What are the opening hours?

Monday 08:00 - 17:00 Tuesday 08:00 - 17:00 Wednesday 08:00 - 17:00 Thursday 08:00 - 17:00 Friday 08:00 - 17:00

Japan Heart／មជ្ឈមណ្ឌលព្យាបាលកុមារ បេះដូងជប៉ុន

Home
Cambodia
Oudong
Japan Heart／មជ្ឈមណ្ឌលព្យាបាលកុមារ បេះដូងជប៉ុន

Welcome to Japan Heart Children’s Medical Center! We are a non-profit medical organization.

26/09/2025

🦷✨ ដំណើរទស្សនកិច្ច និងការពិនិត្យសុខភាពមាត់ធ្មេញ ដោយទន្តបណ្ឌិតមកពីប្រទេសជប៉ុន

នៅថ្ងៃទី២៤ ដល់២៦ ខែកញ្ញា ២០២៥ នៅមជ្ឈមណ្ឌលព្យាបាលកុមារ បេះដូងជប៉ុន បានទទួលស្វាគមន៍ទន្តបណ្ឌិតស្ម័គ្រចិត្តចំនួនពីររូបពីប្រទេសជប៉ុន ដែលបានមកទស្សនកិច្ចដោយផ្ទាល់ និងបានធ្វើការពិនិត្យសុខភាពមាត់ធ្មេញដល់ក្មេងៗជាច្រើននាក់ ដែលកំពុងសម្រាកព្យាបាលក្នុងមន្ទីរពេទ្យ។

ក្នុងអំឡុងពេលនៃដំណើរទស្សនកិច្ចនេះ ក្រុមទន្តបណ្ឌិតក៏បានដឹកនាំសិក្ខាសាលាមួយស្តីអំពីការថែទាំសុខភាពមាត់ធ្មេញ ក្នុងគោលបំណង ចែករំលែកចំនេះដឹង ដល់អ្នកជំងឺ និងអាណាព្យាបាលគ្រប់រូបឱ្យយល់បន្ថែមទៀតអំពីរបៀបថែទាំសុខភាពមាត់ធ្មេញឱ្យបានត្រឹមត្រូវ និងល្អប្រសើរផងដែរ។ 🍀

24/09/2025

ក្តីសង្ឃឹម និងបំណងប្រាថ្នារបស់លីណា
លីណា អាយុ ១២ ឆ្នាំ ជាក្មេងស្រីដែលមានស្នាមញញឹមដ៏ស្រស់បំព្រង និងមានចំណង់ចំណូលចិត្តទៅលើការច្នៃម៉ូត។ លីណាត្រូវបានធ្វើរោគវិនិច្ឆ័យឃើញថាមានជំងឺមហារីកឆ្អឹង(osteosarcoma)។ ពេលដែលដឹងថាខ្លួនមានជំងឺបែបនេះ ពិតជាធ្វើឱ្យគាត់មានការព្រួយបារម្មណ៍ និងពិបាកចិត្តយ៉ាងខ្លាំង។ គាត់បានបញ្ជូនមកមជ្ឈមណ្ឌលព្យាបាលកុមារ បេះដូងជប៉ុន ហើយបានចាប់ផ្តើមទទួលការព្យាបាលជាបន្តបន្ទាប់ទៅតាមដំណាក់កាល។

នៅក្នុងបន្ទប់ថែទាំ យើងតែងតែឃើញលីណា ជាក្មេងស្រីដែលរីករាយ ហើយចូលចិត្តបង្រៀនមិត្តភក្តិពីរបៀបតុបតែងមុខ លាបថ្នាំក្រចក ធ្វើសក់ជាដើម។ ពេលដែលពួកគេជួបជុំគ្នា តែងតែជាពេលវេលាដ៏សប្បាយរីករាយបំផុត ពេលនោះយើងនឹងលឺសំលេងសើចក្អាកក្អាយពេញបន្ទប់ថែទាំ។ ថ្ងៃមួយ លីណា បានជជែកលេងជាមួយយើង ពីផែនការអនាគតរបស់គាត់ នាងបាននិយាយថា៖ «ខ្ញុំចង់ក្លាយជាជាងធ្វើសក់ ហើយក៏ចង់មានហាងផ្ទាល់ខ្លួនផងដែរ»។ បន្ថែមពីនេះទៀត ម្តាយរបស់លីណាក៏បានចែករំលែកថា៖ «បើពួកយើងមិនបានមកដល់ទីនេះទេ កូនស្រីខ្ញុំប្រហែលជាមិនមានជីវិតរស់នៅដល់ពេលនេះទេ» នៅពេលលីណា អាចត្រឡប់ទៅផ្ទះវិញបាន លោកស្រីនឹងនៅតែបន្តជួយគាំទ្រកូនជានិច្ច ដើម្បីជួយឱ្យកូនស្រីអាចសម្រេចនូវក្តីស្រមៃជាច្រើន ដែលគាត់មានសម្រាប់ថ្ងៃអនាគត។

