ពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា, ពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា, Oudong (2025)

31/07/2025

សូមអនុមោទនា ដោយទឹកចិត្តជ្រះថ្លាពីសំណាក់ម្ចាស់សាមីវេន
-ឧបាសិកា ទិន សាវត្តី និងគ្រួសារ ព្រមទាំងបុត្រ នៅភ្នំពេញ
ក្នុងនោះបានដង្ហែប្រទក្សិណព្រះបរមកេសធាតុចេតិយ នមស្ការក្រាបថ្វាយបង្គំ បូជាប្រទីប ថ្វាយទឹកអដ្ឋបាន ចំពោះព្រះបរមកេសធាតុនៃព្រះជិនស្រី និងការចម្រើនបដិបត្តិសមាធិ។
សម្រាប់ព័ត៌មានបន្ថែម ញាតិញោមពុទ្ធបរិស័ទ អាចទំនាក់ទំនង មកមកកាន់ពុទ្ធមណ្ឌលវិបស្សនាធុរៈ តាមរយៈលេខទូរស័ព្ទ ឬតេឡេក្រាមដូចខាងក្រោម៖
- ០៩៦ ២៨៣ ៦៥៦០ លោកអាចារ្យ ហ៊ុយ ហ៊ន
https://t.me/bong242241 Link Telegram រូបថត

#ពុទ្ធមណ្ឌល #ហ៊ឹមប៊ុនធឿន #វិបស្សនា #សមាធិ #កម្ពុជា

31/07/2025

ក្នុងនាមថ្នាក់ដឹកនាំ ពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា ព្រះសង្ឃ សីលវន្ត និងសីលវតីគ្រប់រូប សូមចូលរួមមរណទុក្ខចំពោះវីរៈកងទ័ពកម្ពុជា ដែលបានពលីជីវិតក្នុងសមរភូមិ ។
ដោយអំណាចព្រះសង្ឃ សីលវន្ត សីលវតី សិក្សា បដិបត្តិក្នុងសាសនមណ្ឌលនេះសូមផ្សាយនូវមហាកុសលទាំងឡាយចំពោះវិបាកបដិសន្ធិវិញ្ញាណ វីរៈកងទ័ពបានអញ្ជើញទៅបដិសន្ធិក្នុងសុគតិភពសួគ៌ទេវលោក និងទីបំផុតនៃជាតិ សូមបានដល់នូវព្រះនិព្វាន ។
━━━━━━━━
#ពុទ្ធមណ្ឌល #ហ៊ឹមប៊ុនធឿន #វិបស្សនា #សមាធិ #កម្ពុជា

31/07/2025

ក្រុមញាតិគ្រួសារព្រះធម៌ មហាឧបាសកពុទ្ធសាសនូបត្ថម្ភក៍ ពុធ សាមឿន ទទួលកាន់វេនប្រគេន-ជូនភត្តបិណ្ឌបាត ចុងខែដាច់ថ្ងៃទី៣១ រៀងរាល់ខែនីមួយៗ ដូចសព្វដង
━━━━━━━◈━━━━━━━
ថ្ងៃនេះ ជាវេនប្រចាំខែដាច់ថ្ងៃទី៣១ រៀងរាល់ខែដូចសព្វដង៖
- ក្រុមញាតិគ្រួសារព្រះធម៌ មហាឧបាសកពុទ្ធសាសនូបត្ថម្ភក៍ ពុធ សាមឿន នៅផ្សារឧដុង្គ ខេត្តកំពង់ស្ពឺ
- ក្រុមគ្រួសារញាតិព្រះធម៌ មហាឧបាសកពុទ្ធសាសនូបត្ថម្ភក៍ ម៉ាន យ៉ាន នៅរាជធានីភ្នំពេញ
- រួមជាមួយញាតិញោមពុទ្ធបរិស័ទជិតឆ្ងាយ
បានទទួលកាន់វេន និងរាប់បាត ប្រគេន-ជូនភត្តដល់ព្រះសង្ឃ សីលវន្ត សីលវតី និងសិក្ខាកាមយោគី អញ្ជើញមកពិនិត្យបញ្ជីឈ្មោះ និងប្រគល់សោបន្ទប់ព្រមទាំងសម្ភារៈប្រើប្រាស់ក្នុងអំឡុងពេលនៃកិច្ចបដិបត្តិវិបស្សាវគ្គខ្លី លើកទី៦០ រយៈពេល ១០ ថ្ងៃ ប្រព្រឹត្តទៅនាថ្ងៃស្អែកនេះ ។

