http://schoolofstudents.com/, http://camhealthtech.com/

Dr. Makara Sopheak, Battambang (2025)

04/07/2025

⚠️ ជំងឺមិនឆ្លង (Non-Communicable Diseases)
✨ ជំងឺមិនឆ្លង ខុសពីជំងឺឆ្លង ពីព្រោះជំងឺមិនឆ្លងបណ្ដាលមកពីកត្តាខាងក្រៅ ខណៈជំងឺឆ្លងអាចឆ្លងពីមនុស្សម្នាក់ទៅមនុស្សម្នាក់ទៀតដោយសារតែភ្នាក់ងារបង្ករោគ ដូចជាបាក់តេរី វីរុស និងប៉ារ៉ាស៊ីត។ ជំងឺឆ្លងមានដូចជាជំងឺអេដស៍ ថ្លើម ផ្ដាសាយ កូវីដ-19 ជាដើម។ ចំណែក ជំងឺមិនឆ្លងអាចបណ្ដាលមកពី កត្តារបៀបរបបនៃការរស់នៅ កត្តាហ្ស៊ែន និងកត្តាបរិស្ថានរស់នៅ ។
❤️‍🔥 ជំងឺមិនឆ្លងមានដូចជា ជំងឺលើសសម្ពាធឈាម,
ជំងឺទឹកនោមផ្អែម, ជំងឺលើសជាតិខ្លាញ់ និងជំងឺមហារីកជាដើម...
🍜 កត្តាប្រឈមមុខ:
- កត្តារបៀបរបបនៃការរស់នៅ ដូចជាកង្វះលំហាត់ប្រាណ ផឹកស្រា និងជក់បារី
- កត្តារបបអាហារ ដូចជាពិសារផ្អែមពេក ប្រៃពេក ខ្លាញ់ពេក...

☠️ ផលប៉ះពាល់:
- ប្រឈមមុខនឹងពិការភាព
- ការចំណាយពេលវេលា និងថវិការបស់ក្រុមគ្រួសារ លើការព្យាបាល និងថែទាំ...

22/06/2025

🍻 ជំងឺក្រិនថ្លើម (Liver Cirrhosis)
✨ ជំងឺក្រិនថ្លើម គឺជាការខូចខាតនូវកោសិការថ្លើមដែលធ្វើអោយថ្លើមមិនអាចបំពេញមុខងាររបស់វាបានជាធម្មតា
1️⃣ មូលហេតុ:
- ជំងឺរលាកថ្លើមប្រភេទ B
- ជំងឺរលាកថ្លើមប្រភេទ C
- ការបរិភោគស្រារយៈពេលយូរ
និងមូលហេតុផ្សេងទៀតដូចជាការរលាកថ្លើមដោយការប្រើប្រាស់ថ្នាំរយៈពេលយូរដោយមិនមានវេជ្ជបញ្ជាត្រឹមត្រូវ ដោយខ្លាញ់រុំថ្លើម ដោយលើសជាតិដែក
2️⃣ រោគសញ្ញា:
🌝 ជាទូទៅនៅដំណាក់កាលដំបូង ជំងឺក្រិនថ្លើមមានជារោគសញ្ញាអ្វីធំដុំនោះទេ បើយកចិត្តទុកដាក់យើងអាចឃើញអ្នកជំងឺមានភែ្នកពណ៌លឿងជាងធម្មតា

