09/02/2021
UIHWA:
-Uihwa uhoyagwo na gategwa kana mburi ithano.
-Niciacokaga igatindikwo na mburi ingi igiri na kihembe kia uki.
Hari mburi icio ithano o-mburi yari na nongorio yayo;
MBURI YA MBELE: kuhoya irua.
Uthii kwi mamaguo umuhoe rutha rwa guita thakame yene.
MBURI YA KERI:
mburi ino yari na ningorio igiri:
-mundu ni arongoragirio agie na mucii ngai akuhe mutumia ngatha, mwathiki urigutiaga na agagigutungata.
-Ugakirongorerio ng'aragu ya umaraya na waganu ikweherere kaimana.
MBURI YA GATATU: mundu ni arongoragirio arathimwo na twana tuingi na atukanirio tuhii na tuiritu.
MBURI YA, KANA:
-haha niho mundu arongoragirio muturire muthaka uihuire umatho muigi na ndukanaimwo thutha ni inguki kana indo cia kuunyamaria.
MBURI YA GATANO:
Mundu agakirongorerio we na mucii wake na indo ciao ciothe cii uirigoini na gutikanagie na uuru ungiciuma na thutha.
-Uihwmburi icio ithano ni ciaimagaragio na mburi ingi igiri.
MBURI ya mbele yetagwo mburi ya muteng'uko iria yaneagwo mutumia mwene mucii.
MBURI ya keri yaneagwo muthuri mwene mucii na niyo athinjaga mukarianira na mamaguo na hau niho mundu ayihagirwo ndiru kana ing'uki iria ciumanite na rurira rwa kwao. KIHEMBE KIA UKI:
Haha niho mamaguo akundaga ikai agagutihira agakurongoreria wendwo ni njohi na ndikanaguthukire ona kana ikunyarire ona kana inyarire indo ciaku.
Nahaha niho mundu aheagwo rutha ni mamawe rwa kwambiriria kunywa njohi.
Itirihiro ria igongona riri mama wa mundu niacokagia guoko na mburi imwe ya ruru rwake agagikurehera agakunyitithia na guoko ukarongorerio witikirwo ni mahiu mathereme kuri we na njiarwa-ini ciaku ciothe.
NII MUITHIRANDU WA MBARI YA GATANGI NO NDIRATUIKANIA KIRITI KIMENYI AMENYE NA NDINDIKO IRI MAGURU
NI THAYU