ដោយតេជៈនៃអាមិសទាន ដែលក្រុមគ្រួសារក្រុមញាតិព្រះមហាឧបាសក និងញាតិញោមពុទ្ធបរិស័ទបានបំពេញទានក្នុងឱកាសនេះ និងពេលកន្លងមក សូមឧទ្ទិសផ្សាយបុណ្យកុសលដល់វិរកងទ័ពយុទ្ធជន-យុទ្ធនារី ដែលបានពលីជីវិត ការពារជាតិមាតុភូមិ សូមបានទៅកាន់សុគតិភព និងម្ចាស់សាមីវេន ព្រមទាំងញាតិញោមពុទ្ធបរិស័ទ ដែលបានប្រគេន-ជូនចង្ហាន់បិណ្ឌបាតភត្តថ្ងៃត្រង់ ក្នុងឱកាសនេះ និងពេលកន្លងមក សូមមានសុខភាពល្អ សមប្រកបពុទ្ធពរ ៤ ប្រការគឺ៖ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ។
—————————
ពុទ្ធមណ្ឌល,ថ្ងៃព្រហស្បតិ៍ ៦កើត ខែស្រាពណ៍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៣១ ខែកក្កដា ឆ្នាំ២០២៥

ចូលយករូបនូវទីនេះ ៖ https://t.me/bong242241 Telegram

#ពុទ្ធមណ្ឌល #ហ៊ឹមប៊ុនធឿន #វិបស្សនា #សមាធិ #កម្ពុជា

30/07/2025

ចូរមានខ្លួនឯងសម្រាប់ជាទីពឹង អ្នកដទៃមិនស្ថិតស្ថេរឡើយ។
━━━━━━━━
#ពុទ្ធមណ្ឌល #ហ៊ឹមប៊ុនធឿន #វិបស្សនា #សមាធិ #កម្ពុជា

30/07/2025

នាព្រឹកថ្ងៃពុធ ៥កើតនេះ៖
- ញាតិញោមពុទ្ធបរិស័ទជិតឆ្ងាយ អញ្ជើញមកពីរាជធានី-ខេត្ត រាប់បាតភត្តថ្ងៃត្រង់ ប្រគេន-ជូន ព្រះសង្ឃ សីលវន្ត និងសីលវតី សំណាក់សិក្សា ទ្រទ្រង់ ប្រណិប័តន៍ ព្រះធម៌វិន័យទាំងបរិយត្តិ និងបដិបត្តិព្រហ្មចរិយធម៌ក្នុងព្រះពុទ្ធសាសនាសូមឧទ្ទិសផ្សាយបុណ្យកុសលចំពោះវិរជនកងទ័ព ដែលបានពលីជីវិតការពារជាតិមាតុភូមិ សូមបានទៅកាន់សុគតិភពជាភិយ្យោភាព ។

- ឯកឧត្តម ឧត្តមសេនីយ៍ទោ រស់ សំអាត និងលោកជំទាវ ព្រមទាំងបុត្រាបុត្រី និងសហការី អញ្ជើញមកពីអគ្គនាយកដ្ឋានសម្ភារៈបច្ចេកទេស នៃក្រសួងការពារជាតិ មានសទ្ធាជ្រះថ្លាក្នុងគុណព្រះរតនត្រ័យ នមស្ការថ្វាយបង្គំព្រះបរមសារីរិកធាតុ ព្រះបរមកេសធាតុចេតិយ និងបាននាំមកនូវទេយ្យទានជាច្រើនមាន៖ អង្ករ ទឹកសុទ្ធ ទឹកដោះគោ ទឹកត្រី និងទឹកស៊ីអ៉ីវ...វេរប្រគេនព្រះសង្ឃបង្សុកូល ដើម្បីឧទ្ទិសផ្សាយបុណ្យកុសលដល់វិរជនកងទ័ព ដែលបានពលីជីវិតការពារជាតិមាតុភូមិ ព្រមទាំងបានតម្កល់ប្រាក់កសាង និងឧបត្ថម្ភប្រាក់សម្រាប់ចាត់ចែងនិច្ចភត្តផងដែរ ។