បច្ចុប្បន្ននេះនៅមជ្ឈមណ្ឌលព្យាបាលកុមារ បេះដូងជប៉ុន មានកុមារជាង ៤០ នាក់កំពុងតែប្រយុទ្ធជាមួយនឹងមហារីកដោយភាពក្លាហាន។ យើងនឹងបន្តសកម្មភាពដ៏មានតម្លៃនេះ ដើម្បីធានាថាកុមារជាច្រើនដូចជា លីណាជាដើម នឹងអាចរស់ជាមួយនឹងក្តីសង្ឃឹមបន្តទៅមុខទៀត។

23/09/2025

🙏 សូមអរគុណសម្រាប់ការឧបត្ថម្ភគាំទ្រ 🙏
ការឧបត្ថម្ភសាច់មាន់ពី ក្រុមហ៊ុន អេសវី.ស៊ីវ៉ាយ (ខេមបូឌា) អ៊ីម-អិច ឯ.ក បានជួយជាចំណែកមួយយ៉ាងសំខាន់ក្នុងការផ្គត់ផ្គង់អាហារដល់កុមារនៅ មជ្ឈមណ្ឌលព្យាបាលកុមារ បេះដូងជប៉ុន ដើម្បីឲ្យពួកគេមានអាហារូបត្ថម្ភគ្រប់គ្រាន់ និងសុខភាពរឹងមាំ។

សូមបញ្ជាក់ផងដែរថា ក្រុមហ៊ុន អេសវី.ស៊ីវ៉ាយ (ខេមបូឌា) អ៊ីម-អិច ឯ.ក បានផ្តល់ការផ្គត់ផ្គង់សាច់មាន់ ក្នុងរយៈពេល ៦ ខែ ដើម្បីគាំទ្រដល់សកម្មភាពសុខាភិបាលនៃមជ្ឈមណ្ឌលព្យាបាលកុមារ បេះដូងជប៉ុន លើការថែទាំសុខភាពសម្រាប់កុមារនៅកម្ពុជា។
សូមថ្លែងអំណរគុណយ៉ាងជ្រាលជ្រៅចំពោះការជួយគាំទ្រដល់សុខភាពកុមារកម្ពុជា!

22/09/2025

🏥 អត្ថបទទី៧ នៃគម្រោងមន្ទីរពេទ្យថ្មី៖ វឌ្ឍនភាពនៃមន្ទីរពេទ្យសាខាថ្មីរបស់យើង! ✨

គម្រោងសាងសងមន្ទីរពេទ្យថ្មីនេះ គឺក្នុងគោលបំណងពង្រីកវិសាលភាព ក្នុងការផ្តល់សេវាសុខាភិបាលដែលមានគុណភាពខ្ពស់ និងប្រកបដោយសេចក្ដីមេត្តាករុណាដល់កុមារ ដោយមិនរើសអើងជាតិសាសន៍ សាសនា ឬកត្តាជីវភាពបែបណាឡើយ។ ខាងក្រោមនេះជាភាពខុសគ្នាមួយចំនួន រវាងមន្ទីរពេទ្យបច្ចុប្បន្ន និងគម្រោងមន្ទីរពេទ្យសាខាថ្មី នៃអង្គការបេះដូងជប៉ុន៖

