ក្រុមការងារយុវជន សសយក ប្រចាំសាកលវិទ្យាល័យពុទ្ធិសាស្ត្រ

18/09/2025

ញតិ្តគាំទ្រ
---------
ក្នុងនាមគណៈដឹកនាំចលនាយុវជនស្ម័គ្រចិត្តសហភាពសហព័ន្ធយុវជនកម្ពុជា និងក្រុមការងារយុវជន ស.ស.យ.ក. ប្រចាំសាកលវិទ្យាល័យពុទ្ធិសាស្រ្ត និងក្នុងនាមខ្លួនខ្ញុំផ្ទាល់ សូមប្រកាសគាំទ្រយ៉ាងពេញទំហឹងចំពោះខ្លឹមសារទាំងស្រុងនៃសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិរបស់កម្ពុជា ដែលបានបញ្ជាក់ពីខ្លឹមសាររបស់សារលិខិត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងការស្នើសុំការគាំទ្រពីប្រធានអាស៊ាននិងថ្នាក់ដឹកនាំកំពូលៗរបស់ពិភពលោក ដើម្បីជំរុញឱ្យមានការគោរពយ៉ាងពេញលេញ ចំពោះលក្ខខណ្ឌបទឈប់បាញ់និងកិច្ចព្រមព្រៀងទាំងអស់ដែលបានសម្រេចនៅក្នុងកិច្ចប្រជុំគណៈកម្មការធិការ ព្រំដែនទូទៅ(GBC) និងគណៈកម្មាធិការព្រំដែនថ្នាក់ភូមិភាគ(RBC) រវាងកម្ពុជានិងថៃប្រកបដោយប្រសិទ្ធភាពខ្ពស់។

04/09/2025

02/09/2025

02/09/2025

រាជធានីភ្នំពេញ៖ ថ្ងៃអង្គារ ១០កើត ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២ ខែកញ្ញា ឆ្នាំ២០២៥ ក្រុមការងារយុវជនសមាជិកស.ស.យ.ក ប្រចាំសាកលវិទ្យាល័យពុទ្ធិសាស្រ្ត បានចូលរួមក្នុងគម្រោង ចុះសហគមន៍របស់និស្សិតវេជ្ជសាស្ត្រ ដែលរៀបចំឡើងដោយមហាវិទ្យាល័យវេជ្ជសាស្ត្រ នៃសាកលវិទ្យាល័យ ពុទ្ធិសាស្ត្រ មានទីតាំងនៅ សាលាបឋមសិក្សា ហ៊ុនសែន ត្រសេកកោង ខេត្តកំពត។ ដែលក្នុងបេសកកម្មសុខភាព UP (UP Medical Mission) នេះមានគោលបំណងគឺ៖
- ការពិគ្រោះជំងឺ
- ការពិនិត្យសុខភាព
- ការអប់រំសុខភាព
- ការបណ្ដុះបណ្ដាលជំនាញជួយសម្រួលបឋម
- ការផ្ដល់សម្ភារៈសិក្សាផ្សេងៗ ដល់សិស្សានុសិស្ស។

01/09/2025

28/08/2025

រាជធានីភ្នំពេញ៖ ថ្ងៃពុធ ៤កើត ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៧ ខែសីហា ឆ្នាំ២០២៥ ក្រុមការងារយុវជនសមាជិកស.ស.យ.ក ប្រចាំសាកលវិទ្យាល័យពុទ្ធិសាស្រ្ត បានចូលរួមកម្មវិធីកម្មវិធីទស្សនកិច្ចសិក្សា និងសប្បុរសធម៌ ក្រោមប្រធានបទ"សុខភាពសហគមន៍ខ្ញុំ លើកទី៧" ដែលរៀបចំដោយមហាវិទ្យាល័យវិទ្យាសាស្ត្រសុខាភិបាល និងជីវបច្ចេកវិទ្យា ជាមួយនឹងមហាវិទ្យាល័យវិទ្យាសាស្ត្រ និងបច្ចេកវិទ្យា នៃសាកលវិទ្យាល័យ ពុទ្ធិសាស្ត្រ ដែលនឹងប្រព្រឹត្តទៅនៅថ្ងៃទី២៧ ដល់ថ្ងៃទី២៩ ខែសីហា ឆ្នាំ២០២៥ ដែលមានទីតាំងនៅភូមិធំ ឃុំសណ្តាន់ ស្រុកសំបូរ ខេត្តក្រចេះ។ ដែលមានសកម្មភាពដូចខាងក្រោម៖
១. កម្មវិធីទស្សនៈកិច្ចសិក្សានៅមន្ទីរពេទ្យ ខេវី
២. កម្មវិធីពិនិត្យសុខភាពជូនប្រជាជន ខេត្តក្រចេះ
៣. ការស្រាវជ្រាវ អំពីជម្ងឺស្លេកស្លាំង និងលោហៈធ្ងន់ក្នុងទឹក
៤. កម្មវិធីសប្បុរសធ៌មជូនដល់សិស្សានុសិស្សសាលាបឋមសិក្សា

