ម៉ាក់ពេទ្យ

ម៉ាក់ពេទ្យ Pediatrician & Neonatologist

20/05/2026

#សំនួរប៉ាម៉ាក់
អ្នកគ្រូ! បើកូនខ្ញុំធ្លាប់កើតជំងឺ ពងបែកបាតដៃ~បាតជើងនិងមាត់ ហើយ តើនៅឆ្លង~ឈឺទៀតទេ?
#ចំលើយ
បើកូននៅអាយុក្រោម 5ឆ្នាំនៅតែប្រឈម ឆ្លង~ឈឺ ទៀត មូលហេតុ 👇

👦 កុមារម្នាក់អាចឆ្លងជំងឺពងបែកដៃ-ពងបែកជើងនិងមាត់ បានច្រើនដងក្នុងអំឡុងពេលកុមារភាព ជាធម្មតាចាប់ពី២ ទៅ៥ដង ឬច្រើនជាងនេះ។ #ហេ...
20/05/2026

👦 កុមារម្នាក់អាចឆ្លងជំងឺពងបែកដៃ-ពងបែកជើងនិងមាត់ បានច្រើនដងក្នុងអំឡុងពេលកុមារភាព ជាធម្មតាចាប់ពី២ ទៅ៥ដង ឬច្រើនជាងនេះ។ #ហេតុអ្វី?

1- #ព្រោះមានវីរុសជាច្រើនប្រភេទបង្កជំងឺនេះ 🦠🦠🦠🦠

មិនមែនមកពីវីរុសតែមួយប្រភេទទេរួមមាន៖

- Enterovirus 71 (EV71): វីរុសប្រភេទនេះអាចបង្កជំងឺធ្ងន់ធ្ងរ អាចធ្វើឱ្យមានផលវិបាកដល់ប្រព័ន្ធសរសៃប្រសាទ (រលាកសាច់ខួរក្បាល) និងការចុះខ្សោយនៃប្រព័ន្ធសរសៃឈាមសួត~បេះដូង។

- Coxsackievirus A16 (CA16): ជាវីរុសបង្កញឹកញាប់ជាងគេ ជាទូទៅរោគសញ្ញាក៏អាចឆាប់ជាសះស្បើយទៅវិញខ្លួនឯង មិនសូវបង្កជំងឺមិនសូវធ្ងន់ធ្ងរ (កំរ)។

- Coxsackievirus A6 (CA6): មានលក្ខណៈកាចជាង CA16 ដែលអាចចេញកន្ទួលធ្ងន់ធ្ងរជាង រាលដាលខ្លាំងជាង ហើយគ្រុនក្តៅក៏ខ្លាំងជាង។

- និង Enterovirus មានវីរុសជាង ១០ ប្រភេទផ្សេងទៀត។

2- #ប្រព័ន្ធភាពសាំជាក់លាក់ (Specific Immunity) 🚫

ជាភាពស៊ាំដែលកើតឡើងនៅពេលកុមារឆ្លងវីរុសមួយប្រភេទ នោះរាងកាយបង្កើតភាពស៊ាំជាក់លាក់សម្រាប់វីរុសប្រភេទនោះ ហើយមិនអាចការពារបានចំពោះវីរុសប្រភេទផ្សេង។

ឧទាហរណ៍៖ បើកូនឆ្លង Coxsackievirus A16 = មានភាពស៊ាំនឹង CA16 ក៏ប៉ុន្តែមិនមានភាពស៊ាំនឹង Enterovirus 71ទេ‼️ ដូច្នេះហើយកុមារនៅតែអាចឆ្លង EV71 និងវីរុសក្រុមផ្សេងបាន។

3- #ប្រព័ន្ធភាពស៊ាំថយចុះតាមពេលវេលា 📉🔻

ទោះបីរាងកាយបង្កើតភាពស៊ាំក្រោយពីឆ្លងក៏ដោយ ក៏កម្រិតអង្គបដិប្រាណ (អង់ទីគរ) អាចថយចុះតាមពេលវេលា។

