نتحرّك،
كأنو في اشي ماسكنا،
بس بالحقيقة…
هو وهم.
بييجي يوم،
بينكسر اشي كنا مفكرينه ثابت،
منوقع، منرتبك…
بس بعدين منكتشف إنو لأ —
هاد الكسر هو اللي خلانا نشوف.
نشوف إنو السياج اللي كنا حاطّينه حوالينا،
ما كان بحمينا،
كان بس حاجز،
وإن الحرية كانت جوّانا طول الوقت. 🌤️