🚨 ជំងឺក្រិនថ្លើមលេចចេញជារោគសញ្ញានៅពេលដែលជំងឺមានស្ថានភាពធ្ងន់ធ្ងរ រោគសញ្ញាទាំងនោះរួមមាន៖
- កើតលឿង
- សរសៃឈាមរាងដូចផ្កាយតូចៗនៅលើដងខ្លួន
- ទាចទឹក
- ក្អួតឈាម បត់ជើងធំមកមានឈាមឬលាមក៏ខ្មៅដោយមានការបែកសរសៃឈាមក្នុងបំពង់អាហារ
- វង្វេងបាត់ស្មារតីឬសន្លប់
3️⃣ ការព្យាបាល:
ការព្យាបាលជំងឺក្រិនថ្លើមចែកចេញជា២៖
🎯 ការពារនូវរាល់ផលវិបាកនៃជំងឺក្រិនថ្លើមដូចជា: ក្អួតឈាមដោយការបែកសរសៃឈាមតាមបំពង់អាហារ ទាចទឹក ការវង្វេង ឬសន្លប់នូវពេលដែលមានការកើនឡើងខ្ពស់នូវជាតិពុលក្នុងឈាម ទាចទឹក និងមហារីកថ្លើម និងធ្វើការព្យាបាលនូវផលវិបាកទាំងនេះបើវាកើតមានឡើង ដូចជាការចងសរសៃឈាមតាមបំពង់អាហារដោយម៉ាស៊ីនអង់ដូស្កុបពី និងថ្នាំទប់កុំអោយហូរឈាមជាដើម
🎯 ព្យាបាលមូលហេតុដែលធ្វើអោយថ្លើមក្រិនដូចជា បញ្ឍប់ការបរិភោគសូរា ព្យាបាលមេរោគថ្លើម B និង C
⚠️ ជំងឺក្រិនថ្លើមមិនអាចព្យាបាលជាដាច់ទេ ថ្លើមដែលខូចខាតហើយមិនអាចត្រលប់មកធម្មតាវិញបានឡើយ

14/06/2025

🔥 ជំងឺដំបៅក្រពះ (Gastric Ulcer)
✨ ជំងឺដំបៅក្រពះ ជាជំងឺនៃការបាត់នូវស្រទាប់កោសិកានៃក្រពះ ដែលវាបណ្ដាលមកពីការបាត់លំនឹងនៃស្រទាប់ការពារនៃក្រពះ និងការបញ្ចេញនូវអាស៊ីតក្រពះ
🦠 មូលហេតុ:
1️⃣ មេរោគក្រពះ (Helicobacter Pylori):
មេរោគបាក់តេរីមួយប្រភេទដែលបង្កឱ្យយេីងមានជំងឺរលាកក្រពះ ឬដំបៅក្រពះ ពោះវៀន ហើយវាក៏ជាភ្នាក់ងារមួយដែលជម្រុញឱ្យមានជំងឺមហារីកក្រពះផងដែរ
2️⃣ ថ្នាំឈឺសន្លាក់ (NSAID):
ការប្រើថ្នាំឈឺសន្លាក់ដោយមិនមានវេជ្ជបញ្ជាត្រឹមត្រូវ អាចធ្វើអោយមានបញ្ហាដំបៅក្រពះ ព្រោះថ្នាំនេះធ្វើអោយស្រទាប់ការពារកោសិកាក្រពះថយចុះ ដែលអាចអោយអាស៊ីតក្រពះបំផ្លាញនូវស្រទាប់កោសិការបស់ក្រពះ
⚠️ បើអ្នកជំងឺដំបៅក្រពះនៅតែបន្តប្រើថ្នាំនេះទៀត នឹងអាចធ្វើអោយមានការហូរឈាមក្រពះ ឬធ្លាយក្រពះដែលអាចធ្វើអោយអ្នកជំងឺបាត់បង់ជីវិត បើមិនបានព្យាបាលអោយបានត្រឹមត្រូវ
😣 រោគសញ្ញា:
- ឈឺចាប់ពោះផ្នែកចុងដង្ហើម ឬផ្នែកខាងស្តាំខាងលើ
- ឈឺចាប់នៅផ្នែកខាងខ្នង ឬបោះដៃផុត
- ឈឺនៅពេលឃ្លាន ហើយថយការឈឺចាប់ពេលទទួលទានអាហាររួចហើយ
- អាចមានការក្អួតចង្អោរ
- មានអារម្មណ៍ថាពិបាកក្នុងការរំលាយអាហារ
🚨 អ្នកជំងឺអាចមានមេរោគសញ្ញា ឬគ្មានរោគសញ្ញា ជួនកាលអ្នកជំងឺអាចដឹងថាមានបញ្ហាដំបៅក្រពះ ដោយសារមានផលវិបាកដូចជា ការហូរឈាម ឬការធ្លាយក្រពះ ។
👨‍🔬 ការធ្វើរោគវិនិច្ឆ័យ:
🦠 ពិនិត្យរកមេរោគ្រពះតាមខ្យល់ដង្ហើម (Urea breath test) ជាតេស្តផ្លុំដើម្បីរកមេរោគក្រពះ អាចធ្វេីការពិនិត្យបានទាំងកុមារ ទាំងស្រ្តីមានផ្ទៃពោះ និងបំបៅដោះ
🔬ការឆ្លុះក្រពះ (Gastroscopy) ជាវិធីដ៏ល្អក្នុងការធ្វើរោគវិនិច្ឆ័យជំងឺដំបៅក្រពះ ហើយអាចច្រឹបយកបំនែកតូចនៃកោសិកាត្រង់ដំបៅក្រពះ ឬកោសិកាល្អដើម្បីធ្វើការវិភាគកោសិកានោះ ថាជាដំបៅក្រពះធម្មតា ឬដំបៅមហារីក ហើយអាចរកមេរោគក្រពះទៀតបាន ។

