មន្ទីរពេទ្យកុមារជាតិ - NPH, #100, Federation of Russia Boulevard, Phnom Penh (2026)

Q: What is the address?

#100, Federation Of Russia Boulevard

25/02/2026

មន្ទីរពេទ្យកុមារជាតិ： ទទួលស្វាគមន៍អំណោយសប្បុរសធម៌ពី លោក ម៉េងផល្គុន និងភរិយា ព្រមទាំងបុត្រ លោក ណាវុធ និងភរិយា ព្រមទាំងបុត្រ ===== ថ្ងៃអង្គារ ៨កើត ខែផល្គុន ឆ្នាំម្សាញ់ សប្ដស័ក ព.ស ២៥៦៩ ត្រូវនឹងថ្ងៃទី២៤ ខែកុម្ភះ ឆ្នាំ២០២៦ ឯកឧត្តមវេជ្ជបណ្ឌិត ញឹប អង្គាបុស្ស នាយកមន្ទីរពេទ្យកុមារជាតិ ទទួលស្វាគមន៍នូវអំណោយសប្បុរសធម៌ពី លោក ម៉េងផល្គុន និងភរិយា ព្រមទាំងបុត្រ
ដែលបាន ឧបត្ថម្ភ អង្ករ ចំនួន ២.០០០ គ.ក និង លោក ណាវុធ និង ភរិយា ព្រមទាំងបុត្រ ២.០០០គ.ក ជូនដល់មន្ទីរពេទ្យកុមារជាតិ។
មន្ទីរពេទ្យកុមារជាតិសូមថ្លែងអំណរគុណយ៉ាងជ្រាលជ្រៅ និងសូមប្រសិទ្ធិពរបវរមហាប្រសើរជូនលោក-លោកស្រី ប្រធានក្រុមហ៊ុន ព្រមទាំងបុគ្គលិកទាំងអស់ ទទួលបាននូវពុទ្ធពរទាំង ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។

25/02/2026

មន្ទីរពេទ្យកុមារជាតិ: រៀបចំកិច្ចប្រជុំការងារបច្ចេកទេសប្រចាំសប្តាហ៏ និង ពិភាក្សា ដោះស្រាយកិច្ចការងារទូទៅ
====== នាព្រឹកថ្ងៃអង្គារ ៨កើត ខែផល្គុន ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២៥ ខែកុម្ភៈ ឆ្នាំ២០២៦ ឯកឧត្ដមវេជ្ជបណ្ឌិត ញឹប អង្គាបុស្ស នាយកមន្ទីរពេទ្យកុមារជាតិ បានដឹកនាំកិច្ចប្រជុំប្រចាំសប្តាហ៏ដោយមានការចូលរួមពីលោកនាយករង លោកសាស្រ្តាចារ្យ លោកវេជ្ជបណ្ឌិតឯកទេស លោកប្រធាន/អនុប្រធានធានការិយាល័យ លោក-លោកស្រីសាស្រ្តាចារ្យប្រធានផ្នែក/អនុប្រធាន គ្រូពេទ្យយាមប្រចាំការ នាយសាល និងនាយប្រចាំការ។ គោលបំណងនៃការប្រជុំប្រចាំសប្តាហ៏នេះគឺមានដូច៖ ១) ការពង្រឹង និងយកចិត្តទុកដាក់ការផ្តល់សេវាថែទាំព្យាបាល និង ក្រមសីលធម៌វិជ្ជាជីវះ ២)ការផ្សព្វផ្សាយពីការរៀបចំពិធីបញ្ទុះបឋមសិលាបើកការដ្ឋានសាងសង់អគារថ្មីរបស់មន្ទីរពេទ្យ នៅថ្ងៃទី៦ ខែមីនា
ឆ្នាំ ២០២៦ ដែលមានអ្នកចូលរួម១០០០នាក់ ៣) ពិធីផ្សព្វផ្សាយស្តីពីសភាពការណ៏ទូទៅ និងការងារគណ
បក្សឆ្នាំ២០២៥ នឹងទិសដៅភារកិច្ទឆ្នាំ២០២៦ ឯកឧត្ដមនាយកមន្ទីរពេទ្យកុមារជាតិក៏បានឱ្យគ្រូពេទ្យ និង បុគ្គលិកទាំងអស់ត្រូវតែយកចិត្តទុកដាក់ផ្តល់សេវាថែទាំព្យាបាលឱ្យមានសុវត្ថិភាព គុណភាព ប្រសិទ្ឋភាព ទាន់ពេលវេលា និងត្រូវមានក្រមសីលធម៌វិជ្ជាជីវៈជាប្រចាំ៕

