30/08/2018
اسمي زيد شملي عمري 19 سنة، بدرس هندسة كهرباء بالإضافة لكوني مدرب روبوت معتمد وبدرب الأطفال الموجودين في القرى لحتى أعرفهم على الروبوت وكيف بقدروا يعملوا الروبوت الخاص فيهم وما أخلي بعدهم الجغرافي عن مركز المدينة يحرمهم من التطور التكنولوجي.
عندي أكتر من اختراع وأهمهم"جهاز منع الإختناق".. بلشت قصتي مع هذا الإختراع من لما كنت بالصف العاشر تحديداً من خبر وفاة عيلة مكونة من سبع أفراد بسبب الإختناق، كان شعور كتير مؤلم إنك تسمع هيك خبر! صرت أفكر إنه إحنا بزمن تطور تكنولوجي عملاق، وواجب كل واحد فينا إنه يستغل هاي التكنولوجيا لحل المشاكل يلي بتعاني منها البشرية، وكيف ممكن تساعد أرواح كتير إذا استغليناها بطريقة صح. وفعلًا بلشت أدور على أسباب هاي المشكلة، وعملت بحث شامل عن الموضوع "الإختناق" بس تغلبت كتير في جمع المعلومات والإحصائيات والأرقام يلي كنت محتاجها.. دورت على أجهزة بتحمينا من هاد الخطر بس ما لقيت غير أجهزة بتقيس نسبة غاز واحد وبتنبهك فقط وما بتعمل أي إشي غير هيك. لهيك بديت بالعمل على جهاز يساعد على حل هاي المشكلة ويكون بشمل كل النقاط يلي وضعتها . ومن هون بدت المعاناة، إنه كيف بدي أطبق فكرتي؟ وبلشت أعرضها على ناس مختصة بالتكنولوجيا، تفاجأت بالرفض بحجة إنه إحنا ما بنعمل إشي ما رح ينجح, وصارو يقترحو علي أفكار من عندهم، وأنا ما كنت مقتنع إلّا بفكرتي، وضليت متمسك فيها، ومآمن إنه فعلًا رح تساعد أشخاص كتير.. بلشت أتعلم بنفسي الأشياء يلي بتخليني أطبق فكرتي على أرض الواقع وبعد سنة من التعب والبحث والشغل عملت الجهاز وكان قادر على حل المشكلة من كل الجوانب: تنبيه، إسعاف أولي، استدعاء الدفاع المدني. بعد هيك قررت أشارك بمسابقة (INTEl ISEF) يلي بتصير كل سنة على مستوى العالم، ورسبت أول مرة لإنه طلبو مني أشياء ما قدرت أعملها؛ وما كان في دعم كافي.. رجعت شاركت السنة يلي بعدها ب 2015 بنفس الإختراع، والحمد للّه تأهلت، مثلت الأردن على مستوى الوطن العربي، وحصلت على المركز الأول على فئة الفيزياء والإلكترونيات، والرابع على جميع الفئات على مستوى الوطن العربي. وبعد توفيق من ربنا، حصلي الشرف إنه أقدم الفكرة قدام جلالة الملكة رانيا العبد اللّه في Ibdaa Expo 2017 وأحصل على دعمها بعد ما عجبتها فكرتي واختاروني لأتحدث في أكبر حدث عالمي للريادة "أسبوع الريادة العالمي" لحتى ألهم الشباب وأحثهم على الإصرار لتحقيق أحلامهم.
عندي شركتين الاولى اسمها Vital والثانيه ''أمان'' وفازت هاي الشركه من بين افضل الشركات الرياديه الناشئه في مسابقة انجاز لسنة 2018 .
هلا انا عم بستعد للسفر وتمثيل الاردن في مجلس الامم المتحده وبالتحديد مجلس الامن الدولي في AYMUN .
بالنهايه بحب أنصح كل واحد إنه يمشي ورا حلمه وما يستنى شخص ثاني ليحققله ياه ويحط بباله إنه رح تجيه أوقات صعبه بس بعدها رح يشوف نتيجة تعبه ورح ينسى كل هاي الأيام الصعبه.
زيد شملي - كلية الهندسة
My name is Zaid shamli
I’m 19 years old, studying Electrical Engineering plus a certified robotics trainer, I train children in the villages and help them know what a robot is and how to build one for themselves. I have many inventions but the most important one is the “Suffocating” invention. This project started when I was in tenth grade, and I heard about seven family members who suffocated in their house, it was painful news to hear! After that I thought about the huge technological development we’re witnessing nowadays, and how each person must use this technology to solve the issues which humanity suffers from, and how many lives we’d be saving in the process. And it happened, I started looking in the causes of suffocating, and made a whole research about it but found some difficulty in collecting the statistics and figures I needed… I looked for devices which must help us avoid this problem but all what I found was devices that measure one gas percentage and only warn you when the percentage gets higher. Therefore, I stared working on an invention to solve this issue including the points I added. And here the suffering began, how will I apply m idea? I started representing it to technology specialists, and there was my shook, they rejected it saying we can’t make a great invention nor it will succeed, then they started suggesting ideas for me but I was still holding on my idea believing it would save a lot of lives if applied. I started teaching myself the techniques I need to start my project and after a year of hard work I built the device and it could solve the problem from each side: Alert, give first aid and call 911. After that I decided to participate in the annual (INTEL ISEF) universal competition. I failed the first time because the judges asked me to do a lot of amendments which I unfortunately didn’t have enough support for. I re-participated in 2015 with the same invention, and Alhamdulellah, I got qualified, I represented Jordan on the regional level and got the first place among the physics and electronics category, and the fourth place on all categories among the Arab world. And after that, I got the chance to present my invention to Queen Rania and win Ibdaa Expo 2017 and even get her support after she liked my invention, they even chose me to speak in the biggest international event for entrepreneurship “Global Entrepreneurship week” so I could inspire the youth and encourage them to pursue their dream.
I have two companies, the first one called Vital and the second “Aman”, Aman won in Injaz competition for 2018 as it is one of the best emerging companies. At present, I am preparing to travel to represent Jordan at United Nation Council, particularly the UN security council at AYMUN.
In the end, I just want to advise everyone to pursue his dream and don’t wait for anyone else to achieve it. Keep it in mind, hard times will come, but after all, you will touch the results, and forget all these hard days.
Translated by Amal Almughrabi