08/06/2025

🍜😫 វិបត្តិរំលាយអាហារ (Functional Dyspepsia)
✨ជំងឺមួយដែលជួបប្រទះញឹកញាប់ចំពោះប្រជាជនយេីង
នាពេលបច្ចុប្បន្ន
🦠មូលហេតុ:
• កត្តាផ្លូវចិត្ត (Psychological Factors)
• មេរោគក្រពះ (Helicobacter Pylori)
• ការប្រព្រឹត្តទៅមិនប្រក្រតីនៃចលនាការរំលាយអាហាររបស់ក្រពះ (Gastric Dysmotility)
• ការទទួលរំញោចលើសលប់ របស់ក្រពះ (Visceral Hypersensitivity)
📈រោគសញ្ញា:
• បរិភោគអាហារឆាប់ឆ្អែត
• តឹងណែនពោះក្រោយបរិភោគ
• ឈឺចុងដង្ហើម
• ក្រហាយចុងដង្ហើម
⚠️ព្រមទាំងអាចមានរោគសញ្ញាបន្ទាប់បន្សំដូចជា ក្អួតចង្អោរ ហើមពោះ ភើជាដើម...
🚨វាជាជំងឺមួយដែលមានលក្ខណៈរ៉ាំរ៉ៃ ដែលអាចប៉ះពាល់ដល់ការងារ និងជីវភាពប្រចាំថ្ងៃរបស់យេីង
#ចិត្តឈឺដល់កាយ

22/05/2025

Key Interpretation of Abnormal Head CT 🧠☢️

18/05/2025

🎭 វិបត្តិធ្លាក់ទឹកចិត្ត (Functional Depression)
✨ ក្នុងជីវិតប្រចាំថ្ងៃ មនុស្សយើងអាចមានអារម្មណ៍រីករាយ និងសោកសៅជាធម្មតា។ ការមានអារម្មណ៍សោកសៅមួយរយៈខ្លី ហើយបាត់ទៅវិញក្នុងរវាងពីរបីម៉ោងទៅពីរបីថ្ងៃ មិនមែនជាជំងឺធ្លាក់ទឹកចិត្តនោះទេ
⚠️ ផ្ទុយទៅវិញពេលខ្លះអារម្មណ៍សោកសៅអាចមានកម្រិតខ្លាំង និងយូរលើសពី ២សប្ដាហ៍ ហើយធ្វើឲ្យរំខានដល់ការងារ និងការប្រាស្រ័យទាក់ទងប្រចាំថ្ងៃទៀតផង។ ស្ថានភាពបែបនេះ គេហៅថាជំងឺធ្លាក់ទឹកចិត្ត
😔 ក៏ប៉ុន្តែ ស្ថានភាពរបស់មនុស្សជាច្រើននាពេលបច្ចុប្បន្ន អាចមានបញ្ហា Functional Depression គឺជាវិបត្តិធ្លាក់ទឹកចិត្ត តែមើលទៅគាត់នៅដំណើរការជីវិតធម្មតា ពោលគឺ គាត់ទៅធ្វើការ
រកសុី ទៅរៀន ញញឹម សើច មើលថែផ្ទះ និងគ្រួសារ គាត់ធ្វើអ្វីៗបានគ្រប់យ៉ាងទាំងអស់ អ្នកដទៃមើលមកគាត់គិតថាជីវិតគាត់ល្អ និងមានន័យណាស់។ ក៏ប៉ុន្តែនៅខាងក្នុងវិញ គាត់មានអារម្មណ៍សោកសៅជាប្រចាំ មិនអាចរីករាយ និងនឿយហត់... #ចិត្តឈឺដល់កាយ