① ចំនួនគ្រែកើនឡើងប្រហែល ៤ ដងច្រើនជាងមុន បើប្រៀបធៀបនឹងចំនួនគ្រែបច្ចុប្បន្នដែលយើងមាន!
ផ្នែកសម្រាកពេទ្យចំពោះជំងឺកុមារបច្ចុប្បន្នមានគ្រែសរុបចំនួន ៥០ គ្រែប៉ុណ្ណោះ ជាមួយនឹងការបើកដំណើរការមន្ទីរពេទ្យសាខាថ្មី យើងនឹងអាចទទួលព្យាបាលអ្នកជំងឺបានច្រើនជាងមុន ដែលមានគ្រែសរុបចំនួន ២០០ គ្រែ។

② បន្ទប់វះកាត់ដែលមានកម្រិតស្តង់ដាដូចប្រទេសជប៉ុន!
ជាមួយនឹងបន្ទប់វះកាត់ ដែលបំពាក់ទៅដោយឧបករណ៍បរិក្ខារទំនើបថ្មីៗ នឹងអាចជួយបង្កើនគុណភាព សុវត្តិភាព និងប្រសិទ្ធភាពបានកាន់តែខ្ពស់ដល់អ្នកជំងឺ។

💡 សូមបងប្អូនចុចlike និងfollow page ដើម្បីទទួលព័ត៌មានថ្មីៗអំពីគម្រោងមន្ទីរពេទ្យសាខាថ្មីរបស់យើង។

21/09/2025

សូមអនុមោទនា ពិធីបុណ្យភ្ជុំបិណ្ឌ ថ្ងៃអាទិត្យ ១៤រោច ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២១ ខែកញ្ញា ឆ្នាំ២០២៥

ពិធីបុណ្យភ្ជុំបិណ្ឌជាបុណ្យប្រពៃណីជាតិខ្មែរ ដែលប្រារព្ធជារៀងរាល់ឆ្នាំ តាំងពីបុរាណកាលមក សម្រាប់ប្រជាពលរដ្ឋខ្មែរធ្វើបុណ្យ សាងកុសល ដើម្បីឧទ្ទិសផលបុណ្យជូនបុព្វការីជន និងអ្នកមានគុណ ព្រមជាឱកាសដ៏ថ្លៃថ្លាសម្រាប់ជួបជុំក្រុមគ្រួសារ និងបងប្អូន ញាតិមិត្ត ជិតឆ្ងាយ។

❤🙏សូមជូនពរបងប្អូនទាំងអស់ ជួបប្រទះនូវសេចក្តីសុខ ចាកផុតទុក្ខភ័យទាំងឡាយទាំងពួងក្នុងរដូវបិណ្ឌភ្ជុំនេះ។
#ភ្ជុំបិណ្ឌ #មជ្ឈមណ្ឌលព្យាបាលកុមារបេះដូងជប៉ុន

20/09/2025

❤❤មជ្ឈមណ្ឌលព្យាបាលកុមារ បេះដូងជប៉ុន បានផ្តល់ការព្យាបាលដល់អ្នកជំងឺកុមារមហារីក ដោយឥតគិតថ្លៃជាច្រើនករណីមកហើយ ជាពិសេសកុមារដែលមានជំងឺមហារីក (solid tumors)។ បច្ចុប្បន្ននេះ យើងកំពុងថែទាំ និងព្យាបាល កុមារចំនួន ៤០ នាក់ ដែលពួកគេកំពុងប្រយុទ្ធយ៉ាងក្លាហាននឹងជំងឺមហារីក។ យើងនៅតែបន្តបេសកកម្មក្នុងការសង្គ្រោះជីវិតកុមារឱ្យបានច្រើនតាមដែលអាចធ្វើទៅបាន ជាមួយនឹងការថែទាំប្រកបដោយគុណភាពខ្ពស់ និងក្តីមេត្តាករុណា។ ការតាមដាន (Follow) ឬ Share ទំព័រហ្វេសប៊ុកយើងខ្ញុំ ក៏ជាការបង្ហាញពីការគាំទ្រដល់សកម្មភាពសប្បុរសធម៌នេះផងដែរ។ សូមចូលរួមជាមួយពួកយើង ដើម្បីបន្តបេសកកម្មដ៏មានសារៈសំខាន់មួយនេះទាំងអស់គ្នា។