23/02/2026

មន្ទីរពេទ្យកុមារជាតិ: ពិធីសំណេះសំណាលសួរសុខទុក្ខស្រ្តីមានផ្ទៃពោះ និង សម្រាលកូន
====== នាព្រឹកថ្ងៃច័ន្ទ ៧កើត ខែផល្គុន ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២៣ ខែកុម្ភៈ ឆ្នាំ២០២៦ លោកជំទាវ ពុំ ច័ន្ទនី អគ្គលេខាធិការកាកបាទក្រហមកម្ពុជា បានអញ្ជើញចូលរួមក្នុងពិធីចុះសំណេះសំណាល និងសួរសុខទុក្ខស្រ្តីសម្រាលកូន ស្រ្តីមានផ្ទៃពោះ ដើម្បីអបអរសាទរទិវាជាតិសុខភាពមាតា ទារក និងកុមារក្រោមប្រធានបទ "រួមគ្នាលើកកម្ពស់គុណភាព សុវត្ថិភាព ប្រសិទ្ឋភាពនៃការថែទាំផ្ទៃពោះមុនសម្រាល រួមទាំងក្នុងបរិបទមានគ្រោះអាសន្ន ឬគ្រោះមហន្តរាយ ដើម្បីធានាថាទាំងម្តាយ និងទារកមានសុខភាពល្អ៕