12/05/2025

🥀 វិបត្តិផ្លូវចិត្ត (Psychotic Depression)
✨ វិបត្តិផ្លូវចិត្ត គឺជាជំងឺធ្លាក់ទឹកចិត្តធ្ងន់ធ្ងររួមជាមួយសញ្ញា
ទទូលខុសដោយញ្ញាណមានដូចជា លឺសំលេងគេស្តីបន្ទោស (Hallucinations) ឬមានជំនឿខុស (Delusions) ដូចជាគិតថាខ្លួនគ្មានតំលៃ ឬមានព្រលឹងមកសន្ថិតជាដើម
🧘 រោគសញ្ញា:
- ការជឿខុស យល់ខុស មិនសម្យហេតុផល
- ការនិយាយស្តីប្លែកៗ
- លឺសំលេងគេខ្សឹប ឬនិយាយស្តីបន្ទោសដែលអ្នកដទៃមិនបានលឺ
- មានអារម្មណ៍សោកសៅ
- ឡេះឡះនៅមិនសុខ
- ភ័យខ្លាចអ្វីមួយ
- ល្ហិតល្ហៃ អស់កំលាំង...
📚 Reference: The Diagnostic and Statistical Manual of Mental Disorders (DSM-5)

04/05/2025

🚨 ជំងឺដាច់សរសៃឈាមខួរក្បាល (Hemorrhagic Stroke)
✨ វាកើតឡើងនៅពេលដែលសរសៃឈាមក្នុងខួរក្បាលលេចចេញឈាម ឬដាច់រហែក ដែលភាគច្រេីនបណ្តាលមកពីសម្ពាធឈាមឡើងខ្ពស់ភ្លាមៗ គ្រប់គ្រងមិនបានល្អ ហើយដែលនាំអោយមានឈាមកកនៅក្នុងខួរក្បាល
⚠️ ផលវិបាកនៃការដាច់សរសៃឈាមនេះធ្វើអោយអ្នកជំងឺមានពិការភាពដោយសារខ្វះឈាមទៅចិញ្ចឹមខួរក្បាលនៅជុំវិញតំបន់នោះនិងដោយការសង្កត់នៃដុំឈាម អាចបង្កគ្រោះថ្នាក់ដល់ជីវិតភ្លាមៗ ឫពេលវេលាណាមួយ បើដុំឈាមមានទំហំធំវាអាចធ្វើអោយមានការកើនឡើងនៃសម្ពាធក្នុងក្បាល
😰 រោគសញ្ញា៖
- វង្វេងស្មារតី ឬសន្លប់
- ឈឺក្បាលខ្លាំង ភ្លាមៗ
- មានសភាពខ្សោយនៃការកំរើកសាច់ដុំ (ទន់មួយចំហៀងខ្លួន, ដៃ, ជើង ឬមុខ)...

🚭 មូលហេតុ៖
▪️យើងជួបប្រទះភាគច្រើន គឺបណ្តាលមកពីជំងឺលើសសម្ពាធឈាមខ្ពស់គ្រប់គ្រងមិនបានល្អ (៦០-៧០%) គួបផ្សំនឹងកត្តាមួយចំនួនទៀតដូចជា:
- ជំងឺទឹកនោមផ្អែម
- ការពិសារស្រា និងបារីច្រើន
▪️មូលហេតុបង្កផ្សេងៗទៀតដូចជា:
- ជំងឺប៉ោងសរសៃឈាមខួរក្បាល (Cerebral Aneurysm Rupture) ធ្វើអោយជញ្ជាំងសរសៃឈាមចុះខ្សោយ និងដាច់
- ជំងឺខូចទម្រង់សរសៃឈាមពីកំណើត (Arteriovenous Malformation)...
☢️ ការធ្វើរោគវិនិច្ឆ័យ៖
- ការថតខួរក្បាលដោយស៊ីធីស្គែន (Head CT) ដើម្បីបញ្ជាក់អោយដឹងថា អ្នកជំងឺមានជំងឺដាច់សរសៃឈាមក្នុងខួរក្បាល ឬក៏អត់
- វាក៏អាចបញ្ជាក់ពីទីតាំង និងទំហំនៃដុំឈាមកក ដើម្បីងាយ ស្រួលអោយគ្រូពេទ្យជ្រើសរើសវិធីសាស្ត្រក្នុងការព្យាបាល ។

