Khmer Guruji Sagarrumagarmatha, Ksom Village, Banteay Dek Commune, Kien Svay District (2025)

12/09/2025

កូនកតញ្ញូបំផុតគឺ កូនដែលបានប្រតិបត្តិធម៌ដើម្បីការត្រាស់ដឹង រកឃើញព្រះធម៌សច្ចៈដើម្បីប្រតិបត្តិតាម ។ នោះគឺជាកូនដែលកតញ្ញូបំផុត !

ពេលដែលលោកអ្នករកឃើញព្រះសត្យគ្រូ និងព្រះធម៌សច្ចៈដើម្បីប្រតិបត្តិ ញាតិកាទាំងប្រាំសន្ដានរបស់លោកអ្នកនឹងបានកើតទៅឋានដ៏ខ្ពង់ខ្ពស់ ។ នោះគឺការតបស្នងសងគុណដ៏មហស្ចារ្យ ខ្ពង់ខ្ពស់ ជ្រាលជ្រៅដូចមហាសមុទ្រ ដ៏ល្វឹងល្វើយ !

បច្ចុប្បន្ននេះ លោកអ្នកកំពុងនៅឋានមនុស្ស រស់នៅក្បែរឪពុកម្ដាយ ។ ថ្ងៃណាមួយ ពួកគាត់ក៏នឹងចាកចេញ ។

ទោះបីលោកអ្នកមានប្រតិបត្តិធម៌ ឬមិនប្រតិបត្តិធម៌ទេ ពួកគាត់ក៏ត្រូវតែចាកលោក ។ ប៉ុន្តែបើលោកអ្នកជាអ្នកប្រតិបត្តិធម៌ ពេលដែលពួកគាត់ចាកចេញនោះ បុណ្យកុសល ពីការប្រតិបត្តិធម៌ ការត្រាស់ដឹងរបស់លោកអ្នក នឹងដឹកនាំពួកគាត់ឲ្យទៅកាន់ពិភពសង្គ្រោះ និងសុខសាន្ត ជួយឲ្យពួកគាត់ មិនត្រូវកើត-ស្លាប់វិលវក់ក្នុងសមុទ្រទុក្ខទៀត ។

ចូររក្សាសទ្ធាជ្រះថ្លា និងឈានជើងចូលលើផ្លូវប្រតិបត្តិធម៌ត្រាស់ដឹង ! លោកអ្នកកាន់តែប្រតិបត្តិធម៌ ឪពុកម្ដាយពីគ្រប់ៗ ជាតិ របស់លោកអ្នក កាន់តែទទួលបានផលប្រយោជន៍ ។ អូខេ !

05/09/2025

យើងពុំមានការបែងចែកនរណាទាំងអស់ ។ លោកអ្នកអញ្ជើញមកកាន់សន្តីភូមិ ដូចគេដូចឯងចុះ ។ យើងសម្លឹងមើលតែពុទ្ធធាតុនៅខាងក្នុងលោកអ្នក មិនសម្លឹងមើលលោកអ្នកជាមនុស្សបែបណានោះទេ ។ យើងក៏មិនបែងចែកថាលោកអ្នកជាបុរសភេទ ស្ត្រីភេទ ឬភេទទីបីទេ វាគឺជារឿងធម្មតាបំផុត !

ប្រទេសយើង ឥឡូវបានបើកចំហជាងហើយ ។ ទោះបីមិនទាន់ទូលំទូលាយដូចអាមេរិក អឺរ៉ុប ឬថៃ ប៉ុន្តែក៏គ្រប់គ្រាន់ដើម្បីឲ្យលោកអ្នកមកកាន់សន្តីភូមិដោយធម្មតា ។ លោកអ្នកគប្បីបន្ធូរអារម្មណ៍ បើកបេះដូងឲ្យបានទូលាយ កុំអៀនអ្វីទាំងអស់ !

02/09/2025

ព្រះសារពីព្រះគ្រូ សាគររូមាគាម៌ថ

ជូនចំពោះ សិស្សសមាធិ នៃព្រះធម្មវិធីសមាធិ លំហូរព្រះស័ព្ទ នៃព្រះជាម្ចាស់ ( សំឡេង និងពន្លឺនៅខាងក្នុង ) ទូទាំងពិភពលោក !