19/02/2026

មន្ទីរពេទ្យកុមារជាតិ: ពិធីបើកសន្និបាតបូកសរុបការងារឆ្នាំ២០២៥ និងលើកទិសដៅឆ្នាំ២០២៦ របស់មន្ទីរពេទ្យកុមារជាតិ
======
នាព្រឹកថ្ងៃពុធ ២កើត ខែផល្គុន ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី១៨ ខែកុម្ភៈ ឆ្នាំ២០២៦ ឯកឧត្តមសាស្ត្រាចារ្យ ឈាង រ៉ា បានអញ្ជើញជាអធិបតីក្នុងពិធីបើកសន្និបាតបូកសរុបការងារឆ្នាំ២០២៥ និងលើកទិសដៅឆ្នាំ២០២៦របស់មន្ទីរពេទ្យកុមារជាតិ។
ឯកឧត្តមសាស្រ្តាចារ្យរដ្ឋមន្រ្តី បានវាយតម្លៃខ្ពស់ចំពោះ មន្ទីរពេទ្យកុមារជាតិនូវភាពរីកចម្រើនរបស់មន្ទីរពេទ្យ ទាំងការងារកសាងហេដ្ឋារចនាសម្ព័ន្ធក៏ដូចជាការសាងសង់ ជុំវិញបរិវេណមន្ទីរពេទ្យ ឧបករណ៍សម្ភារៈបរិក្ខារទំនើប និងការកសាងសមត្ថភាពមន្រ្តី បុគ្គលិករបស់មន្ទីរពេទ្យឱ្យកាន់តែមានសមត្ថភាពខ្ពស់ ស្របតាមបទដ្ឋានវិទ្យាសាស្រ្ត និងស្តង់ដារជាតិ ប្រកបដោយនវានុវត្តន៍។ ឯកឧត្តមសាស្រ្តាចារ្យរដ្ឋមន្រ្តី បានផ្ដល់នូវទស្សនទានមួយចំនួន ដល់សមាជិក ក្នុងការរៀបចំនូវផែនការ និងទិសដៅសម្រាប់ការងារនៅក្នុងឆ្នាំ២០២៦ ជាអាទិ៍មាន៖
១) ពង្រឹង និងពង្រីក ហេដ្ឋារចនាសម្ព័ន្ធ របស់មន្ទីរពេទ្យដោយកែលម្អអគារ និងបរិស្ថាន
២) លើកកម្ពស់ និងបណ្តុះបណ្តាលសមត្ថភាពបន្ថែមទៀតដល់ក្រុមគ្រូពេទ្យ សមស្របទៅតាមកម្រិតស្តង់ដារជាតិ និងអន្តរជាតិ។
៣)បន្តពង្រឹងសមត្ថភាពវិជ្ជាជីវៈវេជ្ជសាស្រ្តបន្ថែមគ្រប់កម្រិត និងគ្រប់ជំនាញឯកទេស ជំនាញថ្មីៗ
៤) បន្តខិតខំពង្រឹងក្រមសីលធម៌វិជ្ជាជីវៈ ដើម្បីធានាបានការបម្រើសេវាជូនប្រជាជន និងកុមារប្រកបដោយគុណភាព និងសុវត្ថិភាព ស្របតាមបទបែបជាតិ និងអន្តរជាតិ ដែលជាការចងចាំគ្រប់ជំហានបច្ចេកទេសព្យាបាល
៥) សាមគ្គីភាព វិន័យក្នុងពេលបំពេញការងារ និងប្រចាំការ
៦) ពង្រឹងការលើកកម្ពស់គុណភាព សុវត្ថិភាព និងការទំនាក់ទំនងឱ្យបានល្អ
៧) ពង្រឹងលើបដិសណ្ឋារកិច្ច ក្នុងការផ្តល់សេវាថែទាំដល់អ្នកជំងឺ
៨) ពង្រឹងប្រព័ន្ធព័ត៌មាន និងវាយតម្លៃឱ្យបានជាប្រចាំក្នុងមន្ទីរពេទ្យ
៩) ត្រូវបន្តប្រើប្រាស់ប្រព័ន្ធប្រមូលទិន្នន័យ ជាពិសេសទាក់ទងនឹងព័ត៌មានត្រឡប់របស់អ្នកជំងឺ និងទិន្នន័យសម្រាប់ធ្វើការតាមដាន និងវាយតម្លៃគុណភាពសេវារបស់មន្ទីរពេទ្យ
ឯកឧត្តមសាស្រ្តាចារ្យរដ្ឋមន្រ្តី យុទ្ធសាស្រ្តគន្លឹះ ដល់ថ្នាក់ដឹកនាំមន្ទីរពេទ្យទាំងអស់ យកទៅអនុវត្ត ប្រកបដោយប្រសិទ្ធភាព លើចំណុចសំខាន់ៗ៖
- ការគ្រប់គ្រងមន្ទីរពេទ្យ
- ប្រសិទ្ធភាពចរន្តនៃការបញ្ជូនជំងឺ ឱ្យបានរលូន
- ត្រូវពង្រឹងប្រព័ន្ធឌីជីថល （Telemedicine ）
- អ្នកដឹកនាំត្រូវកំណត់សកម្មភាពឱ្យបានច្បាស់លាស វាយតម្លៃការអនុវត្តរបស់ខ្លួនឱ្យបានច្បាស់លាស់
- ធនធានមនុស្ស និងសម្ភារ
- នវានុវត្តន៍ ត្រូវតែមានជាមួយនឹងសមធម៌
ដោយឡែកនៅព្រឹកថ្ងៃទី១៩ខែ កុម្ភះឆ្នាំ២០២៦ លោកជំទាវសាស្រ្តចារ្យ គ្រុយ លាងស៊ីម អនុរដ្ឋលេខាធិការក្រសួងសុខាភិបាល និងជាប្រធានក្រុមប្រឹក្សាភិបាលមន្ទីរពេទ្យបានចូលរួមពិធីបិទសន្និបាតប្រចាំឆ្នាំ២០២៥និងលើកទិសដៅឆ្នាំ២០២៦ សម្រាប់មន្ទីរពេទ្យដោយបានផ្តល់ធាតុចូលមួយចំនួនសំរាប់ថ្នាក់ដឹកនាំមន្ទីរពេទ្យដូចជា
១)បន្តពង្រឹងពង្រីកគុណភាពសេវាមន្ទីរពេទ្យប្រកបដោយក្រមសីលធម៌វិជ្ជាជីវះ
២)បន្តសាមគ្គីភាពផ្ទៃក្នុងរវាងថ្នាក់ដឹកនាំនិងមន្រ្តីសុខាភិបាលទាំងអស់
៣)អនុវត្តន៏តាមសេចក្តីណែនាំរបស់ក្រសួងសុខាភិបាល និងប្រមុខដឹកនាំរបស់រាជរដ្ឋាភិបាលកម្ពុជា
៤)បន្តបណ្តុះបណ្តាលធនធានមនុស្សស្របតាមតម្រូវការរបស់មន្ទីរពេទ្យ
៥)តាមដាននិងវាយតម្លៃទិន្នន័យដើម្បីកាត់បន្ថយមរណភាពម្តាយទារក និងកុមារស្របតាមចក្ខុវិស័យក្រសួងសុខាភិបាលនៅឆ្នាំ២០៣០ ខាងមុខនេះ៕