27/04/2025

🧠 ជំងឺស្ទះសរសៃឈាមខួរក្បាលបណ្តោះអាសន្ន (Transient Ischemic Attack)
✨ ជាការស្ទះសរសៃឈាមបណ្តោះអាសន្នមានន័យថាវាជាលទ្ធផលដែលកើតឡើងនៅពេលដែលមានការថយចុះនូវបរិមាណឈាម ដោយសារតែការស្ទះនៃសរសៃឈាមតូចៗដែលទៅចិញ្ចឹមផ្នែកណាមួយនៃខួរក្បាលក្នុងរយៈពេលខ្លី ឬបណ្តោះអាសន្ន (២៤ម៉ោង) នាំឲ្យមានការខូចខាតទៅលើសាច់ខួរក្បាល និងមិនអាចត្រឡប់មករក សភាពធម្មតាវិញបានទេ
⚠️ មូលហេតុ និងកត្តាប្រឈមមុខ:
▪️មូលហេតុចម្បងគឺ៖ ជំងឺលើសសម្ពាធឈាម
▪️ក្រៅពីនេះមានកត្តាផ្សេងទៀតដូចជា៖
• បញ្ហាកំណកឈាម ដែលភាគច្រើនបង្កឡើងដោយជំងឺបេះដូង ជាពិសេសអ្នកដែលមានជំងឺស្លោកសាច់ដុំបេះដូង (Myocardial Infarction) ដោយបង្កើតបានជាកំណកឈាមហើយអណ្ដែតចូលទៅក្នុងសរសៃឈាមតូចៗ ដែលទៅចិញ្ចឹមខួរក្បាល
• ការរួមត្បៀតនូវសរសៃឈាមក្នុងខួរក្បាលដែលបណ្ដាលមកពីកត្តាមួយចំនួនដូចជា៖
- ជំងឺសរសៃឈាមតំណពូជ
- អ្នកដែលមានវ័យចំណាស់
- អ្នកជំងឺទឹកនោមផ្អែម
- បុគ្គលដែលមានលើសជាតិខ្លាញ់ក្នុងឈាម ជាដើម…
▪️ចំពោះកត្តាជំរុញផ្សេងទៀតមានដូចជា៖
• អាយុលើសពី៤០ឆ្នាំ
• បុគ្គលដែលធាត់ លើសទម្ងន់
• គ្រួសារសាច់ញាតិដែលមានប្រវត្តិធ្លាប់មាន វិបត្តិកំណកឈាម
• មានប្រវត្តិជំងឺបេះដូង ឬប្រឹសបេះដូង
• លើសសម្ពាធឈាម និងជាតិខ្លាញ់ក្នុងឈាមខ្ពស់
• អ្នកជំងឺទឹកនោមផ្អែម
• អ្នកដែលចូលចិត្តផឹកសុរាច្រើន ឬសេពគ្រឿងញៀន…

🚨 រោគសញ្ញា:
វាអាចស្តែងចេញនូវសញ្ញាប្រហាក់ប្រហែលនឹងជំងឺគ្រោះថ្នាក់សរសៃឈាមខួរក្បាល (Stroke) ដែរមានដូចជា :
• F: Face (ខ្សោយមុខ)៖ មុខអ្នកជំងឺអាចមានវៀច ឬធ្លាក់មួយចំហៀង(ឆ្វេងឬស្ដាំ) ភ្លាមៗ
• A: Arm (ខ្សោយដៃ)៖ ដៃអ្នកជំងឺអាចទន់ ឬមិនអាចលើកបាន ភ្លាមៗ
• S: Speech (ពិបាកនិយាយ)៖ អ្នកជំងឺអាច មានការប្រែប្រួលការនិយាយភ្លាមៗ ដូចជា និយាយមិនច្បាស់ ឬនិយាយមិនចេញ
• T: Time (ពេលវេលា)៖ ពេលវេលាជារឿងសំខាន់សម្រាប់ការព្យាបាល និងសង្គ្រោះជីវិតអ្នកជំងឺ។
ក្រៅពីនេះអ្នកជំងឺអាចមានអាការៈឈឺក្បាល ឬវិលមុខភ្លាមៗ ស្រវាំង ឬពិការភ្នែក (មួយចំហៀង) ភ្លាមៗ ដែលជាសញ្ញាបន្ថែមលើសញ្ញាគោលដូចបានរៀបរាប់ខាងលើ

☢️ ការធ្វេីរោគវិនិច្ឆ័យ:
- ការពិនិត្យការថតខួរក្បាលដោយស៊ីធីស្គែន ឬអ៊ឹមរ៉ាយ (MRI)
- ការធ្វើអេកូសរសៃឈាមដែលទៅចិញ្ចឹមខួរក្បាល (TSA)
- ការពិនិត្យផ្សេងទៀតមានដូចជាការពិនិត្យឈាម ថតកាំរស្មីអ៊ិចសួត អេកូបេះដូង និងចាប់ចង្វាក់បេះដូង (ECG)...