ដោយអំណាចតេជៈនៃអាមិសបូជា ដែលញាតិញោមពុទ្ធបរិស័ទ រួមជាមួយឯកឧត្តម លោកជំទាវ ព្រមទាំងបុត្រាបុត្រី និងសហការីក្រោមឱវាទ បានបំពេញទានក្នុងឱកាសនេះ និងគ្រាកន្លងមក សូមសម្រេចបុណ្យកុសលដល់វិរជនកងទ័ព ដែលបានបូជាពលីជីវិតការពារជាតិមាតុភូមិ សូមបានទៅកាន់សុគតិភព កុំបីឃ្លៀងឃ្លាតឡើយ ។

សូមញាតិញោមពុទ្ធបរិស័ទ ឯកឧត្តម លោកជំទាវ ព្រមទាំងបុត្រាបុត្រី និងសហការី មានសុខភាពល្អ ជោគជ័យគ្រប់ភារកិច្ច ទទួលបាននូវមង្គលពរទាំងឡាយ ៤ ប្រការគឺ៖ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ។
━━━━━━━━━━━━━━━━━
ពុទ្ធមណ្ឌល,ថ្ងៃពុធ ៥កើត ខែស្រាពណ៍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៣០ ខែកក្កដា ឆ្នាំ២០២៥

#ពុទ្ធមណ្ឌល #ហ៊ឺមប៊ុនធឿន #វិបស្សនា #សមាធិ #កម្ពុជា

29/07/2025

ព្រះសាសនមុនី មហាកម្មដ្ឋានាចរិយ ហ៊ឹម ប៊ុនធឿន ធម្មត្ថរោ ប្រធានពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា បាននិមន្តដឹកនាំព្រះមន្ត្រីសង្ឃ ព្រះសង្ឃ សីលវន្ត និងសីលវតី បង្សុកូល ចម្រើនសមាធិរួម ផ្សព្វផ្សាយនូវមហាកុសលដល់វីរៈកងទ័ពដែលបានពលីជីវិត បូជាលះបងសាច់ឈាមស្រស់ ព្រោះបុព្វហេតុការពារបូរណភាពជាតិមាតុភូមិកម្ពុជា។
ដោយអំណាចនៃបុញ្ញកម្ម ដែលព្រះសង្ឃ សីលវន្ត សីលវតី បានបង្សុកូល បដិបត្តិសមាធិក្នុងឱកាសនេះ សូមឱ្យបដិសន្ធិវិញ្ញាណរបស់ វីរៈកងទ័ពដែលបានពលីជីវិតក្នុងសមរភូមិ ទទួលបានសេចក្តីសុខក្នុងសុគតិភពកុំបីឃ្លៀងឃ្លាតឡើយ។
━━━━━━━━
#ពុទ្ធមណ្ឌល #ហ៊ឹមប៊ុនធឿន #វិបស្សនា #សមាធិ #កម្ពុជា

