الدكتورة إسراء عربيات أخصائية الأطفال وحديثي الولادة - Doctor Esraa Arabiat

08/01/2025

الأهالي الأعزاء

يؤسفني إبلاغكم بإغلاق عيادتي الخاصّة وذلك لعدم التفرّغ

بتمنى تضلّوا بخير أنتم وأطفالكم♥️

28/11/2023

عيادة الدكتورة إسراء أديب عربيات
أخصائية طب الأطفال وحديثي الولادة

ماجستير في طب الأطفال وحديثي الولادة/ الجامعة الأردنية
بكالوريوس في الطب العام/ الجامعة الأردنية
البورد الأردني في طب الأطفال
مستشفى الجامعة الأردنية سابقاً

🏢موقع العيادة:
السلط، وادي الشجرة، مجمع العيادات الضخمة، مقابل الضمان الاجتماعي

📱لحجز المواعيد:
0772529211

04/10/2023

🔴 حان الموعد السنوي لمطعوم الانفلونزا 🔴

-حسب مركز الوقاية من الأمراض (CDC) يخفف مطعوم الانفلونزا من شدة المرض وبقلل نسبة الدخول إلى المستشفى ووحدة العناية الحثيثة.

-يمكن أن يعطى لجميع الأطفال ابتداءً من عمر ٦ أشهر.

-ينصح بتطعيم كل الأطفال بشكل عام، خاصة مع بدء المدارس حالياً، مع التأكيد بشكل خاص على الأطفال اللي بعانوا من أمراض مزمنة كالربو وحساسية الصدر لإنه احتمالية شدة الإصابة ودخول المستشفى بتكون أعلى.

-المطعوم ما بعمل آثار جانبية خطيرة، ممكن حرارة بسيطة وتعب عام واحمرار مكان الإبرة.

#صحة #وقاية

01/10/2023

حول مطعوم الMR وتفشي الحصبة!

الحصبة مرض خطير وليس مجرد طفح وحرارة..
ممكن يؤدي إلى العديد من المضاعفات الخطيرة والتي قد تؤدي إلى الوفاة.
واحد من كل ١٠٠٠ مصاب يتعرض لتلف في الدماغ.
من ١-٣ من كل ١٠٠٠ مصاب قد يتعرض للوفاة حتى مع أفضل درجات العناية الطبية.

الحصبة مرض معدي بشكل كبير.. ٩ من كل ١٠ مخالطين لحالة مصابة قد يتعرضون للعدوى!

يتم إعطاء مطعوم ضد الحصبة بشكل روتيني ضمن البرنامج الوطني لوزارة الصحة على عمر ٩ أشهر، والسنة والسنة ونصف في جميع المراكز الصحية.

ومع ذلك تم تسجيل أكثر من ١٦٣ حالة حصبة في الأردن منذ نيسان ٢٠٢٣!
قد يعود السبب لتراكمات من الحالات التي لم يتم تطعيمها سابقاً كالمهاجرين والأ طفال المتخلفين عن مطاعيهم.. أو بسبب عدم المناعة الكافية بعد التطعيم.

مناعة القطيع ضرورية لتخطي الأزمة (يعني أن يصاب الجميع أو أن يحصل الجميع على المطعوم!)

المطعوم ليس قرار فردي وإنما مسؤولية جماعية مجتمعية.

ومطعوم الMR مطعوم قديم.. وهو آمن وفعال.. وتم استخدامه في الأردن في حملة تطعيم سابقة في عام ال٢٠١٣ بواقع ٤ مليون جرعة.
وقد مر بجميع المراحل التي تضمن مأمونيته وفعاليته من قبل منظمة الصحة العالمية وتم استخدامه في أكثر من ١٤٠ دولة حول العالم.

ودمتم وأطفالكم بألف خير وصحة

#صحة #مطاعيم #وقاية #حصبة

09/09/2023

مراجعيني الأعزاء

أود إعلامكم أنه تم نقل موقع العيادة إلى الموقع التالي:

وادي الشجرة، شارع الملكة رانيا العبدالله باتجاه دبابنة، بالقرب من غرفة تجارة السلط، فوق ميجا لاب الطابق الأول

رقم العيادة الجديد:
0772529211

دمتم وأطفالكم بخير
🌹

03/08/2023

07/06/2023

التدريب على الحمام

طرق التدريب

الطريقة البطيئة

بنبلش نحكي مع الطفل عن الحمام واستخدامه وممكن نستعين بقصص مصورة أو فيديو تعليمي بس ما بنجبر الطفل يستخدم الحمام وبنستنى هو يبادر أو يبدي اهتمام ويصير يقلّد الكبار ويروح الحمام لحاله
ممكن نستعين بلعبة الطفل المفضّلة مثلاً ونعلّمها مع بعض عالحمام