17/09/2025

🧑‍🔬 ‎ទស្សនីយភាពនៃការបង្កកំណើតរបស់សត្វអណ្តើកសមុទ្រ!
‎
‎នាសប្តាហ៍មុន ដោយមានការគាំទ្រពី Okinawa Churaumi Aquarium យើងបានបន្តកម្មវិធីសិក្សាអនឡាញពិសេសមួយអំពីសត្វអណ្តើកសមុទ្រ។
‎
‎ក្មេងៗបានរៀនច្រើនណាស់អំពីភាពខុសគ្នារវាងអណ្តើកធម្មតា និងអណ្តើកសមុទ្រ ព្រមទាំងជីវិតដ៏គួរឱ្យចាប់អារម្មណ៍របស់អណ្តើកសមុទ្រផងដែរ។
‎ក្នុងអំឡុងពេលវគ្គសំណួរ-ចម្លើយ ពួកគេបានសួរសំណួរមួយហើយមួយទៀតជាមួយការចង់ដឹង ចង់ឃើញ ចង់ស្វែងយល់បន្ថែម ដែលធ្វើឱ្យវគ្គសិក្សានេះមានភាពសប្បាយរីករាយ ផ្សារភ្ជាប់នឹងចំណេះដឹង។
‎
‎សូមថ្លែងអំណរគុណយ៉ាងជ្រាលជ្រៅចំពោះសារមន្ទីរសមុទ្រ Okinawa Churaumi ចំពោះឱកាសដ៏ពិសេសនេះ!

15/09/2025

🏥 អត្ថបទទី៦ នៃគម្រោងមន្ទីរពេទ្យថ្មី ៖ ចក្ខុវិស័យ នៃមជ្ឈមណ្ឌលវេជ្ជសាស្រ្តកុមារអាស៊ី បេះដូងជប៉ុន
ក្នុងពេលដែលយើងកំពុងរៀបចំបើកដំណើរការមន្ទីរពេទ្យកុមារថ្មីមួយទៀតនៅកម្ពុជា យើងបានកំណត់គោលដៅសំខាន់ៗចំនួនបីដូចខាងក្រោម៖

① ពង្រីកវិសាលភាព ក្នុងការផ្តល់សេវាសុខាភិបាលសម្រាប់កុមារនៅកម្ពុជា
លើកកម្ពស់លទ្ធភាពនៃការទទួលបាននូវសេវាសុខភាព ជាមួយនឹងគ្រូពេទ្យដែលមានសមត្ថភាពខ្ពស់ និងការបំពាក់បរិក្ខារវេជ្ជសាស្រ្តទំនើប យើងនឹងអាចផ្តល់ការព្យាបាលដល់កុមារជាច្រើននាក់ ដែលកំពុងត្រូវការជំនួយ។

② ការព្យាបាល ដោយផ្តោតលើសុខភាព និងសុខមាលភាពរបស់កុមារ
យើងនឹងបង្កើតមន្ទីរពេទ្យមួយដែលធានាថាកុមារនឹងមិនត្រូវបានបោះបង់ក្តីសុបិន្តរបស់ពួកគេឡើយ កុមារនៅតែអាចទទួលបាននូវភាពកក់ក្តៅ បរិយាកាសរស់នៅសុវត្តិភាព បន្តការលូតលាស់ និងការអភិវឌ្ឃ ទោះជាពួកគេកំពុងតែស្ថិតក្នុងពេលវេលាដ៏លំបាកយ៉ាងណាក៏ដោយ។

③ អភិវឌ្ឍជំនាញវិជ្ជាជីវៈផ្នែកសុខាភិបាល
មន្ទីរពេទ្យថ្មីនេះ នឹងក្លាយជាកន្លែងបណ្តុះបណ្តាលជំនាញវេជ្ជសាស្រ្ត ដើម្បីអភិវឌ្ឍគុណវុឌ្ឍធនធានមនុស្សក្នុងប្រទេសកម្ពុជា ដើម្បីរួមចំណែកក្នុងការពង្រឹងគុណភាពសុខាភិបាល។

☑️សូមបងប្អូនចុចlike និងfollow page ដើម្បីទទួលព័ត៌មានផ្សេងៗទៀតអំពីគម្រោងមន្ទីរពេទ្យថ្មីរបស់យើង។