29/07/2025

សូមអនុមោទនា សទ្ធាជ្រះថ្លារាប់បាតប្រចាំខែ (ថ្ងៃទី២៩) របស់ញាតិញោមពុទ្ធបរិស័ទមាន៖
- អគ្គមហាឧបាសកពុទ្ធសាសនូបត្ថម្ភក៍ មាស ខេង អគ្គមហាឧបាសិកាពុទ្ធសាសនូបត្ថម្ភក៍ មួរ វួច ព្រមទាំងកូនចៅ
- អគ្គមហាឧបាសិកាពុទ្ធសាសនូបត្ថម្ភក៍ សុខ គាង និងស្វាមី ព្រមទាំងកូនចៅ
- រួមជាមួយពុទ្ធបរិស័ទ និងសហការីក្រុមញាតិ បានទទួលកាន់វេនប្រគេន-ជូនចង្ហាន់បិណ្ឌបាតដល់ព្រះសង្ឃសីលវន្ត និងសីលវតី ក្នុងវស្សានរដូវ ។ នៅក្នុងបិដកភាគ ៤៤ ទំព័រ ៨១ ត្រង់កាលទាន មានសេចក្តីជាអាទិ៍ថា ម្នាលភិក្ខុទាំងឡាយ កាលទានមាន ៥ យ៉ាងគឺ៖
១-ឱ្យទានដល់អ្នកមកថ្មី
២-ឱ្យទានដល់អ្នកមានដំណើរ
៣-ឱ្យទានដល់អ្នកមានជំងឺ
៤-ឱ្យទាន ក្នុងពេលអត់បាយ
៥-បានដំកល់ស្រូវថ្មី ផ្លែឈើដំបូង ដល់បុគ្គលមានសីលទាំងឡាយជាដំបូង ។
ដោយតេជៈនៃការបូជាប្រគេន-ជូន បិណ្ឌបាតដ៏ប្រណីតប្រពៃថ្លៃថ្លានេះ សូមសម្រេចបុណ្យកុសលដល់បុព្វការីជនមាន៖ មាតាបិតា ព្រមទាំងញាតិក្នុងសង្សារវដ្ត បានរួចចាកវដ្តទុក្ខ និអគ្គងមហាឧបាសក អគ្គមហាឧបាសិកា ព្រមទាំងកូនចៅ និងសហការីក្រុមញាតិជារឿយៗកន្លងមក តែងបានបំពេញនូវអាមិសទាន និងធម្មទាន ព្រះមានព្រះភាគទ្រង់ត្រាស់ថា ចេតនាហំ ភិក្ខវេ បុញ្ញំ វទាមិ ម្នាលភិក្ខុទាំងឡាយ តថាគត ហៅចេតនាហ្នឹងឯងជាតួបុណ្យ អ្នកមានចេតនាលះបង់នូវសេចក្តីសុខរបស់ខ្លួនប្រគល់ឱ្យអ្នកដទៃ ដោយមិនគិតពីប្រយោជន៍ខ្លួនឯង នោះហើយជាអំពើបុណ្យ ហើយបុណ្យនេះនឹងនាំឱ្យមានផលជាសុខ ។ ផលនៃការឱ្យទានគឺ៖
- អ្នកផងទាំងឡាយគេស្រឡាញ់ចូលចិត្តរាប់អាន
- តែងបានត្រឡប់មកវិញនូវសម្បត្តិដោយសុចរិត
- កេរ្តិ៍ឈ្មោះតែងផ្សព្វផ្សាយទូទៅថា ជាសប្បុរស
- ពេលហៀបនឹងមរណកាលមិនវង្វេងស្មារតី
- លុះស្លាប់ទៅហើយ បានទៅកាន់ឋានសួគ៌ទេវលោក ។
អានិសង្សទាំង៥ប្រការនេះ រមែងកើតមានដល់អ្នកសន្សំបុណ្យកុសលទាំងក្នុងលោកនេះផង និងបរលោកខាងមុខផង ។ សូមប្រសិទ្ធពរជ័យ មង្គលបរវរសួស្តី សុខភាពល្អ ចូរកើតមានដល់ញាតិញោមពុទ្ធបរិស័ទសាមីទានគ្រប់រូប ទទួលបាននូវមង្គលពរទាំងឡាយ ៤ ប្រការគឺ៖ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ។
━━━━━━━━━━━━━━━━━
ពុទ្ធមណ្ឌល,ថ្ងៃអង្គារ៍ ៤ កើត ខែស្រាពណ៍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៩ ខែកក្កដា ឆ្នាំ២០២៥

#ពុទ្ធមណ្ឌល #ហ៊ឹមប៊ុនធឿន #វិបស្សនា #សមាធិ #កម្ពុជា

28/07/2025

ព្រះសាសនមុនី ហ៊ឹម ប៊ុនធឿន ធម្មត្ថេរោ និមន្តជាព្រះអធិបតីភាព ពិធីប្រកាសតែងតាំងប្រធាន និងអនុប្រធាន គណៈកម្មការ និងលោកអាចារ្យ មជ្ឈមណ្ឌលវិបស្សនាធុរៈខេត្តកែប សាខាពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា
━━━━━━✥◈✥━━━━━━
ខេត្តកែប៖ នារសៀលនេះ ព្រះសាសនមុនី មហាកម្មដ្ឋានាចរិយ ហ៊ឹម ប៊ុនធឿន ធម្មត្ថេរោ ប្រធានពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា និមន្តជាព្រះអធិបតីភាព ពិធីប្រកាសតែងតាំងប្រធាន អនុប្រធាន និគណៈកម្មការ និងអាចារ្យ មជ្ឈមណ្ឌលវិបស្សនាធុរៈខេត្តកែប សាខាពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា ។ ពិធីនេះប្រារព្ធធ្វើនៅមជ្ឈមណ្ឌលវិបស្សនាធុរៈខេត្តកែប ស្ថិតនៅភូមិកែប សង្កាត់កែប ក្រុងកែប ខេត្តកែប មានព្រះវត្តមាន និងវត្តមាន និមន្ត-អញ្ជើញចូលរួមពី៖
- ព្រះធម្មានុបាល តេន រ៉េម ព្រះឧត្តមធម្មវេទី និងជាព្រះមេគណខេត្តកែប
- ព្រះធម្មរក្ខិតោ គីម ហ៊ា តំណាងព្រះបញ្ញាចារ្យ យ៉ោង វៃ និងជាព្រះអនុគណក្រុងកែប
- ព្រះរាជាគណៈ ព្រះថេរានុត្ថេរៈ
- លោក លោក មៀច អែម ប្រធានមន្ទីរធម្មការ និងសាសនាខេត្តកែប
- គណៈកម្មការ លោកអាចារ្យ សីលវន្ត សីលវតី និងពុទ្ធបរិស័ទជិតឆ្ងាយ ក៏បានអញ្ជើញចូលរួមផងដែរ ។
━━━━━━━━━
ពុទ្ធមណ្ឌល,ថ្ងៃចន្ទ ៣កើត ខែស្រាពណ៍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៨ ខែកក្កដា ឆ្នាំ២០២៥