ممكن هاي المرحلة التعريفية تمتد أشهر وتعتبر مناسبة للأم العاملة اللي ما بتقدر تتفرغ تفرغ كامل للتدريب

ممكن نبلش نعلّم الطفل يقعد عكرسي الحمام أو النونية وهو بالفوطة عشان يتعود عالكرسي
بنشرحله عن الحمام وممكن ندخله معانا ويشوف كيف وبنشرحله إنه الخروج مكانه الحمام

وعادة بهاي الطريقة بضل الطفل بالحفاظة أغلب الوقت وما بنشلحه إياها لحتى هو يروح لحاله للحمام أو يطلب يروح قبل ما يعملها بالحفاظة.

ممكن نختار أوقات بالنهار نشيل فيها الفوطة وندخل الطفل عالحمام مرة أو مرتين باليوم

مع مرور الوقت اذا لاحظنا فوطة نظيفة لوقت طويل أو إذا طلب الطفل استخدام الحمام ننتقل للطريقة السريعة.

#صحة #تطور #مهارات

06/06/2023

التدريب على الحمام

طرق التدريب

في عدة طرق مختلفة لتدريب الحمام، ما في إجماع بين الباحثين على أفضل طريقة.
رح أحكي عن طريقتين، الطريقة السريعة والطريقة البطيئة
طبعاً حكيب هاد كله عن النهار، التدريب الليلي بتطلب تطور أكبر من المثانة بصير على أعمار أكبر.

الطريقة السريعة

أول ما يصحى الطفل من النوم بنشيل الفوطة
بنفرجي الطفل الحمام وبنشرحله انه رح نستخدمه للإخراج عشان نخلي أواعينا ناشفة

وبعدين جهزوا حالكم للحوادث.. الكثير من الحوادث!

وبعدها بندخّل الطفل الحمام بشكل متكرر ممكن كل ساعة أو ساعتين بشرط ما نطوّل داخل الحمام يعني كل مرة ١٠ دقايق بالكتير ربع ساعة وبعدها نطلع سواء عمل أو لأ وبدون وسائل إلهاء زي التلفون أو القصص عشان يركز الطفل عالهدف

مهم الطفل يحس شعور البلل عشان يعرف انه هدفنا نلحق حالنا قبل البلل ونستخدم الحمام بالوقت المناسب (عشان هيك الملابس الداخلية أحسن من الفوطة الكلوت)

اذا صار حادث بنركض بالطفل أثناء التبول للحمام عشان يكمّل في الحمام.

واذا عمل برا الحمام بناخد الخروج وبنحطه بالحمام عشان يفهم انه الخروج مكانه الحمام

استخدموا التشجيع والمكافأة واحتفلوا بكل محاولة ناجحة
استغلوا الحوادث كطريقة للتعليم زي ما حكينا
وممنوع نعصب ولا نعاقب

اذا مر أيام وما نجح التدريب بنوقف وبنرجع نجرب بعد عدة أسابيع
***
استنوا الطريقة البطيئة في الجزء القادم

#مهارات #سلوك #صحة

04/06/2023

التدريب على الحمام

#مهارات #تطور #سلوك

11/05/2023

مطعوم الجدري المائي مش من ضمن البرنامج الوطني للتطعيم في الأردن. ويعطى بعد عمر السّنة بواقع جرعتين.

#صحة #وقاية #مطاعيم

01/05/2023

#تدريب #تطور

13/04/2023

عالسّنة..

-ممكن أوقف لحالي، وممكن أمشي كم خطوة وأنا ماسك إيدكم وممكن أمشي لحالي، عادي لسة معي وقت لا تخافوا.

-بترك الأشياء من ايدي لما تطلبوا مني، وبعرف أشرب من الكاسة وصرت أحسن بمسك المعلقة.

-بحكي ماما وبابا وبكون قاصد فيهم ماما وبابا بس، وممكن أحكي كمان كلمتين أو ٣ كلمات.

-ممكن ألعب ألعاب بسيطة بالكرة، وبساعدكم بس تلبسوني أواعيي يعني ممكن أمد إيدي للجكيت ورجلي للبوت.

-رح يصير نموي أبطأ وعشان هيك أكلي رح يخف مش زي قبل السنة فما تقلقوا.

وما تنسوا في زيارة مهمة لدكتوري عالسنة نتأكد من النمو والتطور الجسدي والعقلي ونعمل فحص دم.

وكل عام والحلوين بألف خير❤️

#تطور #مهارات