ថ្ងៃទី០១ ខែកញ្ញា ឆ្នាំ២០២៥

02/09/2025

🌟✨ ព្រះសារពីព្រះគ្រូ សាគររូមាគាម៌ថ ៖

« ចាប់ពីថ្ងៃនេះ ថ្ងៃទី០១ ខែកញ្ញា ឆ្នាំ២០២៥ ចំពោះសិស្សសមាធិណាដែលមានគ្រួសារ និងមានកូនហើយ ជាពិសេសគ្រួសារដែលមានទារក រហូតដល់មានកូនអាយុ ៩ ឆ្នាំ បុរសជាប្ដី ត្រូវទទួលការងារផ្ទះទាំងឡាយដូចជាការសំអាតផ្ទះសម្បែង ការងារបាយទឹក ថែទាំ និងបង្រៀនកូន ។ ការងារទាំងឡាយនេះ បុរសជាប្ដី គប្បីជាអ្នកទទួលបន្ទុក ជាជាងឲ្យប្រពន្ធជាអ្នកទទួលបន្ទុក ។ » 🕉

21/08/2025

« ចិត្តមាត្រំ ឥទំ សវ៌ំ » អ្វីៗគ្រប់យ៉ាង គឺចិត្តយើងជាអ្នកបង្កើត !

ចូរ បង្វែរចិត្តទៅរកព្រះសត្យគ្រូ ប៉ុន្តែមិនចាំបាច់ត្រូវមកជួបនឹងព្រះគ្រូផ្ទាល់ឡើយ។ មកទីនេះ ជួបនឹងព្រះគ្រូដើម្បីអ្វីទៅ ? ចូរត្រឡប់ទៅកាន់ព្រះមហាប្រាជ្ញាញាណទើបជាការប្រសើរជាង ទៅកាន់ពុទ្ធសភាវៈនៅខាងក្នុង ទៅកាន់មនុស្សពិតរបស់លោកអ្នក ។ លោកអ្នកមិនចាំបាច់ត្រូវចូលមកកាន់ព្រះគ្រូនោះទេ !

ចូរបង្វែរចិត្តចូលទៅខាងក្នុង ! ពេលបែរចូលទៅខាងក្នុង បែរទៅរកអង្គជាទីសក្ការគ្រប់អង្គ លោកអ្នកនឹងរួចផុតពីទុក្ខគ្រប់យ៉ាងដោយឯកឯង ។

តើលោកអ្នកអាចបង្វែរចិត្តចូលទៅខាងក្នុងវិញបានទេ ? បើបាន លោកអ្នកនឹងទទួលបាននូវកម្លាំងសុខសាន្ត និងសិរីមង្គលពីគុរុ ពីព្រះអរិយបុគ្គលទាំងឡាយ ពីអង្គព្រះសត្យគ្រូ ។

នោះគឺជាអត្ថន័យរបស់ពាក្យ « ចិត្តមាត្រំ ឥទំ សវ៌ំ »

16/08/2025

សមាធិដោយខ្លួនឯង ពុំអាចជួយលោកអ្នកឲ្យត្រាស់ជាព្រះពុទ្ធបានឡើយ ។ ចង់សម្រេចបានផលត្រាស់ដឹង លោកអ្នកចាំបាច់ត្រូវមានការណែនាំពីព្រះសត្យគ្រូ មួយព្រះអង្គ ។

ក៏ដូចជាលោកអ្នកមានខ្លឹមចន្ទន៍ដ៏ល្អ និងមានតម្លៃ ហើយចង់ឆ្លាក់ជារូបព្រះពុទ្ធ ព្រះពោធិសត្វ លោកអ្នកចាំបាច់ត្រូវតែរកជាងជំនាញ មានថ្វីដៃ ។ មានតែពួកគាត់ទេ ទើបកែច្នៃកំណាត់ឈើសោះកក្រោះ ឲ្យក្លាយទៅជាបដិមាជាទីសក្ការៈបាន ។