ឧទាហរណ៍៖ បើកូនឆ្លង Coxsackievirus A16 = មានភាពស៊ាំនឹង CA16 ដូចនេះរយៈពេលដែលប្រព័ន្ធភាពសាំនេះខ្លាំងក្លាអាចការពារកុមារពីការឈឺបានគឺ រយៈពេល ១ ទៅ ២ ឆ្នាំដំបូង។ បន្ទាប់មកភាពស៊ាំនោះក៏ចាប់ផ្តើមថយចុះ បន្ទាប់ពី ២ ទៅ ៣ឆ្នាំក្រោយក៏អាចឆ្លងវីរុសហ្នឹងដដែលម្តងទៀត។

4- #ប្រព័ន្ធភាពស៊ាំកុមារក្រោមអាយុ៥ឆ្នាំនៅខ្សោយ 😔

ប្រព័ន្ធភាពស៊ាំនេះកំពុងអភិវឌ្ឍ មិនទាន់ការពារបានពេញលេញ មិនទាន់ប្រឈមវីរុសច្រើនប្រភេទ ងាយឆ្លងជាងមនុស្សធំ។

ម្យ៉ាងទៀតកុមារតូចៗ មានសកម្មភាពច្រើន នៅជាក្រុម (មត្តេយ្យសិក្សា សាលារៀន) ជាហេតុធ្វើអោយងាយឆ្លង រីករាយដាលពេលមានអ្នកឈឺ ទំលាប់យកគ្រប់យ៉ាងដាក់ចូលមាត់ របស់លេងរួមគ្នា អនាម័យរាងកាយ~ដៃមិនទាន់ល្អយកជាការបាននៅឡើយ ឆាប់កង្វក់។

5- #ការប៉ះពាល់វីរុសញឹកញាប់ 🦠🙌

កុមារអាចប៉ះវីរុសច្រើនដងនៅក្នុងសកម្មភាពប្រចាំថ្ងៃរបស់ពួកគាត់ពីបរិយាកាសជុំវិញ ដូចជានៅសាលារៀន កន្លែងលេងកំសាន្ត (Playground) ទីសាធារណៈដែលមានអ្នកឈឺ។

ក្នុងគ្រួសារមានកូនច្រើនកុមារអាចប៉ះវីរុសប្រភេទផ្សេងៗគ្នាជាបន្តបន្ទាប់ ពិសេសកូនដែលទៅរៀន ច្រើនចំលងបន្តអោយប្អូនតូចៗដែលនៅផ្ទះ។

នេះហើយជាមូលហេតុដែលធ្វើអោយកូនៗឈឺម្តងហើយម្តងទៀត។ ហើយទោះជាវាជាជំងឺដែលឆ្លងនិងរីករាដាលខ្លាំងប៉ុនណាក៏ដោយ ក៏យើងអាចបង្ការបានដែរ ចាំជួបគ្នាក្នុងអត្ថបទក្រោយទៀត។

ម៉ាក់ពេទ្យ
Dr. Ratha -ម៉ាក់ពេទ្យ
Peou Chanratha

20/05/2026

ប៉ាម៉ាក់ហា៎ គ្មានក្មេងណាមិនឈឺទេ កុំស្ត្រេសពេក ការឈឺថ្កាត់ខ្លះជាដំណើរនៃការកសាងប្រព័ន្ធភាពសាំរបស់កូនរឹងមាំទៅថ្ងៃក្រោយ អ្វីគួរធ្វេី ផ្តល់ការចិញ្ចឹម ថែទាំ ចាក់វ៉ាក់សាំងអោយបានគ្រប់គ្រាន់តាមលទ្ធិភាព ហ្នឹងបានជួយកាត់បន្ថយកូនឈឺបាន~ម៉ាក់ពេទ្យ

19/05/2026

ជំងឺពងបែកបាតដៃ~បាតជើង~បំពង់ក ជាធម្មតាមិនធ្ងន់ធ្ងរពេកទេ ប៉ុន្តែវាឆ្លង ហើយរាលដាលលឿន ព្រោះ🦠វីរុសក្នុងតំណក់ទឹកពីការក្អកនិងកណ្ដាស់ 🤧អាចធ្វើដំណើរក្នុងខ្យល់💨បានចម្ងាយជាច្រើនម៉ែត្រ និងអាចស្ថិតនៅក្នុងខ្យល់ជាច្រើននាទី មុនធ្លាក់មកលើផ្ទៃ