14/09/2025

មជ្ឈមណ្ឌលព្យាបាលកុមារ បេះដូងជប៉ុន បានរៀបចំវគ្គបណ្តុះបណ្តាលស្តីអំពីការជួយសង្គ្រោះបេះដូងកុមារកម្រិតបឋម។

នាថ្ងៃទី០៥ ដល់ ០៧ ខែសីហា វគ្គបណ្តុះបណ្តាល "សង្គ្រោះបេះដូងកុមារកម្រិតបឋម" ត្រូវបានរៀបចំឡើងនៅមជ្ឈមណ្ឌលព្យាបាលកុមារ បេះដូងជប៉ុន។ វគ្គបណ្តុះបណ្តាលនេះត្រូវបានបង្រៀនដោយ ក្រុមវេជ្ជបណ្ឌិតឯកទេសដែលមានបទពិសោធន៍ច្រើនឆ្នាំពីប្រទេសជប៉ុន ជូនដល់សិក្ខាកាមដែលជា វេជ្ជបណ្ឌិត និងគិលានុបដ្ឋាកចំនួន ២១នាក់។ ក្នុងនោះ សិក្ខាកាមចំនួន ៨នាក់ ត្រូវបានជ្រើសរើសឱ្យចូលរួម វគ្គបណ្តុះបណ្តាលគ្រូបង្គោល ស្តីពីការជួយសង្គ្រោះបេះដូងកុមារកម្រិតបឋម ផងដែរ។ កម្មវិធីបណ្តុះបណ្តាលនេះ គឺសំដៅទៅលើការពង្រឹងគុណភាពនៃការជួយសង្គ្រោះបឋមចំពោះកុមារ ឲ្យទាន់ពេលវេលា និងមានប្រសិទ្ធភាពខ្ពស់ ប្រកបដោយសុវត្ថិភាព និងចាំបាច់នូវការធ្វើបច្ចុប្បន្នភាពចំណេះដឹងជាប្រចាំ ស្របតាមការវិវឌ្ឍន៍នៃវិទ្យាសាស្ត្រ បច្ចេកវិទ្យា ជាពិសេសដើម្បីលើកកម្ពស់គុណវុឌ្ឍដល់បុគ្គលិកតាមផ្នែកនានាក្នុងមន្ទីរពេទ្យ។

សូមបញ្ជាក់ផងដែលថាវគ្គបណ្តុះបណ្តាលរយៈពេល៣ថ្ងៃនេះ បានផ្តល់នូវចំណេះដឹងទូលំទូលាយដល់បុគ្គលិកគ្រប់ផ្នែកពាក់ព័ន្ធតាមរយៈ ការបង្រៀនទ្រឹស្តី ការបង្ហាញជាក់ស្តែង ការសម្តែងតួនាទី និងការពិភាក្សាចែករំលែកបទពិសោធន៍។
វេជ្ជបណ្ឌិត ដែលបានចូលរួមវគ្គនេះ បានចែករំលែកថា៖
«ខ្ញុំមានទំនប់ចិត្តជាងមុន ក្នុងការសង្រ្គោះបង្ទាន់ចំពោះកុមារ។ ខ្ញុំចង់ចែករំលែកចំណេះដឹងនេះទៅកាន់បុគ្គលិកក្នុងក្រុម និងជួយកសាងប្រព័ន្ធមួយដែលក្រុមការងាររបស់យើងអាចធ្វើការជាមួយគ្នា ដើម្បីសង្គ្រោះកុមារប្រកបដោយប្រសិទ្ធភាពខ្ពស់»។

នៅពេលដែលមន្ទីរពេទ្យថ្មីនឹងត្រូវបើកដំណើរការនាពេលឆាប់ៗនេះ បុគ្គលិករបស់យើងបន្តទទួលការបណ្តុះបណ្តាលជំនាញឯកទេស និងត្រៀមខ្លួនរួចជាស្រេចក្នុងការផ្តល់សេវាថែទាំ សង្រ្គោះ និងព្យាបាលដល់កុមារ ប្រកបដោយគុណភាព និងប្រសិទ្ធភាពខ្ពស់។

