22/04/2026
មន្ទីរពេទ្យកុមារជាតិ: រៀបចំកិច្ចប្រជុំការងារបច្ចេកទេសប្រចាំសប្តាហ៏ និង ពិភាក្សា ដោះស្រាយកិច្ចការងារទូទៅ
====== នាព្រឹកថ្ងៃអង្គារ ៥កើត ខែពិសាខ ឆ្នាំមមី អដ្ឋស័ក ព.ស. ២៥៦៩ ត្រូវនឹងថ្ងៃទី២១ ខែមេសា ឆ្នាំ២០២៦ ឯកឧត្ដមវេជ្ជបណ្ឌិត ញឹប អង្គាបុស្ស នាយកមន្ទីរពេទ្យកុមារជាតិ បានដឹកនាំកិច្ចប្រជុំប្រចាំសប្តាហ៏ដោយមានការចូលរួមពីលោកនាយករង លោកសាស្រ្តាចារ្យ លោកវេជ្ជបណ្ឌិតឯកទេស លោកប្រធាន/អនុប្រធានធានការិយាល័យ លោក-លោកស្រីសាស្រ្តាចារ្យប្រធានផ្នែក/អនុប្រធាន គ្រូពេទ្យយាមប្រចាំការ នាយសាល និងនាយប្រចាំការ។ គោលបំណងនៃការប្រជុំប្រចាំសប្តាហ៏នេះគឺមានដូច៖ ១)ការដោះស្រាយកិច្ទការទូទៅទាក់ទងការថែទាំព្យាបាល និង ការពង្រឹងក្រមសីលធម៌វិជ្ជាជីវៈ ២)ការពង្រឹងការយកចិត្តទុកដាក់លើការផ្តល់សេវាប្រកបដោយសុវត្ថិភាពជូនអ្នកជំងឺរួមមានៈ សុវត្ថិភាពក្នុងការផ្តល់ឳសថ ៣) ការពង្រឹងបដិសណ្ឋារកិច្ទ និង ការសហការណ៏ជាមួយអាណាព្យាបាលអ្នកជំងឺ ក្រុមគ្រួសារ ដោយឡែកឯកឧត្តមប្រធានក៏បានផ្តល់ធាតុចូលមួយចំនួនដូចជាៈ ការដោះស្រាយបញ្ហាតាមផ្នែកនានាត្រូវធ្វើតាម PDIA (ការបំបែកបញ្ហាឱ្យតូចៗ) ព្រមទាំងការអនុវត្តន៏តាម Checklist, SOP ឬ Guideline ជាប្រចាំស្របតាមក្រសួងសុខាភិបាល៕
