مركز الإبتسامة الصغيرة لتقويم النطق واللغة

  • Home
  • Jordan
  • Az Zarqa'
  • مركز الإبتسامة الصغيرة لتقويم النطق واللغة

مركز الإبتسامة الصغيرة لتقويم النطق واللغة مركز الإبتسامة معتمد ومرخص من وزارة الصحة الأردنية وهو متخصص في تشخيص وعلاج اضطرابات النطق واللغة.

من نحن :

مركز الإبتسامة الصغيرة لتقويم النطق واللغة متخصص في تقييم و تشخيص وعلاج مشاكل واضطرابات النطق واللغة لجميع الفئات العمرية ضمن جلسات تدريب فردية :

� التأهيل السمعي لضعاف السمع وزارعي القوقعة.
� اضطرابات النطق واللغة ذات المنشأ العصبي.
� اضطرابات الصوت ( مثل بحة الصوت).
� اضطرابات الطلاقة الكلامية (التأتأة).
� اضطرابات اللغة وعدم وضوح الكلام.
� اضطرابات اللغة لدى أطفال التوحد.
� اضطرابات الرنين ( مثل الخنف).
� صعوبات وبطء التعلم.
� التأخر النمائي اللغوي..

15/04/2026

✨ فخورين اليوم بتقدّم بطلتنا زينة ✨

خلال جلسات التدريب، قدرت زينة تميّز بين المعكوسات (كثير / شوي) بشكل رائع 👏

وكمان عم تتطوّر باستخدام الضمائر (إلي / إلك) بطريقة صحيحة 💪

هالتقدّم ما إجا من فراغ، بل نتيجة جهد زينة والتزامها، والتعاون المستمر مع الأهل ❤️

📹 بالفيديو بتشوفوا جزء من تدريبها وكيف عم تطبّق المهارات ❤️

كل خطوة صغيرة هي إنجاز كبير 🌟
استمرّي يا زينة، نحنا فخورين فيكي!

📍 الموقع :الرصيفة - الجبل الشمالي
📱 للتواصل والاستفسار 0797296607





#نطق

#تأهيل #فخر #إنجاز

09/04/2026

اليوم بطلتنا نايا 👧 أظهرت تقدّم رائع في تدريبها على إنتاج صوت /ر/ 👏

✔️ إنتاج صوت /ر/ في جميع المقاطع.
✔️ والبدء بإنتاج الصوت في مختلف مواضع الكلمة 💬

وهذا يعتبر إنجاز مهم، لأن صوت /ر/ من الأصوات اللي تحتاج دقة عالية في حركة اللسان وتدريب مستمر 👌

نايا عم تثبت إنه مع التدريب الصحيح والمتابعة، الطفل بيقدر يتجاوز التحديات ويحقق تقدم ملموس 💪🌟

نحن فخورون فيها، ومستمرين معها لنوصل لأفضل نتيجة بإذن الله 🤍

📩 إذا كان طفلك يواجه صعوبة في نطق بعض الأصوات، تواصل معنا لنبدأ رحلة التقدم معًا

📍 الموقع :الرصيفة - الجبل الشمالي
📱 للتواصل والاستفسار 0797296607





#نطق

05/04/2026

اليوم نشارككم تقدّم البطلة ريماس 👧، والتي أصبحت قادرة على الإجابة على أسئلة حياتية أساسية مثل:
(مين؟ وين؟ شو؟ بشو؟) 👏
هذه المهارات تعتبر من أهم أساسيات تطوير اللغة والتواصل، لأنها تساعد الطفل على:
✔️ التعبير عن نفسه بثقة
✔️ فهم ما يدور حوله
✔️ التفاعل مع الآخرين بشكل أفضل

رحلة ريماس هي مثال حي على أن التدريب الصحيح + المتابعة المستمرة = نتائج رائعة 💪💙
نحن فخورون فيها، ومستمرين معها لنوصل لأفضل مستوى ممكن 🌟
📩 إذا كان طفلك يواجه صعوبات في النطق أو اللغة، نحن هنا لمساعدتك .