16/02/2026

មន្ទីរពេទ្យកុមារជាតិ: ពិធីបូកសរុបលទ្ធផលការងារលើគម្រោងវះកាត់បេះដូងកុមារលើកទី១
====== នារសៀលថ្ងៃសុក្រ ១១រោច ខែមាឃ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី១៣ ខែកុម្ភៈ ឆ្នាំ២០២៦ ឯកឧត្ដមវេជ្ជបណ្ឌិត ញឹប អង្គាបុស្ស នាយកមន្ទីរពេទ្យកុមារជាតិ បានដឹកនាំរៀបចំពិធីបូកសរុបលទ្ធផលការងារលើគម្រោងវះកាត់បេះដូងកុមារលើកទី១ ដោយសហការរៀបចំជាមួយសមាគមសុខាភិបាលខ្មែរនៅអាមេរិក (CHPAA)។ ថ្លែងក្នុងពិធីនេះដែរ ឯកឧត្តមប្រធានមន្ទីរពេទ្យក៏បានរំលឹកនឹងថ្លែងអំណរគុណដល់សម្តេចអគ្គមហាសេនាបតី តេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានដឹកនាំជ្រោមជ្រែងបង្កើតមន្ទីរពេទ្យឡើងវិញ ព្រមទាំងម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ដែលបានយកចិត្តទុកដាក់ចំពោះគម្រោងវៈកាត់ជំងឺបេះដូងកុមារពីកំណើត ដើម្បីផ្តល់មកវិញនូវសុខុមាលភាព និងជីវិតដ៏ត្រចះត្រចង់។ តាមរយៈការអភិវឌ្ឍជាលំដាប់រហូតដល់ក្លាយជា មន្ទីរពេទ្យស្តង់ដារឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាលបានបន្តដឹកនាំ នឹងគាំទ្រជានិច្ទសំរាប់ការផ្តល់សេវាប្រកបដោយគុណភាព ប្រសិទ្ឋភាព នឹងទាន់ពេលវេលា។ ក្នុងកម្មវិធីនោះដែរក៏មានការប្រគល់លិខិតថែ្លងអំណរគុណជូនដល់វេជ្ជបណ្ឌិត គិលានុបដ្ឋាក បុគ្គលិក ព្រមជាមួយនឹងក្រុមគ្រូពេទ្យនៃសមាគមសុខាភិបាលខ្មែរនៅអាមេរិក(CHPAA) ផងដែរ៕