19/05/2026

ទើបភ្លៀងធ្លាក់ 2-3មេទេ តែជំងឺផ្លូវដង្ហើមឆាប់ផ្តើមរាលដាលហើយ រួមទាំងជំងឺពងបែកបាតដៃ~បាតជើង ~បំពង់ក ជាដើម ស្ងាត់ៗ ឈឺមួយៗទេ តែបើបានឆ្លងហើយ ផ្ទុះដូចពោតលីងចឹង សូមប៉ាម៉ាក់បង្កើនការយកចិត្តទុកដាក់អនាម័យកូន អត្ថបទ👇

ទើបភ្លៀង 2-3មេទេ តែឃើញមានឈឺបណ្តើរៗហើយណា៎‼️សូមរំលឹកប៉ាម៉ាក់អោយហើយ ទាំងអ្នកមានកូនធ្លាប់កើតហើយក្តី ក៏នៅតែឈឺដែរណា៎បើមិនទាន់ផ...
19/05/2026

ទើបភ្លៀង 2-3មេទេ តែឃើញមានឈឺបណ្តើរៗហើយណា៎‼️

សូមរំលឹកប៉ាម៉ាក់អោយហើយ ទាំងអ្នកមានកូនធ្លាប់កើតហើយក្តី ក៏នៅតែឈឺដែរណា៎បើមិនទាន់ផុតអាយុកើត និងទាំងប៉ាម៉ាក់មិនទាន់កូនឈឺ មករៀនស្គាល់ពីវាបណ្តើរៗ ចៀសវាងភ័យ👌

#ជំងឺ​ពងបែកបាតដៃ-បាតជើង និង​មាត់ បង្កដោយមេរោគក្នុងអំបូរ Enterovirus family ដែល Coxsackievirus A16 ជួបច្រើនជាងគេ, Coxsackievirus A6 (រោគសញ្ញអាចធ្ងន់ជាង) និង Enterovirus 71 (អាចអោយរលាកខួរក្បាល រាកសួត ដែលអាចបង្កអោយគ្រោះថ្នាក់ដល់ជីវិតបាន)។

វាច្រើនកើត​មាន​ចំពោះ​កុមារតូចៗ​ពិេសសអាយុ​ក្រោម​៥​ឆ្នាំ ជំងឺនេះជាធម្មតាមិនធ្ងន់ធ្ងរទេ ប៉ុន្តែវាឆ្លងខ្លាំងណាស់ ហើយរាលដាលយ៉ាងឆាប់រហ័សពិសេសកុមាតដែលដល់វ័យចូលសាលារៀន។ កុមារនឹងចាប់ផ្តើមប្រសើរ និងជាទៅវិញដោយខ្លួនឯងក្នុងរយៈពេល 7ទៅ10 ថ្ងៃ។

#កុមារភាគច្រើនមានរោគសញ្ញា៖
- ចាប់ផ្តើមដំបូង ដោយគ្រុនក្តៅ ស្រដែងៗដូចគ្រុនផ្តាសាយ 3-6 ថ្ងៃបន្ទាប់ពីពួកគេឆ្លងមេរោគ
- 2-3ថ្ងៃបន្ទាប់ អាចលេខចេញរោគសញ្ញាផ្សេងទៀតរួមមានៈ គ្រុន លែងចង់បៅ ថយការញាំអាហារ ឈឺ​បំពង់ក មានអារម្មណ៍មិនល្អ យំរករឿង កិចកុកខ្លាំង និង សញ្ញាកន្ទួល ពងបែកនៅលើបាតដៃ បាតជើង ក្នុងមាត់

#ដំបៅមាត់
- 1-2 ថ្ងៃបន្ទាប់ពីគ្រុនក្តៅ កូនរបស់អ្នកអាចមានការឡើងនូវចំណុចក្រហមតូចៗ ជាញឹកញាប់នៅខាងក្រោយមាត់ រួចក្លាយជាពងបែកដែលបង្កឈឺចាប់ខ្លាំង ហើយអាចសំគាល់បានតាមរយះសញ្ញាមួយចំនួនដូចជា៖ កូនហៀរទឹកមាត់ច្រើនជាងធម្មតា មិនសូវចង់បៅ ចង់ញាំទោះជាឃ្លាន ចង់ផឹកទឹកត្រជាក់ៗ ជាដើម។

