05/05/2026
تحذير تحذير تحذير ‼️
نصيحتي لكم
ما تصدقوا جروبات الفيسبوك و السوشيال ميديا.
كثير منهم تجاره و سمسره ، و ادفعلي و بحط اسمك و بعمللك دعايه و بمدحك، و بعمللك تعليقات على الجروب تمدحك.
روحوا على دكتور من توصية صديق او اخ او قريب موثوق، جرب و عرف … او انتو نفسكم مجربينه… مش من تعليق على جروب على السوشيال ميديا!!!
في جروبات عالسوشيال ميديا عم تتعمد تسلط الضوء على حد معين و تمدحه، و تلغي حد معين و ما ينذكر اصلا…
المزعج بالموضوع ان شخص ما اله علاقه بالطب بصير ادمن "لجروب اطباء"و بصير يقِّيم طبيب و يطعن بآخر بالتعليقات ، او بلغي اسمه لمجرد انه رفض يدفع او رفض يعمل دعايه لنفسه بهاي الجروب… و آثر على نفسه ان يأدي مهنته بشرف و امانه ، بدون تلميع كاذب.
التصرف هذا بعمل ضرر للمرضى لانهم ممكن يروحوا على طبيب مش كفؤ و هذا خطير …
بكرر خلينا واعيين و صاحيين للي عم بصير و حذاري و حذاري من جروبات الفيس بوك.
و سلامتكم
د .خالد شحادات
