01/02/2025
ខ្លាញ់ទ្រីគ្លីសេរីដ (Triglyceride) និង LDL (Low-Density Lipoprotein) ឬខ្លាញ់អាក្រក់ គឺជាខ្លាញ់ក្នុងឈាមដែលខុសពីគ្នា មានតួនាទី និងមូលហេតុនៃការកើតខុសគ្នាដូចខាងក្រោម ។
ទ្រីគ្លីសេរីដ (Triglyceride)គឺជាអ្វី ?
ទ្រីគ្លីសេរីដគឺជាខ្លាញ់មួយប្រភេទដែលរាងកាយបង្កើតឡើង និងទទួលបានពីអាហារ ជាពិសេសអាហារប្រភេទកាបូអ៊ីដ្រាត ម្សៅ និងស្ករ។
នៅពេលដែលរាងកាយទទួលបានថាមពលលើសពីតម្រូវការ ថាមពលលើសនោះនឹងត្រូវបម្លែងទៅជាទ្រីគ្លីសេរីដ និងរក្សាទុកនៅក្នុងកោសិកាខ្លាញ់សម្រាប់ប្រើនៅពេលក្រោយ។
កើតពីអ្វី ?
អាហារ : ការបរិភោគកាបូអ៊ីដ្រាត ម្សៅ ស្ករ និងអាល់កុលក្នុងបរិមាណច្រើនពេក។
ការមានខ្លាញ់ច្រើននិងនាំទៅរកបញ្ហាអ្វីខ្លះ ?
គឺអ្នកជំងឺទឹកនោមផ្អែម ធាត់ជ្រុល ជម្ងឺមេតាបូលីក (Metabolic Syndrome) ជំងឺតម្រងនោម ជំងឺថ្លើម ។
LDL (Low-Density Lipoprotein) ឬខ្លាញ់អាក្រក់ គឺជាអ្វី LDL គឺជាលីប៉ូប្រូតេអ៊ីនមួយប្រភេទដែលធ្វើការដឹកកូលេស្តេរ៉ុលពីថ្លើមទៅកាន់កោសិកាផ្សេងៗពាសពេញរាងកាយ ។
ប្រសិនបើមាន LDL ច្រើនពេក កូលេស្តេរ៉ុលនឹងកកកុញនៅជញ្ជាំងសរសៃឈាម ធ្វើឱ្យសរសៃឈាមរួមតូច និងបង្កើនហានិភ័យនៃជំងឺបេះដូង និងសរសៃឈាម។
កើតពីអ្វី ?
អាហារ : ការបរិភោគខ្លាញ់ Saturated Fat (ដូចជា សាច់ក្រហមជាប់ខ្លាញ់ ស្បែកសត្វ ផលិតផលពីទឹកដោះគោដែលមានខ្លាញ់ពេញលេញ) និងខ្លាញ់ trans (ដូចជា អាហារកែច្នៃ ) ក្នុងបរិមាណច្រើន។
កម្រិតធម្មតា
ទ្រីគ្លីសេរីដ: គួរតែតិចជាង ១៥០ មីលីក្រាម ក្នុង១ដេស៊ីលីត្រ។
LDL គួរតែតិចជាង ១០០ មីលីក្រាម/ដេស៊ីលីត្រ (សម្រាប់អ្នកដែលមានហានិភ័យខ្ពស់ គួរតែតិចជាង ៧០ មីលីក្រាម/ដេស៊ីលីត្រ) ។
ការថែរក្សាសុខភាពដើម្បីគ្រប់គ្រងកម្រិតខ្លាញ់
គ្រប់គ្រងអាហារ កាត់បន្ថយការបរិភោគកាបូអ៊ីដ្រាត ម្សៅ ស្ករ ខ្លាញ់ Saturated fate និងខ្លាញ់ trans បង្កើនការបរិភោគបន្លែ ផ្លែឈើ ធញ្ញជាតិមិនកែច្នៃ និងខ្លាញ់ល្អ ដូចជា ប្រេងអូលីវ ផ្លែបឺរ សណ្តែក និងត្រីដែលមានខ្លាញ់។
ហាត់ប្រាណ : ហាត់ប្រាណជាប្រចាំ យ៉ាងហោចណាស់ ១៥០ នាទីក្នុងមួយសប្តាហ៍។
គ្រប់គ្រងទម្ងន់ : សម្រកទម្ងន់ប្រសិនបើលើសទម្ងន់ ឬធាត់ជ្រុល។
ឈប់ជក់បារី និងកំណត់ការផឹកគ្រឿងស្រវឹងច្រើន ការជក់បារី និងផឹកអាល់កុលច្រើនពេកមានផលប៉ះពាល់ដល់កម្រិតខ្លាញ់ក្នុងឈាម។