13/02/2026

មន្ទីរពេទ្យកុមារជាតិ: លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញពិនិត្យវឌ្ឍនភាពគម្រោងវះកាត់បេះដូង
កុមារ
====== ថ្ងៃព្រហស្បតិ៏ ១០រោច ខែមាឃ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី១២ ខែកុម្ភៈ ឆ្នាំ២០២៦ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអញ្ជើញពិនិត្យវឌ្ឍនភាពគម្រោងវះកាត់បេះដូងកុមារ
ដែលជាកិច្ចសហប្រតិបត្តិការរវាងមន្ទីរពេទ្យ
កុមារជាតិ និងសមាគមសុខាភិបាលខ្មែរនៅ អាមេរិក (CHPAA) ។ គម្រោងដ៏ វិសេសវិសាលនេះ ត្រូវបានបង្កើតឡើង និង អនុវត្តក្នុងគោលបំណងជួយព្យាបាលដល់កុមារ ទាំងឡាយដែលមានជំងឺបេះដូងពីកំណើត រួម ទាំងជំងឺបេះដូងផ្សេងៗ តាមរយៈព្យាបាលវះកាត់ ដោយមិនគិតថ្លៃ ដើម្បីផ្តល់មកវិញនូវ សុខុមាលភាព និងជិវិតដ៏ត្រចះត្រចង់ ដល់កុមារ កម្ពុជា។
ឆ្លៀតក្នុងវេលានេះ លោកជំទាវបណ្ឌិត បាន អញ្ជើញសួរសុខទុក្ខកុមារដែលកំពុងសម្រាក
ព្យាបាលជំងឺ ដោយ លោកជំទាវបណ្ឌិត បាន
ភ្ជាប់មកជាមួយប្រសាសន៍សួរសុខទុក្ខ និងជូនពរ
ដ៏ខ្ពង់ខ្ពស់របស់ សម្តេចអគ្គមហាសេនាបតី តេជោ ហ៊ុន សែន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងសម្តេចមហាបវរធិបតី ហ៊ុន ម៉ាណែត ផងដែរ។ លោកជំទាវបណ្ឌិត ថែមទាំងបានជួបសំណេះសំណាលជាមួយក្រុម
គ្រូពេទ្យ គិលានុបដ្ឋាក បុគ្គលិកមន្ទីរពេទ្យ រួមទាំងក្រុមគ្រូពេទ្យស្ម័គ្រចិត្តរបស់សមាគមសុខាភិបាលខ្មែរនៅអាមេរិក (CHPAA)ផងដែរ។ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានអញ្ជើញចូលរួមអមដំណើរ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ពិនិត្យវឌ្ឍនភាពគម្រោងវះកាត់បេះដូងកុមារ នៅមន្ទីរពេទ្យ
កុមារជាតិ
ដែលជាកិច្ចសហប្រតិបត្តិការរវាងមន្ទីរពេទ្យកុមារជាតិ និង
សមាគមសុខាភិបាលខ្មែរនៅអាមេរិក (CHPAA)។ឯកឧត្តមសាស្រ្តាចារ្យ ក៏បានមានប្រសាសន៏ថាៈគម្រោងដ៏វិសេសវិសាលនេះ ត្រូវបានបង្កើតឡើង និងអនុវត្តក្នុង គោលបំណងជួយព្យាបាលដល់កុមារទាំងឡាយដែលមានជំងឺបេះដូង
ពីកំណើត រួមទាំងជំងឺបេះដូងផ្សេងៗ ហើយគម្រោងនេះ ក៏ជួយបណ្តុះបណ្តាលបន្ថែមតាមរយៈការផ្លាស់ប្ដូរបទពិសោធន៍គ្នាទៅវិញទៅមករវាងវេជ្ជបណ្ឌិតកម្ពុជា និង
វេជ្ជបណ្ឌិតអាមេរិក ការជួយទ្រទ្រង់ផ្នែកឧបករណ៍បច្ចេកទេសវះកាត់
និងការជួយគាំទ្រផ្នែកស្មារតីគ្នាជាដើម៕

11/02/2026

មន្ទីរពេទ្យកុមារជាតិ: រៀបចំកិច្ចប្រជុំការងារបច្ចេកទេសប្រចាំសប្តាហ៏ និង ពិភាក្សា ដោះស្រាយកិច្ចការងារទូទៅ
====== នាព្រឹកថ្ងៃអង្គារ ៨រោច ខែបុស្ស ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី១០ ខែកុម្ភៈ ឆ្នាំ២០២៦ ឯកឧត្ដមវេជ្ជបណ្ឌិត ញឹប អង្គាបុស្ស នាយកមន្ទីរពេទ្យកុមារជាតិ បានដឹកនាំកិច្ចប្រជុំប្រចាំសប្តាហ៏ដោយមានការចូលរួមពីលោកនាយករង លោកសាស្រ្តាចារ្យ លោកវេជ្ជបណ្ឌិតឯកទេស លោកប្រធាន/អនុប្រធានធានការិយាល័យ លោក-លោកស្រីសាស្រ្តាចារ្យប្រធានផ្នែក/អនុប្រធាន គ្រូពេទ្យយាមប្រចាំការ នាយសាល និងនាយប្រចាំការ។ គោលបំណងនៃការប្រជុំប្រចាំសប្តាហ៏នេះគឺមាន៖
១) ការពង្រឹងក្រមសីលធម៌របស់គ្រូពេទ្យ និង ដោះស្រាយកិច្ទការទូទៅប្រចាំសប្តាហ៏
២) ការរាយការណ៏ពីបញ្ហាប្រឈមផ្សេងៗ
ឯកឧត្តមប្រធានមន្ទីរពេទ្យក៏បានថ្លែងអំណរដល់ថ្នាក់ដឹកនាំ មន្រ្តីរាជការ និងបុគ្គលិកគ្រប់ជាន់ថ្នាក់ទាំងអស់ដែលបានចូលរួមរៀបចំ និងទទួលលោកជំទាវបណ្ឌិត ពេជ ចន្ទមុន្នី ហ៊ុនម៉ាណែតក្នុងកម្មវិធីបើកដំណើរការគម្រោងវះកាត់បេះដូងកុមារប្រកបដោយភាពជោគជ័យ និង ទទួលបានលទ្ឋផលល្អប្រសើរ៕