ការប្រតិបត្តិធម៌ក៏ដូច្នោះឯង ។ ប្រសិនបើលោកអ្នកមានសទ្ធាមោះមុត ចង់ទៅកាន់ឋានសុខាវតី យើងនឹងសប្បាយចិត្តណែនាំ ។ ប៉ុន្តែសំខាន់បំផុតគឺឆន្ទៈរបស់លោកអ្នកផ្ទាល់ ។ បើពុំមានការប្ដេជ្ញាចិត្តទេ ពុំមាននរណាអាចជួយលោកអ្នកឲ្យសម្រេចគោលបំណងបានឡើយ ។

*** ឋានសុខាវតី ស្ថានដែលព្រះអមិតាភៈ ទ្រង់ប្រតិស្ឋាននៅ ជាស្ថានដែលមានតែសេចក្ដីសុខ ពុំមានសេចក្ដីទុក្ខ សូម្បីតែតូចប៉ុនសរសៃសក់ក៏គ្មានដែរ ។ នៅទីនោះ សត្វលោកខ្មីឃ្មាតចម្រើនធម៌ ដើម្បីសម្រេចផលនិព្វាន ពុំត្រឡប់មកត្រៃលោកទៀតឡើយ ។

09/08/2025

មនុស្សលោក គប្បីបញ្ជូនសមាធិចូលក្នុងជីវិតប្រចាំថ្ងៃ

សមាធិជាកម្លាំងនៃសេចក្ដីស្រឡាញ់ ជួយបន្ធូរគ្រប់ទុក្ខសោករបស់សព្វសត្វ ជាកម្លាំងមេត្តាករុណា តែងតែលើកលែង និងស្រឡាញ់សព្វសត្វ ជាកម្លាំងរញ្ជួយ បណ្ដេញរាល់អស្ថិរភាពមានក្នុងជីវិតយើង ។

សមាធិប្រៀបបានដូចជាពន្លឺព្រះអាទិត្យ ។ ពេលយើងសមាធិ កម្លាំងពន្លឺនៅខាងក្នុងយើង ដូចថ្ងៃរះ ។ ពេលដែលថ្ងៃរះ ភាពងងឹត ដាច់ខាតត្រូវតែចុះចាញ់ ។

ដូច្នោះហើយព្រះធម្មវិធីសមាធិបុរាណ លំហូរព្រះស័ព្ទ នៃព្រះជាម្ចាស់ (សំឡេង និងពន្លឺនៅខាងក្នុង) មានតួនាទីយ៉ាងសំខាន់ក្នុងជាតិជាមនុស្សរបស់យើងគ្រប់រូប ។

31/07/2025

សមាធិដើម្បីធ្វើជាម្ចាស់ខ្លួនឯង

អ្វីៗ លើលោកនេះ គឺមានព្រះរៀបចំហើយ ។ ប្រសិនបើបានទទួលព្រះធម៌សច្ចហើយ ចូរបណ្ដោយតាមធម្មចុះ ។ ជារៀងរាល់ថ្ងៃ ព្យាយាមតាំងសមាធិ ចម្រើនធម៌ ហើយបំពេញឲ្យបានល្អនូវកាតព្វកិច្ចរបស់មនុស្សម្នាក់ ឪពុកម្នាក់ ឬជាពលរដ្ឋមានធម៌មួយរូប ។ រស់ក្នុងសង្គមដែលមានភាពទាក់ទាញជាច្រើន ត្រូវចេះរក្សាខ្លួន កុំបណ្ដោយឲ្យខ្លួនជាប់នឹងអបាយមុខ ។

ពេលដែលទទួលបានព្រះធម៌ដ៏វិសិដ្ឋហើយ រឿងចំបង គឺត្រូវរក្សាព្រះសច្ចធម៌ឲ្យបានជាប់ និងព្យាយាមសមាធិ ។ ជារៀងរាល់ថ្ងៃ ក្រោយពីបានបំពេញការងាររួចរាល់ គ្រួសារបានលងដំណេកហើយ រាត្រីស្ងៀមស្ងាត់ ចូរអង្គុយចុះ ចម្រើនឈាន ចូលសមាធិ ។ នេះជារឿងដែលល្អបំផុត នាំមកឲ្យយើងនូវចិត្តសុខសាន្តបំផុត !