28/07/2025

សូមអនុមោទនាសទ្ធាជ្រះថ្លារបស់ញាតិញោមពុទ្ធបរិស័ទជិតឆ្ងាយ ប្រគេន-ជូននិច្ចភត្តថ្ងៃត្រង់ ដល់ព្រះសង្ឃ សីលវន្ត សីលវតី និងរាប់បាតប្រចាំថ្ងៃ
━━━━━━━━✥◈✥━━━━━━━━
បុគ្គលកាលឲ្យទាន រមែងជាទីស្រឡាញ់ ជាអ្នកអនុកូលទៅតាមធម៌របស់ពួកសប្បុរស ពួកសព្រហ្មចារី អ្នកសង្រួម មានចិត្តស្ងប់រម្ងាប់ រមែងរាប់រកបុគ្គល នោះសព្វកាល ពួកព្រហ្មចារីនោះ រមែងសំដែងធម៌ ជាគ្រឿងបន្ទោបង់នូវទុក្ខទាំងអស់ ដល់បុគ្គលនោះ ទាំងបុគ្គលនោះ ដឹងនូវធម៌ហើយ ជាអ្នកមិនមានអាសវៈ រមែងបរិនិព្វាន ក្នុងលោកនេះ។ (បិដកភាគ ៤៤ ទំព័រ ៨១)

27/07/2025

សូមអនុមោទនា ដោយទឹកចិត្តជ្រះថ្លាពីសំណាក់ម្ចាស់វេនរួមមានព្រះភិក្ខុសមថធរោ ស្រី កិត្យាវុធ បានដង្ហែប្រទក្សិណព្រះបរមកេសធាតុចេតិយ នមស្ការក្រាបថ្វាយបង្គំ បូជាប្រទីប ថ្វាយទឹកអដ្ឋបាន ចំពោះព្រះបរមកេសធាតុនៃព្រះជិនស្រី និងការចម្រើនបដិបត្តិសមាធិ។
សម្រាប់ព័ត៌មានបន្ថែម ញាតិញោមពុទ្ធបរិស័ទ អាចទំនាក់ទំនង មកមកកាន់ពុទ្ធមណ្ឌលវិបស្សនាធុរៈ តាមរយៈលេខទូរស័ព្ទ ឬតេលេក្រាមដូចខាងក្រោម៖
- ០៩៦ ២៨៣ ៦៥៦០ លោកអាចារ្យ ហ៊ុយ ហ៊ន
https://t.me/bong242241 Link Telegram រូបថត
Connect with Vipassana Dhura Buddhist Center of the Kingdom of Cambodia.

📱 Facebook (https://www.facebook.com/profile.php?id=100069247460334)

📱 Telegram (https://t.me/cb_vipassana_center)

📱 Website (https://bvdcc.org/about-us/)

📱 TikTok (https://www.tiktok.com/?_t=ZS-8yBqbTGr9Ws&_r=1)

📱 YouTube (https://www.youtube.com/channel/UCfvuLIP23QXR_26MjuJZ10w)