12/09/2025

✨ ថ្ងៃទី៣-៦ ខែកញ្ញា ឆ្នាំ២០២៥ ✨
ក្រុមគ្រូពេទ្យស្ម័គ្រចិត្តពីប្រទេសជប៉ុន ដឹកនាំដោយលោកវេជ្ជបណ្ឌិត Aoyama (ឯកទេសវះកាត់កុមារ និងផ្នែកប្រព័ន្ធផ្លូវទឹកនោម) បានធ្វើការសហការជាមួយគ្រូពេទ្យកម្ពុជា ដើម្បីវះកាត់ដល់កុមារជាច្រើននាក់។
ចាប់តាំងពីឆ្នាំ២០១១មក វេជ្ជបណ្ឌិត Aoyama បានធ្វើដំណើរទៅប្រទេសមីយ៉ាន់ម៉ា កម្ពុជា និងឡាវ ជាង ២០ដងជាមួយអង្គការបេះដូងជប៉ុន ដោយបានធ្វើការវះកាត់ជាង ៣២០ករណី។ លោកក៏បានជួយដល់កុមារជាច្រើនទៀត ដែលត្រូវការការព្យាបាលកម្រិតខ្ពស់នៅប្រទេសជប៉ុនផងដែរ។

❤️🙏 យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះការឧបត្ថម្ភគាំទ្រពីសប្បុរសជនទាំងអស់គ្នា ដែលបានជួយឱ្យយើងអាចផ្តល់ការព្យាបាលដល់អ្នកជំងឺជាច្រើននាក់ដោយឥតគិតថ្លៃ។ សូមមេត្តាបន្តគាំទ្រមកកាន់មជ្ឈមណ្ឌលព្យាបាលកុមារ បេះដូងជប៉ុន ដើម្បីជួយសង្គ្រោះជីវិតអ្នកជំងឺជាច្រើនទៀត។

10/09/2025

នៅសល់តែ២ខែទៀត មន្ទីរពេទ្យថ្មីមួយទៀតនឹងបើកដំណើរការ ពួកយើងពិតជាត្រូវការគាំទ្រពីអ្នកទាំងអស់គ្នា

បច្ចុប្បន្ននេះ កុមារជាង ៤០នាក់កំពុងទទួលការព្យាបាលជំងឺមហារីកដោយឥតគិតថ្លៃនៅមជ្ឈមណ្ឌលព្យាបាលកុមារ បេះដូងជប៉ុន។
ក្នុងរយៈពេល២ខៃទៀតនេះ មន្ទីរពេទ្យថ្មីនឹងត្រូវបើកដំណើរការ ដោយនាំមកនូវក្តីសង្ឃឹមដល់កុមារដែលត្រូវការជំនួយជាច្រើននាក់ទៀត។

✨ យើងខ្ញុំ ពិតជាត្រូវការការគាំទ្រពីអ្នកទាំងអស់គ្នា ការបរិច្ចាគទាំងអស់ មិនថាចំនួនតិច ឬច្រើន សុទ្ធតែអាចផ្លាស់ប្តូរជីវិត និងអនាគតរបស់កុមារបាន។
👉 សូមស្កេន KHQR ខាងក្រោម ដើម្បីចូលរួមចំណែក។ 🙏
ー
1. ABA PayWay: https://link.payway.com.kh/D9111625f
ABA: 001657390
2. WING: 101740600
3. ASIA WEI LUY: 6068
4. FTB: 300010703275
5. ACLEDA: 00010375999517
6. SATHAPANA: 00608727
7. CHIP MONG: 10072075
8. PPC Bank: 1-120-00150778-8
ー
#បរិច្ចាគ #សង្គ្រោះជីវិត #មហារីកកុមារ #មជ្ឈមណ្ឌលព្យាបាលកុមារបេះដូងជប៉ុន

09/09/2025

កុមារី រចនា អាយុ ៧ឆ្នាំ ដែលកំពុងព្យាបាលជំងឺមហារីក Rhabdomyosarcoma នៅមជ្ឈមណ្ឌលព្យាបាលកុមារ បេះដូងជប៉ុន។ ការព្យាបាលបានចាប់ផ្តើមតាំងពី ខែមីនា ឆ្នាំ២០២៥ មកម្លេះ រចនាត្រូវបន្តការព្យាបាលដោយថ្នាំគីមី រួមផ្សំនិងការព្យាបាលដោយការវះកាត់ផងដែរ។

