13/05/2026
شو علاقة ضيق النفس بالأكل:
مرات من كتر التعب ونحن عم نحضر اكلاتنا منشعر بضيق بالنفس ومرات ونحن عم ناكل منشعر بضيق بالنفس وهالشعور بمنعنا من انه نستمتع بوصفاتنا اللي جهزناها وبمنعنا من تناول أكلاتنا المفضلة لهيك في بعض النصائح الخفيفة اللي ممكن انه تساعدنا للتخلص من هالشعور المزعج
كيف:
١_بداية ونحن عم نحضر وصفاتنا نحضرها بكل اريحية ونجهز كل المواد مرة وحدة تكون حوالينا وبس نطبق الوصفة تطبيق وممكن انه نجهزها قبل بيوم ليخف علينا التعب اذا امكن.
٢_ كل ما حسينا بالارهاق والتعب ناخد قسط من الراحة او نشرب شي لمدة خمس دقايق.
٣_ممكن ندرب حالنا على انه ناخد شهيق وزفير بحيث نحبس النفس ثواني ويكون من الانف والزفير شوي شوي ويكون من الفم.
٤_أثناء تناولنا للاكل اذا حسينا بضيق في النفس نوقف شوي عن الاكل وناخد نفس عميق من الانف.
٥_ناكل على مهل شوي شوي مو ورا بعض.
٦_نحاول ماناكل كتير من الاكل اللي بنفخ زي اللي بحتوي على الكبريت البروكلي والقرنبيطات بالاضافة للحمص والفول والبصل والثوم.
٧_ مانشرب الماء والعصائر مع الاكل يفضل قبل الاكل بنص ساعة او بعد الاكل بنص ساعة.
ودمتم سالمين.