📍الموقع: الرصيفة - الجبل الشمالي
📱للتواصل والاستفسار: 0797296607






#نطق

31/03/2026

طفلك بيستبدل بعض الأصوات أو ما بيطلعها بشكل واضح؟ 🤔

اليوم بدنا نشارككم تقدّم البطل أيهم 👏💙

أيهم كان يواجه صعوبة في إنتاج صوت /خ/،وهذا الشي كان يأثر على وضوح كلامه وفهم الآخرين إله.

هون بيجي دور أخصائي النطق واللغة 👇
لأننا ما بنشتغل بس على الصوت لحاله…
بنشتغل على مكانه، وطريقته، وكيف يطلع بشكل صحيح ضمن الكلمة.

اشتغلنا مع أيهم على:

✅ تدريب مخرج صوت /خ/ بشكل صحيح
✅ التمييز السمعي بين الأصوات المتشابهة
✅ إنتاج الصوت في مختلف مواقع الكلمة
✅ التدرّج من مقاطع → كلمات → جمل

ومع التدريب والمتابعة…
بلش أيهم يطوّر نطقه بشكل واضح 👏
وصار يقدر يستخدم صوت /خ/ بثقة داخل الكلام 💙
ليش هالموضوع مهم؟ 👇
لأن الأخطاء الصوتية ممكن تأثر على:

✅ وضوح الكلام
✅ ثقة الطفل بنفسه
✅ تفاعله مع الآخرين

❓ سؤالي إلكم:
هل لاحظت إنه طفلك بيبدّل أو بحذف اصوات معينة أثناء الكلام؟
وأي صوت أكثر شي بتلاحظيه؟

شاركونا 👇

📍 الموقع: الرصيفة - الجبل الشمالي
📱 للتواصل والاستفسار: 0797296607






#نطق

28/03/2026

طفلك برفض يشرب من الكاسة؟ وبتحس الموضوع بسيط وما إله علاقة بالكلام؟ 🤔

الحقيقة إنو هالتفصيل الصغير ممكن يكون إله تأثير أكبر مما بنتخيّل…

اليوم بدنا نشارككم تجربة البطلة زينة 🤍
زينة كانت ترفض بشكل كامل شرب الماء باستخدام الكاسة، وكانت تعتمد فقط على الرضّاعة أو السرنجة.
وأي محاولة لتغيير هالشي كانت تقابل بالرفض، التوتر، أو حتى البكاء.

هون بيجي دورنا كأخصائيين نطق ولغة 👇
إحنا ما بنشتغل بس على الحكي… بنشتغل على الأساس اللي بيساعد الطفل يحكي.

من خلال تطبيق أسلوب تقليل الحساسية التدريجي، اشتغلنا مع زينة خطوة بخطوة، بدون ضغط أو إجبار:

✅تعويدها على وجود الكاسة
✅تقبّل اقتراب الماء من الفم
✅تخفيف الخوف والانزعاج
✅بناء تجربة آمنة ومريحة

ومع الوقت… بلشت زينة تتقبل، وبعدين تحاول، واليوم عم تشرب من الكاسة بثقة 👏💙

ليش هالموضوع مهم؟
لأن الحساسية الفموية ممكن تأثر على:

✅تقبّل الأكل والشرب
✅قوة وتناسق عضلات الفم
✅التحكم بالحركات الدقيقة داخل الفم
✅وبالتالي… وضوح النطق والكلام

الإنجاز اللي ممكن يبين "بسيط" مثل شرب الماء من الكاسة…
هو بالحقيقة خطوة كبيرة جدًا في طريق تطوير التواصل عند الطفل ✨

❓ سؤالي إلكم:
هل طفلكم بيرفض نوع معين من الأكل أو الشرب؟ وكيف بتتعاملوا مع هالموقف؟