នៅពេលដែលទើបមកដល់មន្ទីរពេទ្យជាលើកដំបូង ក្មេងតូចម្នាក់នេះពិតជាមានភាពភ័យខ្លាចខ្លាំង និងមានអាកប្បកិរិយាស្ងៀមស្ងាត់ ស្រគត់ស្រគំ។ ប៉ុន្មានខែក្រោយបន្ទាប់ពីបានទទួលការព្យាបាលដោយកក់ក្តៅ និងយកចិត្តទុកដាក់ពីក្រុមគ្រូពេទ្យ រចនាហាក់ដូចជាអាចសម្របខ្លួនក្នុងបរិយាកាសមន្ទីរពេទ្យបានល្អ គាត់ចាប់ផ្តើមចូលចិត្តលេងច្រើន ក្លាហាន រហ័សរហួន។ ភាពក្រមិចក្រមើម គួរឱ្យស្រលាញ់របស់ក្មេងតូចនេះ តែងតែបង្កើតស្នាមញញឹម និងបរិយាកាសរីករាយក្នុងបន្ទប់ថែទាំជានិច្ច។
ជាការពិតណាស់ រចនាក៏មានពេលវេលាដ៏លំបាកសម្រាប់គាត់ផងដែរ ព្រោះគាត់ត្រូវឆ្លងកាត់ការវះកាត់ដ៏ធំមួយ និងការព្យាបាលដោយថ្នាំគីមីជាច្រើនដង ដោយមានការថែទាំយ៉ាងយកចិត្តទុកដាក់ពីក្រុមគ្រួសារ និងក្រុមគ្រូពេទ្យ រចនាតែងតែជំនះរាល់ឧបសគ្គជាច្រើន ដែលនាងបានជួបជាមួយភាពខ្លាំងក្លាដ៏អស្ចារ្យ របស់នាងជានិច្ច។ ម្តាយរបស់នាងបានប្រាប់យើងថា «ដំបូងឡើយ នាងជាក្មេងស្ងៀមស្ងាត់ម្នាក់ ប៉ុន្តែឥឡូវនេះ មើលចុះ នាងចំណាយពេលវេលានៅទីនេះយ៉ាងសប្បាយរីករាយ។ ចំពោះខ្ញុំ មជ្ឈមណ្ឌលព្យាបាលកុមារ បេះដូងជប៉ុន គឺជាកន្លែងដែលផ្តល់នូវភាពកក់ក្តៅ និងទំនុកចិត្តយ៉ាងពិតប្រាកដ ហើយខ្ញុំពិតអរគុណខ្លាំងណាស់ ចំពោះការជួយនេះ។ ខ្ញុំសង្ឃឹមថាកុមារកម្ពុជាជាច្រើនដែលកំពុងរងទុក្ខពីជំងឺមហារីកក៏អាចទទួលបានការព្យាបាលនៅទីនេះដែរ»។

ដំណើរឆ្ពោះទៅមុខរបស់រចនាមិនមែនជាការងាយស្រួលនោះទេ ប៉ុន្តែនាងបានបន្តដំណើរជាមួយនឹងសេចក្តីក្លាហាន។ តាមរយៈរឿងរ៉ាវរបស់នាង យើងអាចឆ្លុះបញ្ចាំងបានថា ទោះបីជាកុមារកំពុងស្ថិតនៅស្ថានភាពដ៏ពិបាកយ៉ាងណាក្តី គាត់ក៏នៅតែអាចរកឃើញនូវភាពរីករាយ ជាមួយនិងថាមពលដ៏ខ្លាំងក្លាដើម្បីបន្តស្នាមញញឹមបានផងដែរ។

Address

C/O Ponhea Leu Referral Hospital, Chaktoteus Village, Vihear Lourng Commune, Ponhea Leu District, Kandal Province
Oudong

Opening Hours

Monday	08:00 - 17:00
Tuesday	08:00 - 17:00
Wednesday	08:00 - 17:00
Thursday	08:00 - 17:00
Friday	08:00 - 17:00