08/02/2026

មន្ទីរពេទ្យកុមារជាតិ: ពិធីបើកដំណើរការគម្រោងវះកាត់បេះដូងកុមារ
====== ថ្ងៃអាទិត្យ ៦រោច ខែមាឃ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី៨ ខែកុម្ភៈ ឆ្នាំ២០២៦ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញជាអធិបតីក្នុងពិធីបើកដំណើរការ គម្រោងវះកាត់បេះដូង
កុមារនៅមន្ទីរពេទ្យកុមារជាតិ ដែលគម្រោងនេះ គឺជាកិច្ចសហប្រតិបត្តិការរវាងមន្ទីរពេទ្យកុមារជាតិ និង សមាគមសុខាភិបាលខ្មែរនៅអាមេរិក(CHPAA) ក្នុងគោលបំណងជួយព្យាបាលដល់ កុមារទាំងឡាយដែលមានជំងឺបេះដូងពីកំណើត តាមរយៈព្យាបាលវះកាត់ដោយមិនគិតថ្លៃ ដើម្បី ផ្តល់មកវិញនូវសុខុមាលភាព និងជីវិតដ៏ត្រចះត្រចង់។ គម្រោងនេះ ក៏ជួយ បណ្តុះបណ្តាលបន្ថែមតាមរយៈការផ្លាស់ប្តូរ
បទពិសោធន៍គ្នាទៅវិញទៅមករវាងវេជ្ជបណ្ឌិតកម្ពុជា និងវេជ្ជបណ្ឌិតអាមេរិក ការជួយទ្រទ្រង់ផ្នែកឧបករណ៍បច្ចេកទេសវះកាត់ និងការជួយគាំទ្រផ្នែកស្មារតីគ្នាជាដើម។
ថ្លែងក្នុងឱកាសនេះដែរ លោកជំទាវបណ្ឌិត បាន មានប្រសាសន៍អបអរសាទរប្រកបដោយ មោទកភាពចំពោះគម្រោងថ្មីដែលមន្ទីរពេទ្យ ទទួលបាន និងសូមលើកទឹកចិត្តដល់វេជ្ជបណ្ឌិត គិលានុបដ្ឋាក និងបុគ្គលិកទាំងអស់ឱ្យខិតខំ ព្យាយាមពង្រឹងសមត្ថភាព ក្រមសីលធម៌វិជ្ជាជីវៈ ក្នុងការបម្រើកិច្ចការជួយសង្គ្រោះអាយុជីវិត កុមារកម្ពុជា។ លោកជំទាវបណ្ឌិត ថែមទាំង ថ្លែងអំណរគុណយ៉ាងជ្រាលជ្រៅសម្រាប់ការ លះបង់កម្លាំងកាយចិត្តរបស់បុគ្គលិកមន្ទីរពេទ្យទាំងអស់ ដែលបានផ្តល់នូវអនាគត និងសុខុមាលភាពដល់ កុមារកម្ពុជាគ្រប់ៗរូប ដែលជាទំពាំងស្នងឬស្សី របស់ជាតិ ប្រកបដោយភាពរលូន និងទទួលបានជោគជ័យជាលំដាប់។ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានអញ្ជើញចូលរួមក្នុងពិធីបើកដំណើរការព្រមទាំងឯកឧត្តមសាស្រ្តាចារ្យ និង លោកជំទាវរដ្ឋលេខាធិការក្រសួងសុខាភិបាល
នៅមន្ទីរពេទ្យកុមារ
ជាតិ ក្រោមអធិបតីភាពដ៏ខ្ពង់ខ្ពស់លោកជំទាវបណ្ឌិត ពេជ ពេជ ចន្ទមុន្នី ហ៊ុនម៉
ណែត ប្រកបដោយមោទកភាពយ៉ាងជ្រាលជ្រៅ។ ក្នុងកម្មវិធីវះកាត់បេះដូងកុមារនេះ ត្រូវបានអនុវត្តក្នុងភាពជាដៃគូរវាង មន្ទីរពេទ្យកុមារជាតិ និងសមាគម សុខាភិបាលខ្មែរនៅអាមេរិក(Cambodian Health Professionals Association of America (CHPAA) ដោយមានការចូលរួមសហការពីក្រុមគ្រូពេទ្យឯកទេស
វះកាត់បេះដូងកុមារមកពីសហរដ្ឋអាមេរិក និងក្រុមគ្រូពេទ្យកម្ពុជា។ ឯកឧត្តមវេជ្ជ.ញឹប អង្គាបុស្ស នាយកមន្ទីរពេទ្យកុមារជាតិ បានធ្វើសេចក្តីរាយការណ៏ថាៈ នៅឆ្នាំ ១៩៧៤មន្ទីរពេទ្យបានបង្កើតឡើង និងបើកដំណើរការឡើងវិញ ក្រោយរបបខ្មែរក្រហមនៅឆ្នាំ១៩៨០ និងបន្តរីកលូតលាស់ អភិវឌ្ឍជាលំដាប់រហូតដល់ក្លាយជា មន្ទីរពេទ្យស្តង់ដារដូចសព្វថ្ងៃនេះ ក្រោម ការដឹកនាំ ជ្រោមជ្រោមដ៏ឈ្លាសវៃបំផុតរបស់ សម្តេចអគ្គមហាសេនាបតីតេជោ ហ៊ុន សែន អតីតនាយរដ្ឋមន្ត្រី និងជាប្រធានព្រឹទ្ធសភាៃនព្រះរាជាណាចក្រកម្ពុជា។ បច្ទុប្បន្ននេះមន្ទីរពេទ្យមាន ២១ផ្នែក មានគ្រែចំនួន ៤០០គ្រែ និងបានទទួលពិគ្រោះជំងឺក្រៅបានចំនួន ២៤៤
៧៥២ករណី និងសម្រាកព្យាបាលចំនួន ៣៥ ៣៨៧ករណី (ឆ្នាំ២០២៥) ហើយមន្ទីរពេទ្យកុមារជាតិនឹងបន្តអនុវត្ត ផែនការ២០២៥ – ២០៣៥ ដើម្បីក្លាយជាមន្ទីរពេទ្យកុមារដែលមានគ្រប់ឯកទេសធានាបានការផ្តល់សេវាសុខាភិបាល ដល់កុមារប្រកបដោយប្រសិទ្ធិភាពនិងសុវត្តិភាព៕