#ពុទ្ធមណ្ឌល #ហ៊ឹមប៊ុនធឿន #វិបស្សនា #សមាធិ #កម្ពុជា

27/07/2025

ពិធីបុណ្យគម្រប់ខួប ១០០ ថ្ងៃ ឧទ្ទិសកុសលជូន លោក តាំង ឃុនទី គម្រប់ខួប ១០០ ថ្ងៃ និងញាតិកា ៧ សន្តាន
━━━━━━━━━━━━━━━━━
នាព្រឹកថ្ងៃអាទិត្យ ២កើត ខែស្រាពណ៍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៧ ខែកក្កដា ឆ្នាំ២០២៥ នៅពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា បាននិមន្តព្រះសង្ឃចំនួន ៥ ព្រះអង្គ មានព្រះសាសនមុនី ហ៊ឹម ប៊ុនធឿន ធម្មត្ថេរោ ជាព្រះអធិបតីសង្ឃ ប្រារព្ធពិធីសូត្រមន្តចម្រើនព្រះបរិត្ត វេរភត្តាហារ បត្តានុមោទនា បង្សុកូល ផ្សាយមេត្តាធម៌ និងប្រគេន-ជូនចង្ហាន់ភត្តថ្ងៃត្រង់ដល់ព្រះសង្ឃ សីលវន្ត និងសីលវតី នៃបុណ្យទក្ខិណានុប្បទានគម្រប់ខួប ១០០ ថ្ងៃ ដើម្បីឧទ្ទិសកុសលជូន៖ លោក តាំង ឃុនទី ព្រមទាំងញាតិកា ៧ សន្តានដែលបានចែកឋានទៅកាន់បរលោក !
អ្នកផ្តើមបុណ្យ៖
- ឧបាសិកា អ៉ីន ម៉ាលីន ព្រមទាំងកូនចៅ (ផ្សារបាត់ដឹង ក្រុងឧដុង្គម៉ែជ័យ)
- ញាតិមិត្ត ក៏បានអញ្ជើញចូលរួមកម្មវិធីបុណ្យនេះផងដែរ ។

ដោយអំណាចនៃបុញ្ញកម្ម ដែលឧបាសិកា ព្រមទាំងកូនចៅ និង ញាតិមិត្ត បានបំពេញទានដ៏ប្រសើរក្នុងឱកាសនេះ សូមឧទ្ទិសផ្សាយកុសលផលបុណ្យ ដែលកើតអំពីបរិត្តសូត្រ និងអានិសទាន នាពេលនេះ និងពេលកន្លងមក សូមសម្រេចកើតមានដល់លោក តាំង ឃុនទី សូមបានទៅប្រតិស្ថានក្នុងទីស្ថានបរមសុខសួគ៌ទេវលោកជាភិយ្យោភាព ។

26/07/2025

សូមអនុមោទនា ដោយទឹកចិត្តជ្រះថ្លាពីសំណាក់ម្ចាស់សាមីវេនរួមមាន
- ធម្មឃោសាចារ្យ មហាឧបាសកពុទ្ធសាសនូបត្ថម្ភក៍ ឡឹក សំអាត
- មហាឧបាសិកាពុទ្ធសាសនូបត្ថម្ភក៍ ឈុន វណ្ណា
- ព្រមទាំងសីលវតីសិក្សា-បដិបត្តិសមថ វិបស្សនាកម្មដ្ឋាន ថ្នាក់ទី២
បានដង្ហែប្រទក្សិណព្រះបរមកេសធាតុចេតិយ នមស្ការក្រាបថ្វាយបង្គំ បូជាប្រទីប ថ្វាយទឹកអដ្ឋបាន ចំពោះព្រះបរមកេសធាតុនៃព្រះជិនស្រី និងការចម្រើនបដិបត្តិសមាធិ។
សម្រាប់ព័ត៌មានបន្ថែម ញាតិញោមពុទ្ធបរិស័ទ អាចទំនាក់ទំនង មកមកកាន់ពុទ្ធមណ្ឌលវិបស្សនាធុរៈ តាមរយៈលេខទូរស័ព្ទ ឬតេលេក្រាមដូចខាងក្រោម៖
- ០៩៦ ២៨៣ ៦៥៦០ លោកអាចារ្យ ហ៊ុយ ហ៊ន
https://t.me/bong242241 Link Telegram រូបថត

ពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា

31/07/2025

31/07/2025

31/07/2025

30/07/2025

30/07/2025

29/07/2025

29/07/2025

28/07/2025

28/07/2025

27/07/2025

27/07/2025

26/07/2025

Address

Website

Alerts

Contact The Practice

Shortcuts

Share

Category