19/04/2024
#ចប់ចូលឆ្នាំខ្មែរហើយ អញ្ចឹងសូមកុំភ្លេចពិនិត្យមុខងារថ្លើម និងមុខងារតម្រង់នោមផង
#ការផឹកគ្រឿងស្រវឹងអាល់កុល ស្រា ឬបៀរ ច្រើនលើសកម្រិតអាចបណ្តាលឲ្យប៉ះពាល់ដល់សុខភាព។ គេបែងចែកហានិភ័យនៃការប្រើប្រាស់គ្រឿងស្រវឹងជា ២ប្រភេទ គឺហានិភ័យរយះពេលខ្លី និងហានិភ័យរយះពេលវែង៖
១ #ហានិភ័យសុខភាពរយៈពេលខ្លី
ការប្រើប្រាស់គ្រឿងស្រវឹងច្រើនហួសប្រមាណបណ្តាលឲ្យមានផលប៉ះពាល់ភ្លាមៗដែលបង្កើនហានិភ័យដល់សុខភាពដែលបង្កគ្រោះថ្នាក់ជាច្រើន។ ទាំងនេះភាគច្រើនជាលទ្ធផលនៃការផឹកស្រាច្រើនមានដូចជា៖
-មានបញ្ហារបួសស្នាម អាចដោយសារ គ្រោះថ្នាក់ចរាចរណ៍, លង់ទឹក, និងមានអគីភ័យ
-អំពើហឹង្សា ព្រមទាំងការធ្វើមនុស្សឃាត ឬឃាតកម្ម, ការធ្វើអត្តឃាតខ្លួនឯង, ការរំលោភបំពានផ្លូវភេទ, និងអំពើហិង្សាពីដៃគូជិតស្និទ្ធ
-ការពុលស្រា តម្រូវឲ្យធ្វើការសង្គ្រោះបន្ទាន់ភ្លាមៗពីខាងផ្នែកវេជ្ជសាស្រ្តដែលបណ្តាលមកពីកម្រិតជាតិអាល់កុលក្នុងឈាមខ្ពស់
-ហានិភ័យនៃការបំពានផ្លូវភេទ មានដូចជាការបំពានផ្លូវភេទដោយមិនបានការពារមួយទល់មួយ ឬជាមួយដៃគូច្រើន ដែលសកម្មភាពទាំងអស់នោះអាចបណ្តាលឱ្យមានផ្ទៃពោះដោយអចេតនា ឬជំងឺកាមរោគ, រួមទាំងមេរោគអេដស៍ផងដែរ
-ការរលូតកូន និងបញ្ហាកូនស្លាប់ក្នុងផ្ទៃ ឬបញ្ហាវិសាលគមគ្រឿងស្រវឹងទៅលើទារកក្នុងផ្ទៃ
(Fetal Alcohol Spectrum Disorders) ចំពោះស្រ្តីមានផ្ទៃពោះ
២ #ហានិភ័យសុខភាពរយៈពេលវែង
យូរៗទៅ ការប្រើប្រាស់គ្រឿងស្រវឹងច្រើនហួសប្រមាណបណ្តាលឲ្យមានការវិវត្តទៅជាជំងឺរ៉ាំរ៉ៃ និងមានបញ្ហាសុខភាពធ្ងន់ធ្ងរមួយចំនួនផ្សេងទៀតរួមមាន៖
-ជំងឺលើសឈាម, ជំងឺបេះដូង, ជំងឺដាច់សរសៃឈាមខួរក្បាល, ជំងឺថ្លើម, និងបញ្ហាប្រព័ន្ធរំលាយអាហារ
-ជំងឺមហារីកសុដន់, មាត់, បំពង់ក, បំពង់អាហារ, ប្រអប់សំឡេង, ថ្លើម, ពោះវៀនធំ, និងរន្ធគូថ
-ការចុះខ្សោយនៃប្រព័ន្ធភាពស៊ាំ, ងាយនឹងមានបញ្ហាសុខភាព, ងាយនឹងឈឺ
-បញ្ហាក្នុងការរៀនសូត្រ និងការចងចាំ រួមទាំងជំងឺវង្វេង និងពិបាកក្នុងការផ្ជង់អារម្មណ៍នៅសាលា
-បញ្ហាសុខភាពផ្លូវចិត្ត រួមទាំងជំងឺធ្លាក់ទឹកចិត្ត និងជំងឺថប់បារម្ភ
-បញ្ហាសង្គម រួមទាំងបញ្ហាគ្រួសារ, បញ្ហាការងារ, និងភាពអត់ការងារធ្វើ
-ក្លាយជាមនុស្សញៀននឹងគ្រឿងស្រវឹង
#ប្រភពពី CDC Centers for Disease Control and Prevention