30/01/2026

មន្ទីរពេទ្យកុមារជាតិ ទទួលស្វាគមន៍នូវអំណោយសប្បុរសធម៌ពី ក្រុមហ៊ុន ហ្គេតស៍ ហ្វាម៉ា ខេមប៊ូឌា ===== ថ្ងៃព្រហស្បតិ៍ ១១កើត ខែមាឃ ឆ្នាំម្សាញ់ សប្ដស័ក ព.ស ២៥៦៩ ត្រូវនឹងថ្ងៃទី២៩ ខែមករា ឆ្នាំ២០២៦ ឯកឧត្តមវេជ្ជបណ្ឌិត ញឹប អង្គាបុស្ស នាយកមន្ទីរពេទ្យកុមារជាតិ ទទួលស្វាគមន៍នូវអំណោយសប្បុរសធម៌ពី ក្រុមហ៊ុន ហ្គេតស៍ ហ្វាម៉ា ខេមប៊ូឌា
ដែលបាន ឧបត្ថម្ភឱសថ ចំនួន ៧៥០ប្រអប់ ជូនដល់មន្ទីរពេទ្យកុមារជាតិ។
មន្ទីរពេទ្យកុមារជាតិសូមថ្លែងអំណរគុណយ៉ាងជ្រាលជ្រៅ និងសូមប្រសិទ្ធិពរបវរមហាប្រសើរជូនលោក-លោកស្រី ប្រធានក្រុមហ៊ុន ព្រមទាំងបុគ្គលិកទាំងអស់ ទទួលបាននូវពុទ្ធពរទាំង ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។