#កន្ទួលលើស្បែក
- កូនរបស់អ្នកអាចឡើងកន្ទួលលើស្បែកនៅលើបាតដៃ និងបាតជើង។ វាក៏អាចលេចឡើងនៅលើជង្គង់ កែងដៃ គូទ ឬតំបន់ប្រដាប់បន្តពូជ។
- កន្ទួលជាធម្មតាមើលទៅដូចជាសំប៉ែត ចំណុចក្រហម ជួនកាលមានពងបែក។ សារធាតុរាវនៅក្នុងពងបែក និងស្នាមប្រេះដែលកើតឡើងនៅពេលដែលពងបែកជាសះស្បើយអាចមានផ្ទុកមេរោគដែលបណ្តាលឱ្យកើតជំងឺដៃ ជើង និងមាត់។ ក៉ំជួសពងបែកអោយសោះ រក្សាស្នាមរបួសឱ្យស្អាត ហើយជៀសវាងការប៉ះវា។ (វាចំលងមេរោគខ្លាំង)

👩‍⚕️សូមយកកុមារទៅពិនិត្យជាមួយគ្រូពេទ្យ បើពួកគាត់មានរោគសញ្ញាដូចខាងក្រោម៖
* កុមារតូចៗ ជាពិសេសអាយុតិចជាង 6ខែ (ប្រព័ន្ធភាពសាំទន់ខ្សោយ ងាយល្ហិតល្ហៃដោយបៅមិនបាន ខ្វះជាតិទឹក...)
* កូនបៅមិនបាន ញាំមិនបាន
* គ្រុនក្តៅលើសពី 3 ថ្ងៃ
* ប្រកាច់......ជាដើម

❌❌❌ រឿងមិនគួរធ្វើ
- ក៉ំជួសពងបែកអោយសោះ រក្សាស្នាមរបួសឱ្យស្អាត ហើយជៀសវាងការប៉ះវា។ (វាចំលងមេរោគខ្លាំង)
- កុំយកអីទៅញីលើបាតដៃបាតជើង
- កុំមុជទឹកអោយកូនជាមួយស្លឹកឈើ៖ ទឹកស្លឹកស្វាយ ......ជាដើម (អាចបង្ករោគរឹតតែខ្លាំង)
- កុំព្យាយាមអោយថ្នាំកូនដោយខ្លួនឯង

ម៉ាក់ពេទ្យ
Dr. Ratha -ម៉ាក់ពេទ្យ
Peou Chanratha

#ស្គាល់ម៉ាក់ពេទ្យប៉ុន្មានឆ្នាំហើយ? រូបភាពមួយសន្លឹកនេះប្រៀបដូចជាអត្តសញ្ញាណមួយរបស់ ម៉ាក់ពេទ្យ ដែលមានអត្ថន័យជ្រាលជ្រៅ ជាដើ...
19/05/2026

#ស្គាល់ម៉ាក់ពេទ្យប៉ុន្មានឆ្នាំហើយ?

រូបភាពមួយសន្លឹកនេះប្រៀបដូចជាអត្តសញ្ញាណមួយរបស់ ម៉ាក់ពេទ្យ ដែលមានអត្ថន័យជ្រាលជ្រៅ ជាដើមកំណើតនៃការកកើតនូវបេសកកម្មមួយដែលកើតចេញពីក្តីស្រលាញ់ ពីបទពិសោធន៍ជីវិត ដើម្បីអោយខ្លួនឯងបានក្លាយជាចំនែកមួយក្នុងដំណើរនៃជីវិតរបស់កុមារតាំងពីដំបូង ដើម្បីអោយពួកគេបានលូតលាស់ធំធាត់ ក្នុងបរិយាកាសមួយដែលពោរពេញទៅដោយក្តីស្រលាញ់ ការថែទាំ ការយកចិត្តទុកដាក់បានសមស្រប ដែលនឹងជួយអោយពួកគេមានទាំងសុខភាពរាងកាយរឹងមាំ ប្រាជ្ញាឈ្លៀសវៃ អាកប្បកិរិយាល្អ អារម្មណ៍ល្អ និងទំនាក់ទំនងសង្គមល្អ ជាអនាគតនៃទំពាំងស្នងប្ញស្សីរបស់គ្រួសារ និងសង្គមជាតិ។