شاركوني تجربتكم 👇

📍 الموقع :الرصيفة - الجبل الشمالي
📱 للتواصل والاستفسار 0797296607





#نطق

24/03/2026

في أشياء بنشوفها بسيطة…
بس بالنسبة للطفل ممكن تكون تحدي كبير 🤍

أيهم كان يحتار بين:
🔸 كبير وصغير
🔸 فوق وتحت
🔸 نظيف ووسخ

وكمان كان يحتاج مساعدة ليميز:
🔹 الأفعال (اشرب، اغسل، امسح…)
🔹 ويجاوب على سؤال (بشو؟)

✨ ومع التدريب…
بلش الفرق يبين بشكل أوضح

اليوم أيهم:
✔️ بيميز المعكوسات
✔️ بفهم الأفعال بشكل أوضح
✔️ وبجاوب على الأسئلة بثقة أكبر 💛

💬 خلّونا نحكي بصراحة:
كم مرة بنفكر إن هاي الأمور "بديهية" للطفل؟ 🤔

📌 الحقيقة إنها مهارات بتحتاج تدريب ووقت

إذا حابين نشارككم أنشطة تساعد أطفالكم بهالمهارات، اكتبوا (مهتم) بالتعليقات 👇

📍 الموقع :الرصيفة - الجبل الشمالي
📱 للتواصل والاستفسار 0797296607





#نطق

19/03/2026

✨ عيدكم فرح… وصوت أطفالكم أجمل ✨

بمناسبة عيد الفطر المبارك، يسرّنا في مركز الابتسامة الصغيرة لتقويم النطق واللغة أن نهنئكم ونتمنى لكم ولأطفالكم عيدًا مليئًا بالفرح والضحكات والكلمات الجميلة 💛

كل عام وأنتم بخير،
ونسأل الله أن يديم على أطفالكم الصحة والسعادة، ويملأ أيامهم فرحًا وحبًا 🌸

عيد فطر مبارك 🌙

📍 الموقع :الرصيفة - الجبل الشمالي
📱 للتواصل والاستفسار 0797296607





#نطق

14/03/2026

ترتيب أحداث القصة من المهارات المهمة لتطور لغة الطفل وتفكيره.

اليوم البطلة زينة تمكنت من ترتيب قصة مكوّنة من 3 أحداث، ما الذي حدث أولًا؟ ثم ماذا حدث بعد ذلك؟ وكيف انتهت القصة؟

هذه المهارة تساعد الطفل على:
✨ فهم التسلسل الزمني للأحداث
✨ تطوير مهارات التعبير والكلام
✨ القدرة على رواية القصص بشكل أوضح ومنظم

مع التدريب خطوة بخطوة، استطاعت زينة أن ترتب الأحداث وتروي القصة بثقة أكبر 👏

❓هل يستطيع طفلك أن يروي قصة بسيطة من 3 أحداث؟
اكتبوا لنا في التعليقات 👇 كم عمر طفلكم وهل يستطيع ترتيب أحداث قصة؟

📍الموقع : الرصيفة - الجبل الشمالي
📱 للتواصل والاستفسار 0797296607





#نطق

09/03/2026

هل يستطيع طفلك أن يصف ما حدث معه بترتيب واضح؟ 🤔

هذا التطور الجميل مع البطلة إيلين هو نتيجة تدريب خلال عدة جلسات ركزنا فيها على مهارات لغوية مهمة تساعد الطفل على تنظيم أفكاره والتعبير عنها بشكل أوضح 👏

خلال التدريب عملنا على:
🔹 الإجابة على سؤال "كيف؟" من خلال ترتيب وتسلسل الأحداث.
🔹 استخدام الضمائر بشكل صحيح مع التمييز بين المذكر والمؤنث.
🔹 الإجابة على سؤال "متى؟" باستخدام مفاهيم زمنية بسيطة مثل (مبارح / اليوم).
🔹 تمييز وتسمية بعض الظروف المكانية مثل (فوق – تحت – جنب – أمام – خلف).