23/01/2026

មន្ទីរពេទ្យកុមារជាតិ: ការទទួលដំណើរទស្សនៈកិច្ច និងពង្រឹងចំណងមិត្តភាពរវាង The Medical college of Wisconsin, INC. Milwaukee, WI, USA
====== នាព្រឹកថ្ងៃព្រហស្បតិ៍ ៤កើត ខែមាឃ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២២ ខែមករា ឆ្នាំ២០២៥ ឯកឧត្ដមវេជ្ជបណ្ឌិត ញឹប អង្គាបុស្ស នាយកមន្ទីរពេទ្យកុមារជាតិ ព្រមទាំងថ្នាក់ដឹកនាំនៃមន្ទីរពេទ្យកុមារជាតិ បានចូលរួមទទួលដំណើរ ទស្សនៈកិច្ច និងពង្រឹងចំណងមិត្តភាពរវាង The Medical college of Wisconsin, INC. Milwaukee, WI, USA ។ ឯកឧត្តមក៏បានជម្រាបជូនទៅគណៈប្រតិភូពីប្រវត្តិរបស់មន្ទីរពេទ្យកុមារជាតិតាមសម័យកាលកន្លងមករួមមាន:ការបង្កើតផ្នែកនីមួយៗស្របតាមកំណើននៃការមកពិនិត្យព្យាបាលរបស់កុមារទៅតាមជំនាញឯកទេសរបស់គ្រូពេទ្យ និងផែនការអភិវឌ្ឍបន្តទៀត៕

21/01/2026

មន្ទីរពេទ្យកុមារជាតិ: រៀបចំកិច្ចប្រជុំការងារបច្ចេកទេសប្រចាំសប្តាហ៏ និង ពិភាក្សា ដោះស្រាយកិច្ចការងារទូទៅ
====== នាព្រឹកថ្ងៃអង្គារ ២កើត ខែមាឃ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២០ ខែមករា ឆ្នាំ២០២៦ ឯកឧត្ដមវេជ្ជបណ្ឌិត ញឹប អង្គាបុស្ស នាយកមន្ទីរពេទ្យកុមារជាតិ បានដឹកនាំកិច្ចប្រជុំប្រចាំសប្តាហ៏ដោយមានការចូលរួមពីលោកនាយករង លោកសាស្រ្តាចារ្យ លោកវេជ្ជបណ្ឌិតឯកទេស លោកប្រធាន/អនុប្រធានធានការិយាល័យ លោក-លោកស្រីសាស្រ្តាចារ្យប្រធានផ្នែក/អនុប្រធាន គ្រូពេទ្យយាមប្រចាំការ នាយសាល និងនាយប្រចាំការ។ គោលបំណងនៃការប្រជុំប្រចាំសប្តាហ៏នេះគឺមានដូចជាះ
១) ការពង្រឹងក្រមសីលធម៌របស់គ្រូពេទ្យ និង ដោះស្រាយកិច្ទការទូទៅប្រចាំសប្តាហ៏
២) ការរាយការណ៏ពីបញ្ហាប្រឈមផ្សេងៗរបស់ផ្នែកដែលជួបប្រទះក្នុង១សប្តាហ៏
ឯកឧត្តមប្រធានមន្ទីរពេទ្យបានណែនាំឲ្យគ្រប់ផ្នែកត្រូវមានការយកចិត្តទុកដាក់អំពីការឆ្លងរោគក្នុងមន្ទីរពេទ្យដោយត្រូវមានការរៀបចំដាក់សាប៊ូ អាកុល សំរាប់លាងដៃអោយបានគ្រប់គ្រាន់ និងការជូតសំអាតបន្ទប់ទឹកជាប្រចាំ។ លើសពីនេះទៅទៀតគ្រប់ផ្នែកត្រូវមានការាយការណ៏ពីបញ្ហាប្រឈមផ្សេងៗនិងត្រូវដោះស្រាយប្រកបដោយភាពសមស្របសំរាប់បុគ្គលិកទាំងអស់៕

មន្ទីរពេទ្យកុមារជាតិ - NPH

25/02/2026

25/02/2026

23/02/2026

19/02/2026

16/02/2026

13/02/2026

11/02/2026

08/02/2026

30/01/2026

23/01/2026

21/01/2026

Address

Website

Alerts

Contact The Practice

Shortcuts

Share

Category