អត្ថន័យរបស់ពាក្យ «ម៉ាក់ពេទ្យ» បានមកពី៖ «ម៉ាក់» ជាភាសាខ្មែរ + «ពេទ្យ» មកពីពាក្យ Pediatrician (Ped) មានន័យថាគ្រូពេទ្យកុមារ គឺតំណាងអោយកូនៗគ្រប់គ្នាដែលមានម្តាយម្នាក់ទៀតជា «គ្រូពេទ្យកុមារ»👩‍⚕️

«ម៉ាក់ពេទ្យ» គឺគ្រូពេទ្យដែលផ្តល់ស្រលាញ់ ផ្តល់ការថែទាំដល់កុមារគ្រប់គ្នាដូចជាកូនរបស់ខ្លួនឯងដែរ។

LOVE AND CARE YOUR CHILD LIKE MY OWN❤️

19/05/2026

កុមារជាច្រើនកំពុងមានបញ្ហាលើការអភិវឌ្ឍន៍ខួរក្បាលរួមមាន ភាសារ/ការនិយាយស្តី ស្មារតី/អារម្មណ៍ ទំនាក់ទំនង និងអាកប្បកិរិយា ដែលប៉ាម៉ាក់ភាគច្រើនក៏មិនបានចាប់អារម្មណ៍ដែរ ព្រោះវាសំងំក្នុងរាងកាយក្មេងដែលមានសុខភាពល្អ ដូចគ្មានឈឺអីចឹង~😔

នៅពេលកុមារទទួលបានអារម្មណ៍ដែលមានសុវត្តិភាព មិនត្រូវបានភិតភ័យខ្លាច ទទួលបានក្តីស្រលាញ់ ការថ្នាក់ថ្នម ពួកគេនឹងលូតលាស់ដោយភាពវ...
19/05/2026

នៅពេលកុមារទទួលបានអារម្មណ៍ដែលមានសុវត្តិភាព មិនត្រូវបានភិតភ័យខ្លាច ទទួលបានក្តីស្រលាញ់ ការថ្នាក់ថ្នម ពួកគេនឹងលូតលាស់ដោយភាពវ័យឆ្លាត និងរីករាយ សូមប្បីតែពេទ្យក៏អត់ខ្លាចដែរ។

នេះជាផ្នែកមួយនៃការ #អភិវឌ្ឍន៍ខួរក្បាល ដែលមាន #អារម្មណ៍ (Emotion) #អាកប្បកិរិយា (Behavior) #ទំនាក់ទំនងសង្គម (Social connection)។

I love my Job ❤️

ម៉ាក់ពេទ្យ

15/05/2026

នៅពេលដែលកូនមានការលូតលាស់ និងការអភិវឌ្ឍន៍យឺតយ៉ាវ សូមកុំភ្លេចរកមើលកង្វះអាហារូបត្ថម្ភ និងសារធាតុចិញ្ចឹមខួរក្បាលសំខាន់ៗ វាមិនទាមទារការព្យាបាលពិសេសអ្វីទេ ដោយគ្រាន់តែអោយកូនញាំអោយបានគ្រប់គ្រាន់ជាទំលាប់ប្រចាំថ្ងៃ វីដេអូ👇

15/05/2026

សូមកុំភ្លេចរកមើលកង្វះអាហារូមត្ថម្ភ និងសារធាតុចិញ្ចឹមខួរក្បាលសំខាន់ៗ វាមិនទាមទារការព្យាបាលពិសេសអ្វីទេ ដោយគ្រាន់តែអោយកូនញាំអោយបានគ្រប់គ្រាន់ជាទំលាប់ប្រចាំថ្ងៃ ~ ម៉ាក់ពេទ្យ

Address

Phnom Penh
855

Opening Hours

Monday 14:00 - 17:00
Tuesday 14:00 - 17:00
Wednesday 14:00 - 17:00
Thursday 14:00 - 17:00
Friday 14:00 - 17:00
Saturday 08:00 - 12:00
Sunday 08:00 - 12:00

Telephone

+85593407707

Website

Alerts

Be the first to know and let us send you an email when ម៉ាក់ពេទ្យ posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to ម៉ាក់ពេទ្យ:

Shortcuts

Share

Category