កុំលង់នឹងសម្ភារៈ ដេញតាមផ្ទះល្អ ឡានស្អាត របស់អ្នកដទៃ ! របស់ទាំងឡាយនោះ មានក៏ល្អ មិនមានក៏មិនថ្វីដែរ ។ ជាមួយនឹងចិត្តជ្រះស្រឡះនោះ ជីវិតយើង នឹងបានពេញលេញដោយឯកឯង !

24/07/2025

សុភមង្គល របស់ព្រះសត្យគ្រូ មួយព្រះអង្គ

ព្រះសត្យគ្រូគ្រប់ព្រះអង្គ ពេលយាងចុះមកឋានមនុស្ស គឺមានសុភមង្គលរួមមួយ គឺឃើញសត្វលោករស់នៅក្នុងសិរីមង្គល បានសុខសាន្តត្រាណ ចេះស្រឡាញ់គ្នា ។ ព្រះអង្គទាំងឡាយ រីករាយពេលឃើញពួកគេប្រតិបត្តិធម៌ដោយវីរិយ រកឃើញមាគ៌ាត្រាស់ដឹង ស្ដារឡើងវិញនូវមហាប្រាជ្ញាញាណដ៏វិសិដ្ឋបំផុត ដែលត្រូវបិទបាំងដោយសមុទ្រទុក្ខ នៃវដ្ដសង្សារ និងកម្មពៀរក្រាស់ក្រែលជាច្រើនជាន់ច្រើនថ្នាក់ ។

បានឃើញសព្វសត្វរួចផុតពីភាពល្ងឹតល្ងង់ បែរចិត្តទៅរកព្រះ ជាមួយនឹងសទ្ធាជ្រះថ្លា នោះគឺជាសេចក្ដីសុខ សុភមង្គលដ៏ខ្ពង់ខ្ពស់បំផុតរបស់ព្រះសត្យគ្រូមួយព្រះអង្គ ។

#សមាធិ #ព្រះគ្រូរូម៉ា #រូម៉ា #ចម្រើនធម៌ #ពុទ្ធសាសនា #វិបស្សនា #កម្មដ្ឋាន

18/07/2025

សមាធិ ជាអាហារស្មារតី សំខាន់ ពុំអាចខ្វះបាន ។ រាងកាយយើង ត្រូវការអាហារជាគ្រឿងបរិភោគ ដើម្បីជួយទ្រទ្រង់ឲ្យបានគង់វង្ស ។ ចំពោះដួងវិញ្ញាណវិញ ដួងវិញ្ញាណក៏ត្រូវការថែទាំដោយប្រយ័ត្នប្រយែងដែរ ប៉ុន្តែមិនសូវមានអ្នកចាប់អារម្មណ៍ទេ ។ សមាធិ គឺជាអាហារស្មារតី ដ៏មានតម្លៃ ជួយចិញ្ចឹមដួងវិញ្ញាណ និងមហាប្រាជ្ញាញាណនៅខាងក្នុងយើងគ្រប់រូប ។

14/07/2025

ចូរស្រឡាញ់ពេលវេលាប្រតិបត្តិធម៌

ជីវិតជាមនុស្សពិតជាខ្លីណាស់ ។ ពេលដែលទទួលបានព្រះធម៌ហើយ លោកអ្នកគប្បីរស់នៅ និងចម្រើនសមាធិឲ្យអស់ពីលទ្ធភាព ! ពីព្រោះ ទោះបីមានសន្សំទ្រព្យសម្បត្តិច្រើនប៉ុណ្ណាក៏ដោយ ទីបញ្ចប់ លោកអ្នកក៏នឹងចាកចេញដោយបាតដៃទទេដែរ ។

ក្រោយពីបានទទួលចិត្តសម្បទា ចូរខិតខំរក្សាធម៌ និងព្យាយាមសមាធិ ! អាយុប៉ុណ្ណឹងហើយ ប្រសិនបើលោកអ្នកនៅជាប់ជំពាក់ នៅប្រកាន់រឿងនេះ រឿងនោះគ្រប់សព្វ វានឹងធ្វើឲ្យលោកអ្នកកាន់តែនឿយហត់ ទាំងកាយ ទាំងចិត្ត តែប៉ុណ្ណោះ ។ ជីវិតលោកអ្នក ទុក្ខវេទនាប៉ុណ្ណឹង វាគ្រប់គ្រាន់ហើយ !