23/04/2025

🧠 ជំងឺគ្រោះថ្នាក់សរសៃឈាមខួរក្បាល (Stroke)
✨ ជំងឺគ្រោះថ្នាក់សរសៃឈាមខួរក្បាល គឺជាជំងឺដែលប៉ះពាល់ដល់សរសៃឈាមដែលនាំឈាមទៅចិញ្ចឹមខួរក្បាល ឬសរសៃឈាមនៅក្នុងខួរក្បាល
🤯 វាកើតឡើងនៅពេលដែលសរសៃឈាមដែលផ្ទុកអុកស៊ីហ្សែន និងសារធាតុចិញ្ចឹមទៅខួរក្បាលត្រូវបានស្ទះដោយដុំឈាម ឬដាច់ធ្វើអោយខួរក្បាលមួយផ្នែកដែលមិនអាចទទួលបានឈាម និងអុកស៊ីហ្សែនដែលវាត្រូវការទេ ដូច្នេះវានឹងបណ្តាលអោយកោសិកាខួរក្បាលខូចខាត
❗️ជំងឺគ្រោះថ្នាក់សរសៃឈាមខួរក្បាលមានពីរប្រភេទ:
- ជំងឺស្ទះសរសៃឈាមខួរក្បាល (Ischemic stroke)
- ជំងឺដាច់សរសៃឈាមខួរក្បាល (Hemorrhage stroke)
🚨 រោគសញ្ញា:
- បាត់បង់លំនឹង ធីងធោង ឬឈឺក្បាល វិលមុខភ្លាមៗ
- បាត់បង់គំឃេីញ ស្រវាំងភ្នែកភ្លាមៗ
- ពិបាកនិយាយភ្លាមៗ ឬនិយាយមិនបាន
- វៀចមុខមួយចំហៀង
- ទន់ដៃ ជើង មួយចំហៀងខ្លួនភ្លាមៗ...

18/04/2025

🫀 ជំងឺស្ទះសរសៃឈាមបេះដូង (Heart Attack)
✨ ជំងឺស្ទះសរសៃឈាមបេះដូងគឺជាការខូច ឬស្លោកសាច់ដុំបេះដូងស្រួចស្រាវបណ្តាលមកពីការស្ទះសរសៃឈាមដែលទៅចិញ្ចឹមសាច់ដុំបេះដូង
⚠️ ជាជំងឺដែលមានគ្រោះថ្នាក់ធ្ងន់ធ្ងរដល់អាយុជីវិត ត្រូវការការព្យាបាលពិសេស និងបន្ទាន់ដើម្បីកាត់បន្ថយអាត្រាមរណភាព
😣 រោគសញ្ញា:
▪ ឈឺចុកទ្រូងឆ្វេង ចាក់មកដៃឆ្វេងឬថ្គាម ឬអួលណែនចុងដង្ហេីម និងទ្រូង
▪ ថប់ដង្ហើម មានអារម្មណ៏ ឫសញ្ញាហត់ភ្លាមៗដោយគ្មានមូលហេតុ
▪ សញ្ញារួមផ្សំមានដូចជា ល្វែងអស់កំលាំងគ្មានមូលហេតុ បែកញើស ឡេះឡះ...
🚭 កត្តាប្រឈម:
▪ អ្នកដែលមានអាយុច្រើន
▪ អ្នកដែលលើសទំងន់
▪ អ្នកពិសារបារី
▪ អ្នកដែលមានជំងឺលើសឈាម
▪ អ្នកដែលមានជំងឺទឹកនោមផ្អែម
▪ អ្នកដែលលើសជាតិខ្លាញ់
▪ អ្នកដែលមិនធ្វើលំហាត់ប្រាណ ឫប្រកបរបរនៅនឹងមួយកន្លែងយូរម៉ោង ពិសេសការងារការិយាល័យ
📈 រោគវិនិច្ឆ័យ:
▪ ការវាស់ចង្វាក់បេះដូង (Electrocardiogram)
▪ ការពិនិត្យឈាមអង់ស៊ីមបេះដូង (Cardiac Biomarkers)
▪ ការពិនិត្យអេកូបេះដូង (Echocardiography)
▪ ការថតឆ្លុះសរសៃឈាមបេះដូង (Angiography)

