19/10/2022
ដូចម្ដេចដែលហៅថាជម្ងឺទឹកនោមប្រៃ?
សុខភាព៖ ជាធម្មតាទឹកនោមបញ្ចេញជាតិប្រូតេអ៊ីន បានតិចជាតិ ៣០ មីលីក្រាម ក្នុងមួយថ្ងៃ។ តែក្នុងករណី សារជាតិប្រូតេអ៊ីនក្នុងឈាម បញ្ចេញតាមរយៈទឹកនោមមានបរិមាណលើសពី ៥០ មីលីក្រាម ក្នុងមួយថ្ងៃ គឺលោកអ្នកត្រូវបានអ្នកជំនាញ ធ្វើរោគវិនិច្ឆ័យឃើញថា លោកអ្នកកំពុងតែកើតជម្ងឺទឹកនោមប្រៃ។
+មូលហេតុបណ្ដាលឱ្យកើតជម្ងឺនេះ
-កត្តាដែលបង្កឱ្យមានជម្ងឺទឹកនោមប្រៃ គឺអាចកើតឡើងដោយឯកឯង ឬដោយសារតែជម្ងឺអ្វីម្យ៉ាង ដូចជា ការខូចតម្រង់នោម ជាដើម។
+រោគសញ្ញា
- ហេវហត់ គ្មានកម្លាំងកំហែង
- ហើម ជាពិសេសនៅជុំវិញភ្នែក កែងជើង និងប្រអប់ជើង
- ឡើងទម្ងន់ដោយសារតែហើម
- ចុះខ្សោយ ផ្លូវភេទ
- បញ្ចេញទឹកនោមច្រើន
- រោគសញ្ញានៃជម្ងឺទឹកនោមប្រៃ គឺមិនងាយមើលដឹងដោយខ្លួនឯងនោះទេ ទាល់តែអ្នកជម្ងឺមានអាការចុះខ្សោយខ្លាំងមែនទែន មកពិគ្រោះជាមួយគ្រូពេទ្យ ទើបដឹងថា កើតជម្ងឺទឹកនោមប្រៃ។ សភាពអ្នកជម្ងឺដែលមកពិគ្រោះជាមួយគ្រូពេទ្យ ច្រើនតែមានអាការហើម និងមានបញ្ហាត្រង់តម្រង់នោម។
+ផលប៉ះពាល
- ធ្វើឱ្យតម្រងនោមចុះខ្សោយ បណ្ដាលឱ្យខូចក្រលៀន ហើយធ្វើឱ្យមានបញ្ហាដល់ដំណើរការ នៃសរសៃឈាមបេះដូង សរសៃខួរក្បាល ក្រពះ និងពោះវៀនជាដើម
- ក្នុងករណីដែលមិនអាចព្យាបាលបាន អ្នកជម្ងឺប្រឈមមុខនឹងការបាត់បង់ជីវិត
+ចំពោះការព្យាបាល
- សម្រាប់ការព្យាបាលជម្ងឺនេះ លោកអ្នកគួរតែទៅរកគ្រូពេទ្យ ដែលមានជំនាញព្យាបាលផ្នែកខាងក្រោម ជាពិសេសត្រង់ផ្នែកតម្រង់នោម ដើម្បីធ្វើការដូរក្រលៀនចេញ និងបន្ទាប់មកអាចប្រើវិធីលាងឈាមផងដែរ។
+ជម្ងឺដែលអាចប្រឈមជម្ងឺទឹកនោមប្រៃ
- ទឹកនោមផ្អែម
- ជម្ងឺស្បែក Lupus
- ជម្ងឺ Amyloidosis
- ជំងឺតម្រងនោមផ្សេងៗទៀត
- ប្រើប្រាស់ថ្នាំ Nonsteroidal Anti-inflammatory Drugs និងថ្នាំសម្លាប់មេរោគ
- រួមទាំងជម្ងឺឆ្លងមួយចំនួនទៀត ដូចជា ជំងឺអេដស៍ ជំងឺរលាកថ្លើមប្រភេទ B, C និងជំងឺគ្រុនចាញ់ជាដើម៕
ដើម្បីបានចំណេះដឹងថ្មីៗទៀត ចុច like Page នេះផង