លើលោកនេះ ពុំមាននរណាល្អឥតខ្ចោះនោះទេ ! កាលនៅវ័យក្មេង យើងចេះតែខិតខំ តស៊ូ ដណ្ដើមយកអ្វីៗទាំងអស់ ។ ប៉ុន្តែ ទីបំផុតទៅ យើងក៏មិនបានប្រមូលបានអ្វីដែរ ពេលចាកចេញទៅ អ្វីដែលយើងអាចយកបានខ្លួនបាន មានតែបុណ្យ និងបាប ដែលខ្លួនបានសាង ។

ដូច្នោះហើយ អ្វីដែលជារឿងមិនល្អ នាអតីតកាល បើបាន បោះបង់ចោលទៅ ចូរទម្លាក់ចោលទៅ ! បើអាចលើកលែងឲ្យអ្នកដទៃបាន ចូរបើកចិត្តឲ្យទូលាយទៅ ! ហើយសំខាន់ជាងគេបង្អស់ គួររៀនលើកលែងឲ្យខ្លួនឯង ! ទម្លាក់បន្ទុក ដើម្បីឆ្ពោះទៅកាន់អនាគតមួយដ៏ភ្លឺស្វាង នោះគឺជាផ្លូវល្អបំផុត សម្រាប់ដំណើរប្រតិបត្តិធម៌ និងចម្រើនសមាធិរបស់លោកអ្នក !

ចូរចងចាំថា សមាធិ គឺជាប្រភពថាមពលដ៏ខ្លាំងក្លា ជួយឲ្យយើងគ្រប់រូប អាចស្ដារឡើងវិញនូវឫទ្ធានុភាពដែលកំពុងសំងំនៅខាងក្នុង ។ សមាធិអាចរុញច្រានរាល់ទុក្ខលំបាក បណ្ដេញរាល់ភាពសៅហ្មង ទុក្ខសោក កម្ទេចព្យុះសង្ឃរាទាំងឡាយ នៃជីវិត ដែលបានដិតជាប់ក្នុងដួងចិត្តយើង ។ សមាធិ ប្រៀបបានដូចជាអំណាចមួយដែលមើលមិនឃើញ ចូលមកយើងដោយថ្នមៗ នាំមកសេចក្ដីសុខសាន្ត និងសិរីមង្គលច្រើនអនេក ។

សមាធិគឺអច្ឆរិយបែបនេះ ! ដូច្នោះហើយ ក្រោយពីបានទទួលចិត្តសម្បទាហើយ ចូរខិតខំរក្សា និងចម្រើនសមាធិដោយវីរិយៈ ! ពេលដែលរកឃើញមាគ៌ាសមាធិហើយ ចូរព្យាយាមបោះជំហានលើមាគ៌ានោះ !

09/07/2025

មនុស្សគ្រប់រូបតែងតែប្រាថ្នា « សុខកាយ សប្បាយចិត្ត » ប៉ុន្តែនៅពេលដែលខ្លួនមានជំងឺ ឈឺថ្កាត់ តើយើងគួរតែភ័យព្រួយ ដែរឬទេ ? តើជំងឺ ជាកម្មពៀរ ឬជាបុណ្យកុសល ?

ដោយព្រះមហាប្រាជ្ញាញាណដ៏ជ្រៅជ្រះបំផុត ព្រះគ្រូ សាគររូមាគាម៌ថ ប្រទានពុទ្ធោវាទអំពីបញ្ហាជំងឺ នៃរាងកាយ គឺ ៖

Khmer Guruji Sagarrumagarmatha

12/09/2025

05/09/2025

02/09/2025

02/09/2025

21/08/2025

16/08/2025

09/08/2025

31/07/2025

24/07/2025

18/07/2025

14/07/2025

09/07/2025

Address

Telephone

Website

Alerts

Contact The Practice

Shortcuts

Share