⚕️ ការព្យាបាល:
▪ ការឆ្លុះសរសៃឈាម និងពង្រីកសរសៃឈាមដោយរ៉ឺស័រជាជម្រើសដ៏ល្អ និងបច្ចេកវិទ្យាទំនើបចុងក្រោយគេបង្អស់ចំពោះការព្យាបាលដើម្បីទទួលបានប្រសិទ្ធភាពខ្ពស់ (Angioplasty with stent)
▪ ការព្យាបាលដោយថ្នាំឲ្យបានទៀងទាត់តាមវេជ្ជបញ្ជាត្រឹមត្រូវ និងការផ្លាស់ប្តូររបៀបរបបរស់នៅ (Lifestyle changes)។

06/04/2025

🫁 ជំងឺត្បៀតទងសួតរុំារ៉ៃ (COPD)
✨ការរលាកទងសួតរុំារ៉ៃ បណ្តាលអោយមានការត្បៀតទងសួត ដែលបង្កឡើងដោយមូលហេតុផ្សេងៗពិសេសគឺផ្សែងបារី ។
🚭កត្តាបង្ក:
- កត្តាពុលបរិស្ថាន
- ដកដង្ហើមស្រូបផ្សែងផ្សេងៗ ជាពិសេសបារី (ផ្សែងធូប ផ្សែងចង្រ្កាន ដោយសារការដុតអូស ឬធ្យូង និងផ្សែងធូបមូសជាដើម)
- ធ្លាប់មានជំងឺរលាកសួតធ្ងន់ធ្ងរ (ដូចជាជំងឺរបេង)...
*អាយុកាន់តែច្រើនកាន់តែប្រឈមមុខកើតជំងឺនេះកាន់តែច្រើន
😪រោគសញ្ញា:
- ក្អកស្លេះរុំារ៉ៃ ឈឺដេីមទ្រូង
- ហត់ ឬពិបាកដកដង្ហើមរុំារ៉ៃ
- មានស្លេសជាប្រចាំជាពិសេសនៅពេលក្រោកពីដំណេកពេលព្រលឹម
🩺ការធ្វើរោគវិនិច្ឆ័យ:
- ពឹងផ្អែកទៅលើ អាយុអ្នកជំងឺ(លើស៤០ឆ្នាំ) កត្តាប្រឈម (ជក់បារី) រោគសញ្ញាគ្លីនីក (ក្អក និងហត់រុំារ៉ៃ) និងការពិនិត្យរូបភាពវេជ្ជសាស្ត្រដូចជាថតសួតដោយកាំរស្មីអិច និងជួនកាលអាចធ្វើការស្កេនសួត
- ក្នុងការមន្ទិលសង្ស័យលើរោគវិនិច្ឆ័យ យេីងអាចបញ្ជាក់អោយបានច្បាស់លាស់តាមរយៈការប្រើឧបករណ៍វាស់ផ្លូវដង្ហើម
⚕️ការព្យាបាល:
- ថ្វីត្បិតតែពុំមានថ្នាំជួយអោយជាសះស្បើយ ប៉ុន្តែមានការព្យាបាលល្អ រួមទាំងការឈប់ពិសារបារីផងដែរអាចជួយអោយអ្នកជំងឺបានធូរស្រាលពីរោគសញ្ញាដែលរំខាន
- ពិសេសជាងនេះទៅទៀតគឺការព្យាបាលត្រឹមត្រូវជួយទប់ស្កាត់កុំអោយជំងឺមានការវិវត្តន៍ទៅរកការខ្សោយផ្លូវដង្ហើមធ្ងន់ធ្ងរ

Dr. Makara Sopheak

04/07/2025

22/06/2025

14/06/2025

08/06/2025

22/05/2025

18/05/2025

12/05/2025

04/05/2025

27/04/2025

23/04/2025

18/04/2025

06/04/2025

Address

Website

Alerts

Contact The Practice

Shortcuts

Share

Category