هذه المهارات تساعد الطفل على سرد الأحداث بطريقة مرتبة وواضحة وفهم ما يحدث حوله والتعبير عنه بثقة 💬

💬 خبرونا في التعليقات:
هل يستطيع طفلك أن يحكي قصة قصيرة أو يصف ماذا حدث معه خلال يومه؟

📍 الموقع :الرصيفة - الجبل الشمالي
📱 للتواصل والاستفسار 0797296607





#نطق

02/03/2026

الحمدلله 🙏🏻
البطل يوسف وصل لمرحلة متقدمة جدًا من العلاج اللغوي، وصار قادر يسرد أحداثه اليومية بتسلسل وترابط 👦🗣️

اليوم بنشتغل معه على مهارات لغوية متقدمة مثل:
✔️ تنظيم الأفكار
✔️ التسلسل الزمني
✔️ تكوين جمل مترابطة
✔️ التعبير الوصفي
✔️ توسيع المفردات
✔️ بناء قصة قصيرة من تجاربه اليومية

هذا النوع من التدريب لا يقتصر على تطوير النطق فقط، بل يساهم في بناء شخصية الطفل، وتعزيز ثقته بنفسه، وتطوير قدرته على التواصل الحقيقي والفعّال مع محيطه.

فخورين جدًا بتقدّم يوسف 👏
وممتنين لثقة أهله وتعاونهم معنا 🌼

📍 الموقع :الرصيفة - الجبل الشمالي
📱 للتواصل والاستفسار 0797296607





#نطق

25/02/2026

اليوم ما كان تدريب عادي…
كان لحظة 💙
كان إنجاز صغير شكله بسيط…
بس قيمته كبيرة جدًا.

أحمد اليوم قدر يسأل:
"شو اسمك؟"
"كيف حالك؟" 🗣️✨

كلمات بسيطة…
بس وراها شغل، صبر، تدريب، ومحاولات ما بتنعد 💫

تحسّن بالذاكرة البصرية 👀
تحسّن بالذاكرة السمعية 👂
وتقدّم واضح بالتفاعل والحضور 🤍

اليوم أحمد مو بس سأل…
اليوم أحمد بدأ يتواصل 🌱

📍 الموقع :الرصيفة - الجبل الشمالي
📱 للتواصل والاستفسار 0797296607





#نطق

18/02/2026

🌙✨ أجواء رمضان في مركز الابتسامة الصغيرة ✨🌙

من قلب مركز الابتسامة الصغيرة لتقويم النطق واللغة، تتزين أركان المركز بزينة رمضان، وتملأ أصوات أطفالنا الجميلة المكان بفرحة الشهر المبارك 💛

يهنئكم مركز الابتسامة الصغيرة بحلول شهر رمضان المبارك،
ونشارككم تهنئة خاصة بصوت أطفالنا، في مشهد يجمع بين أجواء رمضان وروح رسالتنا في دعمهم وتمكينهم من التعبير بثقة.

زينة رمضان تملأ المكان بهجة، وأصوات أطفالنا تملأه أملًا وفرحًا.

كل عام وأنتم بخير،
رمضانكم مبارك مليء بالخير والبركة 🤍

📍 الموقع :الرصيفة - الجبل الشمالي
📱 للتواصل والاستفسار 0797296607





#نطق

Address

الزرقاء/الرصيفة/الجبل الشمالي/نهاية طلوع صالون جنيفا مقابل مسجد خربثا بني حارث
Az Zarqa'

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Saturday 09:00 - 18:00
Sunday 09:00 - 18:00

Website

Alerts

Be the first to know and let us send you an email when مركز الإبتسامة الصغيرة لتقويم النطق واللغة posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to مركز الإبتسامة الصغيرة لتقويم النطق واللغة:

Shortcuts

Share

Category