Telephone

+85577959471

Website

https://www.japanheartcambodia.org/

Alerts

Be the first to know and let us send you an email when Japan Heart／មជ្ឈមណ្ឌលព្យាបាលកុមារ បេះដូងជប៉ុន posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Japan Heart／មជ្ឈមណ្ឌលព្យាបាលកុមារ បេះដូងជប៉ុន:

Shortcuts

Address
Telephone
Opening Hours
Alerts
Contact The Practice
Claim ownership or report listing

Want your practice to be the top-listed Clinic in Oudong?

Our Story

[ English Below ] Heart Children’s Medical Center គឺជាអង្គការវេជ្ជសាស្រ្តមិនរកប្រាក់ចំណេញ បេសកកម្មរបស់យើងគឺផ្តល់ ជួននូវការថែទាំសុខភាពសម្រាប់ប្រជាជនដែលនៅតំបន់ដាច់ស្រយាល។ នៅឆ្នាំ ២០០៩ ពួកយើងបានចាប់ផ្តើមបង្តើតសកម្មភាពវេជ្ជសាស្រ្តចល័ត។ ពួកយើងចង់ឲ្យប្រជាជនក្នុងតំបន់ទទួលបានការថែទាំសុខភាព ក៏ដូចជាការវះកាត់យ៉ាងត្រឹមត្រូវ។ ខណៈពេលដែលយើងកំពុងតែផ្តល់ជូននូវការបម្រើសេវាកម្មវេជ្ជសាស្រ្តចល័តពួកយើងក៏បានបង្កើតមជ្ឈមណ្ឌលវេជ្ជសាស្ត្រនៅក្នុងស្រុកឧដុង្គខេត្តកណ្តាលដែលមានទាំងការព្យាបាលជំងឺទូទៅ និងការវះកាត់នៅក្នុងឆ្នាំ២០១៦។ ចាប់ទាំងពីពេលនោះមកពួកយើងក៏បានចូលរួមចំណែកក្នុងការអភិវឌ្ឍជំនាញវេជ្ជបណ្ឌិត គិលានុបដ្ឋាយិកា និងឆ្មប។ ជាធម្មតាពួកយើងបានផ្តល់ការវះកាត់ដល់កុមារដែលមានជំងឺដូចជា ដុំសាច់ដុះលើក្រពះ (Stomach tumor) , ភាពមិនប្រក្រតីនៃប្រដាប់បន្តពូជ (Ge***al deformity) ការរួមតូចនិងការប៊ិតជិតណាមួយនៃរាងកាយ (Atresia) និងការលយចេញសេរីរាង្គដែលមាននៅក្នុងពោះចូលទៅក្នុងផ្នែកខ្សោយនៃជញ្ចាំងពោះ (Inguinal hernia)។ ឯកទេសរបស់យើងគឺផ្តោតលើជំងឺមហារីកក្រពះ។ ពួកយើងផ្តល់ការព្យាបាលតាមបែបវិទ្យាសាស្រ្តដោយប្រើគីមី និង ការវះកាត់ដោយវិជ្ជបណ្ឌិតឯកទេសពីប្រទេសជប៉ុនផ្ទាល់។ ពួកយើងនឹងព្យាយាមពង្រីកខ្លួននិងផ្តោតសំខាន់លើគុណភាពការថែទាំយ៉ាងពិសេសជូនប្រជាជនកម្ពុជា ។

-----------------------

Japan Heart Children’s Medical Center is a non-profit medical organization with a mission of providing medical care to people living in remote areas. In 2009, we started off our medical activity with a mobile clinic car. We went to rural villages and gave free medical treatment including surgery. While continuing such mobile activities, we established our own medical center in Oudong, Kandal Province in 2016. Since then, we contribute to developing high-quality and dedicated doctors, nurses, and midwives. Typically, we provide surgery for children with a stomach tumor, inguinal hernia, ge***al deformity, a**l atresia, etc. We specialized in treating childhood stomach cancer. We provide chemotherapy and surgeries for free by specialized doctors from Japan. We will continuously expand our capacity to provide the best high-quality care for Cambodian people.