25/08/2025

កាលពីថ្ងៃសុក្រ ១៣រោច ខែស្រាពណ៍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២២ ខែសីហា ឆ្នាំ២០២៥ ក្រុមការងារយុវជនសមាជិកស.ស.យ.ក ប្រចាំសាកលវិទ្យាល័យពុទ្ធិសាស្រ្តចំនួន ៣នាក់ បានចូលរួមកម្មវីធីប្រកួតប្រជែងផលិតផលធម្មជាតិលើកទី៤ ឆ្នាំ២០២៥ ដែលរៀបចំដោយមហាវិទ្យាល័យឱសថសាស្រ្ត ក្រោមកិច្ចគាំទ្រដោយសហគ្រិនខ្មែរ នៃក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្ត នៅសាកលវិទ្យាល័យ ពុទ្ធិសាស្រ្ត ។

ដើម្បីជួយជំរុញនិងលើកស្ទួយវិស័យផលិតផលធម្មជាតិរបស់កម្ពុជា កម្មវីធីនេះមានគោលបំណងដូចតទៅ៖
១. ជំរុញការច្នៃប្រឌិត ការស្រាវជ្រាវ និងការអភិវឌ្ឍផលិតផលធម្មជាតិ ដោយផ្អែកលើវិទ្យាសាស្រ្ត និងបច្ចេកវិទ្យាទំនើប។
២. លើកកម្ពស់តម្លៃធនធានធម្មជាតិរបស់ជាតិ ដើម្បីបង្កើតផលិតផលដែលមានគុណភាព មានសុវត្ថិភាព និងអាចប្រកួតប្រជែងបាន។
៣. បង្កើតវេទិកាសម្រាប់និស្សិត សហគ្រិន និងអ្នកជំនាញក្នុងការចែករំលែកចំណេះដឹង បទពិសោធន៍ និងបណ្តុះបណ្តាលជំនាញថ្មីៗ។
៤. ជំរុញឱ្យសហគមន៍សហគ្រិនខ្មែរចូលរួមយ៉ាងសកម្ម ក្នុងការបង្កើតផលិតផលដែលមានស្តង់ដារអន្តរជាតិ និងមានសក្តានុពលនាំចេញ។
៥. បង្កើនការចូលរួមរបស់យុវជន និងនិស្សិតក្នុងការបង្កើតគំនិតច្នៃប្រឌិត ដើម្បីឆ្លើយតបនឹងតម្រូវការទីផ្សារនិងអភិវឌ្ឍសេដ្ឋកិច្ចជាតិ។
៦. រួមចំណែកក្នុងការអភិវឌ្ឍឧស្សាហកម្មជាតិ និងសុខភាពសង្គមតាមរយៈផលិតផលធម្មជាតិដែលមានតម្លៃបន្ថែម។

23/08/2025

ញតិ្តគាំទ្រ 🙏💐🇰🇭
សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា
ក្នុងការបោះបង់សញ្ញាបត្រកិត្តិយសទាំងអស់ដែលទទួលបានពីសាកលវិទ្យាល័យថៃ
-------
ក្នុងនាមគណៈដឹកនាំចលនាយុវជនស្ម័គ្រចិត្តសហភាពសហព័ន្ធយុវជនកម្ពុជា និងក្រុមការងារយុវជន ស.ស.យ.ក. ប្រចាំសាកលវិទ្យាល័យពុទ្ធិសាស្រ្ត និងក្នុងនាមខ្លួនខ្ញុំផ្ទាល់ សូមប្រកាសគាំទ្រយ៉ាងពេញទំហឹងចំពោះការសម្រេចចិត្តជាគោលការណ៍របស់ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា ក្នុងការបោះបង់ចោលសញ្ញាបត្រកិត្តិយសទាំងអស់ដែលសម្តេចទទួលបានពីសាកលវិទ្យាល័យថៃ ដូចដែលសម្តេចបានប្រកាសនៅលើទំព័រហ្វេកប៊ុកផ្លូវការ កាលពីថ្ងៃទី២២ ខែសីហា ឆ្នាំ២០២៥។ 🙏💐🇰🇭

23/08/2025