03/04/2021
ការយល់ដឹងអំពីផលប៉ះពាល់នៃមេរោគក្រពះ( H.pylori )
👉1. តើមេរោគ H.pylori អាចបង្កផលប៉ះពាល់អ្វីខ្លះដល់សុខភាពមនុស្សយើង ?
=> ចំពោះអ្នកជំងឺដែលមានផ្ទុកមេរោគ H.pylori នៅក្នុងក្រពះរបស់ពួកគាត់ គឺអាចបង្កអោយអ្នកជំងឺមានបញ្ហាសំរាប់សុខភាពរបស់ពួកគេជាក់ជាមិនខាន ហើយជាពិសេសគឺបញ្ហា ក្រពះ ពោះវៀនតែម្ដង ក្នុងនោះមានដូចជា ÷
- ពិបាករំលាយអាហារ (Dyspepsia)
- រលាកក្រពះ រាំរៃ និង មិន ជាដាច់ក្រោយការ ព្យាបាល
- ដំបៅក្រពះ និង ការហូរធ្លាក់ឈាម
- ស្លេកស្លាំង និង ខ្វះគ្រាប់ឈាមក្រហម
- និង ចុងក្រោយវាក៏អាចបង្ករអោយមានការប្រឈមនិងជំងឺមហារីកក្រពះ ប្រមាណជាង 40% លើសមនុស្សធម្មតាដែលមិនមានផ្ទុកមេរោគក្រពះនេះ ។
👉2. តើយើងអាចធ្វើការពិនិត្យរក មេរោគក្រពះ នេះដោយវិធីណាខ្លះ ?
=> ការធ្វើ test ដើម្បីរកមេរោគក្រពះ H.pylori អាចធ្វើឡើងដោយវិធីជាច្រើន មានដូចជា ÷
- ការសុងឆ្លុះក្រពះ និង យកទឹករំអិលទៅវិភាគ (Biopsie and Ana-path) ។
- ការផ្លុំខ្យល់ដង្ហើមធ្វើតេស្ត រកមេរោគក្រពះ (Hp Breath Test) ។
- ការពិនិត្យមើល Ag Hp នៅក្នុង លាមក (Hp antigen stool test) ។
- សំរាប់ការវិភាគដោយការធ្វើតេស្តឈាម (Hp anti-body) គឺយើងមិនអាចយកជាការធ្វើ រោគវិនិច្ឆ័យជាក់ច្បាស់បាននោះទេ ។
👉3. វិធីព្យាបាល ៖
=> ការព្យាបាលបញ្ហារមេរោគក្រពះ H. Pylori នេះគឺទាមទារនូវ រោគវិនិច្ឆ័យច្បាស់លាស់បំផុតមួយមុននឹងឈានទៅដល់ការព្យាបាលដោយការប្រើប្រាស់ថ្នាំផ្សះ (Antibiotics drugs) រួមទាំងក្រុមថ្នាំបន្ថយជាតិអាស៊ីតក្រពះ (PPI) ។ មូលហេតុណាដែលយើងទាមទារ អោយមាននូវ រោគវិនិច្ឆ័យច្បាស់លាស់នេះពីព្រោះដើម្បីសុវត្ថិភាពរបស់អ្នកជម្ងឺ, ជៀសវាងនូវភាពស៊ាំនៃថ្នាំផ្សះ (Antibiotic resistance), ការខាតបង់ប្រាក់កាសដោយឥតប្រយោជន៍ និងក៏ដូចជាការធ្វើទុក្ខដោយការប្រើប្រាស់ថ្នាំផ្សះនេះផងដែរ (drugs sides effects) ទៅលើអ្នកកើតជម្ងឺក្រពះ ។
